جُــــــمران!

بـ٣٢

إيناس تقرب منهم : يا ساتر ؟ كل هذا وجع من الغدره ؟ عاد كلها كم شهر ولا اوه نسيت تذكرت انكم تعبدون محاوركم مثل ما كانت تعبدني عزه
فردوس : انتي غلطة عزه الوحيدة والله وتكرم عنك وعن اشكالك
ايناس تضحك : ياحياتي ماتعرفين عزه زين والله
فردوس : يعني انتي اللي تعرفين؟
ايناس : ايوه انا لأن اتوقع ما قالتلك جمران ف وداعيتها الحزينه انها هي اللي حولتكم بأمر مني ؟

....

رمت ايناس قنبله ثانيه في طريق فردوس وجمران معقول ؟ عزه حولتهم وهي اللي كانت معاهم من اول الطريق وتقول عن المراقبين وتشجعهم يعتمدون ع الارانب ؟ الوضع كل ماله يتعقد وموقف فردوس وجمران يضعف اكثر واكثر

ايناس : اهخخ طبعا بتسألوني كيف ؟ خلوني اول اخلص موضوع ليانا لانه صغنن يعني بيخلص بسرعه - تنادي سدى - تفضلي قوليلهم
سدى : في هالوقت تعمدت اسوي اللي سويته مع ليانا مثل اني انسى اشياء واخليها تهلوس عشان تشك وتقرا وانا اللي تعمدت افتح موضوع المكتبه وابرز الكتب اللي تثير الشك لاني اعرف انها لو مرت فضولها ما بيخليها تعدي الوضع سهالات
ليانا : انتي بعقلك ؟ جريتينا لكل هالمصيبه ؟ ليش انتي تعرفين هذيل منو؟ تراهم مب بشر ع فكره
سدى : لاتخافين بنطلع انا سويت كل هذا عشان نوصل لاتفاق ومحد فينا ينأذي
فردوس : هيه بأحلامك يالثور والله غبيه غبيه

.....

كملت سدى وقالت : كنت اتعمد اخلي ليانا تشوف اشياء منكم واحطها بمواقف تثير الشك وكنت انا ايس اللي كلمك وعطاك كل المعلومات عشان بعرف انك مستحيل تصبرين وبتواجهينهم وسويت كل هذا عشان اخلي الوضع يصير حقيقي لان لو قلتلك الصدق اعرف انك بتخافين .. المهم صار اللي ابي وواجهتي فردوس فالوقت اللي كنت فيه اشغل جمران عنكم وصار اللي صار وجبتك لهنا !

ايناس : معليش ليانا نحتاج نسوي اشياء احيانا عشان ننقذ نفسنا وسدى ترا تبي الخير للبشر لانه في ثانيه نقدر نمحيكم
فردوس تضحك : والله حاله
ايناس : اشوف عندك اعتراض ؟
فردوس : لأنك تحشين مخوخ هالثيران كذب ترانا مانقدر نمحيكم للعلم يعني يا سدى يا ام التضحيه من اجل العالم
ليانا تبكي : ليش كل هذا ليشش
ايناس تضحك : شفيها ربيعتك ؟ اوي اصحي كل هذا عشانك ترا وعشان جماعتكم اللي مدري صراحه سدى ليش تقاتل عشانها بس دامهم بيجيبون دم بالراحه ليش لا
فردوس : خلاص ليانا هدي - تمسكها -
ايناس : ياحياتي ما علينا والالفا الصنديد ماله لسان؟ ولا كل هذا يعني موجوع وضايق مختنق
جمران : شتبين من هذا كله؟
ايناس : حلو احب اللي يدشون ع طول فالموضوع اللي ابيه تاخذون لكم موقف معانا ؟ ولا ضدنا ؟
جمران : بمعنى ؟
ايناس : بمعنى معانا وتتغذون ع الدم اللي بيوصل لنا من الاف ولا ضدنا ونخلص عليكم الليله لان ورانا مشاوير ثانيه
جمران : انتي تعرفين زين انه بأحلامك بس نستوي فنفص الصف ولا ماكان سويتي هالحوسه كلها
ايناس : زعلان يا بيه؟ معليش نكبر وننسى او ليش نكبر بنموت بعد شوي صح