هجين الضلام

بارت26

هجين_الظلام
حلقة 26

...

دخل بيان سلم عالبنات وسلمن عليه وتحمدلة السلامة ...
فاتت كربلا مبينة عيونها تعبانة و مصفنة ..
صاحت سعاد ..
- خايبة خيج و نظر عينج توة واصل وانت ولا جنج .
بصوت مبين شكد با جي
٠- الحمدلله على سلامتك
　
دنكت..
و باست وسام الي متعلق بيها شبكها حيل
- عمة بغيتك معايا اشتقت بزاف
ابتسمت وما حاجته بس حاضنة تبوسه.
جان بيان. مركز بكربلا بذكاء وحس بيها مو عوايدها ابد ..
عافتهم و دخلت غرفتها الي من
رجعت الغروب وهي قليل تطلع منها ....
كاعدة مصفنة بهذا الزمن الي رجع عباس بطريقها ...
اكيد ما يذكرها اكيد ناسيها شو شعليه تزوج وهسة بتة وابنة بطولة ..
و يجوز هسة هو جد ..
-
كلما انخطب و ما تصير اكول حوبة عباس هاي ..
كبرت يا عباس وحوبتك ملاحكتني كبرت يا حبيب الروح ...
طلعت نقالها صور عرس نهلة .. وهي تكلب بيهن صور السادة الي حضروا العرس الي بعمامة الي بغتره ..خضرة والي بغترة سودة ..
والي يلبس قاط مثل سيد عباس ...
كعدت تحاجي الصورة جان واكف يم نواف يباوسة ..
كلبت النقال تدور الصورة الواضحة الي بيها صافن جان واكف يم زلم بس مبين بعيد بفكارة عنهم عيونة صافنة بلونهن التركواز .. (خليط اخضر وازرق)
بقاطة الرصاصي جان عبالك هو العريس ..
نزلت دموعها وهي بداخلها تحاجيه ..
- شفت الزمن يا عباس .. زين باقية بنفسي تذكرني
اذا تشوفني راح تعرفني مثل ما عرفتك لو بين مليون زلمة لو تتغير بشكلك اعرفك بس والله صاير بعد اجمل واوسم وانت اربعيني .. ..
باوعت لشعره البني قربت الصورة ..
انتبهت اكو عندة شيب منا ومناك بس مو واضح يمكن بسبب الصورة لان بعيدة ..
-بعدك على قيافتك واناقتك فدوة رحتلك ...
ضميتك بكلبي و ظليت احلم اعيش الحب ..
من بعدك ظليت اتحسر من البنات تعيش الحب ..
اضحكهم من احجي امنيتي هة وميدرون الحب بكلبي زارني من سنين ..
شكد عيبو علي خواتي و هضموني حقهم محد يدري بضيمي يمكن بس كفاية كشفتني من قريب و عرفت سري الي دفنته بداخلي من امي وخالتي دمرن حبي ..
..
و خالة سماح بوقتها عبالها العب و نصحتني متدري عباس جان ناوي زواج ..
يمكن لو مزوجين جا هسة ولدة و بنتة اني الي اولدهم ..
شمرت نفسها عالمخدة وحاضنة النقال ومخلية خدها ع الصورة ..
هناك بالصالة كاعدين سوالف و بيان بعدة ببالة كربلا:
اول مرة هيج حسيت اكو مشاعر بوجهها ..
كل الي اعرفة عن كربلاء خليط من الخبث و المؤامرات و التخطيط بخراب بيوت ....
انسانة دون احساس ...
ما يوم شفتها تبجي ..
و تبجي من كلبها اول مرة اشوف عيون كربلا ..
مهمومة و مدمعه و اكو مشاعر قهر
بوجهة بينت ..
اكول سعاد ..
- شبيها كربلاء مريضة شنو...و اذا على مرضها علاجة حمية واعتقد التزمت لان جنها دتضعف ..
رجعت هم عقبت ...
- شعجب ما كو سم بحجيها ...
سعاد...
- علمي علمك من امس مدري قبلة هيج ..
و اليوم من رجعت من نهلة رجعت مضيعه جعابها ....
