هجين_الظلام
حلقة ٢٢
بالليل كعد على لابتوب صبا نسى مجابلة لابتوب فتح الرام ..
و حن لسلمى وهو يذكر ماضيه وياها ويكتب .
من ضربتني راشدين و كدام جماعتي حسيت رجولتي انهانت
- انت منو و ضربيني امي لا مو امي منو انت؟!
بس جانت صارمة و ما اهتمت للغوتي و اعتراضي ولا من دفعتها .
اقتربت و كلتي
- لاتغوت عليا انا صويحبة انتا و ام و امك كلشي انا ليك بكسر يديك لو لقيتك بتسكر تقرب لشوف .
مدت خشمها تشم حلكة مالكتة شارب .
كلمتهم بلهجة واضحة
- يلة شباب خلصت الحفل برة و ممنوع بتجو هون مفهوم .
صاح بيان
- سلمى انة مو طفل عمري ١٩ .
ضحكت و صفكت
- برافوا يكبير .
طلعوا الشباب من شافوها حتتصل بالشرطة
- بتخرجو والا اتصل بالبوليس يجي يقبطكم .
شافتهم طلعوا اشرت هزت بيان من جتفه
- انتا بصلي احكي
دنك
- اي و اصوم
- طيب لازم تعرف يفندم حرام اجتماعك مع دول .
اخذت جنطتها و طلعت ..
طلعت ورى وكفت بالباب شفتها تحجي وي صديقي العراقي شريكي بالسكن مفهمت شتحجي بعاد عني التفتت شافتني خزرتني عدلت حجابها واشرت لتكسي و راحت ..
صحت للولد
- تعال شنو كلتلك هاي الاطشتلي .. افف تعلقت بيها مشكلة هاي ..
- بيان خوية هم سواية سوايتك مجمع وين الشرابة لا ويتراهنون بيك تشرب لو لا مو انت تصلي وتصوم خوية دربالك لا الغربة تعلمك تنسى مبادئك..
ضربت الحايط بوكسي وصحت ..
- هاي كلتلك تحاجيني مو ؟ كلي هي منو وهيج تحاسبني لا وتضربني منو هي ...
ضل يضرب الحايط مرة بيد مرة برجل كضة صديقة و دفعة
- عوفني عوفني خاف لان وفرتلي شغل ترى جاي اتعب والراتب صح زين ترى بتعبي هذا مو تجي تمنمن علي ..
حجة صالح ..
- خوية شتمن عليك على كيفك المرة نقذتك ترى ..
هذا جزاتها تحجي عليها ..
- و الله لو عندي سلطة عليها الا اردلها الضربة ضربتين ..
- لا بيان غلط هي ترى لا تشوفها نويعمة و مبينة زغيره هي جبيرة كاخت جبيرة الك او ام ..عمرها تقريبا ٣٦ او
٣٧شلون تضربها عيب ترى هذا الحجي بيان مراهقتك صاعدة هاي عود بسن بداية النضج انت بس الظاهر معشت مراهقة وهسة تريد تراهق...
عفت صالح و رحت لفيت راسي انام مغطي راسي بالمخدة ودموعي نزلت
ادري بيكم حتكولون تبجي مثل النسوان بس لعلمكم حكللكم شغلة
الرجل اكثر احاسيس و مشاعر من المرأة ينجرح بسرعة لا يغشكم شكل الرجل و ضخامتة او جبروتة الرجل داخله طفل ..
حاولت اكتم شهكتي لا يسمعها صالح الي سمعتة يحجي بالنقال ...
- طيب لا متاخر الوكت اها اوك يلة اترخص ..
ما فهمت مكالماته الغامضة و ما الي علاقة مااريد علاقة قوية باحد ...
اشكد يا الله مشتاق لامي .. امي اكبر من سلمى بقليل .. ..
مرت بذاكرتي طفولتي من اشبكها وانام .. كبرت يا يمة بس داخلي طفل يحتاجج عرفت غلطي اكثر من اجة ببالي حجي امي وياي مرة من المرات ..
- يمة سماح يكلولي ابن ابو العرك ..
لسة اذكر وجه امي من دنكت و دمعتها وهي محتارة شتحاجيني و شتكلي
اي اذكرها زين من رفعت وجهها وابتسمت وهي تسرفن ردانات دشداشتها لفوك جان سمارها المسود الطوخ تضارب وي بشرتي الافتح من خلت ايدها على خدي تمسح دموعي ..
