هجين الضلام

بارت37

#  هجين_الظلام ..

حلقة ٣٧

دنك يقرا ...
توسعت عيونة هي ما ترد بس ترجف ....
بس هو مو بحال رد فعلها بحال الحجي الي قراه.
حست بوجودة و كعدت وهي مرتبكة...
المفاجأة خلتها ما تعرف شتبرر حست لسانها هم رجع ثكل ..
نظرتة الها جانت دم...
كام و شغل الكلوب
ضمت نقالها بسرعة عنه ...
رجع كضها من زندها..
جان بحالة ما تسمح اي تفكير..
بس يشوف الكلام الي قراه باقي بباله مسيطر عليه ... ....
..
عركت من الخوف وبرد جسمها وهي ترجف ...
بلعت ريكها وكدرت تحاجيه..
- لا تباوعلي هيج ...
صاح بيها ولف شعرها بيده حيل و يهز راسها ..
و الغيرة هسترتة كلش ....
- احجي ولج وين النقال ؟...
ظل يدور جوة الفراش الي بالكاع و منا ومنا وهو كل خلية بجسمه ترجف ...
بنحيب صاحت ..
- يمة سماح لحكيني .. وينج يمه راح يموتني ...
كام و قفل الباب و رجعلها وهو وجهة ما يكصة طبر..
- منو هذا الي يراسلج ... ووين ضميتي النقال ...
حس نفسة حيل مقهور ومجروح ..
صيح بعصبيه و كسر تحفة كمزت مكانها ...
- احترميني واحترمي شرفي لج تتراسلين وي واحد وانة ماكلني القهر اكول نفسيتها تعبانة و خلي ترتاح بس انت كاضيتها رسائل ...
رجعت ورى تعرف هذي النظرة وتعرفه من يعصب يتعدة كل الحدود ..
صوت امه يم الباب ما اهتملة كل همة يركز بحجي رقيم ...
- زميلي بالمدرسة هو يراسل على خطة الدروس .. بس هو ...هو ....
صاح عليها ...
- طلعي النقال وين ضميتيه ......هو شنو احجي ...
اخذ تحفة من الميز وكسرهة ...
- بيان لا تعصب و الله تخوفني .. بيان يولي احضره بس لا تعصباجاها و رجع كضها من شعرها وهو يكللها
- اكيد عندج ذنب ليش ما تراويني الرسائل ...
- بيان من نتفاهم وتهدأ انة انطيك الرسائل بس هيج ادري ما تنطي مجال تحكم علي من اول كلمة تظلمني ...
اكعد خل افهمك ....
- تردين تنتقمي بخيانتج الي ولج ليش رسائل و كلامة وياج اباحي ليش رقيم ليش ...
عندج غريزة ترحين وي زوجج مو وي غريب...
كضها من ركبتها ... وهو يهزها ....
-اتركني ... ولك افهمني ... راح اختنك ..
رجع كرر معنى كلامه ....
ودفعها بعيد عنه وبعينة نظرة غيرة و احتقار
- تردين علاقة زوجج موجود مو ترحين تدورين منا ومنا .. لو راكنتني و ترحين علاقة حميمة بالنت ....
هزت راسها لا
هجم عليها وهو يكضها من فتحة تراكها حستة ينشك ويتهدل على جتفها ...
ظلت بين ايديه تشاكف بيديها تبعده عنها ... ...
- غلط ... ماكو هيج هو بس افتهم هو يكول يجيني احساس بالليل و ..
رفع ايده وضربها ظل يضربها وهي مفرفحة جواه
- بيان كافي متت ولك طلكني ليش متمسك بيه ..
ام بيان يم الباب و سمعت الصايح وتكسر الغراض بين تريد تدخل .. وبين مترددة .....
دكت الباب عليهم
- بيان شبيكم يمة ...
صاح وهو بعدة معصب ومن يعصب ما يعرف منو الكدامة
- يمة الباب مقفول محد يخلصها مني اليوم هاي العوجة...
- استهدي بالرحمن غير افهم شصاير ...
- لا تدخلين بينا انة ومرتي ... رجاءا عوفيني بحظي و ظيمي الاعوج ...
استهضمت امه و راحت للصالة تبجي ...
هو هذا الي سنين فنت روحها قهر حتى بس تلاكيه نسخة عن ابوه لا مو بيانها هذا ما ربتة هيج يصيح عليهة ..
ظلت تنحب وتنوعي مثل اي ام من تنهضم ..
- ما ريد من جدرك غموس ولا ريد من جيبك فلوس ردتك الي عون و ناموس ...
