"حُورية زين" لـ إيمان أحمد✓

4- "لقاء الأخوة"

( بسم الله الرحمن الرحيم)
الفصل الرابع (لقاء الأخوة)
#حورية_زين
#- لـ إيمان أحمد|(إيما)
-------------------------------------------------------
تَرَكْتُ لِـ رحمةِ الرّحمٰنِ نفْسي
‏فما لي دونَ رحمتِهِ، رَجاءُ ‏ٰ

أنا الإنسانُ في ظُلْمي وعَجْزي
‏وأنتَ (اللهُ) تفعلُ ما تُشاءُ
-------------------------------------------------------
وقفنا البارت اللي فات عند زين لما قال :جواز ابنك يا ماما مش عاوزاني اتجوز، وانا قررت خلاص، هتجوز ومش اي حد دي بنت خالتي.!!، وضحك بمكر، تحت صدمه والدته.
نظرت له والدته بصدمه وقالت : طب ازاي وانت لسه قاعد تقولي بكرها، ولازم انتقم منها يا زين، انت ناوي على ايه يا ابني، دي مهما كانت بنت اخويا وعمري ما اسمحلك تآذيها او تيجي عليها.
فرد زين : يا أمي آاذيها ايه بس، دي مهما كانت بنت خالي، فانا قولت انا اولى بيها من الغريب بدل ما يطلع لها ابن عم يجي يقول هتجوزها ودة سلو بلدنا، فـ لي كل دة يحصل بقا، وبعدين متخافيش عليها اوي كدة دي عليها لسان يتفاتله بلاد والله، ثم ضحك بمكر وقال : بس انا هقدر عليه.
فنظرت له والدته بتوجس وقالت : ربنا يستر منك يا ابن بطني، ثم قالت بحماس : قولي بقا هتوديني لاخويا امتى.!!
وقبل ان يرد دخل عليهم الاب وقال : خير مالكوا كدة قاعدين مع بعض هاديين مش زي العادة بتاعتكوا.
فركضت اليه سناء بحماس زاد وقالت : شوفت يا محمود، زين لقى سليم اخويا، وكمان خلف وبقي عنده بنتين، وقالت ببعض الحزن: واميرة ماتت.!
فرد عليها محمود : لقاه فين، احنا دورنا عليه كتير اوي، لحد ما فقدنا الأمل انه يكون لسه عايش.
فرد زين : قابلت بنته ولما عرفت اسمها شكيت ان في علاقه ليها بماما، لما خليت ياسين يبحث عنها عرفت انه خالي، وجيت سألت ماما وعرفت.
رد محمود : طب كويس يا ابني، عاوزين نروح نزوره، ونشوف احواله.
رد زين :هنروح النهاردة، جهزوا نفسكوا على الساعه ٨.
------------------------------------------------------
اما عند حور بعد أن ذهبت رقيه، فتحت مذكرتها وبدأت بكتابه كل ما تشعر به : (مغلوبة قلوبنا ياللة على أمرها فـ اجعل نهاية كل ذلك انتصاراً كبير يصيب القلب فتعجز الروح عن التعبير من كثرة الفرح ).، وقفلت مذكرتها وجلست تفكر في كلام زين.
جاءت في ذلك الوقت ليان بمرحها المعتاد وهي تقول ف وجه حور الغارقه في أفكارها : اللي واخد عقلك يا جميل يتنهي بيه.
فصرخت حور من الخضة وقالت : يا كلبة البحر انتي، كل مره تعمليها فيا، حتي الدادة مش بتسلم منك، اعقلي شويه بقا يا لينو.
فقالت ليان :انا اعقل.!!، والله عيبه في حقي يا جدع، وبعدين الدنيا هس هس كدة لي، البوب لسه مجاش من المستشفى والا ايه.
حور : عنده عمليات وهيتأخر شويه، هيجي على الغدا كدة.
ليان : طب انتي طمنيني عن رجلك أخبارها ايه دلوقتي
حور : الحمد لله احسن عن الاول كتير.
-------------------------------------------------------
دعونا نذهب لمكان للمرة الأولى وهو شركة سليمان علون او (وكر الافاعي) وهو المنافس الأول لزين المحمدي.
