هجين الضلام

بارت14

الحلقة ١٤

من شافت كربلا رقيم منهارة كلش انكسر خاطرها، و بداخلها كالت شصار عليه لو حبها هي رقيم محبوبة اصلا لو ما رقيم جا وكع وكعة بيد صابرين السكط
...
يمكن جان انقاذها لبيان تكفير عالسوتة بطفولتها وي امه بس اخوي غبي و ميشوف زين كل هل رقة و الجمال وبعدة يحب ذيج التافهة
..
صفنت كربلا وهي تخطط تريد تساعد رقيم حتى تستقر
.
- بس يوصل انطيج اشارة تصعدين بالروب لغرفتة حاولي تبقين اطول مدة الى ان ادخل امي عليكم و بهيج ينجبر بيج يحدد العرس و مقدما بالرفاه والبنين ...
بس رقيم بينت خوفها من الفكرة و لطمت خدها
:
- لا حبابة اخاف منه يموتني والله ، زين شلون ادخل غرفة رجال ولج بملابس استغفر الله ..
لويت حلكي وهزيت ايدي

- خايبة ظلي ظلي صار عمرج ٢٩ و بعدج طفلة وغبية ولج بس نورطة بيج ثولة قابل كتلج روحي نامي وياه ..
دنكت رقيم
:
- فكرة الروب ما عجبتني ترى عيب ..
كربلا
:
- ديلة عاد هذا روبج هم روب شايفة الروابة الي نزلت هسة هذا روبج جنة روب بيبيتي هههههه...
ضحكن البنات
...
عاندت رقيم
:
- لا ما اكدر شوفي خطة غيرها واذا فشلت عود امري لله امشي بكلامج..
اجت كفاية باستها
:
- رقرق حبي تذكرين سوالفج من جنت تتخبلين و بعدين كمتي تستخدمي هاي الشي كلواتة من جنت تردين شي من عمي بالليل تكعدين صريخ و عبالك جني براسج يحجي لو تمثلين فلم من افلامج واحنا الباقي علينا نركض نصيح بيان بوصفة رجلج يجيج هنا شوي ينكسر خاطرة و بلكت مشاعرة الي تحجرت يطلعها ...
و كالعادة رجع بيان بالليل اتعشا وصعد وهو يكول جني ما الحك اكتب بارت لقصتي
...
باوع للساعة

- بهدعش شعجب سكتة و بس سعاد جانت كاعدة من
رجعت بلة ابوي ومرتة ذول كبار ينامون اوكات من وكت ...
فتحت لابتوبي واني اباوع للملفات دخلت لملف قصتي .. و اني ادخل اخر بارت و لاخر سطر
...
صفنت بالكتبتة مدري ليش احس اكو نقص بالمقطع و كلش غامض
..
سديت لابتوبي واني مشتت ما اعرف شبية مسؤوليتي كبرت واني بين حسبة توديني وثانية تجيبني شلت تلفوني واتصلت بخالي
..
- هلو يا خال ...
اجاني صوت خالي و مبين عليه مرتبك
:
- شلونك بيان يمتة تجي للسويد؟
جريت نفس واني اورثلي جكارة
:
- المفروض اسبوعين واجي عندي ندوة و ارجع وسام لامه ...
- ابني مو ردت اكلك ...
بس جان صوت مرت خالي وهي تناقش خالي بكلام ما مفهوم اني ما فهمت منه بس انت ليش ما تسكت مالك غرض
...
- خالو شصاير ليش مزعل خالتي ؟
اجاني صوت خالي:
- لا يا ابني ما مزعلها جنا نتناقش بموضوع المهم ردت اسأل عليك ..
- و الله خالي تعبان اشتغلت و اشتريت بيت بس ما طارح بعد موضوع الانتقال للجبيلة يم الوالد .
- ابني الله يساعدك حملك جبير زين اذا ناوي تستقر جنس ابنك عراقي على نفوسك بالعراق ..
استغرب بيان هذا الطلب
:
- ليش ؟ ابني ما احرمه من امه بس ارجع ارجعة وياي الها ..
- امم براحتك وليدي عود كلت تجنسة عراقي للاحتياط ..
خلص مكالمتة ظل يباوع عالسكف شاف الساعة بثنعش اندك الباب حيل
..
ركض مخترع شاف سعاد متوترة
...
- خوية الحك رقيم مدري شبيها كعدت تهلوس و مدري شبيها خاف صابها جني ..
ترددت لان رقيم بالموضوع فكتلها
:
- زين شسويلها، خاف حلمانة ؟
ورى شوية اجت كربلا وهي تنطط بعيونها بوجه بيان
:
رجع ورى مستغرب
:
- شكو ؟
كربلا:
- خوية، رقيم تنطط عيونها هيج و مدري شتحجي اني خايفة نام يمنا بالغرفة هاي رقيم مثل ذيب ليلة يكتمل قمر تتخبل علينا تذكر مرت بضرف نفسي قبل سنين وبعدة اثار هل الحالة تجيها ...
استهزأت بيها
:
- ليش بعدها تجيها كوابيس هة هذا شر اعمالها ضميرها ما مرتاح ..
باوعت كربلا
:
- احم، لا شنو ضميرها شلها غرض هي
- كافي كربلا كافي والله تعبان وانتن متعباتني فوك تعب الدنية هم سالفتها القديمة تجيها مرة بحلم لو مدري منو ، عود كبرت على هل سوالف استغفر الله امشي كدامي خل نشوف الخبلة هل مرة شعدها من سالفة ...
سعاد
:
- خوية من زمان ما تجيها هل حالة بس رجعتلها اليوم يمكن لان مقهورة اليوم حيل انقهرت شمرت جهاز عرسها خوية دخيل بختك ليش ما تاخذها والله اركص بعرسك ورجلي غريب و مو منا يعني ماكو احراج بس عرس ..
باوعت لسعاد
:
- سعاد لا تدخلين اذا رجعتلها خبالاتها بسبب ذنبها اكيد شوفي خاف ساكت ما واجهتها بهذا بس بكلبي يحفر هذي البنت دمار شامل للي يتقربلها و دمرت منتظر راح من وراها شاب و ضيعته الله لا يوفقها ...
ضربت سعاد صدرها