صاح بيان برقيم
- مو بعينج انة ولج انهيج اليوم ....
دور جوة الجرباية ظلمة ما يبين شي.. مد ايده ماكو ...
ظل يشمر بالغراض يدور النقال ...
طخت بباله من عصبيته كام ما يفكر خوب يتصل بس كون مو صامت ...
اتصل سمع رنين مخنوك ..
رفع فرشة جرباية امه جهة المخاد ..لكاه هناك ..
ضامتةاجاها يهز بالنقال بيده
- فتحيه ولج خل اشوف ...
- اذا ما تهدأ ما افتح لان ادري ما تستوعب بسرعه..
ضربها ...
- ما استوعب ها ولج تفادي الشيطان وفتحيه ترى شيطاني هسة كلش كاعدلج ركبة ونص ...
فتحيه مو شبعتي كتل ...
المن ضامته بعد وانة عجنتج خوش عجنة .
يلة فتحيه حتى اكمل عليج اطلعج جنازة اليوم كبل للنجف ....
ظل يحوم ويدفر ببيبان الكنتور لو يجي يمها يرفسها لو يضربها
..
-الله يستر شمضموم مدام ما تفتحيه ، لج انة مرة تسويني مكرن .. انة الج ...
هزت راسها ما تقبل تفتح نقالها تدري بيه يظلمها ...
- لأن اريدك تسمع مني ...
- عميتي على روحج بالحالتين مكتولة تفتحيه او ما تفتحيه ..
لان القريتة ولو كلمات قليلة بس فهمت شنو تراسلون...
متدري منين تجيها ضربات راشديات وحتى جلاليق .. .
و دفرات ....
شبعها كتل ....
شمرها على جرباية امه...
- اذا تردين ونسة ورجال انة موجود شكو يم غريب ودردشات يا طايحة حظ ..
نزع ملابسة واجاها ....
ظلت تدفع بيه وتعض بيه لو ترفسة وهي تصرخ..
- سكتي مفضوحة ... مو تردين رجال .. شكو صايرتلي خوافة و تضمضمين بجسمج عني ...
ظلت تنهت تعبت تحاربه وهي تبجي وتغلط عليه..
- ولك احترمني .. ما اريدك روح.. لا تكرر السويتة ذيج الليلة وخر عني ..
شافكت بيديها و رجليها وهي تدفر بيه ...
بس هو ما همة ضافيرها الي شرمخت صدرة وجتفة ..
و لا همه من عضتة بزندة من حظنها اله...
جانت غيرتة اكبر ...
تعبت وخضعت ظلت عينها على السكف و كل مشاعرها مشاعر اله ماكو برود غريب ولا جنها تحبة ..
ابد ما بادلتة اي مشاعر مومياء بين ايديه...
بس اخر شي من حستة متلهف وبطل رعونيتة و تهجمة وياها شبكتة وبادلتة ..
صح جان معصب بس ما تصرف مثل اول ليلة جان بس غيور و متلهف ...
ورى ساعة ...
رجع بعيد عنها و ايده بشعره و هو يباوعلها تبجي ...
- تبجين اكيد خاف عبالج صايرتلي قالب ثلج كدرت اذوب جليدج ... .
وسعت عيونها على حجية
وبصوت مبحوح
- ترى زودتها كلش ..حرام عليك الي تحجيه وبرودي وياك لان جبرتني ما احترمتني لا تتوقعني لان اخر شي قبلت معناتها خضعت الك وانت غايتك تذلني ما اقبل بكرامتي تنهان ... واذا بادلتك لان .. اااا .. يعني هو لاني ....
سكتت ما لكت عذر على اندماجها وياه اخر شي ..
فرفع حاجب
- لانج ؟!!
رجع عبس بوجهة و بوز وهو يرزلها ...
-على العموم هذا درس الج انة اعلمج شلون تلعبين بذيالج من وراي تردين رجال انة موجود هذا قصدي ما ترحين **** بالنقال ...
على شنو تتسترين مني و مسوية روحج كدامي خجولة و خوافة وانت من يوم يومج عوجة ..
.
وسعت عيونها من حجايتة..
- شلون تفشر هيج علي ، و .... و شتقصد.. بعوجة !!!
كعدت وهي تدفع بيه عنها ...
- قصدت انة اسوي علاقات والتقرير كذب مو..
كام وهو يلبس ملابسة ...
- ما حجيت هيج ... كل حجي جان عن تصرفاتج وتضمين علي و هسة مصاحبة من وراي ...
و النقال اقرا الرسائل اقراهن لو اعرف اخر شي بعمري ...
