هجين الضلام

بارت35

#هجين_الظلام
حلقة٣٥

حاضنة رجليها و راسها على ركبها وتباوع للشباك ...
بنظرة ما مفهومة ...
- رقيم! ...
انتفضت و استندت على ايديها ورجعت ورى بخوف وهي ترجف ..
- شتريد مني روح .. روح ...
مشى اتجاهها وهي كامت و مشت ورى لزكت بالحايط وكف كبالها ...
رفعت ايدها كبال وجهها
- روح ... ما اريدك .. طلكني
- رقو حبيي..
- لااا روح ممسوية شي محد كاضني روح من يمي المن جاي خاف بعد هم تريد تغتصبني تريد تتاكد بنت لو لا ... روح مو شفت تقرير ..
ظلت تبجي مفزوعة ....
مد ايده يجرها اله وهي تدافع بيه .. حصرها بينة وبين الحايط ...
رفع ايده و خلاها على شعرها ... يسرحة لورى ...
- لا تخافين حبيبي ...
اصطكت سنونها وهي ترجف..
جر نفس وهو مهموم .. .
- عجيب امرج شبيج شسويتلج
و صوفرتي وترجفين...
حالتج حالة ولج انة بيان حبيبج ...
بلعت ريكها وهي تكلة
- روح ...مو حبيبي ترى اذا ما تطلكني ارفع عليك دعوة طلاق بالمحكمة ..
خلى عينة بعينها وهو يباوعلها ...
جان كاض وجهها من الحنج بايد ..
والايد الثانية تلعب بشعرها...
وجه بيان قريب من وجه رقيم
نزلت نظرها ما تريد تواجه عيونة حيل تربكها عيونة ....
حست بدفو انفاسه يلفع وجهها وشفايفها ...
وهو يهمس بصوت حرص يكون هامس و بيه نبرة مغرية .. تقصدها ..
يحاول قدر الإمكان يغويها بنظرتة و همسه ...
يعرف تحبة ...
يعرف ضعيفة هي بحبها اله ..
قرر بانانية يستخدم كل اسلحتة حتى يرجع يخترق السور الي بنته و القرار الي اتخذتة بالطلاق ..
همسات الغزل جانت تدوخها ..
كرهت نفسها....
بس رجع راح كرهها اله و احتقرت روحها لان ماعت بين اديه رغم خوف باقي بيها من تصرفه
و اذيته الها من اغتصابه الها بكل وحشيه ...
ظلت جامدة بين ايديه وهو يتعمد يقرب وجهة من وجهها ..
شم عطرها و يم اذنها تعمد ينفخ بانفاسة ويحجي يحاول اغراءها ..
- احبج .. ادللج .. انسي الصار و نرجع احباب ..
و رجليج لو اعرف اخذج لامريكا و عمليات و يرجعن ..
بعدين ظل يحجي غزل
- مشتاقلج ...
رقرق حيل مشتاق لشفايفج .. لخدودج و الج كلج ..
تعمد حتى يسطرها بكلامة يباوع بنضراتة لمفاتنها ببطيء وجزء جزء
اخذتها رجفة خوف على خجل على احتقار اله و الها ..
و بين سنون تطكطك بسبب برود مشاعرها من ناحيته ...
- روح ...
بيان روح شنو شايفني لهاي الدرجة ما عندي كرامة ..
جر نفس و بوز بحلكة لان ما كدر يدوخها بحجية وغزله ...
بعيونة نظرات احتدت وخر عنها ورجع لورى ..
- اوك ..
براحتج انت الخسرانة...
ترى ماكو رجال يتوسل هلكد توسلت بيج و اعتذرت وكتلج ما جنت اعرف ...
وكرجل حقي ترى يجوز جنت متسرع بس الوضع الجنت بيه ثقي بالله يمكن ارتكب بيه جريمة قتل ..
عوفج من كلام الناس مدام انة زوجج و رايدج والصار سوء فهم و راح اصححة ..
دفعتة عنها من حست بيه حضنها و بشفايفة لامست شفايفها ...
- اطلع اطلع روح ... قتلت كلشي حلو بداخلي ما اريدك..
رجع و بنتر..
