جريرة سمراء

part 27 جَريرة

Writer: حِوار آلـ سُليمان

تصويت حَبيبين گلبي وكومنت حتى تصعد الرواية إذا تشوفونها تستحق ..

حَتى في ذهَابـك قوةً ، من انتَ ليكمن ضعُف بـ داخل أُنثى لغيَابك ؟

_______________________

ابتسمت من كل گلبـي ونزلـت اتبختـر وابتسامة نصر مرسومَـه على ثغـري واني اسمع فرفحَتهـم وصوت سَراب وهيَ تعيـط ..

سَـراب: غــرگــنــا ..

وگفت على الدرج اول اربع بايَات من الدَرج اشوف منظرهُـم ..

عَيسى گاعد على التخم مبتسـم وحُـر لازم الماسحه ويركض منا ومنا وغسق وبَـراء وياه وسَراب تلطم وبدايه دشداشتها مشگوگـه ..

ضحكت بصـوت عالي رج البيَت خلاهم يناظرولي بـ حقـد وكُره ..

_احـا هاي شغـرگ الواويـه ؟

عيسى: محـد يگدر للواويـه هنا غيـر نچره وحـده .

غمزتله وهـو ضحك مستمتع ومنتعـش ، انداريت بنظري عليهم لگيتهم فاتحين عيونهُم مصدومين ..

_شنـي طگتكـم جلطـه ؟

اقترب حُـر للدَرج وسألني وهو مصـدوم ..

حُـر: هاي سوالفـچ ؟ أنتِ مغرگتنـا ؟

خليت اصبعي السبابـه على طرف شفتـي ورفعت عيوني فوك افكُـر ..

_هِمممم ، لحظه اتذكر شصار البارحه .. هَا أي صحيح انـي بعنـاد سروبه هيـچ سويت أي أي تذكـرت .

فزعت سَراب وبقت تدك وتلطم وتدعـي عليه ،
بينما حُـر ما گدر يلزم اعصابـه ونذَالتـه وعتني من أيدي من رابع بـايه على الدرج وگعـني للگـاع !!

صرخـت موجوعه لان وگعت على ظهـري واجـه عيسى يركض گومنـي ..

عيسى: حـر انـه شحذرتـكك ؟ لا بس انتَ مو مال عيني واغاتـي اعرف شلون اتعامل ويـاك بس اوگف لحظه .

گعدني على الدرج واني روحي راحت احس بطني وظهري شگونـي شگ ،

عافني عيسـى وسحـب حُـر من ياخته و وگعله بوكسيات وصارت ممالخ حُـر وعيسى ..

بالرغم انُ حُـر اضخم من عيسى ويمكن تكون ضربته قويـه بس عيسى ما اهتم وكل ضربه يرجعلهيا اقوى من القـبلها ..

عيسَى: أكسسسر راسك إن مَديـت ايدك عليها حيــوان مطي !

_مو بگـدك انـه وتكسر راسي يدافعله على وحده ****

_تاجراســك ورأس امثالـك **** انعل الخلفـوك يا عار ابن عـار ..

وعيسى انجَن حرفيا من غلط عليـه حُـر بهالشكـل !

بَـراء وغسق يرجفن ويصيحن بس يريدون انُ توگف العركه بس ما وگفت الا من سَراب سحبت حُـر وهي تصيح ..