Writer: حِوار آلـ سُليمان
تصويت وتعليق بين الفقرات حَبيبيني ..
__________________________
گعدت على حيلي من سمعت الخبر خايفه على مُهيـب ،
اباوع لـ سَراب گعدت وگامت تخرمش بـ خدودها وتدگ على صدرها ،
سَراب: يَمه وليـدي يَمه راح يضيع من ايـدي عزه بعينچ سَراب شراح يصيـر أكثر من الجَـاي يصير يمه وليدي .
حُـر: يـمه اسكتي لا والعباس احرگ روحي وابليـچ حتى بيـه ، انـه ضيم ولدچ كافيـني مو هسه أجيتي انتِ عليـه .
اخـذ حُـر بصمة السَيارة وطلع متفلحط ، گمت أركض للغـرفة اخذت تليفوني اتصل على مُهيب ما يرُد حرگت التليفون حَرگ وهو ماكو ..
ضليت ادعي بـ گلبي وافتر بالغـرفة بقهر ، نزلت جوه غسق وبَـراء وحده صافنه بوجه الثانيـه بـ حيره ،
مُرسال گاعده توكل بـ مُراد و سَراب تدگ وتلطم وحدها ..
سَراب: أخذني يا ربي تعبـت اتلگاها من الچبيـر من الصغيـر من ابو السجـون منين اتلگاها ..
نَـارة: عـادي احچي عليه گدامي ما يهمني .
_هسه أنتِ ياهو يمچ لو تدورين طلايب هو هم ضيمي ذبچ عليـه .
بقيت صافنه وتليفوني بـ أيدي اتصل على مُهيب ما بطلت الاتصال دقيقه ،
ردت اتصل على إبراهيم بس يخَسي وبعدين حتى لو اتصلت ما يفيـد ما ينطي كلمة ..
گامت بَـراء سوت اكل وجابتـه ،
بَـراء: گومـوا أكلوا ؟
سَراب: اكـل حَـو ، ما اريـد ما اريـد بلكي انطم بـ گبري واخلص .
نَـارة: انـي جوعانـه تعاي غسق ناكل .
اجتِ غسق اكلنا احنه ، ومُرسال حتى ما اجتِ ودائماً مبتعده عني عبالك راح اكُلهـا ..
گمت شلت الصينيه اريد اغسلها واجتِ بَـراء بعدتني ،
_عوفيهـن انـه اغسلهن أنتِ شصاير بحالـچ چنـچ سلبـوح .
_ها بَـراء اجتـچ الحاله ؟
_عوفـي الحاله ، وين چنتي ؟ ليش هيچ حالچ متبهذل ؟
_عوفينـي بَـراء الحچي يتعَـب .
راحت تغسل المواعين وانـي گعدت على التخـم انتظر بس خبـر أو شيء يطمنـي على الصَـار ..
سمَعت هوسة وصياح وطب حُـر متفلحط يصيح و وراه مُهيب و إبراهيـم ،
وگفت على حيلي مهبوطه وامـه ركضت عليه ،
سَـراب: مـهيب يمه شجاااك ولك ليش تجيب المصايب ابن النعالـه
أنت تقرأ
جريرة سمراء
Fiction généraleهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...