دخلت ام رنا وهي بيدها عكازتها جانت عبايتها على راسها توها راجعة من الجيران ..
هز بيان ايدة بسكتة لا تشوفه..
الله يعلم هاي وين جانت تاخذ غيبة و تلطش بالحجي .
باوعتلة بطرف عينها ....
- اجيت ...
باوعلها وراد يغرد بس تعوذ من الشيطان و هز راسة وكام ..
- الله يساعدج يلة اروح اشوف ابوي دخلت عليه جان يصلي هسة خلص صلاتة..
دخل على ابوه و شافة يسلم دنك باس ايد ابوه ..
- كوة يبة ..
- الله يكويك يوليدي بشر جبت كل ورق ولدك حتى اخابرلك ابو حيدر يعرف بالجنسية ناس يسهلك تجنيس الولد بجنسية بلده..
غمضت عيني هي هذا الرادتة سلمى هو هذا اقتلعتنا من جذور السويد ...
- اي يبة جبتهن .. و السنة ضاعت عليه .. سنة التجي اسجلة ..مدرسة ..
- بيها الخير ولدي .. هذا بزرنا لازم يربة بكاعنا مو بكاع الغرب ..
حتى يتعلم عاداتنا ..
هزيت راسي وترخصت اروح انام ...
عباس..
ورى ما ساعدت ابن اخوي داود الله يرحمة ..
دخلت البضايع وياه وانة اسأله ..
- اكول عمو شو شريكك ماكو هاي الايام ..
- عمو مسافر للسويد . .. ان شاء الله هل ايام يبين ..
- هو اخو مرتك من ابوها مو ؟ لو اخوها شقيقها ..
- لا وين هو اخوها من الاب من ام سودة اخو نهلة الشقيق غرق ..
وكعت منه رزمة الصايات دنك وهو يلمهن ..
- ها عمي شبيك خو ما هم انخفض ضغطك .
- لا عمو ما بية شي ، اي مو اكول اذكر على منيظر جان جاهل كبل لا نشيل و كل عمرة يمكن سنتين او ٤ ما اذكر بالضبط ..
- اي كالت امي من شلنا من الزبير جنت انة طفل بس كالت سبب الشيلة تخصك ..
ضحك نواف ...
باوعلة عباس و كال ..
- اي صح عمك جان اكبر اثول حب وحدة و وعود ومن خطبتها حجت معلك وي امي و امك و غير حجي امها الي زفت نسوانا زفة معدلة ..
نواف ..
- لعد احمد الله متورطت وي هاي العائلة ..
ضحك عباس نص ضحكة
- ههه..
- ها عمو تضحك دوم الضحكة بس صدك عمو بيبي هواي مهمومة بيك تكول من ورى العلوية مرتة ما تزوج ابد ..
ابتسم عباس ..
- نواف صاير توصل حجي نسوان يبعد عمك ..
- عمي خلي هاي الرزمات هني .. بالواجهة ..
- لا تغير موضوع امي كلما يعرس واحد منكم تروحلة تدزة علي يقنعني ازوج اي غرد شكلتلك علوية فاطمة .
- و الله يمولاي كل ام تفرح من ابنها يزوج وانت ما شفت شي من العرس طبعا هذا حجي بيبي انقلة اي يعني كل حياتك وي مرتك سنة بس و جنت بعز شبابك ... ولدتلك التوم وماتت وانت بقيت لا مرة تداريك بنتك وابنك وكبروا وعرسوا
وهي مدايمتلك و نسوان الاخ مو مثل الام يوليدي ..
ضحك نواف وهو يقلد جدتة ..
- اي والمطلوب ..
- يوليدي طبعا هي هيج كالت احاجيك ... اي يوليدي المطلوب تورطلك مرة اهلها مدعين عليها تزوج سيد شنكة مثلك... ما ينجرع ...
ضحك عباس ..
- اخر الكلام زيادة لعبد السادة منك..
ضحك نواف ....
- والله عمي ضايج على وضعك تزوج اركصلك ركص بعرسك و اهوسلك بس عرس ...
