هجين الضلام

بارت 19

#هجين_الظلام
حلقة  ١٩

بغرفة بيان دفعها كدامة و سد الباب ..
- شتريد تسوي خاف اجيتك و فرضت نفسي عرفت غلطي فلا تتوكح علي وتتصورني سهلة اكلب الدنيا صريخ .
- ما اسوي شي بس نكعد مثل المخطوبين و اكلج شغلة هم ممنوع ....ممنوع بعد تطلعين للسوك الا وياي .
مشى الها ورجعت ورى مد ايده ولزمها و حظنها يعتذر منها .
- اسف لاني لسنين ظالمج .
رفعت راسها مدمعة تذكر كل ليل يمر تتوجع بجروحها وتحن اله .
نزعها حجابها و همس باذنها .
- شعرج حلو و ..
باوع لركبتها و ضحك ..
- بس لا البنات شافن هذا .
اشر على ركبتها .
و حظنها وهو يلعب بشعرها
كرفصت ايديها على صدره تريد توخره منها بس هو جرها اله اكثر و تلقف شفايفها و حست بايديه تتحارش بيها رادت توخره عنها بس هو همس باذنها ..
- وين شاردة مو جاي انطيج تمارين لليلة عرسنه هههه...
ضاجت من جرائته طلع ما يستحي رادت اي منفذ حتى تشرد منه ..
- لو تكعد تكتب قصتك اليوم ما كتبت شي ...
باوعلها و عض خدها
- لابتوبي انكسر و القصة برام خارجي بس اصلح لابتوبي ارجع اكمل القصة ...
وخرت عنه و ركضت وهي تكله
- ادزلك عود لابتوب صبا باي ..
لحكها و كضها من شعرها جرها
- ااخ شبيك ؟
دخلها للغرفة وكللها ..
- ما كملنا تمرين قبل العرس ..
بجت :
- عزة العزاني وخر الا اكول لعمي عليك اصلا راح اطلب الطلاق منك لا تمرين ولا بطيخ .
دفعها عالجرباية
- لعد امشي بعرضج علي امس نبدي زواجنا لا حفل لا بطيخ كتلج يا رقيم اي محاولة لفسخ خطوبتنا اخذج دون عرس والظاهر انت مستعجلة ..
شافتة يريد ينزع قميصة وسعت عيونها بخوف و كلتلة ..
- بيان فدوة شناوي تسوي؟
كعدت تعدل ملابسها و عيونها من الخوف واسعة ..
كررت ...
- شناوي تسوي ..
همس و بعيونة رغبتة و غريزتة ..
- اخذج مرة الي؛ عمرج ٢٩ و ما تعرفين شراح يصير بين الرجال و مرتة عجيب امرج ..
ظلت تنحب وتتوسل:
- اعرف، اسمعني بيان فدوة انتة ما تحبني انت تحب الماضي صابرين والا شلون امس انصدمت بحبيبتك واليوم تتغزل بيه ..لا وتغار علي ..زين مو عيب عليك هيج تسوي ترى مو رخيصة حتى تعاملني برخص .
شمر قميصة بالكاع ...
- رضخت للواقع و قبلت بيج صح بعد موصلت وياج للحب يا رقيم بس هواي ازواج يزوجون دون حب ويبدي من الخطوبة او الزواج ؛ انت تحبيني وهذا يكفيني حاليا على الاقل اعرف اخلاقج و بت عمي ما اريد اكرر حب غلط مثل صابرين .
نزلت دموعها :
- اي جنت حاسة تريدني بس تشبع رغباتك خاصة سنة انت ومرتك ما تعيشون ببيت واحد ..
وسع عيونة .
- اكيد استدرجتن الفاهي ابني ..
خلت ايدها وظلت تبجي..
- حرام عليك شكد اناني و مغرور عبالك مسويلي فضل و الله يكولي "تقبلتج " الحمد لله و الشكر ..
كدرت تخلص نفسها منه و كلتلة حتى تنطيه ياه بالكصة ...
- ما اريد فضلك علي ..حتى غيرتك هاي كذب بس لان نهلة وياي و لاني عرضك و خفت عليه لا متحبني بيان تعبت والله هم اريد انحب مالنا نصيب يمعود خلصني وطلك ..
كعد و هو يمرر صابيعه بشعره بتوتر .
باوعلها
- الزواج راح يتم كتلج انت الدخلتيني حياتج و من سنين واجة الوقت الي ازوج بيه وليش ادور مرة وانت موجودة زوجتي المغربية بعد متريدني ولا تريد ابنها هذا الشي حيل قاهرني خصوصا اعرف سلمى ما تعيش دون وسام اصلا تزوجتني على مود يصير عدها طفل.
