Writer: حِوار آلـ سُليمانتصويَت جَميلاتي + مُتابعه لحِسابي + تعليق بين الفقرات ؟
كيَف لَك أن تُلطخ كُل السَمراوات بـ إجرامك ؟
هَل لَكَ أن تكرهُ ما احببتَهُ سَمرائِك ؟____________________
_مَفقود أبوية مَفقود ..
دموعي تنزل وامسحها وترجع تنزل ، عَيسى صارت عيونه حُمر سُرعان ما فكرت هو تذكر أبوه !
زاد القهر بداخلي لان بسببي هوَ أنحرَم مِن أبوه !
فات إبراهيَم علينا باوع وحچه وياي بـ نفس صوته ،
_نارة لحگيني
عافني وطلع بقيت اباوع بالفراغ واتجسد الخوف بداخلي ، خايفه يطلعلي بسالفه جديده تورطني بالزايد !!
طلعت امشي وراه واعرج واسحل بـ رجلي ، طاحظك وحظ الخلفوك هو هذا تصرف ؟
رحت للصاله لگيته مثني رجل ومنزل رجل والجگارة بـ أيده ، أشر بالجگاره گدامه رحت گعدت بنفس المكان ألي اشرلي عليه ..
_أحچي إبراهيم ! شنو من مصيبة تريد تلطمها براسي ؟
_موش مصيبة ، اريد اسألچ وتجاوبيني
_شنو مُحقق كونان ؟
_ابوچ مفقود لو ميت ؟
نزلت راسي وعصفت الذكريات عقلي ، همست بغصه
_مفقود ..
_لعد عليش من سألت گالولي ميت ؟
_احنه موصلين فكرة انُ ميت
_السَبب ؟
_ماعرف والله بس عمامي هيچ سوو
_عندچ عمام ؟
_واحد متوفي وثنين عايشين واحد بالشمال والثاني بالخارج
_خوال ؟
_عندي طبعاً
_هم عايشين بالچَول ؟
_مو چول تره ! وبعدين لا هنا بـ بغداد
_خوش ، شلون انفقد ابوچ ؟
ماعرفت شلون ابدي احچي فـ حچيت بخفوت احاول امسك نفسي عن الانهيار ..
_بعدني ما متخطيه وداحاول اتخطى خليني بدون لا اتذكر افضل ..
_براحتچ بوية
_مَحتاج شي بعد ؟
ماسمعت صوته باوعت عليه عيونه عليه بنضره ما افسرها ، حس على نفسه وفرك عيونه وحچه بـ بحه ..
_ما محتاج ، روحي
_انت هم روح خمو تبقى مگابلني ؟
_ما عاجبچ مگبلي ؟
أنت تقرأ
جريرة سمراء
General Fictionهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...