هجين الضلام

بارت31

#هجين_الظلام
حلقة ٣١

دخلوا غرفتهم وسدوا الباب
...
كعدت عالجرباية ...
- منورة غرفتج حبي ..
دنكت ...
تقرب منها و هو يبتسم ...
كعد يمها ..
- ايه اخيرا تجمعنا سكف غرفة لا دوانية و لا ختلة ولا صبا بس تريد تعرف شعدنا ...
ضحكت خجلانة ..
- فدوة للخجولة ...
مد ايدة و جر السحاب ..
- بيان ..؟
- عيون بيان
- شغل البلازمة بدت مسلسلة متابعتها .
- لج يا مسلسل خوش كليجة هاي ...
- بيان صاير تحجي مثل اهل السوك هههه شنو كليجة ...
- خوش عذر ...
- ترى مسلسل ماكو تعاي اسولفلج قصة قبل النوم ..
- شنو ..
- تعاي اكلج ...
جرها الة و............
ورى فترة رجع لورى .. وجهة اصفر ... و يرجف عيونة من الصدمة ترمش بسرعة ..
ما يتحكم بنفسة ... مثل الي جان بحلم حلو وكعد لكة كدامة كابوس ..
غصب نزلت دمعة انكسار .. خيبة امل .. مساس برجولة .....
ظل مصفن بالبداية ممستوعب ....
رجع باوعلها وهو كوة يحجي..
- ما معقولة ... ا
عوذ بالله من الشيطان الرجيم اكيد انة متوهم ...
همسة منها استغراب ..
- شبيك بيان ، تممنا الزواج و صرت مرتك ..
خزرها ..
وهو بوضع الصدمة ظل يحجي كلام ما مرتبط
- ت...ت... ممنة تممنة مرتي ...
رجع وهو منهار ...
- ااااااخ راسي ولج ليش لا ما معقولة اكو غلط لازم اتاكد شوفي ولج تحجين كلشي ...
رجع وهو يرجف يباوع عليها جرها اله ....
بعد ليلة مطرت بقسوة رجل.. و عنفه فتركت بالنفس جروح بالروح قبل الجسد ..
فنزفت صميم كرامة... مرة و تهشم كيانها وي اخر صرخة انطلقت من شفايف ادمتها الوحشية
حتى اغمى عليها ..
دقايق بين ظلمه الظلم و بين نور امل انطفى كعدت من غفوة اللاوعي وهي
مشمورة بالكاع تحاول تسترد بقايا من جسد انغرزت بيه خناجر الشك ..
من تقربلها اكثر من مرة وهو يغلط ويضرب رادت بس تفهمه حتى كلتله فاهم غلط اكو تقرير
بس منطاها اي مجال تفاهم نزل بيها ضرب ....
والباب يندك عليهم الساعة جانت بهذا الوقت ٣ الفجر ..
صوت ضوضاء بالبيت على البجي وعلى صياحة
كعد النايم .
رهبة الموقف بين صدمة مكدر يستوعب نفسة
انتبهت لنفسها على صوت نحيبة ..
يبجي..
الم غدر ..
خيانة..
كرامة ..
حسها انهانت ...
سمعت بجي ارجل الي انمست كرامه رجولتة بالعميق..
بهمس وهي تلملم بجروح الروح كبل الجسم ..
بصوت ضعيف يرتجف ...
و عيون غركت وفاضت بطوفان دموع شرف مشكوك بيه ..
ظلت تحرك شفايفها تريد تحجي شفايف جانت متيبسة
مثل زرعة انزرعت بارض مو الها .. و لا تلائمها ...
حالة ربط لسانها اجتها لفترة دقايق ..
لملمت حروفها وكوة حجت .....
- بيان سؤال عمي ما حاجاك ؟
رجع خزرها... يحجي بهستريا مرة يخربط بحجي مرة يستوعب ويحجي ..
- الج عين تحجين هة مبين الكل مأيدج ولج سجينة حرامات بيج ...