باوعتلة
- بس تحبك وانت ما تحبها يمكن مشاعرك الها مشاعر عادية مثل اي امرأة او تحاول تحسها الام الي انحرمت منها وصديقة تفضفضلها من كالتي انت ماتضم عليها شي عرفت علاقتكم صداقة اكثر من حب .. بس خلي ببالك انت جرحتها جائز مبينتلك جرحت انوثتها مثل ما جرحتني بالصميم حبيت الي ما تستاهل واحنا مجرد محطات تفريغ لشهواتك و انانيتك ..
همس الها ..
- شتحجين ؟ ! مو ردتيني هسة قبلت بيج شكو بعد تتعززين بنفسج علي اذا على الحب الله يخليه بكلوبنا من تنسد علينا غرفتنا و بالعشرة ومرور الوقت احبج ...
نزلت دموع قهر ابد ما يفهمها ما يفهم هي انثى تريد منه حب خالي من الشهوات مو يحبها على مود يشبع غريزتة لا هذا مو حب هذي حيوانية و ما تقبلها على نفسها ..
- اريد الحب الي حبيتة لصابرين غيرة ما اريد اريد حب تخاف علي بيه من نفسك مثل ما جنت وياها اريد تبدي وياي حب عذري و اشعار و غزل بريء ما اريد تجي تكلي تقبلتج وتنزع قميصك و تريد بعد افهمها انت من يمك هذا مو حب بيان ..
كض جتفها و كلها :
- رقيم انت مرتي ماكو حدود و عادي كل المخطوبين ترى ينفردون و حبشكلات بحدود طبعا الى يوم العرس صابرين ما جانت مرتي حرام اكضها ولو بطرف اصبعي انت حلالي يا غبية ..و راح نحدد عرس و نزوج شتردين بعد مو هذا حلمج .
تعززت اكثر عليه
- الافضل نفسخ ..
باوعلها ؛ وعيونة تخزرها حست بخوف منه ورجعت ورى فكللها بصياح:
- يلة طلعي طلاك ما اطلك و اشتكي وين ما تشتكين واكسر خشمج بمرة الا اخطب واعرس عليج و حكول للبنات يدورلي مرة عبالج ميت عليج بس عبالج اعوفج لا والله صار الموضوع تدخل بيه تحدي و مو بيان الي يخسر تحدي .. لو ازوج و ياج بعد اثنين و سويتها وزوجت عليج سلمى محد يكضج غيري يا رقيمة و غصبن على خشمج .. اذبحج اذا رجال غيري يكضج انت الي الموضوع عناد بيج ودخل تحدي .
- اي غيرتك هاي التملكية مو غيرة حب ..
- يلة طلعي من يمي و خليني وحدي دايخ بروحي و دزيلي لابتوب صبا لابتوبي ماكو غراض اله هنا اشتريلي غيرة العصر .
ورى ما طلعت كض قميصة وشمرة بالكاع و شمر المخاد و اللحاف و راح للميز كض الفرجة شمرها عالحايط
- الله يلعن النسوان كرهني بروحي وحدة كضيت عمري متحسف؛ لان ضاعت مني طلعت ** و الثانية ورى كل هل سنين توها حست انو زواجنا غلط و عافت ضناها ورايحة تفتر بالبلدان تصيع هنا وهناك بلا مسؤولية اما الثالثة سنين تتوسل وتدز رسائل لمن حضرتها رجعت تدز عن طريق عمتي و من رجعت و بديت اتعود عليها واتقبل وجودها وامهد لنفسي بلكت احبها حضرتها تتعزز علي و تتنعوص ساعة السودة الي حبيت بيها صابرين والي تزوجت بيها سلمى والي لزكولي بيها رقيم
باوع للمخاد عالكاع ضل يرفس مخدة و يشمر كل عصبيته بيها ..
طلع نقالة و فتحة فتح الواي فاي اجت رسالة من سلمى قراها وهز ايده ..
- خوش حضرتج تردين تفرفرين وانة وابني تشمرينا شمرة الجلاب انة الج كون الزمج الا غصبن عليج اجرج للعراق و ازوج رقيم الي تدفعيني الها كدامج واشوف بلة غيرتج من تفرطين برجلج لثانية..
اتصل بيها مغلق عصب اكثر ..
- لججج تدزين رسالة تسمميني بيها وتغلقيه كون يمي هسة الا اراويج بيان شنو ..
وهو يكلب بالواتساب شاف اسم صابرين متصل .. راد ينتقم لنفسة منها ..
راسلها ..
- السلام عليكم صاحبي مدح بيج اريد تفتحين كام اشوفج تسوين لو لا ...
قرت الرسالة ..
- منو انت هههه جنك حامي داخلي لا احم لا دستور دخل نتعارف اول ..