- العصر الغرفة انقلها هناك و تجين برضاج بالغصب تجين...
اشرت بايدها بالهوا
- يارب فوك حقة دكة ... بعد فوك ما حطمني يشرط علي ولك انت شنو ما تفهم علي..
دفعتة و طلعت منه
صاح...
- نشوف شلون ما تجين وياي ..
اجيتج بعيني واغاتي تكبرتي علي... توسلت بيج هم كعدتي تتنعوصي..
جان كلامة معصب ومقهور .
طلع تلاكة وي ام رنا الظاهر جانت تتجسس عليهم ..
خزرها ...
- ها رجعت... امك جبتها مو ؟
ما جاوبها هاي كلما تكبر تخرف ..
كل عقلها اجيب امي يمها ...
هز ايده ودك باب غرفة ابوه ...
و دخل سلم عليه بين زعلان و عاتب
- يبة بعد هذا العمر تسود وجهي اذا انت مو ستر وغطا على خياتك وبنيات عمك منو ؟ الحمد لله ما عندي زلم اشد ظهري بيهم بس انت الله يسامحك..
ووي السوالف حس ابوه يريد شي ..
و حس يعاتب بحذر ما يريد بيان يعصب او يطفر من يمه ..
- يبة شو احس براسك سالفة ..!
- ها يبة، لا هيج بس اكول عود يعني
- اي يبة اسمعك انت محتاج شي نفسك بشي انة حاضر تأمرني امر .
عدل ياقه دشداشتة الزبيرية ..
- يبة اكول انتة ليش قاسم روحك بين بيتين اكول السادة مو بعاد كبالنة..
جيب السيد يعقدلي على امك و جيبها يمنه هيج كلنا نجمع سوى ما ننقسم ..
فكرت وي روحي بحجية و باوعتلة بنظرة ضيكة...
وانة بكلبي كتلة ايا زاحف تحوس على امي ...
لسة اذكر طرداتك الي وانة جاهل بعز البرد لا غطة ولا شي و الله ما توصل لطرف ثوبها عود متشلل وروحة خضرة و الله يا الله .
- ها يبة شكلت شو صفنت، ما يحتاجلها صفنة اكيد هذا افضل حل للكل ...
لوى بيان حلكة ودنك يحك بلحيتة الطويلة
- افهم من حجيك يبة انت جاي تخطب امي مني ..
- ابني والله احسن حل ..
كام بيان وهو يترخص..
- اروح بعد تدري شايل جديد بيت يحتاج غسل وتنضيف و تاثيث كلت بلكت البنات تساعد امي بس جنهن ما منهن فايدة ..
- بوية شكلت ادز على السيد ..
باوع لابوه وهو يدردم بكلبة ...
شنو ما فهم اكلة شايل جديد واروح لبيتي يكلي شكلت ..
- يبة الله بالخير
- ها يبة ...
- الله بالخير من كل عقلك انطيك امي ...
يبة خليك مرتاح اميمتي ببيتي وانت ببيتك و طلبك مرفوض .
طلع من يم ابوه يهز بيدة ويدردم ..
- صدك جذب ارجع امي تعيش وي ضرتها شويبة ام العلوم ...
　
ماكو بنات سعاد ولا صبا الظاهر عصري دوامهن ..
و كركر مختفية ...
رجع للمطبخ وكف على صفحة يصنت على رقيم ظهرهة عليه وتدردم
- من كل عقلة يعني ارجعلة .. و الله يا الله لو شايفتة شلون حصرني و لزك بية ...
جانت سعاد تشتغل تنظف بالثلاجة وتحاجيها ما منتبهة ..
- لا ترجعيلة خل يتوب و الله طلع من عيني ما نسيت اشبك بيه واتوسل ابوس ايديه لا يسافر ويفضحنا عنده خوات و انتي بريئة يدفعني هاي تاليتي يدفعني بيانو ...
بيان وهو لابد على صفحة يسمعلهن بكلبة دردم ...
ايا سعاد الفاهية خوش خربتي علي الصلح..
بحجيج هاي بعد طنكرت
بدل ما تكليلها رجلج تعبان شوفي حال الظيم حالة رفعي معنوياتة مرتة ام وسام توفت .. ومتهجول هو وابنة من مكان لثاني .
