جريرة سمراء

part 34 جَريرة

Writer: حِوار آلـ سُليمان

تصويت وتعليق بين الفقرات لطيفاتـي ..

________________________

ما اهتميت لكلامه وگمت اخذت ملابس وطبيت سبحَت ،

طلعت لگيته گاعد يدخن وصافن بالفـراغ ،
اتجهت للمرايـا اخذت مشط امشط واحچي بدون لا اباوعله ..

_شبيك چَـنك وجه يَتيـم ؟

_هسه شنو جاي تتنمرين ؟

_شكو گالب وجهك هيَ الدنيا شباقي بيها ؟

_گالب وجهـي متأذي شلون راح أأذيـچ .

_على فكرة ما خايفـة منك .

_ادري بيچ صلفـه

ما اهتميت وردت انزل بس صاح عليـه ، سديت الباب ورجعت وگفت گدامه ..

باوعلي من فوك ليجـوه وثبت الجگاره بطرف حلگه ..

_البسي عباتـچ وامشي

_ويـن ؟

_ما اسمعلچ حرف ، سوي الگتلج عليه والحگيني .

_هو شنو أريـد اتريگ جوعانـه !

_نَـارة !

_مبين عينك ضاگت على البيض والجبن يلا حتى ريوگ ما اريد

جريت صايتي لبستها ولفيت شالي منزعجـه منه ومن قنقينتـه ..

نزلت جوه لگيت گاعدين بالصالة ، باوعتله واگف ينتظرني ..

سَراب: صلاوات بدت الدياحـه بعده ما ركد بـ بيتـه وگامت تسربت وياه

باوعلي مُهيب وباوع لـ إبراهيم وحچه ،

مُهيب: ويـن رايحين ؟

ابراهيم: شعليـك ؟

باوعلي مُهيب بـ تساؤل ، طلع إبراهيم قبلي ، باوعت لـ مُهيب ..

_ما ادري اخوك وين يريـد يدولبني !

هزيت راسه تعبانـه وطلعت بدون لا اسمع صوتـه ،
صعدت بالسيارة تچيت راسي والتبريد يلفح بـ وجهي الشعـور حلو ومُريـح ..

صار يسـرع بـ مشيته والشارع عام وبيه ناس تمشي ، باوعتله مقلص اعصابـه ..

_اهـدأ مهما يكون المكان الي رايحيـن اله فـ راح نوصل إذا سقت سريع أو طبيعي !

ما باوعلي ولا اهتم لـ كلامي ولا عبالك داحچي ، هزيت ايدي ورجعت اباوع على الطريق ..

انسطرت لان المَنـظر سريع بـ سريع كلشي يمُر من يمي بـسرعه ، غمضت عيوني افكـر بـ حياتي ..

فتحت من وگفت السيارة ، باوعت للمكان غريب عليـه ..

صـحراء قاحِله وبيت واحد بنص هاي الصحَراء ، البيوت الباقيه كلش بعيده كلش ..