الوكفني اكيد بالحلال منتظر مو .. ؟
لو خاف لاعبة هم كبلة .. لا اكيد لاعبة با لسنين الي عفتج ... لا مو بالعشر سنين خاف الجيران الحطوا ببيت السادة كبل لا يكعدون بيه بيت صابرين .
احجي ...
وحدة منهن منتظر ... لو خوارتج ببيوت الجيران ..
لو من سافرت لسنين . شكد انة مخدوع ...
جان متهستر ميعرف شيسوي يخلي غراض بالجنطة ميدري شيخلي ..
-و اشكد انتم تستنقصوني يلة هذا ابن العبدة يشيل اثم منتظر ..
مبيها شي ياخذ فضالة اخوه و يستر هاي السكط.
مو هيج خططتي مو؟
- بيان كلهم يعرفون سويت عملية بس انطيني مجال لا تسرع ..
ما انطاها اي مجال جان بوضع بعيد عن التفهم
بعيد عن الهدوء داخلة ثورة الغيرة والشك انتفضت ..
ظل محتار شيسوي ...
اهتزازة جسمة جانت توحي وصل لحظة جنون ..
ضل يشمر بالغراض العلى الميز وهو يصيح ...
- تستنقصوني مو ولزكوج ببن العبدة ..
شمر علبة على الميز وكعت واطشرت محتواها جانت هدية لعروسته بصباحية العرس ..
باوعت للكلادة عالكاع ورجعت باوعتلة ..
- انة شريفة ..
هاي الكلمة خلتة ينتبهلها واكفة ايدها على بطنها مثل المتوجعه و ترجف والخوف رسم بملامح وجهها قصة .. خوف متبعثر بستار الماضي ..
بيان وهو بحالة من الجنون الصدمة جان يحس هو مو هو ولا يكدر يستوعب شي ابد ...
شايفين الينصدم ويعصب ميشوف كدامة شي و يحس الدنية تفرة وتفرة و تشمرة من عالي لاسفل مكان .....
هي تحاجيه وتبجي تتوسل بس يسمعها ...
مرت لحظات صدمتة كدامة .. لحظة عرف بالحقيقة ا...
رجعت عيونة تتوسع و صار اصفر كلش مثل ليمونة ..
انتفخت عروك وجهة و احمرت عيونة مثل الي شعيرات الدم بيهن برزت ..
هجم عليها مرة ثانية يضربها وهو يريد ينهيها
خنكها..
- ليش غشيتيني ليش احجي ولج بديت احبج ... و من تعمقت خطوبتنا حسيت مشاعر تجاهج
توسعت عيونها رادت تموت ...
البنات يدكن الباب ...
رحاب ... (وحدة من خواتة الجايات العرس )
- بيان افتح شبيكم يا ستار يارب استرنا ....
رادن يكسرن الباب ميكدرن ...
تالي صوت ابوه يحاجيه
- يبة بيان لاتموت البنت انت مو تدري بيها و انت كتلي كلشي تدري ما خليتنا نتفاهم تسكتنا وعبالي تستحي الموضوع ينحجي بيه و يداول بالالسن
تركها وهو يتلفت بدون وعي ...
الباب مستمر يحاولن كسرة الي صيح جيبي جاكوك الي تكول درنفيس نبجة ...
بس هو بقى بلا وعي وهي خافت تتحرك
ما تعرف رد فعلة جان شكلة يخوف مثل مخبل يدور بعيونة شلون يدور عن شي ...
لو يدور على نفسه وبعيونة صور مرة حفل العرس مرة تداخل بيها ايام الاخيرة من بدة يتعلق بيها ..
لحظات يغازلها و دخلت صورة كابوس
علاقتة الزوجية الي كشفها مو بنت ..
كل الصور صارت ظلمة واختفت بقت بس هاي الصورة ...
صورة لحظة انهيارة من كشفها ...
ظلت تتكرر بدماغة وهو يصرخ ..
كضها من شعرها وهو يفرها ميدري شيسوي ..
محس الا لزكها بباب الغرفة ...
رجع يفرها من شعرها وهو يصيح ..
- لا كذب كابوس مو حقيقة ..
تركها وكعد على ركبة يبجي ...
