- بيت فردوس وجمران الجديد -
تدخل فردوس البيت وتفتح الدرايش وهي تتأفف، وكل شوي تطلع وتدخل كرتون اغراض ثاني ووراها جمران اللي كانت مبتلشه بقطع الأثاث
فردوس : انا ماقلتلك لا تاخذين شيء بدون اثاث ؟ ترا تعبت كل شوي ناقلين عفشنا كله من مكان لمكان
جمران : من وين بنلاقي مثل هالاغراض ؟ قوليلي؟ وبعدين كلها كم كرتون على شو تتحلطمين ؟
فردوس : يلا انقليهم يوم كلهم كم كرتون يلا اشوف يلا ! - ترفس الكرتون -
جمران تضحك : خليهم خلاص شوي ويجون العمال اصلا
فردوس : يومك جايبه عمال تستهبلين وتخليني انزلهم ليش؟
جمران تضحك : كذا لعانه يلا امشي ناكل تعويض
....
طلعت فردوس وجمران ع السياره بعد ما سلموا العمال البيت للتنظيف وترتيب المكان ونقل العفش .. بدوا يتمشون فالشوارع ويكتشفون المدينه الجديده اللي كانت تبهرهم بتفاصيلها واضاءتها وتشجيرها .. وكل مالهم يشوفون شيء ويضيفونه فجدولهم !
فردوس : اظن هذي بتكون احلى مدينه بنعيش فيها
جمران : لا تستعجلين بالحكم مانبا تنتهي نفس اخر مدينه دخيل الله
فردوس : الا ع طاريها تحسين بيحلقونا ؟
جمران : شهالكلام؟ من متى حد لحقنا ولقانا اصلا؟ بعدين نحن جاييين من اقصى الديار للديار
فردوس : مادري بس اللي صار يخوف واحسهم حاقدين بشكل
جمران : فردوس لو تخلين هالخوف ع زاويه احنا بخير!! يعني انتي تعرفين انتي شو؟ وهم شو؟ وخايفه منهم
فردوس : خلاص خلاص انزين
جمران : انزلي ناكل وخلي كل شيء وراك محد لاحقنا وهذا مكان جديد نبدا فيه من الصفر واخلصي عشان نشتري اغراض للجامعه بكره
فردوس : ها!
جمران : سمعتي اللي قلته لاتستعبطين ع راسي
فردوس : بس كيف !
جمران : بطريقتي المهم الحين نشتري اغراض وكثر م نقدر نندمج بينهم ولا تخرين علومنا ووين كنا ووين صرنا اعرفك مخفه!
فردوس : جب جب ما بقول شيء بروحي خايفه من كل شيء
جمران : يا عمي انزلي ع ناكل عشان نلحق
.......
نزلت جمران وفردوس على اقرب مطعم لبيتهم وبدوا ياكلون وسط استغراب العامل اللي كان يشوفهم ياكلون بشراهه ولا كأنهم اكلوا ف حياتهم واللي اثار استغرابه اكثر انهم طالبين كل المنيو وهم شخصين!
الطاوله كانت مليانه من اولها لاخرها مقبلات واطباق رئيسية من اول ورق العنب للتشيز كيك! ولا فيه طبق واحد ف منيو المطعم ما نزل والأغرب هو انهم ماخلوا صحن مليان ع الطاوله ومسحوا كل شيء !
طلعوا بعدها على اقرب قرطاسية واخذوا اغراض الجامعه من نوت بوك لأقلام وشنط وايبادات عشان يذاكرون فيها وبعدها توجهوا على البيت
البيت اللي كان ف انتظارهم بعد ماجهزوه العماله من الألف للياء ورتبوا كل اغراضهم داخله وصار جاهز انهم يبنون فيه الحياه الجديده اللي يبون !
أنت تقرأ
جُــــــمران!
General Fictionفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