يلة فتحي نقالج هسة انة هاديء و ما معصب و كتل موتج ضرب و حقي الزوجي اخذتة وزيادة بعد لشنو ما تفتحين الرمز ...
بس هي رجعت للموضوع
- لا تغير موضوع انت قصدت تجرحني تدري بالتقرير مستحيل يكون كذب...
و الدكتورة شرحتلك حالتي من حضرتك بلا خجل ردت اسرع طريقة للحمل ..
انت تريد تجرحني ببسمارك مو ؟
كضت اللحاف زين و هي تبجي ..
-هاي ثاني مرة تطعن بشرفي ... شوف النقال ما افتحة عود احسبها عناد ما دام حجيك هيج و ادري تظلمني ...
لذا ردت تهدأ حتى احجيلك بس بعد لا ما احجي وظن باليعجبك ...
اذا انة بنظرك صاحبة علاقات شكو مخليني مرتك...
لفت جسمها بالغطة زين وعصرت ايدها عليه
- سودة بوجهي ولك شبقيت بيه ...
دمرتني عمي ما اريدك ولا اريد حبك هي كوة ...
شلزكتلي ..
صاح بيها
- ما قصدت الفهمتيه ؟ قصدت من الاول متعلمة على المكر والخداع من الاول معيشتني بخداع ..
تضمين علي ....
تآمرتي وي خالتج وامج ...
انت ما يوم جنتي مثالية .. .
كلج غلط بغلط ...
تكولين حبيتيني ....
و تراسلين شخص تافه .. و سكط ...
شلون حب هذا ... احجي ...
السويتيه خيانة مدام ....
صيحت عليه ..
- اطلع برة اطلع لا تتقرب مني منا ورايح ...
رفع ايده يريد يضربها بس رجعها....
صاح بيها و شمر نقالها عليها
- فتحيه يلة ..
بثقة كلتلة
- ما غلطت بس من تلبكت وما حضرتة ...
و ما افتح النقال ... سقط حقك انت حكمت وخليك برأيك
انت شو هنتني و اذيتني بس خل اكلك شغلة اثق بنفسي ما دمر نفسيتي مثل اول يوم العرس لا ما اسمحلك تحطمني ...
شعل جكارة...
وهل مرة حجة بهدوء
- فتحيه يلة مو تكولين ظلمتني خل نشوف الظلم الظلمتج ياه ...
　
بجت ...
- والله ما افتحة شبعتني طك و .. و..
دنكت ....
ركز بيها و بقهر كللها ..
- الظاهر عجبج الصار اكثر من حجي صاحبج الاباحي ...
تعمد يحرجها و يتشفى منها
- كد ما عجبج الصار نسيتي رهبتج و بادلتيني صح بالاول عبالك ماخذج سخرة بس بالاخير عجبج مو ؟
انت بس لمحيلي و انة حاضر المن ترحين دردشات طياح حظ..
ضاجت من حجية.. و دنكت خجلانة
- للعلم انة خضعتلك حتى لا تتوحش مثل اول ليلة و تعيد انجازاتك الداعشية وياي و اصلا حسيت ببرود ..
و بعد ما اخاف منك ما تمحي شخصيتي مو ضعيفة انة لازم تخليها ببالك ..
- رقيم فتحي النقال و تفادي شيطاني ...
شعل جكارة ثانية ..
فتحتلة النقال
قرا كل الرسائل ...
باوعلها وخزرها ...
- هذا ما يبرأج لسبب لو ما متونسة على هذا المعجب بحضرتج جا كتيلي حتى انة اتصرف وياه ...
سمعي زين هذي اخر مرة اسمحلج تضمين علي شي ...
رجع يكلب ببرامجها وهو يدردم
- ما عندي ثقة بيج .. و الافضل تتركي الدوام ..
- مو بكيفك لا ما اعوف شغلي لان غيرتك لا تطاق ..
- شوفي خليها ببالج حضل افتش بنقالج ..
انت الزرعتي الشك وانت تحصديه..
مسحت دموعها
- انت مو شفت ما منطتة وجه ليش تحاجيني هيج..
- لان ضميتي علي ..
المرة من تضمضم على زوجها يعني عدها ذنب وبعد فهميها...
و ضاجت من دخل دردشات صديقاتها بس انتبهت من يتاكد بنات يطلع ما يكمل للاخير يقرا...
بداخلها توعدت بسيطة طفح الكيل وياك ...
هم متسرع وهم همجي عنيف وفوكها تحاسبني
انطاها نقالها و كللها
- لو واحد غيري يا رقيم يمنعج من نقالج وهذا النذل اعلمه..