- لا .. مستحيل .. ما اصدك .. ليش ولج حطمتيني ..
ليش ولج ليش .. حرام عليج ..
جانت هي ايدها على كصتها الي ورمت ..
و يمه بالكاع تبجي تحجي هو بعالم صدمتة ولا يمها كلامة مامرتبط
- لا مستحيل الصار لا ماكو هيج .. هو شنو الصار..
ااخ عقلي ما اكدر احس اتخبلت ...
باوعتلة ...
- بيان خليني اسولفلك لاتسافر انفضح الناس ما ترحمني ..
اذا ما تريد وحدة مثلي حقك بس فترة وطلكني وسافر عود..
باوعلها وبعينة نظرة جرح..
ولسانة يمتمت كلام مخربط ما ينفهم انفاسة علت بشهكات
وهي ترجف ... و بشفايفها الي تحولت زرك تترجى منه ولو امل بس يفهم بس يسمع بس ظلت تحجي وحدها وهم يخربط حجي ممفهوم
مثل الي فقد عقله ..
- لا بيان حباب لا انة مناقصني شي و لا احد غيرك لمسني ولو بطرف اصبع بس هي عملية هسة ادور التقرير ..
انة وصبا من نسينة وين خليناه ما اههمتمينا كلنا تد دري و قابل بيه ..
اعرف جان المفروض ما اكلف صبا بورق مهمة المفروض انة ارزمها بس مدري شي و صار ..
كالت اخر حجيها بشهكة ..
بيادأس لان ما يسمع كاعد ينود(يهز جسمة كدام لورى بتتابع ) و يخربط حجي و متفارك لسانة غير..
كابوس روح .. مو حقيقة انت كابوس روح لازم اكعد .. اي .. هذا مو حقيقة كابوس ..
دخيلك ياربي هذا الكابوس خنكني .. يارب خل اكعد اكيد نايم هذا كابوس خنكني..
تلفت و عينة على جنطتة لازم يشرد من هذا الكابوس لازم ما يبقى ...
رجع يخربط..
- اي اروح ... هنا كابوس لازم اشرد ..
.. يفتح كنتور يسدة ..يفتح جرار يسدة ..
ما يعرف شيريد شيسوي ..
خافت تكضة حستة راح يجلط وجهة صوفر على زورك ...
دكاك الباب وبجي برة نبهة لازم يطلع هذا باب اي الغرفة بيها باب ..
فتحة وهو يدفع بالموجودين دعم بابوه راد يوكعة بالكرسي كل همة يشرد .. عقلة صار مو ملكة حس اتخبل ...
ايده على ركبتة ويخربط
- لازم ارجع ....
روحن كذابات كلكم خونة وخرت ...
لزمنة خواتة يدفعهن...
كوة كعدنة و كربلا تغسل وجهة ...
ظلت سنونة تضرب سن بسن ...
حاجاه ابوه ..
- اذكر الله فهمني شبيك ...
ظل يرجف وبعدة يخربط بس بكلمة كابوس اريد اشرد خلوني اشرد من كابوس ..
صاحت الي ساكنة بالعشاير .
- يبة خاف مضرور خاف احد يكره شمر سحر هواي عرسان تخبلت من ورى هجمان البيوت السحر ..
دنك ابراهيم وجنة استوعب حالة ابنة ..
- لا يبة .. اخوج مصدوم حجية من صدمتة ...
راح لابنة يكض بيده يفركها والولد بس جسمة ينكت ...
متهستر ....
راحت ام رنا لبت اختها جرتها ..
- هذا شبيه يرعص هيج جن جني راكبة ..
وانت ليش مخربط وجهج هيج ...
اكلج رجلج هذا شو جنة مخبل ...
دخيلك ربي عرس وتخبل ...
باوعت لخالتها وهي تبجي و ايدها على بطنها ..
كعدت بالكاع ممغوصة و هي تنحب ..
- خالة طلع محد كايلة سالفتي ليش خالة..
باوعت لعمها ..
- عمي ليش خليتوني بهيج موقف ...
بس ابو رنا جان خايف على ابنة الي بعده يهتز ويدردم بحجي ما معقول ولا مترابط ...
