وجهك يذكرني بالمطر في نجد وشامتك الي تزين قمراك كانها نجد لا هّلت سّحايبها .

لا بأس ياسمـح المـحيا.19.

يمشي بممرات المستشفى وبجانبه الظافر الي يحاول يمسك دموعه
لكن بالواقع حتى الفهد يحاول يمسك موالحه ماتنزل من الفرحة ! يقول في سره يارب وش هالرضى! اللهم لك الحمد يالله! قمراي ولقيتها وأمي واغلى ما أملك قامت! تنهد وهو يشكر الله على كل النعم الي يحاط بها بعلمه ولا بدون علمه ، اتجه لموظف الاستقبال وهو يستفسر عن رقم غرفتها ! نطق الموظف وش أسم المريض؟ نطق فهد مها بنت رواف أبتسم الموظف ونطق
اظن انها صحت ونقلوها للغرفه رقم 199 بالدور الثالث أبتسم الفهد ونطق يشكره ولف لأجل يشوف وين ظافر لكن صُدم وهو يشوف ظافر يمسح دموعه نطق وهو يسحبه مع عضده ياخوي امش بس بعدين ابك ضحك ظافر من بين دموع الفرحة ومشى مع فهد ودموعه تنزل بلايا شعور منه
وقف أمام الباب اخذ نفس ولف بنظره لأجل يشوف ظافر لقاه ورا ظهره ويبتسم له بمعنى ادخل أبتسم فهد بخفه ودق الباب بهدوء ودخل مشاعر جياشة يشعر بها في جوفه حاليًا كيف بيقول لها انه راح من عندها بقلب
وجايها ألان بلايا قلب! أبتسم وهو يتجه لها ويسلم بكل هدوء حَب رأسها وكفها وقدمها ورفع نظره لقاها تبتسم لها بين تعبها نطق الحمدلله على السلامة ياجنة فهد انتِ نطقت بصوت مبحوح الحروف الله يسلمك ياعين أمك شخبارك! تنهد ببتسامة ودها يبوح لها ويشكي لانه ماله غيرها من بعد خالقه نطق بشوفتك صرت بخير أبتسمت مها بكل هدوء نطق فهد يمة معي ضيف بينفرط قلبه من الفرحة يوم درى انك قمتي ضحكت مها بهدوء ونطقت ظويفر أدخل يامي عارفه انك ورا الباب دخل ظافر بهدوء وهو يبتسم ويتحمد لها على السلامة...ما أجمل لحظات اللقاء بعد فراق طويل...

المشاعر تحوفه حوف وتخليه عاجز عن وصف مايحس به مايدري وش الكم الهائل من المشاعر الي احتاجته من عرف باختطافها ! لدرجة ماقدر يمسك نفسه عند ابوه وجده ضحك بسخريه على حاله هاذا زين ان تذكرت اسمك
مشاعره لها غريبة مايندرى ويش ينقال لها ! حُب ؟ أعجاب ؟ حميا ؟
مو معقول انها مشاعر حميا اجل ليه اخوانه مافزو مثل فزته يوم عرفو !
ليه ماتحرك فيهم جفن ! عكسه هو فز كالفزة المجنون واستقام بلايا تفكير لأجل يدورها شعوره غريب وجدًا عجز يلقى له تفسير يمشي غريب الدار
مايعرف بنجدية ولا شيء يحس نفسه غريب في أرضه ووطنه لمح شايب الزمان دار عليه جالس على كرسيه الخشبي إمام باب الدكان ويشرب من شاهيه بكل هُدوء أتجه له لانه لمح واستشعر الحنان والوُقار فيه بس من لمحه
شعر العم محمود بجلوس احد بجانبه على الأرض نطق قم جب لك كرسي ياولدي لاتجلس على الأرض أبتسم فارس ودخل لداخل لأجل يجلب له كرسي وجلس بجانبه وهو يتنهد نطق العم محمود وشبك ياولد كن الوسيعه ضايقه عليك نطق فارس اي والله ياعم ضايقه وبزود بعد نطق العم محمود عسى ماشر وشبلاك نطق فارس بنت عمتي مخطوفه وانا فزيت لما قالو لي
ولا ادري ليه فزيت مع ان اخواني ما فزو وكانو هادين ! أبتسم العم محمود
ونطق بنت عمتك هيـاء؟ توسعت عيون فارس ونطق ايه ياعم كيف عرفت!
ابتسم العم محمود ونطق ومن مايعرفها الله يردها لنا سالمه انت تشوف تراب هالباديه وابتدا يضرب بعصاه عالارض تراه حتى اهوه مشتاق لها مثل كل من بهالباديه كانت كل يوم تمر علي وتأخذ اخباري وانا اوجس انها بنتي مع اني مانيب متزوج ولا لي اهل والله اني متوحش لها هي وولد عمك
قطب فارس ونطق ولد عمي؟ من؟ نطق العم محمود ولد عمك عبدالعزيز كانت تظهر معه ويظهر معها مايتفاكون(يتركون) ابدن شعر فارس بنار تشتعل بداخله ويجهل سببها ايضًا وجلس صامت لكن توسعت عيونه من نطق العم محمود يسأل توُدها؟ قطب فارس من لهجة العم محمود وكلامه اللي بالنسبه له غريب كـ فتى نشئ بين اللغه الانجليزي وأماكن المدينة الي ماتمشي بين ناسها الا وتلقى احد يتكلم الانجليزية لكن كانت لهجة العم محمود حايليه مليئه بالحنان والكنه أهل الشمال الجميلة كجمال قلوبهم رغم انهم والان بقلب ودرة نجـد نطق فارس وهو ماهو فاهم عليه من؟ نطق العم محمود بنت عمتك! تنهد ونطق والله مدري ياعم احس اني احبها ولا احبها
ولا ادري هي تذكرني ولا لا ! نطق العم محمود دامك تهوجس بها وتوجس لها الشيء القليل اخطبها وهاذا بيت جدك وهو الولي عليها أبتسم فارس بخفة وهو يردد في باله الفكره ونطق في سره يازينك ياعم...