- اريد مرة كم يوم اي حامي كلش ..بس ما احب الحرام اريد زواج مؤقت ..
- سبحان الله انة مطلقة يا حباب شنو رأيك نتصل كام ..
حس بخنكة من حجيها رقيم اكدت رجلها متونس على سقوط صابرين و الفلوس الي يحصلهن من وراها تكذب حتى توكعة ...
دزتلة صورتها وهي شبه عريانة ميسترها غير كم قطعة محسوبات عالملابس ...
مرت ذكريات حبه وصدمته مر كلشي بداخله تحول الحب الى احتقار وندم ضيع سنينة خازن الحب داخله الي قيده بشباك صابرين حتى مرته عانت من بروده وياها بس جانت ونعم الزوجة الى ان انفجرت قبل سنة و طلبت ان ينفصل عنها بشقة لوحده ..
رفع ايده وهو يرجف وكلها:
- اوك راح اتصل كام بس بالليل افضل اريد اشوف الحورية لبسيلي مثل اي زبون مريش تعرضين جسمج اله ..
دزتلة بصمة صوت ضحكة خلته يكره اللحظة الي التقى بيها وزاد احتقاره الها.
- طيب بس المريش يشوف دون حاجز لبس استعد للصورة وبعدها كام بالليل شتكول و حدزلك حسابي بالبنك تحولي ثمن الصورة والكام هذول ثمنهم لوحد و من نلتقي نتحاسب جديد ..
غصب عنة فلتت دمعة خذلان و احساس بالخيانة و اذا جرح زواجها اعتبره خيانة و نكران لحبة وكلبة هسة جرحها تعمق داخلة بنزف روح و تقيح من فعلها يتحول احتقار وكره ..
كرهته بكل النسوان سابقا وهسة اذا يثق بمرة جان فهي امه بس اما الباقي يعتبرهن ثعالب و مو محل ثقة ...
كام و عصب من كل الوضع ظل يضرب الحايط لمن تعب كلش
- ليششش كل هذا يصير بية ليشش
قرر يسبح يبرد كلبة من ضيم النسوان كلهن ..
كعدت رقيم وبيدها نقالها قرت رسالة سلمى حست بتشتت افكارها فقررت مجاوبها ...
دزت اللابتوب بيد وسام ...
خلت ايدها على شفايفها وهي تذكر لحظات ضعفها بين ايديه ..
- شكد الحب حقير يخلينا مذلولين شكد اناني انتة بيان و الله مسويلي فضل ههههه تقبلتني..
شافت كربلا مو على حال بيدها النقال و عيونها مدمعة ..
حاجتها رقيم
- شبيج كربلا صفرة و تعبانة ..
نزلت عيونها ..
- جسمي يذيني (يأذيني) رقيم هذا بيان لاعب لعب بركبتج هذا جديد ..
مسحت رقيم دموعها ..
- رجال يريدلة مرة بس للغرائز كربلا ما اكدر الي كياني ليش شناقصني وانحط بهيج مواقف لان يدري بسالفتي راد علاقة مني بحجة مرتة و يريد يتمم الزواج بس صدكي كال هاي العب بيها كبل الزواج عادي ماكو مانع شرعي كربلا اني بنية اعتبر نفسي مثل البنات ما لامسني رجل شلون اقبل بوضع غلط..
- حبيبتي انت الي انطيتيه هذا الانطباع بسوايتج اله من رحتيلة بروب نوم تردين يتم الزواج لذا لا تتوقعي يخلي بعد حدود بينكم و هو هسة رجال من سنة مجان وي مرة و انت كدامة شتتوقعين ..
بجت رقيم وهي تكول ..
- ادري انة الغلطانة استاهل بس راح احاجي عمي نفسخ شيريد يسوي يعني ..
كامت كضتها كربلا ..
- لج غبية اوكفي كضة عمره ينظرلج حية خبيثة ترديه بليلة وضحاها يحبج صبري صبرتي سنين بس حتى يزوجج ومن طلبج تتعززين ولج غبية الزواج يخليه يموت بيج انت وشطارتج ..
باوعت رقيم الهة
...
- طلعتي مو هينة كربلوو النت هم يعلم ..
خلت وطلعت لعمها و حاجتة تريد تفسخ ..
- بنتي استغرب كلامج هذا يالله قبل بيج هسة تردينة يفسخ صدك عقل مرة ما ينوخذ بيه ..
كامت ..
- عمي طلعت ازيد منه ليش عمي شناقصني ..
نفخ عمها ..
- بنتي بطلي عقدة النقص داخلج لا دمرين نفسيتج بهذا الاحساس ..
ظلت تنحب ...