سمع رقيم ردت عليها...
- و الله بطرانة مستهضمة على الدفعة من رجع لسة شابعنا انة وكركر ونهلة ضرب و صوندات
ترى هو معقد والله مريض نفسي كولي لاخوج يطلكني ويتعالج لا تتأزم حالتة وينجلب و يعض بروحة ..
ايدتها سعاد..
- هو خيي و احبة بس لا مال يظلمج و يفضحنا ...
بجت وهي مستهضمة..
- لج و الله طاح من عيني لان عود ولد شوفوني أأمر وانهي كدرتة علينا سبانة ولية هي خو مو ولية وجاي هسة عبالك ما صاير شي
قلدتة ...
-شلونج سعاد ...
رجعت تدردم شلوني بعد ... هذا لوني تيتمت بناتي وظليت بيد بيان يدفعني باجر يضربني و يهضمني ... الله يرحمك رجلي ما يوم كتلي بس .
مسحت رقيم الميز وكلتلها ...
- و الله يا الله عبالة رقيم كبل بس يأشر بيده تجيه ركض ...
بهذلني بليلة عرسي ..
حسسني بذلة اتوسل بيه بس يفهم ....
توالني ولية يخيتي ضرب وفشار واهانات ..
غير .. غير ... عبالك وياه وحدة مو بشر للثلاثة الفجر كل ساع يغتصبني بعنفة تحول من حنون لوحش..
خلت ايدها على وجهها وهي تبجي ..
و كملت ..
- لو رجلية الي جانن شحلاتهن تذكرين يلجن لج هسة ما اشتهي انة اباوعلهن ...
- خية رقيم كافي و الله كلبي وجعني عليج ما تلام كركر طلعت هي صح و كل حجيها صح هي كالت
ترى حاقد علينا وراح يتولانة ...
دكة على الباب الخارجي خلت بيان يدخل عليهن ...
- لا طلعن انة اروح ..
سعاد يالحنينة والطيبة عود خليج محضر خير ..
طلع جان يتلاكة بكركر و عباس ...
تسالم وي السيد و عباس عزاه بمصابة بسلمى
- البقاء لله ابو وسام ضجت حيل من عرفت ميتلك مرتك وخالك .. شخبارك عمي هيج تفرفحنا عليك زفيناك وثاني يوم زط بط سافرت ...
باوعت كركر لاخوها ملابسة سود و لحيتة طويلة ومبين نحلان كلش و ضعفان ..
تعبان مهموم جرت نفس بس بذكاء حتى تكسب عباس اكثر الهة
شبكت اخوها استغرب بيان لحظة ..
و عباس ابتسم برضى وفخر حبيبتة تسمع كلامه و شكد طيبة هذا الي اجة بباله ..
- خوية و الله ضجت من سمعت بام وسام ماتت و الله حيل انقهرت وسيم تيتم بهذا العمر ...
و لو انة حيل عتبانة عليك تسافر ركض .. ركض لا تفاهم ولا شي بس يلة رجعت وصارت سوالف ...
باسها بيان بكصتها ...
- دخلي خوية منا الشارع احسن من غيرج الجوة ولا وحدة عزتني وانة ميتلي ثنين مرتي وخالي و لا سلمن علي ..
- خوية ميخالف انت العاقل هن زعلانات تصفى يخيي تصفى ... ان شاء الله العصر امر على امي سماح اشوفها و هم اعزيها ..
- بيج البركة خوية اترخص و كولي لرقرق لا تتامل تطلك اوك ...
ورى تنضيفات للبيت رتب الغراض نواف جايبلة طباخ وثلاجة وضروريات فتحهن من كراتينهن و رتبهن ..
هو موصي على غدة دلفري ...
امة تمسح و تغسل وياه ..
باوعلها
- اذا تعبتي نامي يمة الغرفة نضفتها ..
- يمة الحيل راح يولدي شبيهن البنات ما اجن يعاوننا جا كالن امنا اجت نسلم عليها ولا ذكرني عفاا عليهن ..
- يمة انة ما طلبت منهن شفت وجوهن ثكلانة علي وزعلانات عزت نفسي ..