- ابني تعلم مني هاي الحجاية عفية بوليدي الحباب مو كلشي نسمعة من الناس نهتملة والا نموت ابوك الله يغفرلة اندعيلة بالهداية والله يهديه انت استمر على تربيتي والله تعبت عليك يوليدي لا يغرك صويح شين واليسلم راسك تعال هني ..
خطت امي خط بالارض خط وهمي بصبعها ..
- شوف هذا الخط هنا بر الامان اما تكون من هذا الصوب،
وترضى ربك و ترضاني تصير مصلي صايم
ما يغش و لا ياكل حك الناس او هناك بذاك الصوب
تصير وهنا تنطرد من حبي الك وحب الله و مصيرك النار لا باجر يوليدي تمشي مسيرة ابوك لا يبعد طوايفي
خلي ببالك باجر مثل ما الناس سمتك ابن ابو العرك باجر يعيرون ولدك بيك ...
شهكت شهكة ثانية وانة ضام راسي بالمخدة و طيف امي يروح ويجي شسويت بحالي هاي تاليتها نسيت صلاتي و صيامي ...
يمكن هسة من فكرت شفت راشديات سلمى صحتني على زماني كبل لا اوكع بالخطأ...
ما حسيت الا على ايد على جتفي و صوت ناعم ..
- بيان انتا مانمتش كلمني اجلس .
سمعتها تحاجي صالح..
- طيب فيك تتركنا بليز ...
طلع صالح وسد الباب جرت المخدة من عندي خلتها بحظنها وجرت راسي عالمخدة .
- انتا (نتا الاصح ) تبكي بسبابي ... بسباب اعطيتك صفعه ..
ابتسمت من حسيت ايدها على شعري
- صفعتين يا سلمى ذكرتيني براشديات امي ..
- بتمنى غادينفع معيك .. كيفش اقدر كنقنع نتا تترك دول ويليدات سيئين .
ظليت ساكت و عجبني ايدها بشعري بس جنها انتبهت الوضع مو حلو هي حتى لو تنظرلي كام تبقى مرة غريبة كامت من يمي و كالت
- حرقتي قلبي بيان كنت تبكي ضميرك يحاسبك كلمني وش صامت وانا واقفة وحدي احاكيك عيت راني عيت .(دنا تعبت )
مدري ليش حسيت طفولة داخلي تريد تستجلب الاهتمام فباوعتلها وسويت روحي زعلان اخذت المخدة وغطيت وجهي ..
- حرقتلي قلبي هههه نتا تضحك علياا معليش ماتزعلش امسح كولشي فياا مافهمت والو نتا زعلان صح لو كذب .(ما عرفت شي هسة انت زعلان لا )
رديت واضحك
- كذب انا كذاب ماكدرش ازعلن منك ..
ضحكت
- مكدرش هها ههها اا قل ما نقدرش كنزعل منك...
رجعت كملت
- طيب انت مزيان و دلوع لكين مافهمتش انتا شاب كبير وش تبغي بتصرف اطفال انتا لازمك تفهم كبرت بيان .. تصبح على خير بكرى انا اروح دياري ..
كعدت وباوعتلها معقولة يعني افاركها .. صح ما احبها كحبيبة بس داخلي تناقض مشاعر الها صداقة وام اعتبرها ..
- ليش تسافري انت هني مستقرة
- لا بيان انا هون بزيارة لصديقة وما نقدرش ابقى ديما .
صراحة تعودت عليها ظلت هي تنصح وتنطيني امثلة بناس ضاعوا من ورى اصدقاء السوء
واخر كلامها دربالك على نفسك نتواصل رسائل و كلما جي لسوريا اشوفك ..
مرت علي ايام ما كدرت دون سلمى تعودت عليها وعلى صداقتها ظليت باليوم اراسلها مرتين والليل كلة اخابرها نسولف ..
جانت تاركتلي لابتوب بيه برنامج ياهو او سكايبي نسيت بصراحة شنو هو بذاك الوقت بس اعتقد ياهو ..
نحجي فيديو و تنطيني ارشاداتها و اسولفلها كلشي من اليوم الي اخذت منها جم راشدي
وانة صرت ما اضم على سلمى خطواتي او اي شي يعترضني او شنو اخطط اسوي ادمنت هل شي وياها ...
