صباح اليوم الثاني كان الكل مستعد وينتظر وجمران اولهم لأن لو وصلتها اشاره عن ايناس فهذا معناته ان كلام زنث صحيح وهم يحاولون يجرونها للمغاره فقامت اليوم كالمعتاد وراحت تدور على ايناس وفردوس وليانا كملوا تدريبهم وصيدهم ولا كأنه شيء صاير واثناء ما كانت جمران تدور فالمكان وتروح وترد على القبو والأكواخ والمغارات في محاولة انها تلقى ايناس سمعت صوت وكان مألوف لها جدا ف بدت تتبعه ؟؟
في هالوقت جمران كانت عارفه زين ان هذي هي الاشارة اللي دافي وايناس مخططين عليها ؟ وشوي شوي يعلى صوت ويزيد ويقربلها اكثر واكثر لحد ما تبينت قدامها ايناس وهي تضحك وبعدها ركضت بأقوى ما عندها وهنا جمران وقفت مكانها واللي خرب الخطة على ايناس اللي كان هدفها ان جمران تلحقها بس جمران وقفت ؟
ف بدت ايناس تحوس وتلف وكل شوي تطلع لجمران وتختفي وجمران ما تحركت مكانها لحد ما بدت تتبعها ولكن بخطوات ثابته كانت غريبه بالنسبة لإيناس انه ليش جمران بارده هالكثر بس كملت الخطة اللي متفقين عليها لحد ما سحبت جمران للمغاره اللي فيها سدى ودافي؟
دافي في الاستقبال : ها وينها ؟ موجوده ؟
ايناس : وراي وراي بسرعه هاتي سدى
هنا دافي دخلت بتجيب سدى وايناس كانت برا تنتظر تقرب جمران وفعلا وصلتها لكن للحين دافي ماطلعت والشيء كان غريب بالنسبة لإيناس اللي بدت تتوتر لأن جمران كل مالها وتقرب وتبتسم فحست إيناس ان فيه شيء غلط
جمران : شفيك ؟ تحاولين تهربين ها ؟ انسي عاد ما تقدرين تستعملين قواك اليوم تخيلي
ايناس : ليش انتي شو سويتي جاوبيني - تهجم عليها
جمران تدفها : لالا مب ع طول هواش شدعوه ؟ نصفي حسابات قبل
ايناس : شو تقصدين ؟خلاص قتلتي عشيرتي كلها شو تبين فيني انا ؟ ترا ما قدر اسوي شيء والاتفاق مع الآف انتهى
جمران تضحك : ياخي تعرفين شو يضحكني ؟ يوم تكون خبيث وغبي فتقلب حمار مره وحده
ايناس تنتظر دافي تطلع : لا تستعجلين نصيبك جايك
جمران : اوه تنتظرين احد ؟ اشوف تتلفتين يمين ويسار ؟ ليكون ظنك فيه حد بينقذك من هالموضوع
ايناس ترتبك : لا انا ما انتظر شيء منو قالك انتظر ؟
----
في هالوقت اللي ايناس كانت تنتظر فيه دافي .. دافي اصلا كانت في مصيبه ثانيه اول ما دخلت لقت زنث بوجهها وجنب سدى فأستغربت الا وزنث تهجم عليها وتمسكها بقوة حيلها وتبدأ تلقي عليها تعويذه تجمدها مكانها فدافي صارت اشبه باللوح اللي لا يودي ولا يجيب وجلست بجنب سدى ... واول ما سمعت زنث ان جمران حاوطت ايناس وايناس نفسها توهقت ولا لقت مخرج وتنتظر دافي اللي ماتعرف وين راحت وعلى بالها سحبت عليها
أنت تقرأ
جُــــــمران!
Fiksi Umumفي رواية "جُمران: رحلة المصاص الدموي"، يُصوّر المصاص الدموي جُمران رحلته في مدينته الجديدة. يتأرجح بين الأمل في بناء حياة جديدة وبين القلق من كشف هويته الحقيقية.