و الله انت بعدك شاب و بنتك وابنك اليشوفهم عبالك خوانك .. تزوجت كل عمرك ١٩ ما شفت بحياتك شي وحتى لو تحب المرحومة و الله تأذيها بكبرها ..
- والله يا نواف ما اريد اظلم بنات الناس وياي ... تزوجت وظلمت مرتي الشهور العاشتها تحملت طبعي الصعب و ماتت بحسرتها ..تعرفني طبعي كلش صعب خاصة وي النسوان نصيبي الردتة ما صار و مدفي بحظن غيري على شنو بعد اورطلي مرة و اعيد مأساة مرتي و معاناتها ..
باوع لنواف وسافرت عيونه بملامح ابن اخوه ...
بعيونة سؤال لا سؤالين يريد يسألة ميدري شلون يسأل ...
يريد يكلة الخاينة شخبارها ... مرتاحة من فضلت قرايبها عليه و شكد عدها صار ذرية ..
بس مكدر يحجي شي مكدر يسال شيكلة .. .
من يوم الي اجت اختة من بيت عروس نواف الي راحوا يشوفونها و يتفقون وياهم ..
اجت وهي مصفنة ...
و حاولت ما تحجي يم نسوان اخواني خذتني على صفحة
- ولك عبيس ..
قاطعتها..
- لا تصغرين اسمي تدرين اضوج كولي شكو البنية عليها شي ما عجبتكم حتى اكول لنواف يصرف نظر ..
- لا خوية حبابة كلش بس !...
- احجي مو مرارة ابوي فتيتيها !..
- الله يرحم السيد رجل دين و خطيب جامع لا تجيب سيرة ابوي يا عباس ..
- سكتت .. الله يرحم الوالد احجي شبيهم الناس ليش مصدومة وجهج يقرا الف ...
- ما انتبهت كال اخت صديقي من الطفولة ..
- اي وشنو! ..
- تدري بيت داود ما شالوا مثلنا من الزبير الا من كم سنة .. يعني نواف وصاحبة هذا ما اجة ببالك منو بالضبط نواف وي منو استمر صداقتة وحتى شغلة بالملابس من كم سنة ..
- قصدج ؟!
- اي قصدي جيرانا الامهم لسانها مترين ....نواف صديق ولدهم واستمر وي الولد رغم مشاكلنا وي
العائلة يلتقي بيهم بالسوك ..اوضحلك ..
طلعوا نفس الرفضونا من خطبنالك ...
كبل الولد اصدقاء جانوا وي ابراهيم وسلمان
.. و سعاد بتهم صديقتي
و مروة صديقة كربلاء بالمدرسة سوة طخت يخوي لو بعدك ناسي ..
- اي تذكرت ..اكيد اجيتن مطرودات ..
- لا .. شو رحبوا بينا و صرنا ماكو احسن منا و لمحوا يشاورون الزلم رغم ندري اخو البنية منطيهم خبر ما يضغطون علينا بطلبات ..
بس هن عود باعن ثكل
. اخ على حظك يا خوي شفت كربلا بس شنو خطف سلمت كعدت وطلعت من يمنا ما مبينة اجتماعية و بعدها انفة و شايلة الخشم ... بس شنو صايرة شسمنها ...
باوعت لاختي بحسرة .
- اكيد جاية بزيارة لاهلها الله يوفقها تدرين جنت اتمنى دعائي يستجاب ما يلمس طرفها غيري و شكد اناني بوقتها اندعيت تنسد قسمتها بس من كلتن محجي عليها لقرايبها و امي بعدين ورى فترة اكدتلي تزوجت ... ايست و قبلت ببت عمي الله يرحمها ... و الله حلفت اخذ كربلاء و اكسر خشمها وخشم امها و اشبعها قهر انتقم لكرامتي ... الخاينة سنة تلعب علي ..
- و الله يا خوي شكلك الله يهديك وتزوج واذا انت اربعيني كلك شباب والله بت العشرين تتمناك ... اصلا ممبين عليك كبر عبالك ٣٠ الله يخليك .. مولانا ...
- حيل ازوج كد بنتي صدك جذب ...هو بتي راح تخلف راح اصير جد ...