مسحت وجهها وهي تنهت ..
- حقهن يمة انت تستعجل يولدي و بنية عمك عرضك من شردت راح يكولون مرت فلان كذا وكذا..
حك لحيتة وهو يحاجيها ..
- بعد.شي وصار عوفينا منهن يمة رقيم تريد تطلك
　
- دخيلك ربي شنو تطلك لا يمة لا ...
رجع حك لحيتة و امة عينها عليه و انعقج وجهها
- يمة ما اطلك لو اسحلها سحل لهنا خل تعاند وشوف ..
اتوسل بيها توسل تكبرت علي و ظلت تتنعوص ..
- وليدي انت رجال ما فاهمها ...
ترى حقها مقهورة يمة و المرة من تنقهر تنهضم..
ابوك من عرف برائتي ظل مكابل بيوت اخوتي لا خلة سادة ما جابهم لا خلا شيوخ و كلة ولا رديت ولا اخوتي قبلوا ...
رقيم مكسورة يولدي اولا يتيمة ابوها واخوهة ميتين مالها ظهر غير عمها وانت ..
كسرتها جبيرة بيان لان ظهرها وسندها الكسرها ...
ما عدها مكان يحتويها مجبورة تتعايش وي واقعها...
هي حجي لسان تكول طلكني بس ما اعتقد تفرح بطلاق وهي وين تروح يعني مطلقة منك وبيت اهلك تعيش صعبة شوي ..
ولا انتم تسمحولها تروح لامها... من سولفتلي على دكة امها و زواجها لعبت روحي من ام نؤاس ...
ملحك سلمان يموت و الله دللها وجان بشورها الله يرحمك خوية ابو نؤاس ...
شغل الثلاجة بعد ما ثبتها بالمطبخ ..
- نحتاج مجمدة و ميز طعام ..
- يمة العافية بالتداريج ينظر عيني ....
- كملت المطبخ و الغرفة شديت التدفآت الهوائية ..
السبالت عود للصيف نشتريهن ولو احنا على ابواب صيف ما بقة شي ...
- يمة غرفتج كملت ..
- و الله وليدي جايبلي غرفة نوم يمة ما احب انام على جرباية انة افرش بالكاع ..
لا ولونها وردي هنههه و الله يا الله بعدني صبية ...
حك لحيتة وهو ضايج من طولها ...
- يمة هذا نواف جابها هدية الج ما قبل يكص فلوسها من فلوسي الي يمه ..
- الله يستر عليه ويرزقه ..
اكول بيان انطيني رقم رقرق احاجيها..
- ما تعرف الرقم الج ما تجاوب غريب منبه عليهن كلهن اخابرها من نقالي وكليلها لاتعاند و الله اشيلها شيل من بيت ابوي لبيتي لو اعرف صريخها يلم الشارع..
　
ضحكت وهزت ايدها
- احجي عدل احجي عدل ...
انحرج اول رزالة من امه ورى سنين فراق نزل راسة وابتسم و حك لحيتة كمز على صرختها ...
- ترى لعبت روحي من شفتك لسة تحك لحيتك روح زينها خففها اذا ما مرتاحلها شكد اضوج من زلمة يحك لحية لو يعضعض بشواربة
- ما عاض شاربي
- اي مو هذا الناقصني ..
　
هزت ايدها وكالت
- و الله الظاهر لازم اشد حزام واعدل امور ما عجبتني من شفتك ..
بداخلة ضاج شبيها امي عود هاي تلاكينا لازم تحسسني بحنانها مو مستلمتني اكس مربع ...
خابرت ...خمس مرات
ما ردت ....
راسلتها
- ولج فتحي خط امي تريدج ...
خابرتلة
- انطيني ياها ..
همس بصوت ناصي
- اسف عصبت عليج بس ضوجتيني احبج..
- طلكني ..
- تحلمين
- خل نشوف منو اليحلم ..
- تتحديني مو لاتنسين مطلوبة دين لامي لازم توفيه
تكسر صوتها وبرجفة
- خوش تبتز وين عمتي ..
انطة النقال لامه الي عينها على ابنها و هي سمعت حجيه ..
