(بسم الله الرحمن الرحيم)
الفصل السادس والعشرون ( الفرحة تدق بعد غياب)
#حورية_زين
#- لـ إيمان أحمد|(إيما)
—————————————————
اللهُمَّ إنّي أستودعُك بيت المقدس وأهل القُدس وكُل فلسطين، اللهُمَّ كُن لهم عوناً، اللهم إنّا لا نملكُ لفلسطين إلّا الدُعاء فيارب لا تردّ لنا دعاء ولا تخيب لنا رجاء وأنت أرحم الراحمين، اللهُم رد إلينا فلسطين والمسجد الأقصى رداً جميلاً اللهم أنصر ضعفهم فإنهم ليس لهم سِواكَ.
—————————————————
كان الجميع ينظر "لزين" بصدمه، وما لبس ان انفجر "أدهم" من الضحك تحت نظرات الاستغراب من الجميع أيضاً.
فقال : انا اسف يا جماعه بس بجد كنت هشك ان دة مش "زين المحمدي" لو مطلعش كدة في النص فجأنا بحاجة غريبه.
"زين" : وهو ايه الغريب في كدة واحد عاوز يحدد معاد فرحة، اما عالم غريبه بصحيح.
"سليم" : بس يا ابني لسه بدري اوي.
"زين" : بدري من عمرك يا خالي، انا أخرى معاكوا شهر والا وكتاب الله اخطفها.
فضحك الجميع عليه وبعدها اردف اخية " مالك" : عاوزين نقرأ الفاتحة بقا اللي حد باصص فيها دي، وبعدها نبقي نحدد فرحك يا عم.
" زين" بتصميم : لا نحدد الأول والا مفيش قرأة فاتحة.
" مالك" : يا عم وانا مال امي، اشمعنا اليوم دة يعني اللي تحدد فيه.
"زين" : كيفي كدة بقا.
"ليان" بهمس لاختها : قولي لجوزك يتهد اصل وكتاب الله اقوم اجيب كرشه على الأرض.
فضربتها "حور" بمرفقها وقالت : لمى لسانك يا بت، وبعدين حبيبي يعمل اللي هو عاوزه.
"ليان" بتهديد : ولما اقوم دلوقتي افضحكوا واقول لابوكي اني قفشتكوا سوا .!
"حور" : هش اخرسي يا قليله الأدب، خلاص هقولة اتهدي.
أمالت " حور" على " زين" وقالت : بقولك ايه خليهم يقرأو الفاتحة وبعدها نحدد معاد فرحنا و خطوبتهم بالله عليك اصل المهزئقه اختي هتشردنا.
" زين" : ما تشرد هو حد عنده لينا حاجة وبعدين خليها تفتح نَفَسها كدة.
"حور" : يا " زين" علشان خاطري بقا وافق.
أنت تقرأ
"حُورية زين" لـ إيمان أحمد✓
Misteri / Thriller(بسم الله الرحمن الرحيم) -هذة الرواية اول أعمالي، إهداء لعائلتي وزوجي وابني وأصدقائي ولكل من دعمني وساندني. - إهداء لكل من خذلة الزمن والصديق والحبيب. - إهداء للذين يمرون في الحياة دون ضرر للآخرين. كان متعجرفاً قاسياً مغروراً متكبراً، حتي جاءت ه...