اليوم جان عيد ميلادي مرت اكثر من سنة وانة بسوريا جان عيدي العشرين وصلني طرد من سلمى جانت هدية حلوة والتفاتة منها ساعة ماركة ووياها جهاز نقال حديث بذاك الوقت جان فيكة و حلو وشاشتة اكبر من العندي بس مجان لمس جان سحب من اسحبة تطلعلي جوة الشاشة دكم ..
طبعا انة جمعت فلوس هدية لميلادها ودزيتلها كلادة ذهب بيها خرزة زركة على شكل عين فرعونية ..
شغلي يزدهر وراتبي زين ...
بديت امر بمرحلة احتاج بيها مرة اقضي ولو لحظات و جماعتي يسولفون الي ميريد حرام اكو ميسر او متعة زواج العقد يحدد بوقت ..
جنت بين المتلهف للفكرة وبين المتردد بس رجولتي تحتاج هل امر و اكيد غيرة شاب من شاف من يشوف الوياه يزوجون هذا الزواج ..
بيوم بعد مجنت احاجي عمتي الي تتوسل احاجي ابوي بس رفضت و كتلها الماضي شمرتة وراي بس انت صلتي بيهم لا تخليني اقطع وياج .
طبعا سديتها فلوسها رغم هي ما قبلت بس مو انة الي اكل حك احد ..
اكو بنية للزواج المؤقت جماعتي كالوا يرتبولي بس كتلهم افكر ..
رحت راسلت سلمى الي احسها صندوق اسراري وهي باسلوبها توجهني ..
مجانت متصلة وظليت على نار ...
بين لهفتي انتقل من مرحلة الولد للرجولة بزواج مؤقت ...
وبين انتظر سلمى و اخذ رئيها ..
ظليت اروح واجي .. دك عامر وهو لبناني هو الي يوفر البنات للي يريد حسب طلبة ليلة او زواج ميسر مثل ميسموه ..
- كيفك يبيان شو لقيتلك (يلفظون القاف همزة ) صبية مهظومة (حلوة ) كتير ..
حاجيتة وانة متردد ..
- ها .. لا مو وكتها اريد افكر ..
- شو بتفكر انت راجل طيب تعال للمكان اياه هونيك نتفاهم ..
- لا ما بية حيل غير يوم انة ما ادخل لا ملهى ولا اي مكان حجيتولي عن العلاقة و خليتوني اتلهف اصير وي مرة كتلكم اريد حلال بس مؤقت ما اريد ارتبط بمسؤولية .
- طيب طيب ع كيفك فكر بلي قولتو ليك منيح.
سد نقالة من عامر
شاف اشعار البرنامج بالابتوب ..
مكالمة فيدية .. لابتوبي احسن من غيري عدهم كمبيوتر بانتيوم فور فيضطروا يشدوا كامرات خاصة لهيج مكالمات
- لباس عليّك كيداير (شلونك )
- سلمى اليوم كلة ماكو شنو السالفة؟
- طيب على قولتكم بالعراقي كنت مشغولة ...اشنو كتعاود (شخبارك)
ابتسمت حفظت من لهجتها كم كلمة وهي هم حفظت من لهجتي
- اخباري مزيان (تمام/ زين )
- جيد لكين احس في راسك كلام .
دنكت هاي المرة حافظتني ...
- احم لا بس هيج ..
ضحكت و شفتها وهي تعدل حجابها ..
وزني الشيطان وانة اباوع واصفن ملامحها ما قيدني اي فرق عمر بينه ابد يمكن امر مراهقة متاخرة
بمراهقتي محسيت برغبة اعاشر مرة يجوز مشاكلي وي اهلي و حبي لصابرين والصار وهجرتي و التهائي
بالشغل لهاني بس هسة من صار عندي متنفس بديت افكر بالعلاقة واريد اجربها واطبقها ..
جنها حست بنظراتي ..
- اش فيك بيان تنظر لياا هيك.
دنكت مستحي من جرأتي ونفسي ..
- ماكو شي بس ..
سألتني وحسيت في سؤالها غصة تحاول تضمها عني
- انت كتبغي بنت ان كنت حبيت اروحلك نخطبها .
اجة جوابي حاسم ..