- خوية واذا تصير جدو انت جد شاب كل اهاليتنا تزوج و تخلف وتجنن و صير اجداد من وكت هذا سيرتنا نزوج مبكر ..
طلع من صفنته على نواف يصيحة ..
- عمو وين صفنت ..
- اكول نواف يمتة تعزم اهل مرتك عيب ترى لازم نعزم اهل المرة هاي الاصول ...
- انتظر بيان يرجع هو هسة زلمتهم ..
- ها خير ان شاء الله ...
اعزم خواتها ورجالهن هم للتعارف بين زلمنا و زلمهم و بين نسوانا ونسوانهم ..
يا الله اروح و لا تغلس ع الفلوس الي انطيتك ياهن ترى هربة العروس ذن وصلهن الها ذمة ..
دكة على الباب ...
كامت كربلا مسحت دموعها و باوعت بالمراية و تظاهرت بالقوة ..
- اي اي ... الباب تفلش كافي كسرة العتوي ذاك اليوم كوة صلحناه ترى ..
فتحت الباب شافت بيان بيدة هدية ..
- بيان شكو شرايد ..
- هي احجي عدل مو بنتر مو صوجج صوجي الي كلبت وحدة ما تستاهل حتى هدية ما انطيج..
- دطير عار .
دار عليها ..
- شكلتي ؟! شنو هاي الكلمة ولج !
رفع ايده يريد يضربها فصاحت ..
- حدك لهنا شحدك تضربني لا اقسم با الله احرك روحي كافي عوفوني ..
و شهكت تبجي ..
تعجب شبيها هاي ..
- ولكم كافي رحموني اني عانس اني ام خشم جنة منكار هذا خشمي قابل انة خلقتة وانة .. و انة .. كافي اختنكت احتصرت من روحي عوفني ما اريد هدايا اريد ..
سكتت و كعدت على ركبها بالكاع وهي تنحب نحيب خلاه يكعد كبالها ... وهو مستغرب هذا الحال ..
- شبيج كربلاء شوفي اتصور انت محتصرة من
البيت خل ارتاح من السفر باجر اطلعج افرج و اشتريلج الي يعجبج بس لا تبجين خوية لو شكد ما الرجال تأذه من خواتة بس هو الاب و الاخ هو الظهر ثقي با الله دموعجن غالية علي ..
و الله جنت ناوي انتقم من رجعت بس ما كدرت ما انكر اوكات احقد بس حنية الدم تردعني ..
شبكها و هو يراضيهة .. خلا الهدية يمها ... وكام .
- راح اعوفج ترتاحين يلة خوية كومي تمددي و ذكري الله ..
صعد لغرفتة تعبان حيل بس يريد ينام اجاها و كلها ..
- عمة نعست .. بدي نام ..
- حظنتة وهي تبجي والطفل من يشوف شخص يبجي يبجي و ياه دون ميعرف السبب ..
- بابا تعارك وياج ..
- لا حبيبي بس كلبي مغموت امشي ينظر عيني ..
خلتة على جربايتها وغطتة ..
دخلت امها ..
- و الله يا كربلاء اليوم ما عاجبتني بس المهم ..
انة موصية جارتي اذا اكو رجال يريد مرة عادي حتى لو خمسيني .. و اليوم كلتلي اكو واحد مطلك ويريد مرة شكلتي ..
باوعت كربلا لامها ولابن بيان و طلعت برة لا يكعد الولد طلعت امها وراها .
- شكلتي ! بله عيدي هيج صرت انة تدللين بيه يمة كافي .. تدرين ما ازوج الا واحد ثلاثيني ..
اشرت لامها بحاجبها بعناد ..
بس امها عاركتها ..
- ولج انت شتحجين هواي ترطنين بالثلاثيني تاخذين بكد اخواتج الزغار خبلة ..
- اي واريد اعيش قصة حب امنيتي هاي قابل طالبتني طلابة ..
كضتها من زندها ..
- شوفي ولج يا صلفة ... هاي الدروب تحجيها يم خواتج تقشمريهن حتى عود انت الوحيدة الماشية سيدا (كبل ) نسيتي دروبج كبل لو لا ..