كان يجلس يتحدث على الهاتف بغضب شديد : ازاي قدر ابن المحمدي يفوز بالصفقه، ازاي حصل الكلام دة يا شاهي، مش قولتي انك جبتي كل حاجة عن الصفقه، ازاي ف اخر لحظة يحصل كل دة.
شاهي : والله يا سليمان انا جبت كل حاجة تخص الصفقه، مش عارفه ازاي زين قدر في آخر لحظة يغير كل الخطة.
سليمان :مكنش ينفع اننا نستقل بإبن المحمدي، انتي عارفاه عامل شبه التعلب المكار،بس ملحوقة يا انا يا انت يا ابن المحمدي!!
شاهي : ناوي على ايه يا سليمان، اعقل كدة لازم نفكر بالعقل، انت عارف خصمنا مش سهل.
سليمان : ولا انا سهل، بكره تشوفي سليمان علوان هيعمل اي!!
-------------------------------------------------------
في المساء في منزل سليم الألفي كان يجلس ومعاه بناته امام التلفاز مع أصوات ضحكاتهم التي تملء المكان وفي جوا اسري سعيد ، وفجأة رن جرس الباب ف قامت الدادة لكي تفتح فقال لها سليم : خليكي قاعده مكانك يا داده هفتح انا، يا ترى مين جايلنا في الوقت دة.،وفتح سليم الباب ليتفاجأ بشخص غريب وعريض يقف أمامه ووراه شخصين آخرين لا يظهرون بسبب الذي يقف أمامه فقال له سليم : مين حضرتك.
فرد عليه زين : انا زين المحمدي.
فصدم سليم وقال له : خير يا زين باشا، لسه في حاجة معملتهاش في بنتي جاي تكملها هنا.
فرد زين : لا يا دكتور المرة دي انا مش جاي لبنتك، انا جاي ليك ومعايا حد يخصك.
وقبل انا يرد سليم عليه ظهرت سناء من خلف زين وهي تبكي وتقول له : سليم اخويا.
فقال سليم وهو ما يزال تحت صدمته : سناء.!!، اختي،وقام بضمها وعلى صوت بكاء سناء تحت نظرات الاستغراب من بناته،وبعد أن ابتعد عنها قال : كنتي فين يا حبيبتي دورت عليكي كتير اوي يا حبيبة اخوكي، كنت فقدت الأمل اني الاقيكي، ربنا كبير اوي وكرمه واسع علينا إنه جمع شملنا تاني ببعض،الف حمد وشكر ليك يارب.
وبعدها نظر لمحمود زوج اخته وقال وهي يحتضنه : حودة حبيب قلبي، وحشني يا جوز اختي.
محمود وهو يحتضنه ويضحك: حبيبي يا ابو نسب والله.
ابتعد عنه سليم وهو ينظر لزين ويقول : اوعا يكون اللي في بالي صح.
زين وهو يضحك : اللي في بالك صح يا خالي العزيز.
سليم وهو يحتضنه : ابن الغاليه، تعال في حضنك خالك، كان نفسي اسمع الكلمة دي من زمان اوي، بقا انت زين المحمدي الاسطورة، اللي راعب أكبر كبير ف البلد.
زين وهو يضحك : ايوة انا يا خالي هو.
سليم : اتفضلوا جوا البيت، تعالوا اتفضلوا، تعالي يا سناء شوفي ولادي من اميرتي الله يرحمها،وذهب تجاه حور وقال : دي حور بنتي الكبيره في كليه طب،وشاور على ليان : ودي ليان الصغيره في كلية هندسه.
سناء وهي تذهب تجاه حور : ما شاء الله تبارك الله، كأني شايفه أميرة قدامي تعالي في حضن عمتك يا بنت الغالين.
قامت حور بإحتضانها وقالت لها : البيت نور بوجودك يا عمتو، انا مشوفتكيش قبل كدة بس بحبك اوي من كلام بابا عليكي.
سناء وهي تبتعد عنها وتنظر لاخيها بتآثر فيقول لها : عمري ما نسيتك يا سناء في يوم.
سناء وهي تذهب تجاة ليان وتقول : اخر العنقود سكر معقود بجد، ما شاء الله ايه الحلويات دي كلها ي سليم.
ليان : والله ما في حلو هنا غيرك يا عمتو يا عسل انتي.
