Writer: حِوار آلـ سُليمان
تصويت لطيفيني + علقوا بين الفقرات ..
وإنَ وجودهِ دون هَيتئتهُ ، انهـيار !
_________________________
_إبراهيـم ما مـوجود شلــون سجلتوهــا بـ أسمَـه ؟
عگد حواجبـه وابتسم ، جر البيان من أيدي وحچه بضحكه ..
_هاي شبيچ معقوله ما فكرتي انُ حـر يگدر يسجلها بـ أسمه حتى لو ما چان موجود ؟
_لتچذب عليـه ، حُـر ما چان موجود ويانا بالمستشفى !!
_وهاي صعَبه ؟ عيسَى خلاه يجي ورجليه فوگ راسه !
_ما تقنعـني مهيب ، شنو مثلا الدوله هيچ هيته حـتى حُـر يگدر يسوي كلشي بسبب مكانته !!
_صدگيني كلشي صار هيتـه ، مدام عنده شهاده ومنصب فـ يگدر يعين واحد دكتور بدون شهادة !
_ما معقووول ما معقووول !!
_كافي نَـارة أنتِ مريضه وتعبانه ليش تشغلين نفسچ بـ أمور تافهة ومگدورلها ؟
_انتَـا تشوف هيچ مُهيب ، ما تعرف شنو النـار البداخلي واني انتظر بس اعرف خبر واحد عنه بس ماكو أي شي !
حضني لـ صدره يهديني ، دفعته وترجيته بـ عيوني ..
_عليك الله مُهيـب إذا تعرف إبراهيم وين گُلي ، داري تعبي الله يخليك !
_لو اعرف ما اخليچ هيچ معلعله .
وبقيت احاول وياه لكن يگـول ما اعرف اي شي عَنـه ،
زادت الحرگه البداخلي عفتـه وطلعت لغرفتي انهاريت على سَريري وَحدي ..
اندگ الباب وفات عيسى جايب وياه اكل ، شاف حالتي اجه عليه بخوف ..
عيسى: راح تجلطيني كل شويه هابطتني يمه شبيچ ياهو وياچ ؟
_عيسى شلون سجلتوا أُمنيـة بـ اسم إبراهيم ؟
_حـر سجلها .
_هم گال نعال صخمها ولك شنييي راح تخبلوني والله
_انت منا مسودنه نوب نخبلـچ يابويـاي .
_گوم مني عيسى .
_تعاي ناكل طگيت من الجـوع
گمت وياه اكلنا سَوه وهو يضحك ويسولف ويتحلف يندگ دگات ناقصه بـ سراب وحُـر ..
كملنا وهو شال الهوسـه وراح ، غسلت ورجعت لمكاني رضعت أُمنيـة وبس شفتها نامت نمت ..
گعدت راسي يوجعني ، اجتِ بَـراء گعدت يَمي ..
_بـربره بشري نسيتي لو بعدچ ؟
_اديـم ؟
_أي ؟
أنت تقرأ
جريرة سمراء
General Fictionهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...
