(بسم الله الرحمن الرحيم)
الفصل الرابع عشر ( نتيجة الفحص)
#حورية_زين
#- لـ إيمان أحمد|(إيما)
----------------------
"فطرقتُ بابكَ يا كريمُ مناجيًا
حاشى بلطفكَ أن يُخيّبَ ظنّي."
----------------------
مساءً في منزل "ياسين" كان يجلس ومعه أصدقائه ووالد "زين" ، بعد أن آسر على عدم البقاء في المستشفى والذهاب إلى منزله.
أدهم : يا ابني مش كنت سمعت كلامنا وفضلت على الاقل النهارده في المستشفى.
ياسين : انت عارف اني مش برتاح في المستشفى ومش بحب افضل قاعد فيها.
محمود : حمدالله على سلامتك يا ابني، الحمدلله انك بخير.
ياسين : الله يسلمك يا عمي، ربنا يباركلنا في عمرك.
أدهم بصوت عالٍ : ما يلا بقا يا سنوءة انا بطني صوصوت.
زين وهو يضربه : ما تحترم نفسك يا بغل، لاحظ انها امي.
دلفت عليهم "سناء" وهي تضحك قائلة : سيبه يا "زين" يقول اللي هو عاوزه، خد يا حبيبي كُل يالا.
أدهم وهو يأخذ منها الطعام : كبسة كبسة اتهد بقا يا "زين"، حبيبة قلبي والله مليش غيرك اصلا هنا.
محمود وهو ينظر لأدهم بغيظ مصطنع : عيب بقا قاعد تعاكس في مراتي من الصبح وانا ساكت.
أدهم بمرح : خليها علينا يا حودة، وبعدين دي امي يا عم.
فضحك الجميع عليه و اردفت سناء وهي تحمل الطعام وتجلس بجانب "ياسين" لتطعمه : سيبك منهم يا ابني وكل من ايدي عملتلك الشوربه اللي بتحبها.
ياسين مُردفاً وهو يأخذ منها الطعام وينظر لها بتأثر : ربنا يباركلنا فيكي يا ست الكل، تسلم ايديك.
سناء بحب : حمدالله على سلامتك يا حبيبي، ربنا يحفظك ويبارك في عمرك.
وقبل أن يتحدث أحد، رن هاتف :زين"، فقال لهم : كملوا كلام هرد على التليفون بره واجي.
أدهم مشاكساً : وليه برة ما ترد هنا.
زين قبل أن يخرج : برة احسن علشان المتطفلين اللي زيك.
فضحك الجميع واردف" أدهم " : يخربيت الظلم، ربنا على الظالم.
----------------------
في الخارج قام" زين " بالاتصال "بحور" بعد أن فصلت الخط و اردف بشوق : وحشتيني.
حور بخجل : عامل ايه.!!
زين :بقولك وحشتيني.
حور : المفروض اقول ايه.!
زين : انا اللي هقولك يعني تقولي ايه، المفروض وانت كمان وحشتني.
حور وهي تتهرب من الحديث : صاحبك عامل ايه.!
زين بتهكم : صاحبي.!! ،بقولك وحشتيني تقوليلي صاحبك عامل ايه.!!، صاحبي يا ستي كويس الحمد لله.
أنت تقرأ
"حُورية زين" لـ إيمان أحمد✓
Misteri / Thriller(بسم الله الرحمن الرحيم) -هذة الرواية اول أعمالي، إهداء لعائلتي وزوجي وابني وأصدقائي ولكل من دعمني وساندني. - إهداء لكل من خذلة الزمن والصديق والحبيب. - إهداء للذين يمرون في الحياة دون ضرر للآخرين. كان متعجرفاً قاسياً مغروراً متكبراً، حتي جاءت ه...
