"حُورية زين" لـ إيمان أحمد✓

3- " بعض الأسرار"

(بسم الله الرحمن الرحيم)
الفصل الثالث ( بعض الاسرار)
#حوريه_زين
#- لـ إيمان أحمد|(إيما)
------------------------------------------------------------------
يكشف النقشبندي عن حديثِ قلبي حين يبتهل قائلًا:

قصدتُكَ مِن كُلِّ الجهاتِ مُناديًا
أجِرني مِن القيدِ الذي شَدَّ مِعصمي
أعِدني لنفسِي كم تغربتُ حائرًا!
------------------------------------------------------------------
وقفنا البارت اللي فات لما رقيه كانت بتفتكر كل اللي مرت فيه من سنه وقالت لحور :فات سنة بالظبط على أول يوم تعبت فية وحقيقي دايما بتمنى انة ميرجعش تاني ولا افتكرة، بس لازم اقول الكلمتين دول يمكن استريح شويه من الذكرى دي ،فاكرة يا حور انا كنت شِبه مشلولة حقيقي ( ايدي ورجلي مكنوش بيتحركوا وبؤقي كان معوج) ودي اول مرة احكي حقيقي الموضوع دة من بعد ما اتعالجت بس لازم اقول، مكنتش اعرف السبب لفيت على دكاترة مخ واعصاب كتير واخدت علاج كتير لحد ما العلاج هَدني بعدت عن كل حاجة في حياتي فضلت حوالي ٥ شهور اتعالج لحد ما قدرت اتعالج من اللي كنت فية، كان اختبار من ربنا ليا واختبار لثقتي فية، يمكن جة عليا اوقات يأست فيها وحقيقي كنت فقدت الأمل اني ارجع طبيعية تاني، الكل كان حواليا بس كنت بتعذب حقيقي من تعبهم بسببي من اول اهلي لأصحابي وناس كتيرة اوي حقيقي كانوا جمبي دايما في كل لحظة ضعف مريت بيها، بعدت عن كل حاجة تقريباً عن دراستي واصحابي وخروجاتي وضحكتي اللي كانت بترن ف بيتنا وصوتي اللي مكنش بيوطي ابدا كنت بدأت افقد الثقة والأمل في كل حاجة حقيقي كنت بقيت شبة الأموات، بس انا قدرت اتغلب وطول الشهور كنت صابرة وبعافر صحيح التعب كان هدني بس انا اتغلبت علية صحيح الفترة طولت بس في الاخر صبري وثقتي بربنا هي اللي فازت وخرجت من المعركة دي، والنهاردة بس اقدر اقول اني قوية جداً بعد المرحلة دي بالذات بقيت قوية بربنا وبإيماني بية وثقتي فية، عوض ربنا كبير اوي حقيقي والعوض اللي بيجي بعد صبر طويل جميل جدا والله برغم كل التعب اللي مريت بية بس انا النهاردة واقفة على رجلي أولاً بفضل ربنا ثانياً بثقتي فية وبدعم اهلي ودعائهم ليا وبوجودك جمبي يا حور وباقي اصحابنا وبوجود كتير في حياتي حقيقي يعني والله انا ممتنة للكل وبشكرهم من كل قلبي على دعمهم ودعائهم ليا وحقيقي فخورة جدا بيكي وبأصحابي اللي كانوا سند ليا دايما، والنهاردة اقدر اقول اني فخورة بنفسي اني قدرت اعدي الفترة دي واني كنت قوية وكنت اد اختبار ربنا ليا وبتمني من ربنا الفترة دي مترجعش تاني أبدا ولا اي شخص يتعرض للي كنت بشوفة ابدا يارب، وربنا يباركلي في اهلي واصحابي وكل اللي حواليا وبيتمنالي الخير ويبعد عني اي حد مؤذي و ماشوفش اي حاجة وحشة في حد بحبة ابدا يارب.
قوتي دايماً كانت بربنا والحمدلله (دايما خلوا ايمانكوا بربنا كبير واوعوا تيأسوا عوضة هيجي دايما مهما اتأخر ومسير الشمس تطلع و تنور بعد عتمة الليل) . اللهم لك الحمد كما ينبغي لجلال وجهك وعظيم سلطانك،اللهم لك الحمد إذا رضيت ولك الحمد بعد الرضا.،وتنهدت بعدها ومسحت دموعها وقامت بإحتضان حور التي كانت تبكي بشده على معاناة صديقتها وقالت لها : كنتي جمبي دايما فكل الأوقات يا حور ومازلتي جمبي ويارب العمر كلة جمبي.
فقالت لها حور بعد انا مسحت دموعها : بطلي هبل انا جمبك طول الوقت احنا من صغرنا سوا ولاخر العمر سوا.
-----------------------------------------------------------------
اما عند زين بعد ان انتهى من عمله ذهب إلى منزله وكانت والدته جالسة فذهب إليها وقبل رأسها وقال :مساء الخير يا ست الكل،الجميل قاعد لواحدة ليه.