- عمي بيا حق طلع يعرف وتدرون بيه يعرف و مخليني معلكة منو يرضاها والله لان عبالة اني ورى كل الظلم الي حصلة عمي اريد افسخ ...
جر نفس ..
- لا اله الا الله راح اخابر عليه ينزلي اواجهكم و نقرر ..
دك على ابنة ..
- يوبة انزل اريدك ..
باوع بيان للابتوب الجابة وسام جر نفس و سداه ممكتوبلة يكتب شي ..
- صار يوبة جاي بس منو تبجي يمك هاي رقيم مو ؟زين يصير خير ..
كام ولاعب شعر ابنة الي كلة
- يوبة ما خابرت امي ..
ابتسم ابنة بدة يتعلم من عماتة كلمات ..
- يوبة ؟! ههههه صاير زبيري اصيل امك ... يلة يابوك لا تبقى هني روح يم عمتك كركر ..
- عمتي مريضة اليوم تنام وتكعد تاكل وترجع تنام ..
- والله يوليدي عمتك الها يوم تصبح مفجورة ..
نزل الدرج لكة كربلا واكفة مبينة دايخة وساندة نفسها عالباب ... صفن بيها وبوجهها كضها ..
- ام خشم يكولون مريضة ..
بصوت ضعيف ..
- مالي خلكك وخر عاد نحلانة ما اكل زين كمت اكل بلكت اشد روحي ..
- قصدج تنفجرين لج جنج قنينة غاز بس خل اكص راسج واركبج عالطباخ ..
عافتة ودخلت الغرفة رفع جتفة ونزلهن و ضاج؛ لأن ما كدر يستفزها ولا يعاركها ..
- شبيها هاي اليوم مؤدبة صايره ...
　
دك باب غرفة ابوه ودخل رفعت عيونها الندية بمطر دموعها شافتة كالعادة متانق مبين توة سابح و منتعش على شفتة ابتسامة ولا كأنما صاير شي ..
نزلت راسها و انقهرت ما مهتم ابد ..
- يوبة ردتني ؟
اشر ابراهيم لابنه ..
- بوية اكعد بت عمك تريد تفسخ شتكول حتى ندز عالسيد و ننهي ويبقى عقد المحكمة هم تنهونة ...
كعد بيان و خلا ايدة ورى جتف رقيم وهو يلعب باطراف حجابها ...
- عجيب شو ما ادري؛ يوبة عروس وتدلع علينا عوفنا من هذا الحجي و شنو رأيك ما اسوي حفل اريد اخذ مرتي للزيارة نتمم و بعدها نطير للسويد ..
- لا ابني انت الوحيد عندي اذا على رجل سعاد هو اهلة بعاد وعود نسويلك العرس بالقاعة ونتعذر منهم و سعاد تبقى بالبيت شعندي غيرك انة شو الحمد لله منتظر وراح بقيت انت اريد افرح بيك وليدي ..
وللعلم اهل زوج اختك من سمعوا بيك رجعت يدرون بت عمك موكفتلك كالوا عرسوا لا تشيلون هم ..
كعد بيان باريحية وهو بسكتة بيدة الورى ظهر بت عمة كرصها باوعتلة مخوزرة وهو غمز بعينه و حرك شفايفة يلمح لشي اما وهي بايعة ثكل كل التريده يركض وراها و يتوسل بيها تريد تحس تنحب و يسعى لرضاتها رجع يمرر ايدة على ظهرها و يسوي حركات بملامحة ابوه دنك مستحي من صفاقةابنة حس يتحارش بالبنية من كمزات رقيم اخر شي نترت ببيان فكلتلة ..
- لا شنو نزوج لا ما اريدك بعد قررت نفسخ ..
كمزت من حست بيدة على ضهرها كرصها حيل ..
كام ...
- حجاية تفيدج ... سعاد ... وينج سعاد ...
اجت تركض .
- ها خوية شرايد؟
باوع لرقيم الي خافت من نظرتة نطط عيونه عليها ..
- شوفي لج سمعي زين مو انة الي اركض ورى مرة كلجن بس مصايب وراجن غصبن عليج اخذج ...
كامت و تحدتة
- لا مو كيفك بيان مو كيفك شنو يا اخي تريد الناس عبيد الك لا تطلع عقدك من زغر بيه عوفني بحالي ..
- طلاق ماكو ومن باجر تدورلي مرة تسمعين سعاد دزي على نسرين اريد خلال اسبوعين ازوج من سنة انة حالي حال العازب هذيج ما بيها خير يومية حجة وهاي هسة تتعزز علي اعلمجن بس خل اطيح بسلمى الا اسحلها للعراق واصفها يمج هم ..
صاح ابوه ...