- هلا والله يا هلا برقو يبعد طوايفي والله عانة علي ..
بصوت مستحي و ضمير يأنبها
- عمة شلونج عمة مشتاقتلج و الله حيل ندمانة عمة حيل خجلانة منج.
- بنتي هذا ماضي وراح.. و انكتب علينا .. يا بعد هلي انت عوفج من سوالف راحت ومشت وما الوم الجهال بيه جنتي جاهل (ج=ي)
سمعت بجي رقيم ..
- لا تبجين يكلبي .. بنتي عندي يمج طلب انة مرة جبيرة وانت بنيتي ومرية ولدي يمة تجين تداريني لا تفشليني اذا صدك تردين تراضيني راضيني بهذا
احتارت رقيم ... هذا اللوتي موسط امه
- عمة تدرين ما اكدر بيان هضمني يمكن ما تعرفين سوايتة ..
- يمة اعرف بكلشي بنتي انت فكري زين الطلاق صعب يحبيبتي .
و بيان يحبج صح عصبي و مصيوب و عقلة مو براسة بس يمة المرة تحتوي الزلمة و تغيرة باسلوبها مو عنادها ..
لا تبجين حبيبة انة امج و طالبتج تداريني هيج انة ما اسوى عندج وتفشليني ..
بجت رقيم حيل
- والله تحرجيني تدرين ما اكدر اكلج لا بس ما متقبلتة والله شلون ارجعلة مرة.
- بنتي تجين يمي و بغرفتي ...
غمزت سماح لبيان بعينها وكملت.
- بنتي تنامين يمي لمن ترتاحين وتصافون ..
سكتت رقيم
- شو سكتنا رقو كلبي احجي ولج كلبي مورم عليج بنيتي انت تردين اجيج انة و اجيبج بيدي ..
نفخ بيان ورفع راسة للسكف ودردم
- هذا الناقصني يمة تذلين نفسج كتلج ما ترحين الهم هم يجوج و هاي كافي تتوسلين بيها خل يصير الليل الا اشيلها شيل لبيتي ...
جانت تسولف وتقنع برقيم و بيد كرصت بيان بخاصرتة حيل ولوت اللحم وهي تهز براسها وتعضلة شفة عود اسكت ...
ضاج بيان وعافها تخابر رقيم وراح يرتب بالبيت وهو يدردم
- صلوات عود هذا انة غايب عنها سنين عوزها بس تضربني وانة رجال مشورب ..
اجتلة انطتة النقال ..
- شوف بيان رقيم تجي بس شنو تنام يمي البنية ترى مرعوبة مبينة هاي متعارضة يمكن من ليلة العرس صاير عدها خرعة
　
باوعت لامي
- خرعتيج يمة شنو متعارضة خرافات هاي ...
- والله تحجي واحسها تتراجف وغير البجي ما بطل ...
اتفقت وياها باجر نروح نجيبها ..
- انت ظليتي تحوسين على الروحة خاف عدج غاية
- شتقصد !
خلا وطلع وسد الباب حيل
هزت ايدها
- بلوة والله بلوة هذا الولد شمالة خبل ...
دز جماعتة وراح وياهم العصر فككو الغرفة وجابوها رقيم ما بينت نفسها شردت منه ..
　
ثاني يوم داومت تحمدولها السلامة ...
راحت للادارة استلمت جدول عدد حصصها بالاسبوع
ورى ما خلصت درس وهي بطريقها للادارة صاحها استاذ ..
- العفو ست هذا خطة لدروس باجر خاف تحتاجيها ..
ببرود هزت راسها ب لا
- ما احتاج اكتب خطط تدريسي بنفسي ...
و اكو كروبات مدرسين و مدرسات استفاد منهم بالمنهج شكرا اخي ..
رفعت ايدها وعدلت حجابها بس القصد تراويه حلقة بايدها اليسرة تكلة مزوجة ..
و دخلت ادارة المدرسات ...
وهي تفكر...
- النوب مدرسة ولد كل ولد شطول لسانة شلون طلاب صلفة يراددني و ما اكدر اطيح حظه ولة لو بنات الا اسحلهن ..
لا وهذا المدرس مبين و الله مو راحة ...
