هجين الضلام

بارت16

الحلقة ١٦ ..

الماضي بهذا البارت يعتمد على سالفة الخال لبيان وعلى ذكرى رقيم و نهلة يعني ماكو بيان يسرد ماضيه لان هل بارت ماضيه توضيحي للماضي السردة بيان النا من وجهة نظرة الي احتمال تكون صح او خطا
لازم يتوازن البارتات بارتين كثرنا ماضي لازم بارتين نكثر حاضر
نبدأ البارت
بسم الله الرحمن الرحيم
باوعت لبيان و اخذت النقال و طلعت برة و فتحت خط ..
حجت سلمى خليط عراقي مغربي تدري بيان ما يحب المغربية ...
- الو بيان اسفة ما عيطت عليك (اتصلت ) كنت مشغولة
حجت رقيم بدلع و نعاس
- الوو انت ضرتي اكيد شلونج بيان نايم خطية امس للصبح سهران وياي اذا تردين اكعده يحاجيج ..
ت
ثاوبت و صوت تنفس حاد لسلمى وصللها بعدين حجت
- اها انت رقيم ؟! لابس عليك كي داير لاكين مافهمت والو .
تعمدت سلمى تحاجيها مغربي وهي تبتسم من حست بضرتها ضاجت وهي تنفخ
- وشفهمني شطرطنين علي احجي شي افهمة ...
ضحكت سلمى و داخلها تغار بس هذا قرارها ولازم تلتزم
-طيب حكلمك بلهجة تفهمي عليا قُتلك كيفك امت انت او بلهجتك شلونك رقيم مافهمت شي من كلامك بس حسيت انت كذابة ..
تفاجأت رقيم من رد سلمى مكدرت تغيضها وهذا الشي خلاها حيل تضوج فحاولت ...
- لحظة راح اراويج فعلًا انة وبيان تم زواجنا اصلا نايم يمي شعبالج باقي عليج انت عجوز .. يعني ختيارة ...
اما سلمى جانت تخفي مشاعر حب وغيرة خلت كوب الكهوة عالمنضدة و مدت ايدها على راسها وهي تتلمس جلد راسها ونزلت دمعة منها و جرت نفس وهي تعبانة و كلتلها..
- حبيبتي كاندوي معاك علاش ( احجي وياج ليش ) تكذبي بزاف( هواي ) اسمعي رقيم رديلي رقمك في كلام لي معاك ..
رقيم:
- انت ليش تحجين هيج تتعمدين ما افهم لهجتج احجي عدل
ضحكت سلمى وهي تغيظها كلش
- اوكي بكلمك عراقي بطلي كذب
صفنت رقيم بلهجتها العراقية بلكنة مغربية
- لا شنو اكذب عيب عليج الا اصورلج بيان لحظة شوفيه نايم لو مو يمة انة شلون اصوره ..
ضحكت سلمى وهي تحس بغيرة رقيم وعرفت هذي مو بس تحب بيان هذي عاشقته ...
- رقيم رقمك رجاءا حشومة عليك (عيب) تستخدمي نقال مايخصك نحتاج نحكي معك .
عصبت رقيم وتجاهلت طلب سلمى رادت تحجي الي بكلبها من سنين وفرصتها غريمتها تحجي وياها تريد تحقرها لان استولت على رجلها وخطيبها
- انت شلون تزوجين واحد خاطب وعاقد على وحدة ترى مو انة الي بكتة منج انت الي بكتيه هو اصلا خاطبني قبلج بس انت اكيد مسويتلة سحر والا ٤٥ سنة عمرج ماخذتلج شاب مثل بيان الي الف من تتمناه ...
استمرت سلمى تضحك وهي تعذر البنت وكلامها تقريبا صح بس شغلة السحر خلتها تفطس من الضحك لان هذا الامر بعيد عنها و عن شخصيتها .
معرفت هي جانت معدها فرص زواج خصوصا بالخارج اضافة حذرتها الدكتورة انو فرص يصيرلها طفل تقل كلما تاخرت بالزواج ..
فجان لازم تزوج بسرعة تحصللها طفل و بيان جان وحيد مهموم تعبان نفسيا وجسديا زغير كل الي راده بيها ام وهي صارتلة الام والزوجة و الصديقة لذلك مستحيل تصدك برقيم بيان ما يخطي خطوة دون علمها و نصحها ...