- ما احب ولا افكر احب ابد ابد ما اريد اذا يوم تزوجت بس حتى يصيرلي اطفال واستقر بس هسة اريد ما اعرف شكلج بس.... بس
- بيان علاش (ليش /لماذا ) متوتر طيب احكي حنا متفقين انا صويحبة ليك و مقام امك لاتقولي والو فيك شي (مابية شي).
حكيت ركبتي و حنجي منا لكفت عندي شي اريد اسويه ومتردد لان درست حركاتي وحفظتني ..
- بيان ايمتة تحكي بنتظر ..
غمضت عيوني ما اكدر اواجهها و احجي شي نفسي اجربه ..
- اريد ازوج مؤقت للتجربة و اصدقائي يكولون لازم اكسب خبرة وي النسوان باجر ازوج ما اصير مفهي ..
فتحت عيوني على ضحكتها و زعلت ..
- شنو اليضحك مو صوجج صوجي كتلج..
كحت وهي تريد تسكت
- اشنو قلت اشنو كدير هههه بيان يا عزيزي الخبرة ما تكونش بكثرة النسوان طيب في حل افضل تزوج زواج دائم التحكيه حرام ..
عاندتها ..
- ما ازوج عن حب لا و لا الحجيتة حرام انة ما راح ازني زواج حيكون بعقد مؤقت مو زنا هذا و حلال الله ..
- ههههههه طيب ماكنش حرام اوكي لكين في امراض لازيم تخاف ..
حسيتها تحاول تخوفني من هذي الخطوة....
و هي تضحك حسيت بعيونها عتاب وخزرة
حسيت بسلمى تحبني كأمرأة و لأنها تحبني تحاول تعوضني الحرمان الداخلي حرمان لحنان امي و حرمان لشخص ينصحني ويهتم بية انة كبرت وربيت نفسي بنفسي حدي وي امي من عمر ١١ ما شايفها و ستر الله فترة شباب مراهقتي الله وفرلي اتصال وياها اخذ منها التربية ولو من بعيد بس هذا انتهى و ما ادري شحوالها ..
بدت تسال اذا رحت وي بنية منا ومنا وحسيت اسألتها بيها تحقيق و تلح شجاب هاي الافكار براسك لو مفكر تكمل درستك احسن جان هذا حجيها ..
من جابت سيرة الدراسة تذكرت حلم امي الما كدرت انفذه فكتلها ...
- ما عندي واهس ادرس افكر ادخل معاهد تصميم هيج شي انة شغلي بالملابس و احب هاي السوالف ..
- عندي فكرة ليك كدير (تعمل) عندي تجي سويد بيان انة تعبت من الشغل واثق فيك اش قلت ..
صفنت هاي تريد تجرني للسويد يمها باي وسيلة والا شنو شهادتي وشغلني بدور ازيائها ..اكيد تغار و حست وراي شي وناوي اجرب العلاقة ..
- بيان متأكد ما فيش بنت دايرة براسك .. بنت محددة .
هذا الشي اكدلي سلمى تحبني بس مقيدها فرق العمر معقولة وحدة تحب زغير عليها صدك الحب اعمى ...
رجعت اكدت ..
- بيان انتا حتجي هنا بالسويد كندير عندي ..
- لا ما كنادر يمج ...
شفتها ضحكت
- اش قلت اشنو كنادر هننههه اه تقصد كندير تعمل تشتغل ... ههههه
- سلمى انت تغارين علي ادري ترديني يمج حتى تقيدين حركتي و ما اغلط وي مرة مو ؟ لا تغطين غيرتج بالضحك والتصنيف علي ..
شفتها ارتبكت و اعتذرت وسدت المكالمة ..
مرت ايام وافكر بعرض سلمى ليش لا الفلوس الي مجمعهن يطلعني للسويد جوازي موجود و كل اموري بس صعب العراقي يحصل اقامة و جانو يزوجون من بنات البلد اليهاجرولة ياخذ جنسية واقامة ..
مريت بالكوفي الي نجمع بيهة شباب المهجر و اكو كم سوري وسوريات يجون يشربون اركيلة ..
ظلوا جماعتي كدامي يسولفون بعلاقاتهم و يوصفونها بالالفاظ السوقية الرخيصة يحجون تفاصيل..