　
من رجعت لكت بيان وامة و ابوه بالديوان و كركر و سعاد يسولفون ...
ركضت لعمتها ام بيان شبكتها
- و الله مشتاقتلج عمة ...
- يا هلا ببنيتي و الله عرفتج رقيوة بس ما ميزت بين سعاد و كركر الا من ركزت بوجه كركر ..
　
ضاجت كربلا و عرفت تقصد انتبهت لخشمها و ميزتها منه ..
ظلت تسولف ..
- بعد سنين طويلة بس ابني ابد ولا استغربتة بس شفتة عرفتة ضناي ..
ابراهيم ..
- والله يا ام بيان الج وحشة و الله يسلمة اخوج لفلفكم بليلة وشرد والا جا ما صار هذا الفراق و..
قاطعة بيان ...
- يبة جبت امي حسب اصرارها ترجع رقيم الي و الا ما تجي هنا و بطل تلميحاتك ...
باوعت رقيم لعمتها و كالت ..
- عمة انة فكرت ترى بالتلفون شوي استحيت عما ما ارجعلة اطلك ...
هنا تدخل ابراهيم بعد راد يرضي سماح ...
- ولج صلفة تراددين شو ! ها ولج كومي فزي لمي جوالاتج ولبيت رجلج ما تبقين مكابلتني ...
　
صفنت بعمها
- تطردني ...عمي شنو لكمتي صعبة عليك ..
صاح بيها
- كومي رقيم ما يفيدج الا ترجعين انت شنو عقلج مجيم تبن كومي ولج و كفي الشر الناس بس قيل وقال بس رجعتج تسد الحلوك ...
ظل بيان بس يسمع وما ادخل مثل ما وصتة امه ...
كلتلة لا تحجي شي لسانك متبري منك تخرب شغل عوفني احجي انة ...
شافها تباوع لابوه بعين ونص وحجت معلك..
- والله يا ابو بيان حجيك ماخوذ خيرة ... الناس التحجي ما عدها شغل وعمل .. و ياخوية ... (ركزت بكلمة خوية ).
جيتنا نرد بنيتنا لرجلها لا على مود الناس ولا بطيخ يخوية ماكو داعي تفزز البنت و تخوفها هي منا متخوفة من رجعتها ...
باوعت لرقيم
- بنيتي يلة يمة لمي غريضاتج و على الاتفاق الي اتفقناه بالتلفون ...
غمزت لرقيم الي دنكت مبرطمة وراحت شاورت عمتها..
- تبقيني يمج مو ...
ضحكت سماح ..
- روحي يمة جيبي غريضاتج و استهدي بالرحمن ...
بوستها و اشرت لابنها براسها فهم قصدها لان هي فهمتة كبل جيتهم ..
كام ودنك باس راس رقيم و كللها ..
- يلة امي هواي ترجتج عيب تفشليها ..
وخرتة منها وكامت ...
　
و بهيج رجعت رقيم بس كل واحد بصوب هي تنام يم امه
بيوم من الايام كبل عرس كركر بيومين جاي تراسل بكروب المدرسة ..
مال المدرسات ..
- بنات منو ضايفتني للكروب المختلط خوب اي تبليغات دزنها الي هنا ..
ست نرجس تكتب
- ست احنا ضفناج من اول ما داومتي عدنا قبل لا تحتركين ...
هو كروب تبليغات و لازم تتواجدي بيه ..
　
- اوك اروح ...
　
ملحكت الا مدرس يراسلها منين لاكط رقمها احتمال من كروب العام ...
نفس المدرس ابو خطة ..
- السلام عليكم ست العفو بلكت تدزيلي صوتيات الانكليزي لدرس باجر محتاجهن والله ..
- اوك اخي بس لا تدخل خاص بعد راسلني بكروب العام وادزهن ..
دزتلة الصوتيات..
- اشكرج ست
- العفو ..
طلعت من الدردشة راسل
- ست العفو بس سؤال ..
مجاوبتة طفت النت و خلت النقال جوة مخدتها جانت عمتها نايمة بالنص بينها وبين وسام ..
فارشين بالكاع عمتها ما تحب الجرباية وهي رادت تنام يم عمتها ...
