Writer: حِوار آلـ سُليمان
تصَويت لُطفاً قارِئاتي + تعليق بين الفقرات حتى نصعد الرِواية ..
كُل الرِصاص هَلاك
وسُحر عَينيكَ فَتاك ،
كإنَك في الحُب مَلاك
وفيّ اللِثام سَفاك ،
أشبهَ بِـ الفن لُقاك
و الحَقيقه إنكَ الهَلاك .___________________
واگفه وسط ضَجيج وهوسه وهواي ناس حواليه ،
أتلفت حايرة ما ادري بنفسي وين وشجابني وهذوله الناس منو ؟انداريت على اليَمين لگيت بيت ديحترگ والنار عاليه والكُل واگف يباوع على الحريق وشلون النيران بدَت تلتهم البيوت البصفه ..
خنگني الدُخان گحيت وفركت رگبتي وتشتت نضري مِن شفت شخص ديطلع من باب البيت الدَيحترگ !
تشخصت عيوني بعدم أستيعاب شلون مديحترگ وهوَ بنص النار !
ركزت نضري عليه وعرفته !
هذا نفسه ابو التُكتُك ألي وصلنا اني وامي !تقدم بخطوات سريعه تجاهي بس محاوطه دُخان عبالك اكو نار بداخله ،
_مثل هاي النار راح تشتعل بسببچ
رمى كلامه بغموض وعافني وراح بقيت اباوع عليه واحاول انطق أو اتحرك بس مُقيده بأشياء خفيه ..
باوعت على اديه چانت شُعله نار صغيره على أيدي بس الغريب مدَتچويني ..
صرخت بخوف وفزيت من نومي ، تحسست الداير مدايري هذا بيتنا ..
يعني كُل هذا حلم ، بقيت مضيقه عيوني من غرابه الحلم هذا وصافنه بالفراغ اريد استوعبه ،
أريد افهم شنو هاي النار ؟
وشنو هذا الشخُص ؟
وشنو معنى كلامه ؟فززني من صفنتي صوت أمي وهيَ تحچي وياي ..
زينب: نويرة شبيچ ؟
باوعتلها واحس نفسي ضايعه ردت اسولفلها الحلم بس خفت تفكر انُ هذا الشخص ببالي أو تاخذ فكره انا عيني عليه ..
نارة: شبيه ؟
_صفنه تجيبچ وصفنه توديچ
_لا يُمة أنتِ كبرتي صرتي تتخيلين يجوز حتى اني چذبيه وخيالچ هذا
_دگومي لا تخبليني گومي
_جوعانه
_مسوية ريوگ ومنتظرتچ من ذيچ الساعه
_اغسل واجي
هزت راسها وطلعت وانا گمت غسلت وجهي وطلعت للمطبخ لگيت عذراء دتغسل مواعين تجاهلتها ونزلت الصينيه ..
عذراء: شكو چنچ مرت شهيد من الصباحيات
_يالله صبحنا عسانا لا صبحنا
أنت تقرأ
جريرة سمراء
General Fictionهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...