- معك حق كان هو ليكي لكين ماكن يريدك انت سببتي ليه جروح
ضربت رقيم الكاع برجلها ومسحت دموعها وهي تتفاهم وي غريمتها ..
- انة! انت شتحجين؟ ممخلي شي ماكايلج عنه للعلم جنت طفلة وكلولي احجي هيج من شهدت زور ..
- كتير تحكي! اعطني رقمك الافضل نحكي من نقالك ..
ردتلها رقمها وهي تدردم بداخلها
ناقصني بس سلمى خانم تتأمر علي اووف بيان اووف هذي مستبدة شلون عايش وياها والله حسستني طفلة انة ..بس انة الج اغثج
- سلمى بيان يحبني و مثل مكتلج امس تم زواجنا ..
- على ما يبدو اينتي مصرة تكذبي .
نست رقيم نفسها وصاحت
- بيان حبيبي انة واي امرأة تتقرب منه ما اقبل ليش لاحكيني على حبيبي ..
جاوبتها سلمى
- اممم بتهددي مثل معملتي مع صابرين!
نبض كلب رقيم وتذكرت نصيحتها لصابرين و حست بطعم الحنظل بالصار ورى ما نصحتها و شسوت امها بذاك اليوم من سمعتها تتعارك وي بيان وسمعت حجيهم ...
بداخلها من جديد ركب الماضي براسي ..بس حاجت سلمى.
- و صابرين؟ شنو قصدج شو ما افهم تلميحج للعلم صابرين وحدة ما تستاهل بيان مترهم ابد، زين انت جنج تحاسبيني كلج خلك عجوز ...
انسحب النقال منها صرت على شفايفها وهي خايفة وصارت صفرة دارت على كيف شافت بيان عيونة منططهن وحمر كد ما معصب
وكفت على صفحة وهو يحجي وي سلمى شافت ملامحة رقت و جان اكو فرحة بتعابيرة
- لج وينج لازم صديقاتج اهم مني حبيبج وزوجج و ابنج ما فكرتي بوسام ..
- اعتذر مينك كنت مشغولة ، اه نسيت ابارك لك اتمام زواجك برقيم
- احجي عيدي شكلتي بلة!
- مبارك اتمام الزواج برقيم
- اممم رقيم كلتلج هذا الحجي ؟ للعلم رقيم كذابة ..
ابتسمت سلمى تعرف بيان و هي هم تصرفت بنذالة وي رقيم من فتنت عليها يمكن اشتغلتها كضرة بس عقبت تشجعة يتمم الزواج.
- بيان تمم الزواج البنت تحبك
باوع لرقيم وحول يحجي سويدي و من خلص مكالمة خلا نقالة بجيبه وجر رقيم من زندها ..
- شكايلة لسلمى؟
- الحية كلتلك مو ؟ سوت روحها فقيرة طلعت كلبة عجوز ..
ما تحمل سلمى خط احمر ضرب رقيم وكلها ..
- ما حية غيرج حتى لو مكالت حسمع المكالمة ..
دخل على تسجيل المكالمات و طلع المكالمة ورقيم كعدت بالكاع صفرة شنو هذا الحب الي كلة ذلة ...
سمعها المكالمة وعصب ..
- لج شنو انت شنو ؟ ما كفاج منتظر وصابرين هسة ناوية تجلطيلي مرتي ولج انت تدرين بروحج جونسن و تافهة ...
بس اعلمج ...
جرها من ايدها لغرفة ثانية فوك مثل مخزن ..
- الا اطلع قهري بيج مال سنين يا رقيم ..
وسعت عيونها
- شراح سوي بيه ؟ شوف بيان ادري بيك حاقد وهاي مال راجعلنا بطيبك و حنانك تمثل حتى تنتقم ببرود بيان الدنيا اذتني مثلك فلا تجرحني اكثر ...
جر شعرها
- لسة مرارة موت منتظر بكلبي يا رقيم، انت سبب موت اخوية انت الحرضتيه .
بجت وهي تنكر:
- لا ماكو هيج شي شدتحجي انت!
- لج سمعتج تكليلة الما يعرف يركص كلامج حرضة
- لا غلطان هاي الكلمة بكلشي احجيها اله ما يوم اندفع على مود كلمة بيان تعبت ولك تعبت اتركني ...
ظلت تدفع بيه بس هو جر شعرها اكثر وضرب راسها بالحايط ..
- اخ يمة راسي عوفني فدوة والله راسي ...
رجع ضربها راشديات ..
