جُــــــمران!

بـ٣٥

سدى : ماكنت انوي هذا كله بس طلعتي غير عن الصوره اللي ظهرتي لي فيها كنتي تتجملين وانتي قاتله ملايين طول هالسنين ! ايناس راوتني وايد اشياء وصعب علي بعدها اوقف مكاني واختارك

جمران كانت ساكته وتطالعها وبس دموع تصب من كل جهه، بدون حركه بدون اي رد فعل ثانيي .. تحركت سدى بعدها وطلعت تاركه جمران مغطاه بالدم لكن فردوس كانت فالجانب الثاني تتلوى وترفس كل شيء حولها وتبكي وتصرخ وشهيق يسمعه الكل

لأنه الحين تغذت ع دم بشري والنسخه الاسوء من فردوس بتظهر لانها مستحيل تكبح شهيتها بسهوله ! ليانا كانت تحاول تهديها وتساعد بأي شيء بس فردوس كانت تبعدها

فردوس : ليانا ابعدي مالي حكم على نفسي ابعدي
ليانا : معليه ببعد بس اهدي لو سمحتي خلاص مافي دم هنا حاولي تتماسكين
فردوس : انتي موجوده ريحة دمك تغلغل ف عروقيي ابعدي ليانا الله ياخذكم الله ياخذ ايناسسس
- ليانا تطلع وهي تبكي -

سدى تمسكها : شفيك حد سوالك شيء ؟
ليانا : دمرتيهم والله م اصلحتي شيء دمرتيهم
سدى : شو تخبصين انتي !
ليانا : فردوس مب بخير ابدا هي واضح انها ما تعودت على الدم هذا واضح انهم فعلا ع الارانب والحين حولتيها للنسخه الاسوء
سدى : اوهوه حسبت عندك سالفه ايناس بنفسها قالت انه هذا بيفيدهم وبيجيبون فردوس معاهم ف بتسلم لاتحاتين حبيبة القلب يعني
ليانا : انتي يا ماتشوفين يا ممشينك ع الصراط المستقيم والله؟ معقول مب شايفه يعني وحده على الارانب وعمرها ماجات البشر ولا تبي تقرب للدم قاموا وسقوها دم ليش !!!
سدى : ها؟
ليانا : ركزي معاي لو سمحتي وحده تتبع دم الارانب والحيوانات عشان ما تأذي بشري ليش يسقوها دم ! عشان شو؟
سدى : عشان تتبعهم بسهوله بعد شو
ليانا : لا ياغبيه عشان يحولوها لوحش نفسهم ولا كان ممكن بسهوله لو هم معاهم الحق يقنعوها
سدى : ليانا كم مره قلتلك ؟ كلامهم كله كذب لاتصدقين اشياء قالوها
ليانا : محد قالي شيء مححححد انا شفت انا فكرت وليتك تفكرين والله
سدى : اسمعي لو تسوين كل هذا عشان حبيتيها ف انا حبيت لللي حولوها خشب ! ع الاقل حبيبتك فيها روح ! انا اتقطع كل مره اشوفهم يلمسون جمران ولا يجون ناحيتها بس يا جمران ي مليون روح بني ادم مالهم ذنب في هذا كله ولو كانت روحي مقابلهم ف ما بتغلى علي
ليانا تضحك : والله ضحكتيني قال ايش حبيت جمران! يا بنتي انتي من اول ماعرفتيها وانتي تكيدين للبنت تصنعتي حبها قصدك او انك كذبتي الكذبه وصدقتيها
سدى تبكي : حبيتها واول مره احب حد هالكثر بس تطلع مصاصة دماء ووحده من الوحوش ! كيف بعيش معها ؟ طول عمري بتم خايفه على نفسي ؟ ولا اسلم نفسي واتحول نفسها
ليانا : لا هذا ولا ذاك لو تبينها حصلتي طريقه ولا غدرتيها هالغدره البنت تحت بلا روح !
سدى : شو تبيني اسوي ! اخليهم يفتكون فالناس
ليانا : ياحياتي انتي ماهم فاتكين فينا من دهور ! بس تعرفين منو مقلل ضررهم! المراقبين اللي هم جمران وفردوس اللي انتي تساعدين ف تدميرهم اولهم فردوس لللي راحت باقي جمران هذا اذا تمت حيه اساسا
سدى : فهميني ليش بيظلمون ثنتين وهم بالالاف ؟ شو مصلحتهم ؟
ليانا : عددي المصالح! ايناس تبا تكون الفا بعد عزه ، تبا تتغذى ع دم بشر؟ ، تبا تنهي الآف ؟ ولا تبا تقلبها فوضى؟ عددي اي وحده تبين
سدى : انتي تفرين مخي ليانا وكل ها لانك ميته على تراب فردوس
ليانا : ما بطولها معاك عندك الكتب ومكتبة جمران نفسهم او تعرفين ؟ شوفي المصادر كلها من اي مكان واقري بنفسك وشوفي الوضع هنا بتعرفين الفرق والله ومن الصح
سدى : ما بسوي شيء وكلام ايناس بيمشي لاني ابا الاتفاق يتم
ليانا : احلمي فيه هالاتفاق بس دامك ماتبين سيري كلمي حد من عمامك ولا جدك
سدى : انهبلتي ! تبين اقولهم اني متشاوره اقتل مصاص دماء ولالا عشان ينهوني انا
ليانا : انتي متهاونه لدرجة انك تبين تقتلين احد ماله ذنب ؟ ياخي دوري وراهم يلعن الضمير الميت اللي فيك - تروح