وجهك يذكرني بالمطر في نجد وشامتك الي تزين قمراك كانها نجد لا هّلت سّحايبها .

عذيـّه ياسمح المحيـا.5.

_________________________
وشلون عن وصلـك تحول المسـافات؟
وأنا بدويّ وانتِ عذيـه مثل نجـّد!
تحب الدروب المبعدة مثلـي وشرواي..
واحـب الدروب إلي تؤدي لدره نجـد..

طلعت من الميدان تجر خيبه الامل وراها وبيدها اليمين شيلتها المأكوله من جسار وكلها مويه ومقطعه فيها شقوق من كل الجهات ولا عاد بها رجاء..
اقبلت على الباب وهي تربط برقعها وتعلت ثغرها ابتسامه ساخره وتنطق بينها وبين نفسها وش فايده البرقع بلا شيله تلعبين على نفستس ياهيـاء سرعان ما التفت لها فهيد وهو مستغرب من شكلها نطق بعصبيه مكتومه وين شليتس يابنت!
نطقت هيـاء اكلها جسار قطب حاجبيه بأستغرب ونطق كيف اكلها جسار تستعبطين نطقت هيـاء لا ما استعبط اكلها جسار لقطها وهي طايحه بالأرض
ضحك عليها ومد يده لشماغه الأحمر وفتحه بالكامل وحطه على شعرها وهو يبتسم على شكلها نطق بعد ماخلص شماغي يوفي بالغرض لين نوصل السوق واشتري لتس شيله نطقت هيـاء لا ماتقصر لاتشتري لي الشيلات وش كثرها عند نويران لف عليها وهو مقطب حاجبيه ومستغرب ونطق من هي نويران ؟
استوعبت وضحكت ونطقت جده اقصد جده هز راسه بيأسى ونطق قد جده نوره اسمها نويران وانا مانيب داري ضحكت ونطقت وهي تمشي بجانبه ايه سمعت جدي عزيز يدلعها مره من المرات بهالدلع ومسكته عليهم عصافير الحُب
ضحك بقوه من كلماتها وهي تتأمل ضحكاته بكل فهاوه نطق مسوي نفسه مايعرف وين بيت ام عزام ضيعته نطقت بحيـاء هيـاء هو نفسه البيت الي شفتني
عنده اول مره نطق طيب ادري ب وين هو مادله ! نطقت وهي تتقدمه امش معي
ضحك ونطق بهمس بينه وبين نفسه اخرتك يالفهد تمشيك عذيّـه لفت عليه
وهي تتسأل قلت شي؟ استوعب وأبتسم بأرتباك لا لا ماقلت شي مير تعبت من عزام مشاءالله عليه ثقيل نطقت هيـاء هاته عنك ماهوب ثقيل بسم الله عليه
نطق فهد لا لا عقب وش قد حنا عند باب بيتهم ضحكت هيـاء بأرتباك وهي تقول بخاطرها مالت عليتس ياهيـاء مخليه الرجال لحاله يتعب وانتِ مرتاحه وتضوحكين غبيه وصلت قدام باب بيت ام عزام وقد الشمس بتغرب دقت الباب بخفه وهي تنطق يام عزام كلها كم ثانيه وفتحت الباب ام عزام وخذت هيـاء عزام من يدين فهد وتلامست ايدينهم بالغلط فز فهد وهو يتعذر وهيـاء صدت بخجل
سلمت هيـاء على ام عزام ولفت على فهد وهو يتأملها عاجبه شكلها بشماغه
نزلت راسها بحيـاء ونطقت تعذرني ياخيي اتعبتك معي نطق يقاطعها معذوره ياهيـاء واي تعب تتكلمين عنه فدا والله وبالعكس غيرت جو لو اني ماقابلتس كان الحين منسدح عند سعد واسمع سوالفه الماصخه ضحكت هيـاء ونطقت مشكور ماتقصر ياولد الخال نطق فهد بالخدمه ياقمراي نزلت هيـاء راسها بخجل ونطقت تغير الموضوع تراك سحبت على سعد واغراضك لو رجعنا لجدي وجدتي بدون اغراضك بتذوق عصا جدي لأول مره ضحك فهد وقال يلا امشي نروج يم بيت سعد هزت راسها