سعاد ..
- عمتي بالطريق خابرتها ...
ورى اكثر من نص ساعة دخلت الدكتورة وزوجها و هي تركض لبيان ..
رادت تفتح دكم القميص الي مدكمهن غلط..
كض ايدها و كال
- اخذيني منا اريد اشرد اخذيني ..
هي من كلولها حالتة اخذت احتياطها بابرة تسكنة و تنومة ..
...
مددوه على القنفة و غطوه وهو يرجف
- بررردد بردان....
لمن فاتت فترة غمض عيونة ونام ....
اما رقيم جانت عمتها تسالها اذا بيها شي ...
بس هزت راسها ودخلت الغرفة وما كدرت تسوي شي بس مصفنة بالحال الي وصلتها بسبب ما الها علاقة بيه..
كثير مثل وضعها مصيرهن الرفض ...
ويحسن بنبذ ...
اجتها عمتها فرفضت اشرت عوفوني ....
غمضت رقيم عيونها جن روحها
　
مثل فراشة ترفرف
وسط لهب جمرة وهي تجر النفس كوة ..
داخلها انسانة مهشمة الاجزاء صعب ينلم بعد ...
رجعت بذاكرتها لاسوء تاريخ بحياتها لسنة ٢٠٠٤
.
.
.
مرت شهور علي بذيج السنة كل شهر تجيني الام قوية تضرب على الكليات و اسفل البطن ..
شهر على شهر بدت تزيد الالام و بديت اتمرض هواي ..
امي ملتهية بالمشاكل ..
و ابوية برزقة ..
جنت بالمدرسة اسمع صديقاتي اوكات يسولفن بموضوع بنات و الشهرية
بس انة جنت اكول ليش مو مثلهن ...
ليش مختلفة .. حتى من يسالني اعوفهن
وما اجاوب .
اخاف احجي انة مختلفة مو مثلجن
ماكو هذي الامور التحجنها خاف ينظرلي بنظرة مختلفة ..
هواي هواجس داخلي جانت ..
و بوكتها جنت اعاني من خذلاني بالحب ..
حبيت بيان وهو ما يحبني ...
امي حيل مشغولة عني ..
شكد حاولت اكعد وياها كعدة بنت وام بس هي اكثر وكتها يم الجيران وطلعات ..
و اذا بالبيت تخلق مشاكل بس حتى حجة تطلع تكرش بالناس.
بقيت على هذا الحال ليوم من الايام تحول المغص الى الام يومية و استمريت اسبوع اعاني وامي تكول رمل شربي ماي هواي .
من دون طبيب من دون فحوصات ..
لمن ما نصحوها تاخذني طبيب خاف عندي شي بالمثانة خاف حصوة بالكلى ..
لان كليتي جانت بوقتها مثل سجاجين تضربها ..
راجعت بية فحوصات كلها طبيعي و بس عندي التهابات مجاري بولية ..
العلاج ما فاد ...
بيوم وكعت من الالم .. لدرجة ردت اموت ...
نقلوني مستشفى ..
بالطواريء احتاروا بية..
بطني تتمزق ..
بذيج الفترة جانت صعبة اغتيالات الدرجات العلمية اكثر الاطباء هاجروا للخارج وبقوا بس اقلية ..
جانت مرة جبيرة فاهمة جايبة بت ابنها للطواريء ..
شافت البجي و النحيب من اهلي يمي ...
محد يعرف مشكلتي شنو ..
كدامهم اتلوى بمكاني ومحد يعرف علتي ..
اجت وهي تسالني وانة اجاوبها ...
- بنتج بطنها مو مال كرش ..
خزرت امي المرة ...
- لا هي تاكل هواي ...
- بطنها مو كرش لو يفحصها دكتور باطني خاف عدها شي ببطنها هواي يكبرون تالي يطلع عدهم ببطنهم اجياس (تقصد اكياس مائية )
امي ردت الحجية بنتر
- شنو هذا الفال ما بينة حيل العمليات..
- خالة البنية كسرت خاطري مفرفحة .. فحصوا بطنها ...