انة ساكت لاني ولد ما خضت هذي التجارب و اصدقكم ما اتعلمت من جماعتي بس الفاظ بذيئة ..
و هذا خلاني اصر اجرب التفاصيل الي حجوها اتصلت بعامر وحدد لي كلشي .. بعد اسبوع تتوفر بنت بالمواصفات الطلبتها ..
يمكن الحسرة داخلي من فشل اول حب عذري خلاني انقض مفاهيم الحب بداخلي و البنية الطلبتها بصفات تشبه حبيبتي رغبة بداخلي اريد انال من خلالها صابرين
الي تزوجت الخليجي وراحت ..
جان صالح حيل يلح يرافقني بكل مكان وهذا خلا علاقتنا تصير ثقة واسرار .. و من عرف راح اعاشر لاول مرة مرة ورى اسبوع شفتة ينصح ما انجرف بملذات الشباب ..
وكلي ليش ما تزوج احسن و افكر لو تاخذ سلمى جنها راغبة بيك و هم تاخذ اقامة وجنسية لانها سويدية الجنسية من اصل مغربي
بعد يومين ..
بالليل الساعة عشرة
ظليت اتمشى وانة ادخل لشارع السيدة زينب توضيت ودخلت صليت هناك بعدها طلعت جان ليل و اهل البسطات يشتغلون بهذا الوقت لان بالنهار البلدية تصادر غراضهم غير سجن وكذا منو ..
فرجفت رغم صيف حسيت ببرودة الروح وانة اذكر جنت بيوم من الايام جنت ابيع حالي حالهم كاتلني الجوع .. منبوذ مشرد ..
الفضل لسلمى ... ما اكدر انسى وكفاتها الي ... المرأة من تحب تحب باخلاص و سلمى من هذا النوع ..
رجعت متاخر لكيت سلمى ومبينة جاية من السفر حتى مراحت للفندف وجنطة زغيرة هل مرة وياها و كاعدة بالممر على كرسي يم باب الغرفة وصالح وهو منعس جابلها عصير ..
تفضلي ست سلمى
-شكرا صالح فيك تتركنا ..
باوعت لجنطتها .. ووجهت كلامها الي :
-طيب خلينا نروح للفندق توصلني ونتكلم
بطريقنا نمشي للفندق رادت فندق قريب مني باوعتلها لابسة ملابسها صيفية محتشمة و مخلية ايد بجيب بنطرونها و صافنة تعبانة مهمومة .
سلمى عندك مشاكل انة فضفضتلك كلشي لكين ميوم حجيتي عنج.
-معليش بيان انا تعبانة ؛ ربي يهنيك وش قررت اخذت نصحي او ...
وكفت ودرتها الي اباوع بوجهاا
-سلمى ما اشوفج مزيان شو بك
شكد جانت تعبانة وحزينة بس اعرف اضحكها من اظل اطمش طمش بلهجتها ولهجة سوري وعراقي والكلمة مو بمكانها الصحيح ..
-بيان تكلم لهجتك انا فهمانة شو تحكي هههه
خليت ايدي على خدها رجعت لورى وحسيتها توترت وخزرتني ..
- بدك مرة تمتعك ؛ العنوان خطأ
خجلت من نفسي خاصة امس بالليل حلمت بسلمى وانة بوضع استغفر الله المشكلة شيطاني قوي والا ادري ما ارغبها بس من ركزت بيها حسيت برغبة .. حيل شتتني ..
-سلمى وجهج تعبان انت مريضة خاف من ورى اخر كلمة كلتها الج زعلتي وراها ما راسلتيني ..
- بيان اريد اصير ام ..
صفنت بحجايتها ..
- ههههه ترى اغار اذا تزوجين ويصير عدج ولد وانة منو الي ترحين تنشغلين عني منو يسمعلي ويوجهني .
نزلت دموعها وكلمتة كالعادة لهجة بيضة مفهومة قليل تداخلها مغربي
-مانبغي كنظلمك انت شب بكرى تحب وتزوج بيان افكر ازوج شخص منشان طفل اعتقد هون نهاية صداقتنا ..
رديت عليها بحدة وعصبت ..
- ليش تنتهي تردين تزوجين تزوجي وانطمري بس شنو تتركين صداقتنا اعتبرج اكثر من صديقة انت ام وكلشي الية تكولين اناني اي انة اناني .. علقتيني بيج وهسة تردين تفلتين مو لا سلمى ما اقبل بهاي النهاية ..
