Writer: حِوار آلـ سُليمانتصويَت جَميلاتي + تعليق بين الفقرات ؟
انهَا بُقع طاهِرة ، تَصلُح للعَيش
لكن ما اختَرتهُ انا بُقعه مُظلمه
مستحَبه في الجَريمه ومُبهمه .._____________________
نارة: روحك شگد ما چانت عاليه بگد النعال يمي
ما أهتم لكلامي وصعد وسد الباب مال سيارة ، بقيت اباوعله واركز بتفاصيله ..
ناعم واسمر عِنده لحيه خفيفه وعيون سود كبيرة ..
جاسِم: حفظتي شكلي عدل ؟
_ما مباوعه عليك جامتي مغوشه وداباوع من جامتك !
_كثر ما باوعتيلي لو انطيچ ورقه هسه ترسميني وأنتِ مغمضه
_لا و واثق هم !!
_ليش رفضتيني ؟
_عجيب انتَ ! تدري رافضتك ولازگ روحك واجيت عقدت عليه !!
_چا هين الفلوس الخمطها اخوچ ؟
_وتاخذني مقابل فلوس ! مقابل وصخ دنيا !
_احنه نحب الوصاخه هايَ
سكتت ودرت وجهي على الطريق ، مكان بعيد وشارع ما فايته بيه ..
بالي يم امي ردت اتصل عليها بس حتى تليفوني ما جايبته ،
جاسِم: ماخذچ لبيتي ديري بالچ تندگين بـ أيمان
_يا ايمان هايَ
_مرتي ، تعيشين بالبيت كأنما ما عايشه بيه
_چا وين عايشه بالزوراء !
باوعلي بحيرة ودار وجهها يسوق وراها أردف ..
_ما بيه حيل مشاكل تستچنين بغرفتچ وتاكلين تبن
_واليوصلني اسممه ..
وصلنا لبيت شكله قديم وبسيط ، بلعت ريگي بحيرة ونزلت ويا ومحرم الصلاة يعثر بيه ..
فتح الباب وفات ، فتت وراه وعيوني تدور بالبيت الصغير ..
چان بُنيان قديم لكن مرتب ونظيف ، بسيط كُلش هَم ..
طلعت بنية تقريباً عُمرها بالعشرينات تباوع ساكته ، بقيت صافنه عليها تالي غورگت عيونها دموع ..
أيمان: يعني تزوجت يـ جاسم !
جاسم: الشرع حلل اربعه
_مو گتلي أنتِ أربعتهن !
_أيمان جهزتي الغده ؟
_كسرت گلبي جاسم كسرته ..
راح عليها حضنها يبوس براسها وهيَ تبچي بحضنه ، كرهت روحي وكرهت الدنيا الخلتني بهيچ موقف ..
أنت تقرأ
جريرة سمراء
General Fictionهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...