امي و دائما سوء نية
- شنو قصدج تطعنين شرف بنتي وعود حامل .
هزت العجوز ايدها وراحت عافت امي وهي تستغفر الله ...
- منو جاب سيرة الحمل ...
بعدين اجة دكتور وهو يسالني .. اجاوبة محرجة وين مكان الالم
كتب بورقة و و حولوني باطنية وتحاليل دم ..
و هناك الصدمة ...
بس شاف الطبيب السونارات حولني نسائية
- بنتكم حيز الرحم ممتلي بدم الشهرية .. و حتى اكو التهاب ووضع الرحم والمبايض تعبان ..
الصدمة الجبيرة بعد فحص الطبيبة .. وقررت فورا لغرفة عمليات بالنسائية ..
- بنتج عدها تشوه خلقي بعذريتها من جانت جنين ببطنج نوع عذريتها هي Imperforate hymen (رتقاء)
لازم عملية ...
وظلت ترزل امي وين جنتي عنها اكو وحدة ما تعرف ببتها تجيها شهرية لو لا يمكن حتى ما كعدتي وياها بعمر النضج تعلميها تفهميها شنو من امهات لو الموضوع من البداية ما تازمت هيج ..
جنت احدى الحالات الخاصة الي لازم فورا ترفع العذرية ...
ما ممكن ازوج قبل العملية بسبب تكدس الرحم بدم فاسد ...
اضافة ببداية موه كلية ولازم علاج فوري قبل لا يتسبب بضمور كلى ..
وضعي جان خطر ومتأزم ..
وصوت العويل واللطم وسط خوفي وانة ما اعرف شينتظرني ...
تدمرت حياتي لاني خلقت بتشوه ..
حالة نادرة جدا جدا واكو مثلي حتى ولد عمهن يخافون يزوجوهن لا ميصير عدهم اطفال ..
بدوا اهلي يردون يستروني بمنتظر ..
منتظر جان يحبني ادري بيه بس انة حلمي بيان ...
فجاة الحلم صار بعيد هو يحب صابرين وانة بديت احس بنت ينقصها شي .. .
مختلفة عن باقي البنات ....
ورى فترة سمعت امي وابوي يسولفون
- حوراء هاي الدكتورة مو زينة سألت تكدر تحافظ عذريتها بس عملية تسويها حتى تجيها شهرية .. الدمتورة دمرت بنتي ..
- طلعت ما تعرف شي و هاي اختك تكول اكو حالات
خاصة ميكدرون يحافظون على العذرية فيشيلوها وينطون تقرير لجنة طبية ...
اكيد تحامي للي مثلها دكاترة الله لا ينطيهن ...
لازم اخوك يستعجل نعقدها على منتظر ...
وخل شوي يكبرون نزوجهم ..
اختي تكول حاجينة منتظر وزامط
- البيه خير يصير ان شاء الله ام نؤاس ...
خاف ما تخلف و تالي يزوجون منتظر بنتي مدللة ما اريدها تنقهر انة ابقيها بلا زواج تملي علينا بيتنا وتشيل كبرتنا ...
- لا بلة .. و اذا الله خذاك وخذاني منو الها تضل خدامة لنسوان ولد عمها واخوها مو ؟
ركضت وكتها ابجي ..
نفسيتي من ورى هذي الشغلة تعبت...
و صرت بس ابجي واتحسس اي كلمة و اتهستر واصيح ما ناقصني شي مثل البنات انة ...
هذا مختصر لمعانات مرضي ... وهسة هذا حالي منبوذة من زوج شك باخلاقي ..
لو ادري بيه ما يعرف ما ازوجة الا يكولولة الا يفهموه ويبقى الخيار اله يقبل بيه لو لا ..
بقيت اتراجف من الموقف الي انحطيت بيه الزواج تم ..
اول ما تقربلي حسيتة يحبني وخايف علي
بس بعدين صار وحش يفترس جسمي بس حتى يتاكد مني ..
جنت اصور انو يعرف اخلاقي زين بس مع الاسف هو حالة من حال رجال يدورون امور و براهين ..
