جريرة سمراء

كلام ..

مبدئيـاً احبائـي كُل عام وانتُم بـ ألف خيـر ، ينعاد علينا بالسنيـن الجايه سَوه ..

هواي كلام يخص هالروايـة فـ خلي نبدي ،

اول شيء اللهجة مال إبراهيـم ، هوَ جنوبي والجنوب هواي يستخدمـون مفردات من ضمنها يلفضون الـ "ك" جيم ،

وجاي اسوي فلان شيء ، و عليش و عَش و هواي كلام اني من كاتبته مو سالفه بكيفي جايبه ومخليه !

الوصلني كتبته ولهجته نقـل يعني مو من عندي واني انسانه من وسط العراق وتحديدا العاصمة " بغداد " يعني من الاساس ما اعرف ولا هواي معلومات عندي تخص اللهجات مجرد اليوصلني اكتبه لان كل واحد و لهجته وكلامه حسب البيئة ومكان عيشهُ ..

وكذلك هو مهندس والمهندسين ينتقلون بـ كافة محافظات العراق بسبب مشاريعهم يعني يشوفون كومه ناس و بـ لهجات مختلفه والشخص من يصير يتردد بـ مكان ياخذ بـ طبيعته يعني هو لهجته مو بس من محافظته من اماكن مختلفه بسبب اجتماعيه شغله .

صحيح راح تسأل كاتبه وما تعرف لـ بعض اللهجات ؟
أي مو كلهن عندي معرفه بيهن لان بهالوقت بالتحديد صارت اللهجة البغداديه تستخدم بكل مكان حتى بالجنوب يعني تقريبا قل عدد الناس الي هيچ يحجون فـ اني منين اجيب كلاميات ؟

يعني بـ اختصار هاي مو لهجتي ولا كلامياتي هذا كل كلام وطريقه إبراهيم والعليه نقلته مثل ما هوَ وبس ..

ثاني شيء نجي على عيسى "الله يرحمه " عيسى بمرور الأحداث يكبر بالعمر يعني اني ما ذاكره شگد صار عمره فـ هو چبير يعني مو صغير ودتسألون تره عيسى اول ظهور اله من چان ويه أبوه جان عمره ٩ سنوات ما معقوله لحد هسه نفسه العمر انت فكـروا قبل لا تحچون وبعض الأحداث ذاكره بيها مرت سنوات وهيچ صار ..

ثالث شيء اذا عندك رأي سلبي ميخالف اكتبه لكن ما عندك اي حق تسقط بـ مصداقية الرواية ، إذا ما مصدگها اتركها بدون كلام ..

الدنيا كلشي بيها والأشخاص المو زينين مالين العالم كل بقعه يطلع منها ٦٠٪ مو خوش بس يتصنعون المثاليه !

يعني لا تستغربون الأحداث والاجرام إذا ماكو هيچ شيء كيف السجون مكتضه بسبب الناس !

وإذا أنتِ أو انتَ ما عندك جرأه لفد شيء فـ مو الكل مثلك اكو ناس جرأتهم تصفن يعني بلا سؤال هاي شلون و وين اكو هيچ شيء !

وبعد إذا اكـو شيء مديدخل بـ بالكم أو ما مصدگينه اكتبوا حتى افهمكم الاعرفه لان اني متخطيه بعض الأحداث ومختصره ،

دُمتم سالمين جَميلاتي ..