(بسم الله الرحمن الرحيم)
الفصل الثاني عشر (إصابة مَست عزيز )
#حورية_زين
#- لـ إيمان أحمد|(إيما)
----------------------
• واجبٌ عليك أن تتيقَّن أنَّ لك ربٌ قيّوم لا ينام
فاطمئن به وتوكَّل عليه واستبشِر وتفاءل بالخير.
----------------------
أخذ زين "حور" إلى يخت كبير في البحر، كان اليخت مزين بطريقة مبهرة لحور، وقد تفجأت حور كثيراً ( كان اليخت مليئ بالبالونات الهيليوم والعادية، وبه الكثير من الورد المنثور على الأرض على هيئة قلوب وكان يوجد به طاوله مزينه وعليها الطعام ).
زين وهو ينظر لحور المبهورة : ايه رأيك، عجبك.!!
حور : عجبني بس دة تحفة، وبعدين عرفت منين اني كان نفسي في كدة.
زين وهو يبتسم : ربنا يخليلنا الأخت ليان، حبيت نكون مع بعض لواحدنا بدون قيود المطاعم والكافيهات علشان نعرف نتكلم ونعمل كل اللي في نفسنا بما انك مراتي وكدة ف مفيش اي اعتراضات.
حور : مراتك.!! ، لحد الان مش مستوعبه اللي حصل بجد.
زين وهو يضحك : والله ولا انا مستوعب اي حاجة، البنت اللي كنت مقرر اني اعاقبها بقت مراتي خلاص، ومش بس كدة حبيبتي كمان.
حور بخجل : الدنيا بترتب صدف، القدر كاتب لينا نتقابل ونتجمع.
زين : يارب يكون القدر في صفنا دايماً، ونكون سوا العمر كلة.
حور : يارب اللهم آمين، وبعدها نظرت إلى الطعام وقالت بإحراج : هو انت جايبنا نتفرج على الاكل دة، اصل بأمانه انا جعانه فوق ما تتخيل.
زين وهو يبتسم : يستي مش هنتفرج يلا علشان نقعد، وبعدين اكشفي كدة الطبق دة فيه مفاجأة علشانك.
حور وهي تكشف الطبق : مكرونة بشاميل، دة انت تأخد قلبي يا جدع كلة مش حُبة بس.
زين وهو يبتسم : يا سلام هو دة الكلام اللي يفتح النفس على الاكل، دة انا كل يوم اجبلك مكرونة بشاميل.
حور وهي تضحك بخجل : مش قولتلك عاوز تأخد مني اي حاجة تجبلي مكرونة بشاميل.
زين وهو ينظر لها : انا هفتحلك مطعم مكرونة بشاميل مخصوص ليكي.
فأبتسمت حور له وطلب منها زين أن تكمل طعامها، وبعدها جلسوا يتحدثون سوياً في التغيرات التي حدثت في حياتهم فجأة، وانتهت الأمسية على خير و اخذ زين "حور" لايصالها الي المنزل.
وقفت سيارة زين تحت منزل "حور"
وقبل أن تنزل امسك زين يديها قائلاً : مفيش تصبح على خير أو مع السلامه، أو حتى بوسة كدة، دة انا حتى زي جوزك.
حور وهي تنظر لها بخجل : تصبح على خير يا زين.
زين : حاف كدة.!!
حور : عاوز ايه يعني.
زين هو يقترب منها ويعطيها خَدة ويشير الية : اي حاجة هنا تيجي من ريحة الحبايب.
أنت تقرأ
"حُورية زين" لـ إيمان أحمد✓
Mistério / Suspense(بسم الله الرحمن الرحيم) -هذة الرواية اول أعمالي، إهداء لعائلتي وزوجي وابني وأصدقائي ولكل من دعمني وساندني. - إهداء لكل من خذلة الزمن والصديق والحبيب. - إهداء للذين يمرون في الحياة دون ضرر للآخرين. كان متعجرفاً قاسياً مغروراً متكبراً، حتي جاءت ه...
