جُــــــمران!

بـ34

 طلعوا سدى وليانا برا القبو اللي كانوا حاجزين فيه جمران وفردوس والأثنين مشغول بالهم بين مين الصح بالضبط ؟ لكن محد تكلم كانوا جالسين كل وحده بزاوية وسدى لاحظت بعد ليانا عنها وانها اختارت متعمده المكان الأبعد 

سدى : لا بعد روحي اجلسي فالشارع مب احسن؟

ليانا : الا احسن ولو اقدر سويتها لأن انتي مب قد الثقه ما استبعد احد من جماعتك الحين يقصني في اي لحظه 

سدى : عن الدراما ليانا ؟ ترا سويت كل هذا عشان نتخلص من هالجماعه  تتوقعين يوم عرفت ما خفت نفسك ؟ ولا انهرت مكاني 

ليانا : أنتي عايلتك كلها شغاله في هالمجال مدري شسميه حتى الآف ع قولتكم مب جديد عليك ولا عندي مشكله لو قلتيلي اساعدك واننتي تعرفين اني مستحيل ما اوقف معك لكن نظام الاستغفال هذا ما يمشي معي 

سدى : يعني لو قلتلك بتصدقيني ؟ ما انا حاولت اقولك وكم مره ؟ وطريت لك ان فيه شيء غريب ؟ وعرفت انه مستحيل مستحيل تحللين الموضوع بهالطريقه ولا حتى تتقبلينه 

ليانا : لا تفترضين اشياء انتي ما قلتيها انا يمكن بصعوبه بصدق بس صدقيني بفكر فالمووضوع فالنهايه ترا مب خبر بسيط شوفي لما انحطيت قدام الأدله والكتب دورت ورا الموضوع ولالا ؟ 

سدى : لو ما حطيتهم بوجهك مستحيل تلتفتين لهم 

ليانا : لا تجادلين سدى في الف طريقه ممكن تسويها غير الغدره هذي انتي حرفيا حطيتييني بوجه فردوس اللي ممكن تقص راسي بسهوله والادهى خليتييي لأفكاري تاكل فيني اكل يعني انا لو رحت وكلمت احد ؟ ع طول ع المصحه لأن محد عاقل ممكن يصدقني 

سدى : عشان كذا مثلت اني ايس عشان ما تروحين يمين ويسار وتلجأين لي انا 

ليانا : الكلام في هالموضوع ضايع معاك اللي سويتيه غلط عجبك ولالا رضيتي ولالا تسمعين ؟ المهم عندي الحين انه نسلم منها ونتأكد كلام من الصح ؟

سدى : طبعا ايناس ولا مثلا تبيني اصدق جمران اللي مليون مره نستني سالفتها ؟ وكانت تنسيك بعد وناويه تخبي حقيقتها العمر كله هه 

ليانا : انتي كيف تفكرين ؟ ترا انا مصدومه والله يعني ليش ماسكه جانب واحد سدى اللي اعرفها بتدور ورا الحقيقه من كل النواحي 

سدى : لأن جمران وفردوس سكروا علي كل النواحي ع قولتك ؟ يعني بأفعالهم هذي ظنك بيقولون لي الحقيقه في يوم لا

ليانا : مافكرتي انهم يحمونك ؟ ما فكرتي اننها سوت كل هذا مثلا عشان ما تخسرك ؟ صارت وايد مواقف ترا سدى كان ممكن جمران تنهيك او حتى فردوس مع ذلك اختاروا يتمون ساكتين احنا اللي غلطنا عليهم ولو فعلا هم اشرار والله يستغلون ضعفنا ويلعنون خامسنا