- لك كافي عصبية لا تنجلط ابني مو هيج الحجي ليش تسرع انت سابقا شردت لسوريا والخارج تظل هيج مصربع و مو بعينك احد ..
باوع لابوه و كض رقيم من شعرها وهزها كدام ابوه ..
وكع حجابها عالكاع ...
- كبل شوي بحظني جانت انعم من حرير كلولها شتريد مو تريد نزوج كتلها نزوج هسة تتعزز علي ما عندي مرة تتعزز .. سمعتي سعاد خابري نسرين تدورولي مرة ما باقي لا على سلمى ولا هاي ..
حاولت توخر ايده عن شعرها بس جره حيل ورفع راسها اله ..
- اعلمج يا بت عمي و صدكي ظلي معاندة الا ازوج ورى فترة اجرج جر و اخذج و احرمج من فرحة العرايس بهوسة عرس وبدلة ها شلوني ...
اصلا انت مرة واجتني عالجاهز لا حب ولا بطيخ بعد ما اصدك بالحب صراحة ..
ظلت ترجف كل ملامح وجهها ترجف وهي تحاجيه ..
- ياااا شكد شايل بكلبك !! عجيب كل هل حقد بكلبك ادري بداخلك تنتقم لاني سبب فراقك عن امك مو ؟
ولك انت داخلك اسود مثل ليل اظلم انت ظلام و حقد ...
- شجاب موضوع امي بالنص؟
- لان انت بداخلك الاسود بظلام عقلك الباطني تدور حجج حتى تنتقم مني ..
وخر عنها وهز ايده ....
- والله كلامج ما اله اساس بس تردين تذبين الصوج بيه انت مرتي واريد ازوج وهسة تتنعوصين شوفي اكلج خشمج اكسرة الج و شرط بمرة ...
من بعد ما سمعت كلامة الي مثل رصاصة بكلبها وهي ترجف عافته وراحت للغرفة قفلتها عليها وكعدت تبجي
- هاي تاليتها هم تريدني معلكة وتدورلك مرة تريد يزفولك غيري بس لان كتلك نفسخ تعاقبني هاي العقوبة لك حرااام حراام عليك اناني غبي سنين ظالمني حرااام اااه اااااا اااااا ه يووومة لحكي بنيتج تدمرت مبقالها شي زهور عمرها ضاعت و هسة بدل ما يركض وراي ويعوضني السنين بدل ما يعوضني يكللهم خطبولي مرة وهاي تبقى معلكة و فسخ ما افسخ الخطوبة ..
نحبت نحيب وهي تبجي ..
اندك الباب سمعت صوتة ..
- فتحي الباب ولج والله بيدج تخطبيلي الا اذلج انة هيج توكفين بوجهي و تعاندين وغصبن عليج اخذج مرة الي لا حب ولا بطيخ بس دخلتي عقلي ..
https://
　
صاحت وهي تبجي
- روح الله يخليك سوي التريده بعيد عني
سمعت صوت كسر الباب ...
صاحت برعب وهي تحاول تحمي نفسها منه ..وهو معصب جرها حيل ...
- شغلة ثانية مكتلج بيها هاي صابرين ال **** تحضرينها و كون صدك اسمع بيج متواصلة وياها ..
تعرفين شسوي بيج اذا تواصليها اعلكج فلقة هاي تافهة عار على كل مطلكة شريفة هاي تلعب بالزلم و ... استغفر الله من كيدهن خليني ساكت يبت عمي ..
فزت كربلا مرعوبة وهي تصيح ..
- شكو يمة ابوية مات يبووو..
راحلها
- نامي تنبل كاضية الوكت اكل ونوم شنو سالفتجن التكعد تصيح ابوية مات ..
هز ايده وطلع و حس صابرين طلعت الحقد الاظلم والاسود الي بكلبة ..
تعوذ من الشيطان و صعد فوك وهو لكة رسالة من صابرين
- ها يا حلو مثل ما اتفقنا عالليل نفتح كام واونسك ..
جر نفس و غلق نقالة و ما جاوبها ..
- ها يبيان شتريد المن تتواصل وي هاي التافهة من كل عقلك تروح لدبي تزوجها مؤقت حتى تشبع رغبتك بيها من كل عقلك بيان تخبلت هاي ماكو ازلمة ما لعب بيها شلون الك بعد نفس بيها ...
كض الابتوب وهو يكول ..
- مالي نفس بيها بس بالليل اريد اشوف رد فعلها من تعرف منو انة اريدها تعرف زين انة مو بيان المات بحبها اريدها تعرف كرهتها وكمت احتقرها ..
دك تلفونة هل مرة مكالمة صوتية ..
- هاي لطشت ..
فتح خط ......
