الحلقة الثامنة
بين ثنايا طفولتي
....
باوعت رقيم لابوها و كلتلة
:
- بابا خطية بردان و جوعان شوفة شلون يرجف .
جر بنته و كللها
- بنتي عوفيه ابوه معاقبه تعالي احنا هنا لازم مندخل بمشاكلهم
اجت حوراء وهي كاضة بطنها
:
- شسون هنا انت وبنتك يم هذا العبد ؟
-
حوراء بيان حر مو عبد الولد يتبع ابوه
شال بنته و باوع لبيان وكال
- لا حول ولا قوة الا بالله لازم احاجي اخوي ام نؤاس طرحت قضاء و قدر ..
طبعا عمي بالنسبة لابوي زين بس الي يملك حية زوجة اله شتتوقعون ابوية وعمي بكنفهم حياية و نسوان تدير العقول
.
سلمان يحاجي مرتة الي محودبة كاضة بطنها
.
-ولو متمنيت اخوي ياخذ عبدة بس هم مو حلوة هيج باسط الولد ومأذيه .
حوراء
.
- شوف سلمان شكو تدخل ها ، لك طرحت من وراه وكوة شايلة نفسي، وانت توكف وياه .
باوعلها وهز ايدة وبالايد الشايلة رقيم كضها زين
...
- شوف شتكول جنها صل تتطوة وتكول كوة شايلة نفسي انت مو طارحة شلون كمتي تبعتيني عمي انت ام حيلين ..
هزت ايدها
-شوف البخت رجلي حاط عينة على عافيتي والله كوة امشي بس ضل بالي على هل مصيوبة تفتر ورى ولد عمها طاح حظها لازكة بهل اسيود .
باوعت رقيم لمها وبرطمت
- بيان مو اسيود بيان صديقي ...
ضحك سلمان
-
افا والله افا تصادقين من وراي انه بوج ههههه
هزت حوراء ايدها
-شجعها عالغلط شجعها وعلمها درب الولد وتالي تكسر ركبتك وتصيح لحكوني راسي بالطين
سلمان
-
ام نؤاس هذي طفلة عيب هيج تحجين بعدين ولد عمها اخوانها ترى
حوراء
-
لا عيني لا... منتظر لرقيم بس يطك عودهم نعرسلهم
-والله عليج سوالف نفوت ننام احسن ...
هناك بغرفة امي فارشة السجادة وماكو حيلة عدها غير تندعي لربها وتشكيله تنتظر ينامون حتى تجيني تدريني متعود على حظنها
..
خلصت صلاتها و ابتهلت لربها و هي بمحرمها وبيدها قرآنها امي من زغري علمتني الصلاة و اصوم للظهر بهيج عمر تمهدني للتعويد على الصيام علمتني انو عرضي امانة الله بين ايدي ولازم احافظ على امانتي جانت تكلي
...
-وليدي كل بيت بيه ضراير ميخلص من مشاكل لاتخليها تتاثر بعلاقتك بامك نورس ولا خياتك و اخوك انت الذكر الاول يعني انت ابو خواتك من بعد ابوك وظهر ينشد بيه لاخوك .
-بس ماما امي نورس متحبني و متخلي خواتي واخوي يلعبون وياي تعلمهم يضربوني ميحترموني وتعلمهم يتفلون علي ...
صفنت يومها امي و كالت
-ابني اشش لا تحجي على خواتك الكبار وامك نورس تحترمهم حتى لو هم غلطانين وليدي انت رفعة راسي مريد باجر يكولون ام سعيد مربت ولدها .
يومها شبكتها اشمشم بيهاا اااخ يا يومة شكد احبج ولسة ريحتج باقية بخاطري
..
-كلها تكول علي اني احسن اخواني منتظر امس ضرب
رقيم بالشارع جلاليق اني وخرته عنها مرة كالت الله يستر من ابن ام رنا فرق عن اخوه ابن العبدة
...
ابتسمت امي و كالت بثقة
أنت تقرأ
هجين الضلام
Tiểu Thuyết Chungباوعلها بخزرة و تفل بالارض يحتقرها 《 دمرتيني من سنين ومن حبيتج جانت هل ليلة دمار اكبر الي كملتي اذيتي يا رقيم 》 ظلت تبجي 《 لا تفهم خطأ ليش عمي مكلك شلون ميكلك؟ قبل العرس》 اخذ جوازة و جنطتة و باوعلها و كال 《 للأسف حبيتج》 و عافها راح ...