اروحلة و انطيه كلمتين لو بيدي اكسرة بس ما اريد فضايح كل الي اريدة اسد سالفة سفرتي صبحية العرس ....
- بيان هسة لكيتلك حجة علي مو ..
باوعت بنقالها ..
- لك ليش مطلعني من الكروبات شلون اعرف اي تبليغ .
- المدرسات عود يبلغنج هذا الموجود ..
ماكو كروب مختلط اموتج و الله بس اشتركي بيهن وشوفي ..
هو المفروض ابطلج من دوامج لان ما اثق بيج بعد ..
بس ما اريد اجيب حجي عليج بعد ذيج السالفة
صاحت ..
- الله ياخذك يا ضالم مو كل الناس مثل عامر لو مثلك لان شايف نفسك هيج عبالك كلها باخلاقك
خزرها
- اشش صوتج ما اريد اسمعة و عيدي الحجيتيه وشوفي الظاهر الكتلة ما فادت ..
حك بلحيتة وهو يدردم .
-وبعد ضمي علي شي و شوفي ....
فتح الباب و طلع لبست ملابس بسرعة ...
طلع يدور امه لكاها نايمة بالصالة ودموعها بعينة استغفر الله من الشيطان ...
نده امه وهو يكعدها ...
كعدت ودفعتة وكع على مقعده ...
كامت وهي تدردم
- الله لا ينطيك ولك جزعتني اشرد اعوفلك البيت ولك انة تالي كبرتي يطلع صوتي ...
روح لا تخليني اصيح اكثر مرمرتني ...
دمعت عيونة ..
- يمة انة بيانج
- انت طياح حظ ولك هيد شوية هيد
وكض كاعك نهارك كلة بس صريخ تكرك جنك وحدة دلالة لسانك شطولة ...وتكمز تكمز هي هيج الزلومية لا والله ...
باس ايديها وراسها وهو يحظنها يراضيها ....
- يمه ما اعوفج الا ترضين علي وعد اسوي الترديه بس رقيم ما اكدر يمة احبها واغار و حقي ترى خل تحجيلج شسوت لا تلوميني ...
باوعتلة
- بيان روح من يمي ...
هز راسة وراح للغرفة طلعلة ملابس وراح يسبح ...
دخلت يم رقيم وكعدت ...
- رقيم شمسوية بلة سولفيلي سمعت صياح هذا المكروص بس كلشي ما فهمت ...
حجت رقيم كلشي لعمتها الي كلتلها ..
وهي تخزرها ...
- عفية عليج عفية ببنيتي السباعية هاي عود معلمتج لا تضمين على رجلج الرجال كلشي ولا تزرعين بذرة شك داخله اكليها يمة بفصمها ...
- يمة ردت افهمة ما ينطي مجال كل مصايبنا من ورى هذا الطبع ..
- يمة انت عنودية و ردتي تنغرين بروحج شوفوا معجبين عندي حتى لو محروكة ..
بس شوفوني عود يزحفولي بس لعلمج هذي خيانة ...
- لا عمة انة صديتة .. والله و بس كلت عيب الحضر وهو وياي زميل عمل هم يجوز يحرجني ويعاتب كدام الكادر كلة ..
- و قز القرد انت تقشمريني تقشمرين روحج اصلا ما يجرأ يفضح روحة ...
بس انت لو ما رايدة المراسلة تحضريه فورا بس عجبج الوضع لا تدافعين عن نفسج صح صديتيه بس داخلج حسيتي بغرور ..
يمكن من تمادة حسيتي بغلطتج بس بعد ما فات الفوت و انكمشتي ....
حاجيني شصار المكروص ابني شسوالج بس كتلج لو شنو ..
دنكت ..
- فهمت بلكت تحبلين وشوية تعقلون ثنينكم
لوت حلكها و ما حجت ...
- كومي سبحي مو زين تنامين هيج يلة ...
اخذت تراك وكامت ...
تلاكت وي بيان خزرها ... وراح لغرفتة
ظلت صافنة و حست بنبضها و ارتبكت غمضت عيونها تتذكر رغم قسوتة بس تحبه مو بيدها .. حست بيه لهفة الها ....
ثاني يوم بدلت و طلعت حستة وراها ...
وهي تتمشة التفتت خزرت بيان ...
وهي تمشي و هو وراها ..
كالعادة يم باب المدرسة جان عامر واكف ينتظرها ..
بقى بيان خاتل ورى محل ..
تلفتت رقيم ما شافتة ..