تريد تعيش قصة حب هه يا الله وهي ممخلية منتزه ما فارتة وي الما يسمة .
- شمعنة نهلة انطيتيهة ها مو عدهم معدومين .. و تخافين لا وانطيتيها لابن المعدوم ... ليش يمة ليش جبرتيني اكسر كلبي بيدي ليش يمة ..الله لا ينطي خالتي الي بهذلتني ..بس وين شو رجعت شباب ..
- شذكرج بيه تزوج و راح لحال سبيلة .. ذاك الزمن يخوف يا كربلا ياخذونا الحكومة وما بيه حيل عدي بنات هواي اخاف عليهن ..
- اي و هسة صار الزمن وياهم المعدوم صار بهذا الوقت شهيد و انة الي اكلتها زوجتي الهم ...
هزت ام رنا ايدها
- لا تحسدين اختج ؛ انت يا كربلا ما تقبلين شناقصج اذا على هل خشم هو على بيبيتج و خالتج وهاي خالتج سوتلة تجميل وبرز جمالها اسويلج عملية ..
- لا مشكورة ووصلي خبر ما ازوج رجال جبير شناقصني يمة احس عقلي وتفكيري ومشاعري وكفت لعمر الخمس طعش ... ترضين تزوجين وحدة كل عقلها بعدة بهذا العمر لشايب ..
ما ازوج الا الي يلائمني لو ابقى معنسة ..
هزت ايدها ام رنا
- حرام اذا فهمت هل تفلسف .. اروح انام احسن ..
ما قبلت كربلا تطلع وي بيان بقت تلملم بجروحها
اجن خواتها تجمعن ..
و انعزلت بيها كفاية ..
- نهلة حجتلي شلون تجفصين يمها انت ما تحجين امورج هسة تكول لرجلها ..
مسحت كربلا عيونها ..
　
- ما يهمني بعد اي شي ابد ..
- كربلاء مو نهلة كايلتلج ارمل يعني اكو امل ..
لزمت كربلا المخدة ..
- سدي الباب لا يجن بنات عمج لو ما انت تلكين الرسائل و الله متعرفين عن عباس .. مريد احد يعرف ما اريد ..
سدت الباب كامت كربلا شالت اللحاف و فتحت سحاب الفراش و مدت ايدها من الجانب التحتي لفراشها ..
وطلعت رزمة رسائل ..
- امنيتي اعيش الحب بس عشتة و منجح بقى حسرة بداخلي ..
دمعت كفاية .
- من تحجين هاي الكلمة افهمج تقصدين امنيتج تنحبين وتعيشين حب كامل نهايتة زواج ..
- كفاية عود ليش انة محتفظة بهذي الرسائل يجوز المراهق الحبني هسة كبر وانة مجرد نزوة شباب وطيش هسة بنظره ...
سوك العشار كالعادة يروج بالناس ..
بيان كاعد ونواف اجة شوية ويرجع .. لان يريد يرتب امور عزيمة اهل مرتة ..
ابو حسن يشرب كالعادة جاي ميفاركة ..
تجار الملابس توها بدت تفتح .. و تستفتح بذكر الله الي يكنس الي يرتب غراضة ..
جاب ابو حسن كرسيه وكعد يم بيان و نواف الي ملتهي بيدة حاسبة ويسجل شنو احتياجات عزيمة باجر ... و يحسب حساباتة ..
- اكول بيان ما لكيت مرة منا منا للزواج يهي التسمع بية ستيني ترفض .. وليدي اريد اربعينية ا و ثلاثينية...
رفع نواف راسة وضحك
- والله يا عمي ابو حسن هههه عاد لكيت بيان دلال مال خطبة ههههههه عمي اخذلك وحدة عجيز وفضها ..
- لا يا عمي اريدها بعدها بنية وازغر مني اطري شيباتي ترى عمك روحة خضرة ومل نسوان ولدة ومنتهن .....
ضحك بيان وخلا ايدة على حلكة وهمس لنواف ..
- و ي يالحظ شايفني مشتغل خطابة وافتر بالبيوت حتى يكول ما لكيتلي مرة .