جانت كربلا تنهت وهي تكول
- يمة رعبني العتوي ليش ولك دك الباب مو تكسره شفتي رقيم ام الحساسية هذا رجلج على شنو نافخ ريشاتة علينة وصاير ديج هراتي ..
رقيم ..
- اندري بعد هذا اخوج شايف روحة شوفة وعمي كام ما يكدر يحجي وياه يخاف لا يطفر ويشرد ..
غمت رقيم روحها ..
كربلا
- خية انة مختنكة وانت بسوالفكم تخنكوني زايد هسة شكو غميتي كصتج هاي الابيض من كصتي .
- على حظي عود ادلع علية وابيع ثكل بلكت يطلب رضاي ويدللني بحب وغزل شو هذا عصب و يهدد يجيب مرة علي و الله مو بعيد يسويها مو عافني وتزوج سلمى ..
اجت سعاد .
- رقيم انت غلط ولج منو يكدر يحجي وي بيان مطولة لسانج عليه شتتوقعين منه عمي بنات ملطلطة شو كلج نزوج شتردين بعد كعدي وسكتي رايحة تتحدينة و الله لو منه انة الا اكسر ضلوعج على هل دكة ..
حطت كربلا ايدها على خدها ..
- شنو انت يمتحجية و الله يا الله سعاد من يومج ما تنطين بهذا الجنة فرس الريس بس يزاكط ولج خية ما يتفاهم كلة عا وا عااا وا لك لك لك بس صياح و هذوة لو مسمع هاي الحورية كلمة غزل وحب ما وصلوا للعرك بينهم ...
اجت سعاد ورفعت وجه رقيم واشرت لكربلا على ركبة رقيم .
- خطي انت رقيم مبين ما ترديه هي يا الله ..
طلعت كربلا ..
- شفتي اختج ياكربلا هاي سعاد ما تنطي بيه شفتي شلون حرجتني...
اروح لاخوج جنة يتواصل وي صابرين اكلة تكذب مو مطلقة هي بس تريد تقفص فلوسة .
صعدت وسمعته يحجي بنقاله وسعت عيونها حجي خجلها .
- والله انت اوكي هاي صوتي وبهذلتي حالي لو كام شيصير بيه ..
دخلت و باوعت لبيان بيدة جكارة يسولف ويدخن ..
- بيان هاي صابرين مو ؟ خليها بعلمك هي مو مطلقة زوجها ديوث مثل ما كتلك هاي تلعب عليك تمص فلوسك ..
نزلت دموعها من اشرلها بيدة علامة طرد و مكلف نفسة يجاوبها ولو يطيب خاطرها بكلمة ..
هو نفسة ما يعرف شيريد بدة لو يلزم صابرين ويكطعها تكطع بس طلع قهرتة برقيم وهي ما قصرت ترادد ..
ضربت رقيم الكاع برجلها وطلعت وهي تبجي
- مو صوجك صوج المطي الي يخاف عليك لا تتورط وراح ينبهك يطبك طوب كون تخليك كاعد عالحديدة واشمت بيك امين يارب ... لا شنو امين خطية طبعا مو الخاطرة لخاطر هل ولد وسام اي لخاطر ابنة يارب لا تستجابلي ..
لكت كربلا تتهامس وتخابر ..
هزت رقيم ايدها ...
- بعدج تنصبين عالزعطة لو يدري بيج الفوك جا .....
كملت كربلا كلامها :
- حبيبي نودي اترخص منك بابي يريد يطلعني نفسيتي اليوم زفت وكال اخذج لجلفار اووي يبعد عمري اريد اركب الدولاب وي يا حالي لا يعمري كتلك ما نلتقي هناك خلينا بس دردشة مهو بابي كولش صعب ما يقبل التقي اصدقائي الماي فرنداتي .
جانت رقيم رافعة حواجبها على الجذب الجذبتة عالولد
اما نهلة وهي تهز ايدها -
- خبلة عايشة بالجذب والخيال .
شمرت المخدة على نهلة ..
- احسن منج اقشمرهم واخذ رصيد مو انت قفصج ابو يزن فلوس وذهبات ...
غمتها
- طاح حظج يقشمر ..
نهلة
- اتخيل العتوي يكمشج بحبياتج باليوم ثلاثة تقشمرينهم شيسويلج ..
ضحكت كربلا وكحت ...
- بسيطة يتحول عبوة ناسفة وينتحر بية ههههههههه
كعدت رقيم و دمعت ..
- راح اخابر عمتي تحاجيه شنو يخطب ويزوج وانة .
- مو ما تردينه
- يعني عادي امنيتي يتوسل بية ويحبني و يسوي اكشن على مودي ...
- لا تضحكيني هي صابرين ما تنازل و لا وكف بزواجها و خربة .