- لو اشنقج ما يشفي غليلي بسوايتج يا رقيم ...
- ما سويت شي ....انت غلطان ...
سمعوا صوت صبا تصيح من جوة الدرج ..
- رقيم تعاي صابرين تدك عليج لج مو عمي كلج هاي حضريها وينج تعاي هرتنا هري تتصل ...
سمع بيان صوت صبا و صفن ولمعت عيونة، ما عرف هاي صابرين بدون لو غيرها ..
- ليش دمرتيني خل انكول زغيرة بسالفتج لامي ولو الحية حية من زغر بس ليش ولج خليتيني بلا اخ ولا حبيبة ولج تدرين شكد احبها احجي، مكفاج هذا سويتوني واحد مستعجل عالعرس وراد ياخذ مرتة بايام الخطوبة حرام عليج هججتيني و عفتلج العراق كلة لو ما نهلة ودكتها ولا ارجع سبحان الله احد اسباب شردتي من العراق اتهام نهلة مثل ما علمتنها وشهادتها علي ردت اغتصبج ههههه و رجعت هم من ورى نهلة ...
صعدت صبا تدور سمعت الصياح من غرفة مخلينها مثل مخزن و كفت محتارة تدخل لا تخاف من بيان وجنة معصب ..
فحجت صبا و النقال يدك ..
- صابرين تدك عليج وينج؟
باوعت لبيان و كلتلة:
- وخر موتتني ضرب شتريد بعد اكو تهمة ماكلتها بس خل اكلك بعد ما ابرر تعبت و مليت وخلص لهنا كافي وياريت نفسخ والدنيا ماوكفت عليك، بس اكلك شي روح لخالي محسن جان موجود و سمع كل عركتي وي منتظر.
بس قاطعها و اشر للباب:
- عوفج من مكرج و كليلي الي دتخابرلج صابرين البدون لو غيرها.
شافت اكو الم وجرح بعيونة هزت راسها اي و كلتلة
- اي صابرين وانت شكو ! مرة مزوجة لو حنيت للسطوح لو تريد تتهرب من موضوع موت منتظر لان ما تريد تعرف الحقيقة كل الي تريدة يا بيان بس تلكة حجة تكرهني بيها، روح بيان لخالي يسولفلك ما احجي اني شي بعد خليك بظنك ..
جر نفس - صابرين شخبارها شنو صار عدها؟ ..
ضحكت رقيم بقهر وهي تفرك راسها الضربة بالحايط وكالت ...
- صابرين ههههه شوف انة وين احجي وهو رجع على صابرين
- كافي خبيثة وفتانة ...
صوت صبا
- ترى هاي تدك و ينتهي الاتصال ترجع تدك تعاي حاجيها لو اغلق نقالج ...
باوعت لبيان و كلتلة
-شوف هم كلت فتانة خليك بظنك و خلي صابرين هي الصورة المثالية ببالك خطية انت اترخص و لا تنسى تريد تعرف شصار ذاك اليوم بالشط تلكاه يم خالي.
طلعت اخذت نقالها وهي تركض تنزل الدرج وتبجي
رجع دك التلفون و كربلا تاشر لرقيم شبيج ..
- شنو كصتج مزوركة وخدودج العتوي مو ؟ سوالفة هاي سأليني ..
تجاهلت حجي كربلا و استمرت تحجي وي صابرين ..
- متملين شكد متصلة ... مالي خلك اهوو لا تتوسلين ما عم علي غير توسلج والا من زمان احضرج و اخلص ..
- رقيم ما اثر عليج بس افضفض مخنوكة حيل تدرين اوكات اتحسف على بيان بس ارجع من اشوف المتع والاموال والمكانة الي ما يكدر بيان يقدمها الي اشوف زواجي صح رغم حقارة زوجي.
- صابرين مالي خلكج اتصلي بعدين ، انة هسة اريد اليسمعني صابرين كافي رحميني ضيعتي روحج و تجين تذبين الصوج بهذا وذاك كل الصوج بيج انت... انت صابرين اذكرج ابن المسؤول ال .... الي ياخذج بسيارتة وتجين تكليلي سوالي كذا وكذا بس ما اخذ عذريتي ولج انت عوجة من الاول يمتة تنعدلين ..
- لا رقيم اكيد لان جبت سيرة بيان ضجتي شكد تحبيه هههه وهو عايفج اكيد بعدة يحبني رغم كلتي تزوج و عندة ولد.
