هجين الضلام

بارت 4

بيان النصر العظيم ٨/٨/١٩٨٨

جان الباب يندك حيل ركضت كربلا وكفاية يردن يطلعن وحدة تمد راسها الخ تدفعها تريد تروح بس هو ركضلهن وجرهن من جتفهن و دفعهن وراه
:
-هي .. انتن شنو طرطور اني كدامجن التطلع بعد للباب الا اكسر رجلها و اخليها تمشي زحوف، امشن و لن وحدتجن بكد البعير .
وسعت كفاية عينها
:
- لج يكول بعير والله اني اضعف منج اكيد يقصدج
كربلا
:
- ما اطلع كركر اذا ما اشرده مين ما اجه خنكنا وكتم نفسنا
اما بيان طلع للباب انصدم بمنظر مرة شعرها مكفش مبين من العباية تحاول تلملم بيه وجهها مورم كلش من بوكسيات و شفتها تنزف دم، جان منظر عنيف صدمة كلش و مبينة معصبة لأن انهدت تلعلع و حقها طبعا
:
- وينها بواكة الزلم وينها لج وصلت للكام وي زوجي،
صارت عيون بيان بكصته:
- لحظة خيتي بس كولي شنو السالفة ترى عيب جاية بهل ليل متهجمة اذا الج حق يمنا تاخذيه من هل ركبة
دنكت وبجت
:
-خوية وين ابو البيت اريد ابو رنا!
حك بيان لحيته
:
-ابوية نايم رجال جبير وعاجز مو تشوفينها واكفة اكعده هسة واني موجود امري، البنات جوة اذا تردين تدخلين يمهم
هزت راسها لا
...
احتار شلون يفهم شنو السالفة و الظاهر خواتة الهن ايد بالموضوع فحاجاها بلطف
:
- خيتي هسة غير افهم شنو عندج من حق يمنا خواتي شملطمات وياج
حجت بحسرة
:
- خوية ترضاها، اختك نهلة مفترة على رجلي هاي صارلها ست اشهر رسائل و مكالمات هسة وصلت كام اني شفتهم فاتح كام وياها و البس لابستلة ااااااه ااااه اااهي
نطط عيونة
:
- اختي ؟ شنو ؟
سكت من شاف نفسة ميجمع كلام وهنا الوراه اجن
كربلا
:
- هي انت تتبلين علينا رجلج قشمر هل طفلة و خلاها تبوك منا فلوس وتنطيه غير كلادة امي الذهب واختي متسويها و تفتح كام تكذبين
صاحت المرة
:
- لج يا بنات ال ......... كلجن ...... بواكات زلم .
دفع بيان كربلا هي دفعة وهي بوكسي بجتفها بنفس الوقت
.
- دخليييي!
المرة
:
- خوية لمو بتكم ترى افضحها يعني من لكفتهم.... .
جان صياح كربلا وبجيها عالي وهي كاعدة بالطرمة طلعت نورس وهي تصيح
:
- شبيج بنيتي؟
كربلا تناشغ
:
-يومة لحكيني من رجع من الخارج لسة بس يدك علي عود مسوي روحة زلمة...
خزرها بيان و كللها
:
- هسة اعلمج شلون الزلمة من اسحلج سحل.....
بس نورس غلست على كربلا دفعت بيان بعيد وطلعت لام يزن
:
- ولج يا ..... الج عين بعد سواية رجلج البواك ضحك عالبنية و يبوكنا فلوس وذهب براسها.
صرخت المرة باعلا صوت والناس تباوع من البيبيبان
.
- لمي بناتج امهات الزلم ال ..... الي ممربيهن بناتج المفرعات(ممحجبات) الي يلعبن شلم بلم .
نورس
:
- ياااع تحجين على بناتي يال ..... لو بيج خير ما لطلط رجلج على بنات العالم.
صاح بيان
:
- يومة دخلي انفضحنا خاف بناتج صارن مخلل هسة بعد محد يكلبهن .
جر مرت ابوه وراه و حاجة المرة
:
- اختي خاطرج طيب و حقج علينا
ام يزن
:
-خوية بس جريت التلفون منه كسرني وطردني بالشارع صايرة دايره ... و اهلي بعاد حتى ملحكت اخابر ابوية ياخذني .
جر نفس
:
- اني اتصل بابوج و زوجج حسابي وياه بس خل اشوفه الا انسيه اسمه .
ورى متصل بابوها انتظرت بصالة بيت ابو رنا الى ان اجة ابوها واخذها جان بيان على اعصابه بس طلعت صاح
:
- كربلااااااااااااااا لج وينج تدافعين وياي يا زلمة مو كلت لطلعن .
اجته وهي تمد ايدها كدامها