- حبيبتي اهلها قفصوا عمي فصول بعد شيحارب و يقاوم على مود حبه وهمزين بيها صالح جا اخوج هسة شباب المنطقة بضيافة صابرين من يطلع للشغل .
طلع بيان لشغلة وهو اجل موضوع الزيارة لباجر ومن رجع خبرهم ..
دكة دكتين عالباب صار يعرف كل وحدة ودكتها هاي سعاد ..
- دخلي خوية سعاد ..
اجت وكعدت يمه وهي متحرجة ..
و طبعا رقيم برى حسب طلب سعاد ما تدخل وياها .. ورى ما اتفقن قررن يخلن سعاد تحاجيه لان عمتهم مسافرة بندوة مدري مؤتمر طبي بالقاهرة ...
- خوية بيان هاي بت عمنا صبرت و ما صدكنا ترجع و تستقر وياها خوية والله جنا ننقهر من تكول بيان يرجع ما يعوفني وراح اتانيه كل عمري هاي خبلة بحبك وحرام عليك تكسرها للمرة الثانية سبق سويتها وتزوجت المغربية و كسرت بخاطر هاي اليتيمة خوية انت تدري بيهة غيرك ما ترهم نزوجها و ما صارتلها اي قسمة بعد حضها هذا انت ابن عمها سندها وظهرها بهذا الزمن الاغبر تقبل رجل وحدة من خواتك يكسرها بمرة ..الشي الي متقبلة لخواتك لاتقبلة لبنات الناس ...
جان الباب بقى مفتوح وانعكس الضوة على خيالها فشافه ابتسم ينطيها كرصة اذن حتى ما تعانده بعد وتتحداه ..
- كلمة وكلتها يمته تخطبولي ها وشرط على ذوق رقيم بعد شتريد ما ازوج الا على اختيارها ..
ضم ضحكتة و سعاد استغربت هذا يحجي صدك يشاقى حيرة
- خوية على كيفك ترى يتيمة ومن تقهرها عرش الله يهتز لدمعتها ..
كض ايد سعاد وغمزها واشر براسة للباب ..
- و الله حالتي حالة تجي تنطي مقترحات ومن اريدها مرة واحدد العرس تشرد و تكول ما اريدك قابل ابقى صايم ترى سنة صايم اريد افطر ..
خجلت سعاد ..
- خوية تزوجون و الله كريم عود افطر براحتك هسة البنية تخجل منك يعني بطل لطلطة ..
- لطلطة شنو ولج سعاد ترى اعصب عليج و بعدين عادي شباب هسة بالخطوبة شلون يتعودون على بعض ..
- خوية تطلعون للمدينة لو تنزلون للبصرة و الخورة خوش منتزه شوي شوي تتقربون بس مو كاضيها اعصاب واليسلمك ..
ضحك و علا صوتة ..
- سعاد اريد تخطبولي باجر وازوج باجر و كون طويلة كلش بطول رحاب هيج جسم مونيكانة ..
عرفت سعاد اللعبة وضحكت ..
- ههه تدلل بس بطول رحاب ؟ ترى خيتك رحاب اطول منك انت ربع (متوسط طول ) و رقيمة تلائمك لان اقصر منك هههه خوية تصبح على خير ..
طلعت وشافت رقيم ايدها على حلكها وتبجي ..
- تعاي يشاقى جان معصب من مساع حجة الحجاه تعاي خيتي نامي وارتاحي .
همست ..
- روحي انت انة مختنكة شوي واجي .
غمزتها ...
- يومة يا دلع البنات مختنكة علينا ....روحي احجيها للجيران تردين تبقين هنا على ريحة الحب ..
دنكت رقيم وخجلت ..
- خاف صدك يزوج ..
- كافي رقيم انت هم لا ترادديه شجاج صايرة لسان ..
خلتها ونزلت انتجت رقيم عالحايط ..
سمعت همس ..
- لا ... صدكت اشتاقيتيلي شتعرفين مني و تشتاقيلي
راح اخابر فيديو ..
جان صوت الطرفين واضح بمكالمة الفيديو..
جان يشوفها و ما تشوفة لان ظلمة ماشغل كلوب ..
- و الله يا صبري طلعت نذل ..
اجاه صوتها بشك
- صبري ! ما فهمت منو انت وليش يمك ضلمة شغل الضوة يلة ..
شافها جابت جرجف لفته عليها ..
- شتغطين يا صبري سنين خداعج تغطيها حبي الج لج سنين اموت الف مرة واتخيلج وي زوج ما يحبج حتى وصلت بيه اتخيلج وي اي مرة ..
اجة صوتها باجي
- محد يكلي صبري بس ... بس...