استغربت كلماتي و مفهمت نصهن ..
- اشنو انطمري و فلتت والو فهمت (كلشي ما فهمت )
ابتسم وحور سوء خلقة ..
- يعني تستقرين هاي معنى انطمري و تفلتين تعني ترحين وتعوفيني ..
انرسمت ملامح اسى بوجهها وكضت ايديه ..
- بيان قلبي صافي كنبغيك .. علاش تغوت لاتغوت عليا فهمان مافي صداقة بينا تستمر لاني كنبغيك بزاف هون انظر ..
) انت ما فاهمني انة اريدك خلاص حبيتك و صعب نكون بصداقة مستمرة من ازوج (
- اوكي انة ما احب ولا راح احب كلبي مغلق يا سلمى حتى لا نفترق تزوجيني .. و تردين طفل انة امنحج ياه و حكلج امور اذا قبلتي مال تصرفين علي ما اقبل مال اعيش بكدج لا تقبلين بية انة فقير رغم ابوية صايغ و كل امكانيتي راتبي تعيشين حسب امكانيتي ما اريد احد يكول الست تصرف عليه
-بيان انا مقدرش ازوج صغير عليا
-اكو خيار اخر اكو احد متقدملج
-لاء لكين صعب اتزوج صغير عليا اعرف انا كنبغيك بزاف لكين ..
سكتت وكلتلة ..
-طيب كيف ازوج انت و خايفة تحب و تتركني او تروح لبنت عمك .
مستحيل ارجع العراق على العموم بكل الاحوال نويت اسافر لخوالي هم بالسويد يرتبولي وضعي حتى لو رفضتي ..
بس سلمى رجعت تستدرجني خاف ناوي ادور حرام او مؤقت ... وانة غبي كدام سلمى ما اعرف اضم شي كتيت الاول والتالي ..
دارت علي وكضت زندي بضافيرها حيل
- اااااا
فقط هذا الصوت طلع من حلكها وسكتت ورجعت تمشي وهي ملامحها تقرا العبوس الف ..
اخر شي دردمت ..
- مزيان متفق ورى اسبوع انتا غبي ...
فضغطت عليها ..
- تزوجيني او عوفيني ادور مرة
بقت سلمى اسبوع مترددة وانة صراحة ردت ما افترق عنها كل همي حنانها اكثر من حبها و هي احسها تحبني ليش ترفض ...
بس اخر الاسبوع قبلت وكالتي على مود تريد طفل و تريد زوج تامنة على شغلها وحياتها ما تلكة احسن مني ..
طبعا عيشتي بالسويد جيدة التقيت عرب اخرين و كونت صداقات ثانية جنت ازور انة وسلمى خالي و جانت مبتسمى لاني مختلف عنهم فوضحتلها امي زنجية الاصل .
انة وسلمى حالنا حال المخطوبين ..
جنت ادور بيت زغير اخذت قرض من دار الازياء على ان اسدد من راتبي اخذت بيت و رتبت كلشي على كد امكانيتي..
اكذب عليكم اذا كلت الي رغبة حميمة بسلمى كل رغبتي انو لكيتلي ام ولو صغيرة بس لازم احافظ عليها من كالت تنتهي الصداقة حسيت راح يتكرر موضوع انتزاعي من امي الجديدة
داخلي جان طفل يدور بكل مرة مثل صفات امه ام ..
اليوم سلمى تنتقل لبيتي رغم زغير وبسيط ابد ما بينت الي اي استنكاف ..
اجة وقت تمام الزواج و جنت كلش شايل همة لاني بداخلي اريدها كام و بنفس الوقت اريد ادور علاقة مؤقتة وي اي وحدة ..
بس جانت سلمى ذكية كدرت تحتويني كأم و زوجة وصديقة ..
جنت كاعد اقرا بكتاب من طلعت من الحمام ابد ممبينة عمرها ٣٦ سنة وانة عشرين حسيتها اكبر مني بسنة بسنتين ..
وهاي اول مرة من شفتها لسة تكشفلي عن شعرها تماوج العسل وتدرج الوانة مثل موج تكسرت خصلاتة على شواطيء هامتها ..
وهنا ادركت تزوجت امرأة متكاملة جمال اناقة و طيبة وحنان ..