فقالت له: مساء الفل يا حبيبي، مفيش باباك جوا في المكتب بيخلص شويه شغل وانا قاعده قدام التلفزيون شويه،احضرلك حاجة تأكلها.
فقال :لا يا حبيبتي اكلت في الشركة، كنت عاوز أسألك عن حاجة كدة يا أمي، تعرفي الدكتور سليم الألفي.!!
فنظرت له والدته بصدمة وقالت بلهفه : انت تعرفه منين يا زين وهو فين، اتكلم يا ابني قولي انت شوفته، طب هو شافك.
فقال لها :اهدي يا ماما انا معرفهوش اعرف بنته بس ولما لقيت الأسماء متشابهه وعرفت انه اخوكي قولت لازم اعرف منك، ازاي اخوكي ومحدش يعرف عنه حاجة ولا حتى احنا.
فنظرت له وقالت بدموع : بنته.!، هو سليم خلف كمان، انا هقولك يا ابني كل حاجة، بس بالله عليك خليني اشوفه.
رد زين وهو يمسح دموعها : حاضر يا أمي هخليكي تشوفيه بس اهدي و قوليلي كل حاجة.
فقالت له : هقولك كل حاجة، (لما جدك الله يرحمة كان عايش كان عاوز يجوزني لإبن عمي، إبن عمي كان بيعمل كل حاجة تغضب ربنا وكان متجوز بدل الواحدة تلاته وعنده بدل الطفل سته، وانا مكنتش موافقه وكان غاصب عليا، وسليم مكنش عاجبة أفعال ابويا، وكان مصمم اني متجوزش، بس ابويا قاله انت هتقف في وشي وحلف اني هتجوز ابن عمي، بس سليم ميأسش ابدا وحاول كتير بس ابويا موافقش برضوا لحد يوم الفرح دخل عليا سليم وقالي انا حاولت اعمل كل اللي اقدر عليه معرفتش ومش باقيلي غير حل وحيد وهو اني اهربك عمري ما اقدر اقعد اتفرج على دمارك، قولتله لا يا اخويا انا رديت بس بلاش انت تقف قدام ابوك، قالي لا وهربني فعلا، وبعدها اكتشفوا هروبي وابويا أعلن في البلد كلها اني موت قبل الفرح علشان ميركبش نفسة العار،انا هربت وجيت على هنا واخويا قدملي في كلية طب هنا وكملت تعليمي وابويا مدورش عليا بعدها لانه اعتبرني ميته، بس كنت على تواصل مع سليم، لحد ما خلصت تعليم وقابلت ابوك وحبينا بعض وطلب أيدي من سليم واتجوزنا، وبعدها ابويا عرف ان سليم اللي هربني ويومها البلد اتقلبت وطردة من البلد وسحب منه كل حاجة يملكها، وعرف البلد كلها انه مات زي ماعمل زمان فيا، وسليم اتشرد بعدها واشتغل كتير اوي لحد ما جيتله سفريه بره وبعدها انقطعت كل اخباره عني، دورت كتير انا وباباك عليه بس معرفتش عنه أي حاجة وبعدها احنا اتنقلنا من بيتنا القديم وجينا هنا) ، انا متأكدة انه دور عليا لما رجع بس معرفش يوصل، قولي يا ابني مكانه فين، عاوزه اشوفه، طب هو كويس، بنته اسمها ايه.
زين : اهدي يا ماما بس و انا هقولك على كل حاجة، خالي عنده مستشفى كبيره هنا وعنده بنتين حور ٢٢سنه في كلية طب و ليان ١٩ سنه في هندسه، ومراته اتوفت وهي بتولد بنته الصغيرة .
بكت بشده وقالت : أميرة ماتت! ،يا حبيبي يا اخويا زمانه كبر عمرين فوق عمره من حزنه على وفاتها، خالك كان بيحبها اوي يا ابني قصه حبهم كان بيحكي ويتحاكي بيها الناس، طب انت اتعرفت على بنته فين وازاي.!!
- نظر لها زين وقص عليها كل شيئ وقال : بنت يا ماما لسانها أطول منها بجد، كنت عاوز اقتلها بإيدي.
فضحكت علية والدته وقالت : شبهه مامتها بالظبط، بس انت غلطان يا زين من الاول مش غلطها لواحدها، لأنك كان لازم توديها المستشفى.
نظر لها وقال : يا أمي كنت متأخر ومكنش في اي وقت عندي وهي عصبتني.
الام : طب قولي يا ابني فين مكان سليم عاوزه اشوفه.
زين : اهدي يا أمي هتشوفيه وهنتعرف كلنا كمان، دة حتى ممكن يكون في مشروع جواز بينا.
فنظرت له امة بدهشه وقالت : مشروع جواز ايه دة !
فقال : جواز ابنك يا ماما مش عاوزاني اتجوز، وانا قررت خلاص، هتجوز ومش اي حد دي بنت خالتي.!!، وضحك بمكر، تحت صدمه والدته

يا ترى زين ناوي على ايه مع بنت خاله.؟!
مستنيه رأيكوا.!!
ممكن الفصل يكون قصير بس علشان مطولش عليكوا لانه كان في كشف لبعض الأسرار، هعوضها في فصل الخميس.

#حورية_زين
#- لـ إيمان أحمد|(إيما)