- الحمد الله راح الشغلة يمة كلت راح يسويلي مشكلة ..
- هلو ...
باوعت لعامر ورادت تتدخل متجاهلتة
كضلها الطريق ..
- وين يا حلو ليش ما رديتي علي امس حلمت بيج ..
وهي ترجف
- فدوة الله يخليك رجلي شاف المحادثات و الله لعب بخلقتي ..
نزعت النظارة راوتة الزراك
- جاي اخذ اجازة وارجع للبيت ما ادر اداوم هيج روح . .
جاي تدخل رجع كللها
- رجلج همجي .. اكو واحد يضرب هيج وردة صدك ما يعرف نعمتة
- خوية انت ليش هيج اولا انة مزوجة ثانيا اكبر منك عيب عليك..
شاف بيان رقيم مثل التتعارك صاح لولد ..
- تعال هذا المدرس شسمة
- اسمة استاذ عامر ..
راح بيان ركض و كض عامر من ياقتة
- شوف ولك ما راح ابتلي بيك اعتبرة تحذير ديربالك تلعب بعرض بيان الزبيري ترى خلقتك اكلبها ..
احتراما للمكان البيه ما ابهذلك كدام طلابك ...
نكت عامر ملابسة وخاف من الفضيحة
يعتبر تحارش بزميلة توصل حتى للفصل ..
- شوف اخي فاهم غلط زميلتي واسلم او اسال عن الدروسبيان
- حتى لا تسلم بعد ..
وانت يلة شكو واكفة ..
دنكت وحست بخنكة و عبرة من بيان لان لحكها وسواله هوسة ..
- جاي اخذ!اجازة وارجع ..
- امشي ادخل وياج ..
ورى ما طلعوا ...
ظل يسولف وهو لام ايده اليمنة مثل البوكس و فاتح الثانية ويضربه بايدة المفتوحة بوكس
- حرامات سالفة سفري صبحية العرس و حجي الناس قيدني والا الا اخليه يتقيء دم هنا كدام طلابة
خوش انكضيت من الايد توجعني بس مبين جبينة ما اعتقد بعد يتجرأ يحاجيج ..
يلة اوصلج للبيت وخمدي مبين وجهج اصفر
حكرتة و ما ردت عليه تدريه يريد حجة لعركة ...
　
　
　
　
　
بيوم ثواب سلمى ..
جانت رقيم و البنات كاعدات يسولفن ..
سعاد ..
- بنات شوي فكنها وي بيان حتى ما عزيناه ..
رقيم
- بعد وكت ... توجن تذكرتن حتى اخذ ببالة هو ...
زهراء..
- غير على مودج بس الظاهر انت صافة وياه ورى سوايتة خلانة علج بلسون زلمنا نتحجج عشرين حجة و نظرتهم الما تبسمر ..
غيرت رقيم الموضوع ...
- اكلجن امي سماح وين ...شو ما اجت ..
كركر....
- عد بيت السادة هم فتحوا بيوتهم للناس ...
دخل بيان المطبخ وباوع لرقيم من يومين ما يحاجيها...
زعلان بايع ثكل بس هي اعند منه ومل من هذا الوضع ...
تلاكت عيونها وياه ...
- سعاد ناوشيني صندوك اللبن . انطته اله ..
- خوية ردت اعزم نسوان المنطقة بس انت ردتها بس للزلم .
رد على اختة من ورى خشمه بعده زعلان
- ما اريد اكلف احد يلة كضت عود تعبناكم ...
بداخلة هسة اسود ما لبستن على مرتي عاد كولن كواك الله خوية و عزني
شو ميتلي ثنين وانتن ولا جنجن
- خوية شسوينة شو انت جبت طباخ و حتى الولد توزع ما سوينة شي بس ننطيك التمر اللبن ماي جاي .
ظل بكلبة يدردم على خواتة الي كلهن مجمعات و ما سلمن عليه والوجوه ثكيلة ...
بس سعاد رجعت فكت شوية و تحاجيه مثل الي تراضيه..
من ما جاوبها ردت تريدة يحاجيها ...
- خوية لو جايب امي سماح يمنه ..
- لا مشكورة يم السادة احسن..
شاف صبا وجهها مزورك..
- تعاي شنو هذا وجهج..
سعاد ..
- يا غير هل ايام مذابح هي وبناتي على جرباية كربلا
كل وحدة تكول انة اخذ الجرباية من تزوج كركر ...
- صدك جذب انة مو موصيلهن جرابي بس من تزوجت و صارت السالفة و سافرت نسيت امرهن ...
صاح عليهن و هو يرزلهن
　
يتبع