عدا امي مشفت صفات متكاملة بمرأة الا بسلمى ..
كعدت يمي ورغم هي امرأة مطلقة و عدها خبرة بالزواج بس بين خجل بعيونها للحظات ..
و من شافت ترددي مسكت ايدي و راحت شغلت موسيقى سلو .. وهنا بكلبي كلت على بختج يمعودة يا سلو هذا الترديه انة ابن سوك الزبير يجوز اركصلج نوبال او هيوة او ردحة بس هذا الركص مال التميع و
المطوطح على هاي الموسيقى الهادية عبالك سكران منعس يروح منا ومنا ..
الحاضر .....
صفنت بالسرد الكتبتة وضحكت ... وانة اباوع للابتوب
صبا و راحت ذاكرتي لذيج الليلة الاولى وي سلمى ليلة على ايدها صرت رجل ...
- اخ يا سلومتي وينج ما اصدك الي قدمتلي كلشي تقرر تتخلى عن تعبها سلمى انت الي التزمتي شاب طايش حولتيه لرجل ناجح بالاعمال ..
فتحت الابتوب اكمل بس ما صارلي واهس .. ضليت اكلب ببرامج صبا العاب و امور بناتية ..
لكيت ملف مكتوب عليه ليلة عتم القمر ..
فتحته من باب الفضول لجن اشوف مخطوطة لقصة رعب .. و هذا مقطع منه نسختة الكم .. كان بالفصيح ..
" وتحولت السماء لذلك الشيء المبهم فكانت الغيوم حمراء لكثر الدماع التي سفكت . برزت يد من بين غيمتين حتى برزت القدمين فالرأس و اذ الغيمة هي عبارة عن مسخ يقتل الاطفال .
مرت فتاة فامسك بها فومضت عيناه لتبرز انيابه صوت ازيز الابواب فتتمزق الانسانية و تنطمس فينجب الشر بلد اضنته الحرب فكانت الفتاة هي تمثل كل مدينة من بلدي وكان المسخ اولائك الذين نهبوه "
عكدت حواجبي وانة ما فاهم شي رجعت قريت لاهو رعب لا هو فلسفة بس اعتقد فلسفة ..
ظليت اكلب كتاباتها بين الاضحك على طفولتها و قصصها ..
بس اخر قصة قصيرة ضوجتني كاتبة عن اثنين تزوجوا ونهاية الزواج الاب يموت والام تترك بناتها وتزوج بشخص ازغر منها بشوي حسيت تكتب عن مشاعرها وهي تحس ببيت ما يؤويها ولا هو امان الها
" تمنيت الهروب في هذه كتاباتي لاجد لي بيتا وملاذا وهميا اودعه حرماني وحاجتي للامان "
- اممم حلو و اعتقد تكتب دواخلها صبا بسن تتاثر بالاوضاع الحولها ..
اليوم الثاني لكيت خواتي تتبسبس
- نهلة اليوم ما مداومة ..
- ها .. مو راح استقيل ما اريد الشغل.
باوعت لامي نورس
- اكول يمة شتفقتم وي النسوان .
جنت خايف لا صعبنها ع العالم ويفشلني .
- عادي مبين صاحبك مستعجل دزينا خبر نهلة موافقة شو شوي واتصلوا باجر الاعداد و تدري هاي شكليات الاتفاق هو حددته الانسوان من كعدت شوف بيان انة هم وصيت ابوك خاف تكعدون ترى ما ينقص من المهر لا لخاطر سيد نعمة ولا فلان ولا علان ..
بكلبي كلت بدت سوالفج الله يعينك نواف على هاي العمة .
- ترى نواف ابن خير وعيب تشرطن ع العالم لا تضغطون ع الولد و بتج هاي القسمة اذا طيرتيها منو يكول تجيها صفيها وي كركر عود ..
كامت كربلا وهي بيدها بطل المي تشرب بيه ..
- اكول شتقصد مضرب امثال انة ..
باوعتلها
- دكافي كافي شكد غثيثة
- ولك عتوان و الله ترى اذا اعصب ...
رفعت حاجب
- وشسوين ؟!
هزت روحها وهي تكلة
- ااااااح ومرض ..
ركضت وراها لزمتها
- ولج مريضة وهيج شوفي خليني محترمج شنو ومرض من ياخذج الله صدكي الا ادلل بيج تدلل وازوجج ما ابقيج و الله انة الج ...
