Writer: حِوار آلـ سُليمان
تصويت حُلواتي + تعليق بين الفقرات ؟
وكُل ذلِك الجُهد الذي بَذلتهُ بحُبه
هَب هَباءً مَنثورا ، وكُل ذَلك السِم
تجَسد بأجسَامهم سحَورا ..
__________________________
ماجد: خوش لعد أخذي هدومچ واطلعي بره أنتِ وامي البيت ما يحملچن بعد ..
صَفنت عليه ما متوقعه كلامه !
معقوله ماجد يسويها ويطردنا ؟
والسبب بس لان رفضت شخص ما يهوَى گلبي ؟
الصدمه مسيطره عليه ، أندارت عيوني على أمي الچان حالها يخنگ ، هذا ابن بطنها الحملت بيه تسع شهور ، هذا الربت وسهرت وتعبت وتأذت ونجرحت وكبرته گدام عينها .. هسه يطردها !
عيوني غوشت ، لؤلؤ الدَموع صار يحجب الرؤيه عندي لكن هيهات انزل دموعي گدامه ، هيهات اخلي عَذراء تتشمت وتشوفني ابچي گدامها ..
نزلت راسي ورحت فتحت الكنتور وانا اسمع صوت شهگات أمي الواگفه على صفحه ..
اخذت صايتي وشالي و عباية امي وشالها ، اخذت المبلغ الچنت أجمعه حتى اشتري بيه الاشياء ألي احتاجها من اكون ماعندي فلوس ..
سديت الكنتور وخليت تليفوني بالجنطه والغراض ،
زينب: نارة اني أقنعه وين نروح احنه بهالليل يا يُمه !
_اخذت معالي صفات عزة النفس منچ تالي تنطردين وتريدين تتوسلين؟
_أبني ما حملني چا يا گاع التحملني !
انشگ صدري من كلامها رحت عليها حضنتها وصارت تبچي بقوة ..
صعبه عليه أشوف امي بهالحاله ، صعبه ابنها يطردها صعبه !!
بس مهما يكون لازم اني اشيلها ، لازم اوگفلها الوگفه الماگدر ماجد يوگفها ..
لبست وهيَ تفرك أيديها بتوتر وعيونها تجري دموع ،
نارة: ماما اهم شي لا تضعفين زين يبعدي ؟
_نارة الدنيا غابة واحنه نسوان !
_اربي لحيه وأصير اسد لخاطرچ
ضحكت بعز قهرتها وفرحه خفيفه تغلغلت بداخلي من شفت ضحكتها ، اخذت أيدها ومشينا لباب الصاله لگيت ماجد وعَذراء گاعدين ياكلون ويمهم امير
نارة: سم وزهر بجاه الزهره ام الحسن
ماجد: تگدرين توافقين وتبقين هنا وما تبهذلين امچ وياچ
_مو اني الابقى ببيت نطردت منه ماجد !
_طبچ مرض ، يلا نريد نسد الباب
زينب: شگد ما تعبت عليك تعَبتني ، روح يا يُمه دموعي تنزل وامسح بيهن اخاف تتأذه على كل دمعة تنزل مني
أنت تقرأ
جريرة سمراء
Aktuelle Literaturهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...