وكفوا من اجة السيد
- السلام عليكم ..
وكفوا و ردوا السلام
- و عليكم السلام ورحمة الله ..
باوع لبيان و ابتسم ..
- اكول ابو سمارة بلغك نواف بالعزيمة و حتصير ببيت اهلي بيت سيد داود زغير ميكفي لناسنا وناسكم .
بيان ..
- اي عمي ... ان شاللة باجر اجيب الاهل ونجيكم وانتم هم اسبوع الجاي غداكم عدنا
جان بيان يحتار شيصيحة الرجل اكبر منة ب ١٤ سنة ازغر من مرتة سلمى بسنة بس اخذ على نواف و كام يصيحة عمي مثلة ..
- ابو وسيم ما تمشي وياي لابو حيدر اريد توصيه يصوغلي محبس عقيق بس يعتني بيه شوي واريد نقش اية عليه ...
بلعم بيان هو ما يدخل بمحلات ابوه و يعتذر من اليوصيه يكلة ذاك المحل روح بس ميكدر يحجي وي السيد هيج لان يحس عندة هيبة تجبرة يطيع ..
بصوت ناصي ..
- صار مولاي يلة نواف انة شوي وارجع ..
بس ابو حسن لزك ...
- مولاي عباس اريدك واسطة المح الة ينطيني مرة
منهم يكول ما عدنا ولا يفهم علي وانة رحت لمنطقتهم
وسالت عندة اخت اربعينية ما مزوجة المن تظلم بختها
مشيها وانا اخطب ليش تكول ما عندي اخت للزواج.
استغرب عباس الموضوع .
ابو حسن ..
- اختها عمرها اربعين و ما ينطيها شتاني تصير خمسين دمشيها عاد ..
خزر بيان ابو حسن وعصب ..
- اكول عمي مخرف انت شبيك واذا اربعينية اكسرها بشايب مثلك لا عمي تبقى ببيتي شعليها ما ضارتني ...يلة سيد كبل لا اضل اجفص ويزعل ابو حسن ..
مشى عباس وياه و عاكد حواجبة حاول يلوف بالموضوع ...
- بيان من مشيتك معصب ..
- عمي ما شفتة يحجي باختي ما يخجل عود هذا زميلنا بتجارة الملابس ..
- هدي و اذكر الله مكال شي و المحروسة اختك اذا يخطبوها انطيها كبرت ترى ..
- و الله جنت مسافر بس يكولون تنطي حجج مو مقنعة وتفركش اي خطبة من تنخطب ..
و هم قسمتها جانت مسدودة اول شبابها ..
عمي احنا صرنا اهل وخواتي مثل خواتك فعادي اشكيلك امس كسرت خاطري كربلا هاي اختي تكبرني بعشر سنين ...
تبجي و ما اعرف شبيها يمكن محتصرة من البيت الله يسلمها لو بيها خير درست جا هسة تعينت من زمان وتكضي وقتها بالشغل ..
حاول يستوعب هي كربلا مو تزوجت ...
بس ميكدر يسال عنها هسة يكلة وانت شكو ...
فاجتة فكرة عن دورات تثقيفية تديرها حسينيتهم خل يقترح عليه ويشوف ..
- صدك ليش ما تسجلهة بدورة بالحوزة عدنا بالحسينية دورة قراءة القرآن وفقه هم تطلع من جو البيت وهم تستفاد ..بس اذا مزوجة كون زوجها يقبل
- لا وين قسمتها واكفة والي يخطب تطلع حجج بس خوش فكرة لو ما بعيدة يعني بالزبير شيجيبها يومية لهني ..
- ما كتلي شخبار بيتك ترى هذا البيت صاحبة يريد يسافر وعرضة بمكتبي و الله سعره اكثر من هيج و الدلال الي موظفة بمكتبي هو يتكفل هذا الموضوع بيع وشراء البيوت الاراضي شامرهن براسة انة رجل مهندس علي قضايا هندسية وبناء ... نواف عاتبني كال شدعوة كاصبين صديقي بالسعر يا عمي و الله مكلي الدلال منو المشتري و لا اجة ببالي انت بيان معارفنا .