حست بحركة يم باب الغرفة عرفتة بيان حست راح تبدي مناوراتة ..
حضنت عمتها ودفنت راسها بصدرهة وتغطت زين .. انفتح الباب ظلت ترجف تندعي بس لا جاي ياخذها لغرفته ...
حست بيه تمدد يمها و شمر البطانية الي عليها وكشفها جرها بحضنة وغطاها ببطانية جابها وياه منفصلة عن بطانية امه و هي كامت تنفض بجسمها وتبجي شاورها ..
- اششش يا ضالمة صارلج اربع ايام من رجعتي عايفتني محتار بروحي
ومحترك كلبي بس تكعدين امي و الله اسحلج سحل للغرفة
لا تكولين ما كال صيري عاقلة ونامي ترى قصدي شريف بس جم حظنة على جم بوسة و انام ...
شاورتة ..
- وخر من يمي لا اكعدها ترى ..
- سكتي امي نومها خفيف فضحتينا ...
دارت سماح وانطتهم ظهرها وهي تتبسم بدها تشحت بيان يستاهل الشحتة ما يخجل صاير ...
بكلبها ..
يارب لسة ببالي هو طفل العفتة وهو كبر و خلف و يحب لا ويتحارش بمرتة بغرفتي و قليل حياء ...
يارب اهدي سرهم و ابعد عنهم عين الحسود و صافي كلوبهم وفرحني بحفيد ثاني بنية حبيبة تصيحلي بيبي ...
يارب خلي رقيمة شوي تتعدى هاي المرحلة و خلصها من فزعتها الي بقت داخلها من ورى وليدي الغبي..
　
　
حست بوجهها لازك بصدره جان لابس بدي و سروال بيتي حست بيدة تفرك ظهرها و هو يكللها ..
- بردانة ..
ما حاجتة ظلت متوترة وكارهتة يجبرها لشي ما تريده ...
شاورها
- احبج ..
شاورتة
- اكرهك
شاورها
- جذابة
شاورتة
- اكلك انة نايمة هنا شاردة منك جاي تابعني وين اوليضحك
- ولي بكلبي تعاي خل اضمج بين الضلوع ...
　
ثاني يوم الفجر تسحب توضى وصلى بالهول ورجع نام بغرفتة استحة تكعد امة تلكاه بحضنة رقيم ..
سمع امة تتوضة و تصلي على محمد و سمعها تكعد رقيم تصلي ..
　
　
　
بالسوك بلغ جماعتة الخميس ثواب مرتة المتوفية ..
طبعا هم عزوه اول ما رجع ..
و عزم الشارع و اتفق وي محلات جملة على مسواك ليوم الثواب ...
　
　
نظفت رقيم البيت اليوم هي عصري طبخت من وكت وجان وسام يلعب يمها بوستة وكلتلة
- اغديك من وكت كبل روحتي شتكول ..
- لا بابا يجي ويصبلنا اني وبيبي انت داومي ..
- يا حبيبي .. لا تعب بيبي ...
جانت عمتها تساعدها تعدل بالكاونتر
- عمة ..
- جم مرة اكلج كولي يمة اني امج يبعد رويحتي
- يمة انت ليش تتعبين روحج ...
- يمة روحي بدلي دوامج لا تتاخرين
شعدنا ما تكليلي كل ساع تحوسينرقيم ترى طبخج مو حلو انة اطبخ بعد
توكفين يمي و تتعلمين و نتغدة انة ووسام
اصبلنا بيان يتاخر كلي الصبح من طلع يتغدة بالسوك ..
- براحتة ..
دنكت وهي تبين ما مهتمة ...
　
هزت سماح ايدها
- اكلج رجعي نامي يم رجلج ترى صوت البوس البارحة ما خلاني انام ..و الله زعل اخر زمنارتبكت
- مالي غرض هو اجة و..
سكتت وراحت للغرفة تبدل نزعت جواريبها تريد تبدلهن ...
دخل وسام وسع عيونة و هو متعجب ..
- شبيهن رجليج يخرعن ...
　
بحركة لا ارادية ضربته راشدي وكعتة بالكاع و صادف بدخلة ابوه للغرفة ...

يتبع
.....