يمكن اي وحدة تبيع شرفها تسوي استرداد عذرية وتمشي امورها .. ..
لان الرجل للاسف نسى انو هذا الموضوع مو قياس للشرف خاصة بزمنا هذا تطورت وسائل تكدر اي بنت تغش ...
بس اكول شنو ذنبي .. مالي ذنب الله خلقني هيج
ما كدرت انام داخلي خوف من الصار ..
اتكلب وافكر اذا ما اقتنع و طلكني شنو وضعي يصير ..
الناس تدري تزوجنا اذا تطلكت هسة راح تاخذ عرضي..
كمت اسحسح بروحي للحمام اسبح واصلي صلاة الحاجة بلكت الله يرأف بحال يتيمة ...
بلكت الكا تقريري ...
يمكن الساعة صارت بالستة كل هذا الوكت فات ..
المفروض اليوم صبحيتي ..
المفروض فرحانة صرت مرة لبيان بس كلشي تدمر بلحظة ..
صليت الواجبة و صليت ركعتين لوجه الله ..
صلاة حاجة و طلبت حاجتي ...
لميت السجادة ... شفتة دخل وجهة ما يتفسر يركع بيبان الكنتور يدور على شي ..
رجع باوع لجنطتة طلعلة ملابس و دخل للحمام و ما باوعلي ..
كعدت انتظره بلكت يتفاهم ..
اسمع سوالف البنات بالمطبخ اكيد محد نام ابد ...
طلع وهم ما باوعلي وهو مبدل ..
حتى ما مشط و حالة مبهذل شعرة يكطر ماي على قميصة وما مهتم ...
طلع من الغرفة ...
وهو يسمع البنات بالمطبخ مبين الجو متوتر..
و يسمع سمية تكللهن ليش ما كعدتني نومي ثكيل جا حاجيتة يا عود صدك يريد يطلك رقيم ..
انكطع الصوت عنة وصار تهامس من دخل غرفة البيها ابنة ..
كعده .
- يلة ابني رايحين ..
- وين بابا ... مو تزوجت امس بس وامي ..
سالت عمة كربلاء تكول امك ما تريدك عافتك وخالة رقيم تصيرلك ام .. يبة ما اكدر انة امي بس سلما مبغاش ام جديدة ..
دمعت عين بيان و نزلت على خده وكلة .
- ماكو ام جديدة ومحد توصل لضفر سلمى مستحيل يوليدي يلة .. غسل وبدل ..
نزل جنطة ولم ملابس الولد دخلت كربلاء ..
- احم .. بيان لا تروح تعودت على وسام ..
ما باوعلها ولا حاجاها جان كل حليفهم منه برود وصمت برود بعد عاصفة هستريا امس ...
- بيان بنات العالم مو لعبة انت تممت الزواج ماكو حاجة تشرد وتفضح المسكينة ترى تفضحنا كلنا وكلنا نتأثر فكر بخواتك المزوجات فكر بينا بيان لا تصير اناني تفكر بنفسك ..
هاي المرة روحتك راح تسبب النا كلنا بفضيحة للعلم رقيم شريفة اكعد خل نتفاهم اول احاجيك كاخت اريد اوضحلك..
رفع ايدها يسكتها وبصوت مبحوح..
- ميحتاج توضحيلي مبينة احتمال منتظر ماخذها و هذا مكدر افك حلكي لان جانت حلاله بس خداعكم جرح بكلبي تستنقصوني لان ابن عبدة الله لا يوفقكم على صدمة امس كدرتم تدمروني ..
دمرتم ابن سماح وهذا غايتكم ...
عمتة باتت عدهم
- ممكن نتفاهم شوي تسكت حتى اكدر اشرحلك ..
هز ايدة وكللها
- لا ما ممكن حتى تدبرولهة جذبة تلزكون هاي براسي ...
اخذ ابنة وطلع ..
- اوكف هنا خل اجيب جنطتي ..
دخل الغرفة لكة رقيم الي مبين على وجهها اثار الضرب ..
بيدها تمرغ بطنها وتبجي مثل المتوجعة ..
