جريرة سمراء

part 14 جَريرة

Writer: حِوار آلـ سُليمان

تصويت لُطفاً قارِئيني + كومنت + مُتابعه لحسابي

حَتى مَن يشعِل النيرَان ، سَيحترق يَوماً ..

           _______________________

_منين اخاف منچ ؟

_من صگاركُـم بَرهامي ..

خليتها تتفرگع وتعد وتصف وگمت اتبختر ،
اخذتني رجليه لغرفتي ، صادفني حُـر بنص الطريق ، تعديته بدون كلام ..

لكن الصدمني فعله ، عتني من أيدي ساحبني لگدامه ، خزرته من تصرفه هذا ..

اشرلي بـ إصبعه على حلگه بـ معنى "اش"
رفعت حاجبي بأستهزاء وحچيت ..

_شكـو ؟

_امشـي وياي

_بصفتك منو ؟

_امشـي بروح الحسين

تأفأفت بضجر ومشيت وياه اسحل برجليه بس لان حلفني ، شفته ماخذ مسار غرفته !

مشيت وياه اريد اشوف لـ وين يريد يوصل ؟

فات واندار عليه اشرلي براسه افوت ، ضحكت بأستهزاء وحچيت ..

_برأيك الجابني لـ هنا حيعجبه تصرفك ؟

_لتدخَلينـه لتدخَلينـه !!

_هوب عيني اعصابك ، هسه گُلي إذا عندك موضوع مهم تعال هنا سولفه وإذا فارغ ومعندك شي فـ سيو

_خَـرب .. اوگفـي ..

وكفت انتظره يمسلت ، كتفت اديه لصدري وبقيت انتظره يحجي ..

حُـر: الچ عشر دقايق تسولفيلي مُختصر آخر ثلاث سنوات ..

_عَفـواً ؟

_مثل ما سَمعتي .

_اكتشفت انتَ فارغ وعاجبك تمسلت واني مو فارغه فـ نتشاوف من تصير عندك سالفه ..

ابتسمت وعفته ومشيت ، سمعت صوت الباب مال غرفته نرگع ما اهتميت وكملت طريقي للغرفه ..

طَبيت وسديت الباب ، فتحت تليفوني اگلب بيه ، دخلت على الواتس لگيت حساب ابراهيم ..

بقيت صافنه بالصوره مالته ، چان كاشخ بـ لبس رسمي وبأيده جگاره ولابس نظارات شمسية ،

بقيت اتأمله لكن ضجت !

ليش الصورة ما طالع بيها عيونه !

اني اريد اشوف عيونه ألي غيرت جَذور حياتي كُلها ، عيونه نقطة ضعفي ..

صرت أقدس العُيون من شفت عيونه ، وما قدست غير عيناه ..

بعدني اتأمل بالصوره وفزيت على مسج منه ، اخذت نفس وفتحته ..