- اتصلي بعدين مالي خلك باي .
سدت صابربن النقال و هي تبجي و تكول شكد بطرانة وتافهة هاي شكد اغار بعدة يحبها وهي مخلت سناب ما صورت جسمها وتركص للولد لو تسوي امور سكط وتخون رجلها و الظاهر زوجها عاجبة الديوث يتاجر بمرتة هي هاي ملاكك صابرين صوجي ما اصدمة بيهة استاهل تهايمه حل بيه ...
فتحت نقالها تريد تخابر المدرسة اجازة كم يوم مستحيل نداوم هيج ..
لكت رسالة من صابرين و صور الها بلبس راقصة و كاتبة جوة ..
- هذا اخر حفل بملهى بلبنان لا ضوجين مني وتعوفيني انت صلتي باطهر فترة عشتها حبي لبيان الوحيد ما استغلني، حتى زوجي استغلني طلع مزوج و رادني بس لتجاراتة بهيج امور
ضربت رقيم كصتها وهي تصيح
- وانة شكو تدزلي هاي الصور شكو؟ يارب هاي ما توب مني
حجت كربلا:
- شكو مترددة بلكيها وهاي هية والسلام عليكم تستاهلين متونسة عالصور المشلحة تدزلج .
باوعت لكربلا وسكتت استمرت تقرا رسائل صابرين.
وصلت رسالة ....
- لو منج اعوف حلمي وي بيان الشغلة ممتعة ايضا مربحة فكري وانة انقلج نقلة لدبي ، تتونسين يومية دولة؛ ولأن بالبداية لازم تشاركين ويانا عن طريق النت صوري ركص لاطلعين وجهج عادي ترى هواي بنات عايشات على هيج وفلوس تتحول لرصيدهم ..
كتبتلها وهي تضرب خدها:
- لج صخام الصخمني وياج هو هيج وحظي ما كاعد النوب اشتغل يارب سترك هواي كتلج بس تعيدين هذي السيرة احضرج ولج عمي مانعني منج بس انة مبقيتج احس بالذنب لان كتلج تزوجي خليجي ما انكر احب بيان وردتة بس شعوري لو ما ناصحتج ما وافقتي ..
كتبت صابرين رسالة
- عاجبني حياتي لا تحسين بذنب بس زوجي كرهته وانت مالج ذنب كم مرة اكلج بديت امل من بيان لان ماعندة امكانية وطالب ويحجي بس بالحب عبالك اخوان مايوم باسني او ونسني اصلا الصار من صالحي، مشكلتي مليت من زوجي لان كل همة بس تجارة بجسمي اما الباقي هاي حياتي و قابلة بيها افكر اطلك و اشتغل دون حكم وطمع حمد ...
ردت رقيم برسالة:
- اي لج مصدومة انة و اكول كلة مني وانت الظاهر متونسة، يلة اروح اريد اتصل بالمدرسة.
ورى ما كملت من صابرين اخذت اجازة من المدرسة رتبت امورها لان صعبة المديرة وكوة تقتنع ..
خلت ايدها على خدها ..
وهي تذكر اول اتصال من صابرين بعد ما تزوجت ..
ببرنامج ياهو.
- هلو رقرق لحكيني طلع مزوج و خلاني ببيت و الحقير يكول انة ما استحق زوجة بس للتجارة بجسمي شخص طماع و ديوث يا رقيم ..
- صابرين بيان عقد علي وشرد عافني شفتي انة هم ضعت بس بشرف ضعت والناس تحجي ليش عافها و غير تأليف القصص هههههه هم يضحك مدري يبجي نفسيتي منهارة عوفيني ..
واستمرت مكالماتهم الى ان لاحظت يوم على يوم تقبلت صابرين واقعها و حبتة احد الاتصالات وهي تضحك ضحكة غجرية:
- باجر صديقي عازمني برحلة بيخت لثلاث ايام رقيم العيشة هنا احلى من العراق تمنيتج وياي ..
- لا خية لا تتمنيني خليني هيج يلة اترخص ..
كلما رادت تنهي صداقتها بصابرين بس متنتهي استمرت و استمرت هي تنصح وذيج تزيد انحراف كم مرة كلتلها تركي زوجج ديوث و طهري نفسج من الضياع بس مقبلت تزيد انحراف .
عافت صابرين وذكرياتها و هي تشوف كربلا تلملم بالغرفة ونهلة تستعد لدوام الشركة ..