باوعلها بنظرة احتقار و خذلان
وهي خايفة و هي ترجف من تذكر امس
بس جان خوفها على سمعتها اكثر من خوفها من وجودة يمها ..
-بيان وين رايح لاتعوفني بس خل افهمك
باوعلها بخزرة و تفل بالارض يحتقرها
- دمرتيني من سنين ومن حبيتج جانت هل ليلة دمار اكبر الي كملتي اذيتي يا رقيم
ظلت تبجي
- لا تفهم خطأ ليش عمي مكلك شلون ميكلك؟ قبل العرس
اخذ جوازة و جنطتة و باوعلها و كال
- للأسف حبيتج
و عافها راح ...
ركضت وراه
- لك لا تفضحني ما استاهل منك هيج ...
جر ابراهيم كرسيه يريد يمنعه وهو يكلة
- يبة لا تفضح شيباتي من تالي يبة هاي شرفك والنبي وصى بستر وليدي البنية شريفة هي عملية سوت خل نتفاهم .
بس كلامة تبعثر على وسط اللا شيء لان بيان راح ..
و رقيم جانت وراه تريد تكضة تمشي وتتعثر توكع تريد تكوم ما كدرت الم اقوى من طاقتها ..
صاح عمها وبحة بجي بصوتة
- تركيه وسفة عبالي يتحمل مسؤولية الله يرحمك وليدي منتظر ..
ظلت رقيم تضرب وجهها وهي تبجي ..
- عمي شسوي عمي الناس ما ترحمني اليجي يتبارك شنكلة العريس شرد ....
　
السويد ...
كاعدة شوي اليوم افضل خاصة بعد الدم الي اخذتة والعلاج ..
بس تعبانة ..
الدكتور يبتسم و بالسويدي فهمها اليوم افضل حال
بس هي جاوبتة .... هل مرة عدت بس المرض مستمر و باخر مراحلة ماكو امل ...
ابتسم الطبيب و ما جاوبها ..
اما بيان
ورى كم يوم يا الله كدر يسافر ... اضطر يبقى ببغداد هاي الفترة ...

من وصل للسويد من المطار لبيتة كبل ....
وصل لبيتة شاف سيارة منار مركونة ..
- سلمى موجودة كذبت علي معناتها ..
فتح الباب .. ..
و دخل ابنة يركض يدور بالغرف ..
- امي انا عودت ..
طلعت منار من المطبخ بيدها كهوة ومبين عليها سهر وتعب ... وهي تخابر .
- اوك ثواني و اكون قربك ...
سكتت من شافت بيان سدت النقال وكالت ..
- بيان ؟!
- وين سلمى؟ لا تكولين سافرت ..
شافتة تعبان زغب لحيتة طالعة ..
شكلة مو بيان الي ما يطلع الا اناقة وقيافة . عيونة كلها هالات ...
طلع وسام يجر حامل مغذي فارغ ..
- يبة، باوع لصديقة امه من كال لفظ زبيري .. رجع كال بابا ... شوف شلكيت و اكو ابر عالميز ..
باوع لمنار .
- شبيها سلمى .. ترى تعبان لا زيدين علي تعبي .
ربعت ايديها على صدرهة ..هي معارضة لزواجة على سلمى و شكد كالت لسلمى شلون تنطين زوجج لمرة ثانية ..
بعينها نظرة استهزاء.
- طيب .. حابب تعرف .. فين مراتك انتا جبتها معاك شي ولا لاء ..
عصر ايدة حيل لو بيدة يفلش البيت عليها ماكو حاجة تذكر ذيج يمه ..
- شوفي عوفج من ذيج شي ما يخصج بس كليلي وين سلمى .
- بص .. تكلم معي باحترام .. سلمى بالمستشفي ..
ما بدك تعرف شو بيها ضحت كتير من شانك .. و هاد اخر تضحية تعيش حياتك ..
تعرف انا كنت جنبها وانت تتصل معاها تزغرط و تقول اشياء معرفش شو هي تغني .. وهي تنزف جروح تحتضر .
سلمى فيها سرطان يا استاز بيان يا عريس ..
يتبع ......