محمود وزين في نفس الوقت : مالك تاني في نفس العيله كدة كتير علينا.
فنظروا لهم الجميع فقال محمود : عندنا مالك كمان أصغر من زين ٢٦ سنه ، بس دماغة هربانه منه، و في رغد بونبونايه العيلة ٢٢ سنه في كلية طب، وبعدها نظر لحور وقال : اكيد تعرفيها يا حور.
فردت حور وهي تتحاشي النظر لذالك الوحش الجالس أمامها وقالت : ايوة يا عمو عرفاها، بحبها اوي الطف بنوته في الدفعه بتاعتنا بجد.، وبعدها ندهت على فاطمه وقالت : داداه فاطمه، هاتي حاجة للضيوف يشربوها.
فنظر لها زين بتحدي وهو يقول: احنا مش ضيوف يا بنت خالي، احنا اصحاب بيت
فنظرت لة بتحدي هي الأخرى وقالت : طبعا أصحاب بيت.!!
وانتهت السهرة في جو مليئ بالبهجة و السعادة بعد لقاء الأخوة ونظرات تحدي بين زين وحور،وبعد توديع زين الصادم لهم بعد ان قال لخاله : ان شاء الله يا خالي المرة الجاية هنجيب اخواتي واصحابي وهنيجي كلنا نشرب شربات عندك، وتركهم في صدمة من حديثه ورحل.
بعد رحيلة ذهبت حور إلى غرفتها وظل كلام ذاك الزين يتردد في ذهنها : هو كان قصده ايه لما قالت هنشرب شربات عندكوا، ياترى اللي بفكر فية صح، لا ان شاء الله يكون قصده حاجة تانيه يارب.
وبعدها جلبت مذكرتها وكتبت فيها (رآسي مُشوش، لا أدري ما ذالك الشعور يا الله لاكني كُلي يقين وثقة بَك وحدك، سلمت لك امري كلة، وحيرتي وشتات عقلي) وخطت اسمها تحت الكلمات وقفلت مذكرتها ونامت.
-------------------------------------------------------عند زين بعد أن ذهبوا الي الفيلا فقال له والده قبل أن يصعد : ايه الكلام الغريب اللي انت قولته دة يا زين عند خالك.!!
فرد زين : مش غريب ولا حاجة يا بابا.، عقبال مالك ابنك كدة ورغد انا قررت اتجوز حور بنت خالي.!! وتركهم في صدمتهم وصعد.
فنظر الجميع لبعضهم واول من تحدث كان مالك الذي اتي من الخارج قبل قليل : حد يقرصني يا جماعه والا يفوقني كدة، زين مين اللي يتجوز وحور بنت خالة مين.
فقالت له رغد وهي تقرصه : تعال معايا يا ملوكة وانا احكيلك كل حاجة.
فضحك وقال : تعالي يا رويتر احكي.!
اما عند سناء ومحمود، قالت سناء : انا خايفه اوي يا محمود ان زين يعمل حاجة تآذي حور، خصوصاً انه كان بيستحلف لها علشان ضربته كف.
فقال محمود : ربنا يستر ان شاء الله، مع اني مش مطمن.!
بالأعلى عند زين بعد أن اغتسل وغير ملابسه جلس على السرير يتصفح هاتفه وبعدها قام بفتح الواتساب وارسل رسالة : (يا من كنتي تجلسين كـ الملكة المتوجة فـ بيتاً كالجنة ، قد حان الوقت لتودعية وتركة ، والذهاب إلى بيتاً مشتعلاً كا اللهب، فمرحباً بِك في عالم الشيطان) وكتب اسفلها زين المحمدي وقام بإرسالها وبعدها نظر للهاتف بضحكة خبيثه وقام بقفلة ونام على فراشة.
بطلنا كتب رسالته وميعرفش إن الملكة هتتوج بحبة، مش بنارة، وهو اللي هيعيش جنتها ويدخل جواها.

وهنا تنتهي رحلة اليوم يا احبائي
متنسوس الفوت والكومنت
تفتكروا زين ناوي على اية مع حور، وسليمان وشاهي هيقدروا على زين، دة اللي هنعرفه في الأحداث الجايه
مستنية رأيكوا
#حورية_زين
#- لـ إيمان أحمد|(إيماا)
انتظروني