Writer: حِوار آلـ سُليمان
لا تنسون التصويت والتعليق بين الفقرات لُطفاً احبائي .
وكان اللِقاء جَباراً ، كان يَملك اقطاراً نامت بـ سلام بين اعيُنهم المُتهالكه والشائِقه !
_________________________
كُـل مُـر وكُـل حدث حَـزين راح يجي وراه عَوض ،
راح يصير شي يخلينـا ننبهـر لشدة الفَرحـه ..وهـذا ألي صار وياي ، ما قطعت الامـل وبقيت انتظره ، بقيت ادزله مسجات على امل يجي يوم ويفتحـهن ..
بس هسه اني فاتحه عيـوني على طوله ،
رجف كل جسمي واطرافي تيبسَت ، ذب الجنطه ألي بـ بأيـده واتقـرب مهرول حضني حُضن كسر ضلوعي بيه ..بقيت مصفصفه ما مستوعبـه داشوفه مره ثانيه گدامي ،
همست بـ رجفة ..
_إبراهيـمي !
حضني اقـوى وحچه بـ تنهيـده وتعب ..
_سـنيني بـدون صوتِـچ كلشي ما تسـوه !
حضنته واعتلى صوتي بالبُكـاء ، صرت ابچي كل قوتي وهو حاضني ويمسح على ظهري ..
اريد اطلع كل حزن عشته بـ حضنه ، وخرني عَـنه يمسح على وجهي ،
باسني بكل مكان بـ وجهي يبوس بـ لهفة ..
_يا بَـويَ انـه ما چنت عايش اخ بـوية .
_ويـن چنت إبراهيم ؟ انتَـا مو وعدتني ما تروح عني ؟
_وعـدچ ينهش بـ روحي شلون گدرت اكمل سنيني بعيـد عن گربـچ !
رجعت ابچي احس دموعي مدتوگف ، مسح دموعي وهو يحچي مبتسم ..
_كافـي بَـويَ شني السالفـه تريدين ارجع ؟
_اي حلتلـك الدياحـه .
_شلونـچ جـرايـر گلبـي ؟
ابتسمت على اسمي ، صار سنوات ما سامعته ..
_مـو زينـه بدونـك .
_خـر* بـ ابليسي .
عيونـه أكلتني يبوس بـ أيدي و وجهي بدون مَلل أو تعـب ..
_الشـوگ هدنـي ثلثيـن حيـلي نـاراتي .
_مشتاقتلـك أكثر وحق الله ، وين چنت !
_بعديـن احچـيلچ ، اشو البيت فـارغ ؟
_امك بـ غرفتها وغسق وبَـراء بالدوام ، مُهيب بالشغـل وحُـر ما ادري ويـنه .
_حـر وياي ، چا وعيسَى ؟
غصيت وما گدرت انطق حـرف ، يعني ما يدري ماتـوا ؟
سويت نفسي دخـت بسرعه هو حضني واخذني للمغسله ، غسَل وجهي ..
_هاي شمالهـا روحها مايعـه
أنت تقرأ
جريرة سمراء
Beletrieهيَ التي مَكرت وامسَكت السِلاح وتقربَت ، وعن مَعشوقها حَاربتّ ، وانواع جُلود الأفاعي أرتدَت ، وادسَت سُمها أينما ذَهبتّ ، وأحَارها محدَق العَشيق الذي هُلِك ، فـ ارتمت بـ أحضَانهُ وتسَائلَت : مَا الذي يجُوب عَقلك .. ويَملئُ فراغات حُقدك ؟ مَا الذ...