هجين الضلام

بارت6

"ليلة برد امطرت عيني دمعا واشتياق ......."

جان يوم جمعة وابوية مراح للمحل كلف زوج اختي رنا وهو اقارب النا من عموميتنا و عمي سلمان يرحون ايرحون اليوم بمكانة للمحلات خاصة هم شركاء وياه بشغل صاغة فضيات والاحجار الكريمة
..

جانت امي تنظف بالسمج واني عمري سنة و٤ شهور اكوم واوكع توني امشي غافلتها ورحت بسكتة لغرفة امي نورس منتظر عمرة ست اشهر تخليه امي نورس بحجلة الفافون الي من جيل الثمانينات السبعينات حيعرفها
...

امي نورس جانت تسولف وي اختها و مندمجات رحت كضيت بالحجلة و جريت منتظر من شعره جان لون ايدي الداكنة السمرة وي شعره النحاسي صارت فد تشكيلة للوحة بين عالمين
...

شقاره جان ع لون نحاسي محمر و وجهة احمر ابيض تدرون طفلين نفس العمر تقريبا تصير بينهم مكافش و منتظر بس كضيت شعره صرخ جريت ايده وعضيته
...

جان تركض امي نورس وخالة حوراء ام نؤاس و حدة تريد تخلص ابنها ووحدة جرتني من شعري حيل بس تريد افك سنوني من ايد منتظر رغم هن كم سن بس شلعن لحم من منتظر
.

جنت عصبي كلش و من اعصب ابجي واعترف اني من نوع دمعتي مو ملكي بسرعة تغرغر عيوني او تنزل فبجيت وهجمت عضيت ام نؤاس بزرورها هي انطتني راشدي ابو الدفرة شمرني حيل بالكاع على راسي

و صاحت تلعلع بصوتها

- ولج يالعبدة ام كناكر تعاي لهذا الادبس ابنج شلون نسوان متيهات ولدها هم خلفنا مو هيج ولج عضني الجلب ابنج حيسقطني طفلي

ما انكر امي اذا ابوية موجود تسكتلهن تخاف من ابوية بس تطلع حقها من يطلع تدرون سوالف ضراير ترى مال هاي فقيرة وتسكت هاي مو صحيح حتى التسكت تاخذ حقها
..

هدت نورس على امي بالمطبخ تكتلها وتكللها

- ابنج اذا اجة يم نظوري اذبحة الج هل اجلح شابع منيظر عض وكمش

جان والدي بالديوانية كدامة ادوات صياغة الفضة جان يلحم بمحبس ويركبلة حجر فيروز من سمع الصريخ
..

ركض للمطبخ وهو يصيح

- منعولات الوالدين لو شارد للمحل من جهرجن احسن

وكفت امي ساكتة تدري ما الها مكانة و شبه مهجورة كل علاقتها بابوية اني
...

اما نورس تخوصرت وهي تلعلع

- شوفلك حل اطردها مريدها بالبيت ابنها شابع ابني دك

اجت حوراء شايلة منتظر

-يلة استلم هاي عمايل ابنك بيان شوف ايد الولد افترسها هل مفجوع ابن الفكر امه.

ابراهيم
-
سماح وين جنتي من ابنج سوى هيج جم مرة اكلج انتبهي لهل ...... ( فشرة بذيئة جدا) هذا ابنج هم يشبه خوالة و هم همجي و الله لو تلتهب ايد منيظر الا اجويلج ابنج بحلكة