وجهك يذكرني بالمطر في نجد وشامتك الي تزين قمراك كانها نجد لا هّلت سّحايبها .

هو صحيح احنا إلتقينا ياسمح المـحيا.18.

تنهدت وهي تفتح باب بيت والدها الي من غابت رفيقه دربها مادخلته
دخلت وهي تسكر الباب وراها بكل هدوء...تأملت البيت بنظرها تشوف
خيال رفيقه دربها وتاره خيال والدها عجزت...عجزت تكبت دموعها أكثر
بكت من عجزها بكت لانها عاجزه تنقذ اي من تحب ! بنظرها والدها فقدته
وبدون ماتسوي اي شيء كانت عاجزه والان فقدت رفيقه دربها وايضًا بنظرها هي عاجزه وبدون اي فائده اتجهت لغرفتها واستلقت على سريرها
وبدون شعور منها غفت بتعب من الهواجيس...

ينفث دخان زقارته وظافر بجانبه واقف وهو يتذمر كعادته يافهد ياثلاجه انت ياخوي مايكتمك هالسم الي انت تشربه كتمتني الله يكتم عدوك ياشيخ
ضحك فهد بنذاله ولف وهو ينفث دخان زقارته في وجه ظافر سرعان ما ابتدا موال ظافر على فهد من أيام الدوره العسكريه بعد ما انتهى من زقارته رماها بالأرض ودعس عليها ومشى متجه لسيارته ركب في مقعد السائق ونزل المرتبه وغمض عيونه يحاول يصفي ذهنه لكن سرعان ما قاطعه ظافر وهو يركب بجنبه وينطق الحين بنت فهد المهبوله ذي وراها ماتبي ترجع لأهلها ؟ فتح عيونه وناظر ظافر بطرف عين ونطق كلمتك ذي لا عاد أسمعها وتبي تجلس لأجل بنت ابو رعد الله يرحمه نطق ظافر وهو يتكي بظهره على باب السياره  طيب ونواف وش وضعه مفجر جوالي إتصالات ضحك الفهد بسخريه حبيبي أنت شكلك ماكنت تنام زين وصلت وشفت ابو متعب شرق ظافر بالمويه الي كان يشربها ضحك الفهد بسخريه
ونطق بسم الله عليك صحه صحه نطق ظافر وهو موسع عيونه ابو متعب نفسه قصدك ناصر الشمري هذاك هز فهد راسه بايجاب ونطق ايه ايه نفسه هو الي كان يخليك تتغزل بالماصوره رفع ظافر حاجبينه تتطنز علي انت ووجهك نسيت وش كان يخليك تسوي كنت تسوي بطه وتلف الميدان عشر مرات وانت تقلد صوت البطه يالبطه ضحك فهد ونطق ظافر ابك كيف صار كل ذا بس نمت كم ساعه خفيفه لطيفه لف فهد على ظافر وهو ينطق
خفيفه لطيفه ؟ متاكد ؟ قلب ظافر عيونه ونطق ايه متاكد هم استلقى على المرتبه مثل الفهد...مرت بباله نجد ونطق يستغبي على فهد في وحدة فتحت لي باب بيت جدك منهي؟ ضربه فهد بخفه وهو ينطق ويش تنشدنيله (تسالني) عن البنت  ليكون جابت رأسك نطق ظافر وهو يدعك جبينه يعني ممكن نقول بس منهي ياخوي نطق فهد نجد بنت فيصل ابشر اذا رجعنا بخلي جدتي تخطبها لك ولا يهمك لف ظافر على فهد بصدمة وهو موسع عيونه وينطق صدق؟! ضحك فهد ونطق ايه صدق يالخفيف نطق ظافر يسعد دينك ياشيخ قاطع سوالفهم رنة جوال الفهد طلعه من جيب ثوبه وهو يشوف الرقم الغريب داق عليه! من بيدق عليها هالحزه ومابقى على أذان الفجر عده دقايق رد وهو ينطق الو؟ توسعت عيونه من الي سمعه وابتدا يضحك بسعاده ونطق طيب طيب جايكم الحين وسكر استغرب ظافر ونطق
مهبول انت وش الي بجيكم الحين وين بنروح قاطعه الفهد بتشغيله للسياره ودعسته للبنزين بقوه وهو ينطق أمي ياظافر أمي قامت نطق ظافر وعيونه متوسعه منجدك ولا تستهبل علي صرخ فهد بحماس ظافر وهاذا شيٍ ينمزح فيه ضحك ظافر بفرحة كبيره...لطالما ظافر اعتبر ام الفهد أمه وام الفهد ايضًا تعتبر ظافر ولدها...