جُــــــمران!

بـ33

وسط هالحوسه كلها نرجع لجمران اللي كانت في عالم ثاني طايحه ولا لها حيل ولا قوه تحرك حتى اطرافها كانت متجمده من الأبرة اللي عطوها لكنها واعيه باللي حولها تقدر تسمع تشوف بس ما تقدر تتكلم ولا حتى يرف رمشها بس الضرر الجسدي ولا شيء عند بنت حبتها قصدت فيها وكتبت لها رسايلها وبعد كم؟ بعد سنين جمود في مشاعر جمران ما لقت احد يحركها من لحظة وفاة والدينها على ايدها وتحولها لمصاص دماء ؟ 

كانت تفكر شو سويت عشان تغدر فيني هالغدره ؟ طيب ما ضريتها ؟ طيب انا كنت في احسن الصور معها ؟ معقول ما فكرت اني لو كنت ابا اضرها او اضر احد كان ما احتاج الموضوع مني الا ثانيه ؟ بس قررت اجي ع نفسي كل مره تمسك ايدي وتحرقني كنت اتحمل واسكت ؟ طيب ما شافت انها كانت تضعفني ومع ذلك اختارها ؟ التساؤولات ما خلصت في راس جمران لكن كيف توقفها ؟ هي حاليا فموقف ما تقدر غير انها تسبح بين هالأفكار 

كانت فردوس معاها طول الوقت وتطمنها وتهديها وتحاول انها تهون عليها اللي هي فيه وتقولها : لا تخافي, حاولي ماترهقي نفسك , لا تفكرين وايد بنقدر عليهم والله , هانت بقى شوي 

لكن ؟ 

مافي شيء يهون على جمران حالها 

----------

السيناريو ما وقف هنا إيناس كانت ناويه تذل جمران كثر ما قهرتها لما قتلت الألفا وكثر ما جمران كانت مسيطره على فكر إيناس وناشبه لها مع انها ما ضرتها ولا سوت شيء .. هنا دخلت إيناس عليهم وتوجهت ع طول على جمران وكانت وراها سدى

إيناس : تعرفين سدى ؟ انك خذتي القرار الصح ؟ 

سدى : كيف؟ 

ايناس : لان هذي الاخت اللي قدامك اول ما تحولت قتلت اهلها تخيلي؟ ترا التحول يبين معدن الشخص وكان هذا معدنها انها تقتل اهلها فظنك شخص مثل كذا شيطلع معدنه ؟ 

فردوس : ليش ما تقوليلها الواقع ؟ انه الواحد لو تحول ما بقدر يسيطر ع نفسه والدم يتدفق اضعاف اضعاف الطبيعي ؟ ويكون فحاله نفس وكأنه مخدر او فاقد عقل ؟ ليش ما تقوليلها انه هذا وضعف مراقبتك لها اللي تأكدت انك متعمدتها الحين خلااها تقتل اهلها ؟ 

ايناس : وليش انتي ما رحتي ؟ 

فردوس : لأنك كنتي مسكره علي بالسلاسل اما جمران فتركتيها بحجة ان ما في سلسلة زياده 

ايناس تضحك : لا تفرون بلاكم عاد يعني قتلت اهلها تقول بالخطأ ولا شيء لكن انا كنت السبب حلوه هذي ؟ يعني انا نهشت فدمهم