كمل :
- بس بيان الغبي الي حبج وجنتي تعتبريه تسلية مراهقة شوفي حالج عاجبج لحمة رخيصة لعابر سبيل يمتة ميشمرها يشمرها ويدوس عليها ..شستفاديتي من شفت جسمج كم فلس شتسوى وماي وجهج وكرامتج انهانوا
انتبه للظلال برة عرف رقيم تسمع ..
- سمعي لج اي اتصال
ببت عمي بعد ماكو ما تشرفينا ودربالج بعد اسمع بيج متواصلة وياها ..
كام وشغل الكلوب و راح و وكف برة يباوع لرقيم ورفع حاجب ..
- انسي بيوم عرفتي بيت الزبيري انسي يا صبري .
شافتة صابرين بالضوة متغير كبران صاير قمة الرجولة و الوسامة سد المكالمة و حضرها من كل مكان و حذف الدردشات صفحة صابرين انطوت ..
دنكت رقيم فكللها يغثها ..
- عيب التصنت بلة جاي احجي وياها مكالمة خاصة ..
يعني تعرفين بعد شاب حالي حال العازب البركة بيج و بام وسام ...
كلتة
- شنو قصدك بمكالمة خاصة شتريد تحجي وي هاي؟! ..
كض جتافاتها صفنت اول و بعدين وغمضت عيونها عبالها راح يغازلها ويبوسها بس دارها و صار ظهرها صوبه انطاها راشدي على كيف بعلباتها ..
- روحي من يمي يلة ..
نزلت وهي متفشلة بس لا حس بافكارها رادتة يحظنها والله بوري انضربت بيان بدة يلعب بيها مثل لعب الحبل ..
كعد بيان وقرر يكتب منا ١٢ لان يريد ينام باجر الفجر يطلع للزيارة ..
الماضي ...
انتظرت ايام ببغداد على ما رتبت طلعتي لسوريا و انتظر كاظم سوسة هذا صداقة سوك و مدرسة على ايده تعلمت اشرب الجكاير بس اكثر من هيج ما سويت غلط ..
من اجة كاظم سافرنا بري لسوريا و اول ما وصلنا بالسيدة زينب هناك هواي عراقين بذيج الفترة بس لاحظت شغلهم على كد الحال لو بسطات شغل على كد اللكمة وحسيت اجيت لسوريا غلط نا اكون نفسي هنا دراستي وفشلت معدل معهد ما يسوى جبت و راحت احلامي و احلام امي بالطب ..
حيل اتأذيت بسوريا وصلت عشت ليالي دون اكل وجوع لا شهادة تحويني اشتغل بيها فعرفت هذا نتيجة تسرعي جان
　
- كاظم تسرعنا طلع السفر مو لعبة ولك لزكت بطني على ضهري لازم نطلع تهريب لغير دولة شنو رأيك بتركيا ..
جان كاظم صافن ..
- فلوس العندي خلصت وانت ..
ضرب بيان جنطتة ..
- ما صرفتهن اكل كد الحاجة مو شبع جاي ادور شغل بس العيشة شو متفيد بعدنا زغار لا شهادة تسند ولا خبرة بشغل ..
باوعلي كاظم لبيان ..
- ما اتصلت باهلك تطمنهم ..
- بس بعمتي كبل لا ادخل سوريا و كبل لا اشيل الشريحة متفيدني هنا اريد باجر اروح لاقرب موقع انترنيت بلكت اكدر اتصل بخالي.
- خوش فكرة اطلب منه يحولك فلوس و سافر اله ..
و عود دربالك على خيك .
- لا كاظم صعب انة عمتي ميانة وشايل هم افلوسها لازم ارجعهن الها بس الله يرزقني ..
شمر المخدة علي
- وجه فكر دنام ..
ثاني يوم طلعوا يشتغلون بفندق حصلوا شغل بمطعم فندق و هم يوميتهم ما تسوى التعب بس شيسون ..
وهو يشتغل شاف مجموعة صديقات .
- سلمى بدنا عشوى على حسابك .
- يبناتي انتو كتير استغلاليات مبغاش انة ضيفتكم في بلدكم عيطتوا علي(اتصلتوا ) و دعيتوني هههه.
قطعت ضحكتها والتقت عيونها بعيون شاب ذهبية حيل خلتها مسحورة بيه وكعت من ايدها كلاص المي المعدني و انكسر .
صديقتها السورية : شو بنا تلخبطي هيك ..
- ولا حاجة بدي هوا معام اقدر اتنفس ..
اخذت جنطتها وطلعت فاتت منه وهي تباوعله استغرب بيان شبيها هاي ..
ركضت صديقتها وراها و بقية البنات -
- لك يا سلمى يبنت فين ريحة و العشوى يبنت مصدقيش انة بدفع يبخيلة تعاي جعنا ..

يتبع .....