شفت وسام يفرك بعيونة ويحاجي كركر .
- عمة حلمت بامي ..
درت وجهي عليه و سحبتة الي وشبكتة جان يبجي .
- تعال ابني ..
- بابا امي تعبانة شفتها تركض وسط دويرة ما تنتهي ولا تكدر تطلع منها ..
نزلت دموعي سلمى بيها شي مو سلمى الي تعوف بيتها وابنها الا بسبب قوي .. حاولت احفر بذاكرتي ملكيت اي عذر الها ..
- تعال وليدي مجرد حلم ..
طلعت للسوك لكيت نواف يباوعلي مستحي ..
- احم كلولك جماعتك باجر العصر الاعداد مثل عادتنا مدام حددنا كلشي و اتفقنا بقت كعدة شكلية اعداد و مهر عمي راح يعقدلنا .. مثل عادتنا (اكثر عادات البصرية هيج )
- و الله طابخها خوش ولك بيومين تخطب وتعد يمتة تلحك تشتري الحلقات ..
- لا هاي اسوي حفل ورى العقد عكب باجر اخذها الصبح نشتري حلقات .. والعصر حفل التلبيس ...
باوعتلة وهزيت ايدي
- احمدك و اشكرك ربي يعني امس خطبت باجر تعقد سيد وعكبة تلبس حلقات زين والوراه العرس يمكن .
ضحك نواف
- امنيتي بس لازم اصبغ البيت واجيب الغرفة وارتب ..
- ههههه خوية عكب باجر معزومين عد عيال اختي الاكبر من نهلة ولازم نرد العزومة عود على اسبوع الجاي ..تلبسون حلقات ...
خلص موعد بقائة بالعراق لازم يسافر للندوة خابر تحدد الموعد .
لذلك ورى العزيمة خلص من نهلة هم ... شوي حس الحمل خف ..
بعد تبادل العزايم ولبس نهلة الحلقة ... صار نواف يجي ويروح بس بيان مثل ما شلع كلب زوج كفاية سوى المثل ..
نواف كاعد بالديوان و اجت نهلة قدمتلة الضيافة ...
كعد بيان و رجل على رجل ..
- اي ابو النوف شخبارك ..
ضحك نواف
- شسالفة ابو نسب الصبح سوى ..
رادت نهلة تكعد خزرها بيان كامت وهي تتلفت ضايجة من اخوها العتوي قاطع الارزاق ..
سمعت نواف بس يتحمحم
- احم ...
ورى شوي هم
- احم
باوعلة بيان
- شبيك تحمحم شو ساكت ولا جنك بالسوك بالع مسجل ..
صاح
- نهلة وينج جيبي نسكافية لنواف كبل لا يروح شو جنة ماخذ برد ..
باوع نواف لبيان
- ها لا على راحتكم ما رايح بعد وكت ..
بيان
- هلا بيك خوية اكيد ضايج وجاي تسولف وياي ..
ظل بيان يضرب بيدة على كيف عالتكية و هو يكول بكلبة هذا بيان يمته يطلع هسة جاي من العشار للزبير حتى اكابل جهرة هل املح الي مكابلة بالمحل يومية ..
- شبيك نواف ساكت كلي كملت البيت صبغتة و الغرفة اشتريت لان اريد ازوج نهلة كبل لا اروح للسويد ..
طك كلب نواف .
- والله راح ليل نهار اشتغل واعرس بيومين حتى اكدر احجي وي مرتي ..
عكد بيان حواجبة
- ما فهمت ...
نواف
- ما جيبلي مي
صاح بيان
- نهلة مي لخطيبج و نسكافيه ..
بالمطبخ نهلة تدردم يم خواتها وبنات عمها ..
- اكلجن
أنت تقرأ
هجين الضلام
Tiểu Thuyết Chungباوعلها بخزرة و تفل بالارض يحتقرها 《 دمرتيني من سنين ومن حبيتج جانت هل ليلة دمار اكبر الي كملتي اذيتي يا رقيم 》 ظلت تبجي 《 لا تفهم خطأ ليش عمي مكلك شلون ميكلك؟ قبل العرس》 اخذ جوازة و جنطتة و باوعلها و كال 《 للأسف حبيتج》 و عافها راح ...
