هجين الضلام

بارت 24

#هچین_الظلام
حلقة ٢٤

دكة على الباب طلعتة من سباتة وي هذا الكتبة الي ياخذ اسلوب مذكرات ذاتية اكثر من قصة ..
دخلت صبا وهي مرتبكة وتبجي ..
- شبيج ..
- اجيت اشتكي على اختك دوبها من دوبي رايحة دازة رسالة لامي برسمتي هاي ..

انطتة الرسمة ..
-
- و امي خابرت رقيم متحلفتلي ..

باوع للرسمة وبكلبة كال والله يا ام نؤاس تستاهلين ..
رجع كال لصبا ..
- خوية الرسمة قاصدة امج بيها مو ؟ بس عيب ترى ...
- بيان يعني ما تروح تسحل كربلا ..

باوع لصبا وضحك توزة على كربلا ..
كام و نزل كدامها وصاح
- كربلا ..
- كربلا يمتة تبطلين خباثة سنين وما اعتبرتي من هاي خباثتج ...

باوعت لصبا و تخوصرت ..
- كلتلك هاي مو اي اكيد كلتلك ..

صاحت صبا ..
- تغارين مني لاني ازغيرة وانت عنستي، بيان شوف اختك هواي شادة وياي ..

شاف الموضوع تافه بس ما راد يكسر بصبا اول مرة تلجأله .
- شوفي كربلا سوالف زعطة بطليهة هاي لو

مزوجة جا صبة بعمر بنتج يا اختي كل البنات
طاعتني انة وقوانيني الا انت متمردة شنو فلمج مسويتلي مشكلة يومية .
- اكلك انتة ما تفرض علي قوانينك اولا انة اختك الكبيرة وتحتركني لا طلعلي مراجل عود انت ولد ...

رفع ايدة يريد يضربها ورجعها ..
- كربلا صيري جبيرة وايدي اكصها اذا يوم ضربتج انت تجبريني ما احترمج بسوالفج ...
- الله ياخذك ولك ترفع ايدك علي يالاسود الاجلح يمة وينج يمة تعاي ..

راحت تدك الباب على امها و تجر بيها ..
- شوفولي حل وي هذا من اجة يناكرني ودوبة من دوبي .. لا يحترم لسانة زفر ....

الصايع الضايع ابو كنكورة ...
باوعت لشعره جان سرح مو مكنكر بس رادت تلمح على امه ..
حجت مرت ابوه..
- ولك البنية صار بيها قلب من وراك موتها الي مثل ما موتت اخوك ولك منيظر لجمة بكلبي ..

باوعلها ..
- ترى لسة اعمل بأصلي ... ومحترمج ...

رفعت عصتها وضربتة بزره ...
- ناقص ما تحترم بعد ... ولك ابر اهيم ....

هو هذا الي رجعتة نكاية بية لسانة شطولة ....
باوعت لبيان ...
- ها ابن سماح و الله و ابو فاضل اكص لسانك بس طولة وياي
...
عصب بيان حيل تأذى من هاي المرة وعمل بتربيتة و ما يوم قلل وياها ادبة ..
- يمة ولو ما تستحقينها ابد بس خل اكلج شغلة كلت ابنها راح وانة مكانة مرة و مينوخذ بحجيها من تضل تخربط ...

بس لا تلمحين على امي ولو بكلمة لا اطلع القضة والمضى بيج ...
رفعت عصتها بس هو كض العصا وشمرهة ..
- اليوم انعل الساعة الونلدت بيها كربلا ام المشاكل ..
- ولج انة الج كرب و بلاء انة الج سويتيها عركة وكعدتي مرتاحة .

كض كربلا يكتلها و امها تدافع وياه ..
سعاد صارت الحاجوز باقي البنات يبجن عالهوسة الصارت ..
و ابراهيم بفراشة يصيح ..
- يبة شبيكم شصاير يبة حس الليل مسموع اويلي بيان صوتك انت و هاي الصلفة عالي ولكم يومية فضيحة جبح حظي الاغبر العرفني بيج ينورس ...