بأيجاب وهي متناسيه امر نجد والامور الي صارت وماقالت لها مو من عادتها يصير شي ماتقول لها ! مشت معه ومر ببالها موضوع الدخان ودها تساله اذا يدخن ولا لا وبعدها تتردد وتخاف انها تتدخل بخصوصياته صمتت بعد تفكير دام طويل بهالموضوع والناس يناظرونها بأستغراب ويتسالون من هالرجل الغريب الي معها وليه لابسه شماغه ! نطقت فهد انا بروح لعم محمود وانت كمل طريقك لبيت سعد متى ماخلصت مرني نرجع سوا هز فهد راسه بايجاب ونطق انتبهي لنفستس فمان الله نطقت الله معك واتجهت لعم محمود واقبلت عليه وهي تنطق السلام عليكم ورحمة الله وبركاته ياعم شحالك فز عم محمود لها ونطق وعليكم السلام ورحمة الله وبركاته بخير نحمده شحالك انتِ
الحمدلله بخير دامك بخير نطق عم محمود معتس احد ؟ نطقت كان معي لكنه تيسر بدربه نطق العم يسالها منهو ؟ نطقت هيـاء فهد بن عز ولد خالي
انصعق العم محمود ونطق فهد ماغيره ولد عبدالعزيز؟ وش جابه بعد هالغيبه !
الله اعلم ياعم الله اعلم ماهو راضي يقول لنا قطع كلامها جيه فهد بالسياره وهو ينزل ويسلم وردو السلام وراح يحّب راس العم محمود وينطق شحالك ياعم عساك طيب نطق عم محمود نحمدالله على ماتحب شحالك انت نطق فهد الحمدلله بخير دامك بخير عاد انا استأذنك انا وبنت العمه رايحين لشايبنا نطق عم محمود
الله معكم مير انتظر قام عم محمود على حيله وراح لداخل الدكان ورجع وهو بيده كيسه مليانه بالاغراض كان هيـاء وفهد يحبونها وهم صغار مد الكيس لهم ونطق انتم عيالي وخابر وش تحبون ووش تبغضون من صغركم والله وبالله مايرجع لي كانت هيـاء بترده لكن لما سمعته حلف بالله استغفرت ونطقت ماتقصر ياعم نطق فهد ليه ياعم الحلف وانت خابرينك ماتقصر وانت بحسبه الوالد مير كم حقها والله ثم والله ان تاخذه قاطعه العم محمود وهو يضربه بخفه بالعكازه
استغفر ربك استغفر ربك مايجيني ريال مير اروج انت وهيه لشايبكم اقلقتوه الحينه عليكم تنهدت فهد بقله حيله وقرب وهو يحّب راس العم محمود وينطق حقك جايك جايك اليوم ولا بعدين ضربه العم محمود وتاوه بآلم واستاذنو العم محمود واتجهو للسياره وهيـاء اول مره تركب سياره مستغربه فتح لها فهد الباب الخلفي وركبته وهي تنطق بينها وبين نفسها اعقبي ياهيـاء اخر عمرتس الرجال يفتح لتس الباب وانتِ ساكته لا لحول ولا قوه ركب فهد وحرك للبيت ...

「 عند نجـّد 」
تتقهوى بهدوء وهي تفكر برفيقه روحها لها يومين مامرت عليها وهالشي مو من عادتها! وتاره تفكر بأمر عشيتها هنا لحالها ! بدون رجال ولا ونيس ولا رقيب
تاره تفكر تتزوج ! وهاذا الحل الوحيد لوحدتها هي ماتبي تروح مع هيـاء وجدها وجدتها لانها تفكر انها بتكون عبء عليهم و وش يدخلها بينهم !
......................................................
اتمنى الروايه ماتلهيكم عن العباده.
فمان الله..
                                        لا استبيح القراءه بدون نجمة❤️.
حياكم حبايبي انستا.... hllh.h2