عام الحُب 2 (مكتملة)

مهما طال بينا البُعاد..

-وبعدهالك يا سُدم، هتفضلي مرقباه كتير كده؟!
=...
-طب أنا راضيه زمتك، أنتِ بقالك قد أي بتابعيه بـ صمت كده؟
=ن.. نص سنة يا آية

سكت ومسكت دراعي وقالت
-هو مش عارف إنك عايشة أصلًا يا سديم أو ممكن يكون عارف بس كـ سديم الكاتبة مش سديم اللي واقعة في هواه..

ــــــــــــــــــــــــــــــــــ
معاها حق أصل مفيش حد بيعمل اللي بعمله. أول مرة شوفته فيها كان عندي في الفريند ظهرلي بوست بكتابته وعملت لاف بعد ما قرأتله، مش فاكرة أنا اللي بعت الأدد ولا هو بس بحكم إني بكتب وهو بيكتب أكيد هنكون عند بعض.
فضولي خدني أكونته، اتعمقت فيه ونزلت لأخره، من غير ما أحس بقيت ببحث عن كل حاجه ليه.
كل بوست، كل صورة، كل كومنت عند الأصدقاء اللي بينا!!
صورو كلها بقت عندي تلفوني مليان صورو.
بضحك تلقائيًا لما بشوف ضحكته.

هو ميعرفش إني عايشة غير بكتابتي صح زي مـا آية قالت!.

ــــــــــــــــــــــــــــــــ
عمركم أتعلقتوا بشخص مش عارف بوجودكم؟
عمر حد منكم حس بدقة قلبه بس لما يشوفه أونلاين؟!
لما بدخل أكونته ببات فيه فعليًا، بخاف لما ينزل بوست أعمل لاف، براقبه في صمت!.
وكلامه حفظاه، زياد بقا جزء من حياتي، من غير ما يدخل حياتي أصلًا.

-حبيتيه مش كده؟
=حبيته!، آه حبيته يا آية واتعلقت بيه وهو مش عارف إني عايشة على الكوكب أصلًا، فاكرة لما سألتيني وقولتيلي عملك أي عشان يغيرلك حالك كده؟، قولتلك وقتها معملش حاجه هو ميعرفش إني موجودة أصلًا.
بس دلوقتي أقدر أقولك أنه عمل
آه عمل، عارفة عمل أي؟...
ضحك!!

ضحك وخلاني دايبه فيه، وقلبي بيدق كل بس ما أشوف ليه صورة..

ـــــــــــــــــــــــــــــــــــــــــــــــــــــــــــ
في يوم اتشجعت وعملت ريأكت وبعدها بيوم كومنت لا دا إحنا انحرفنا بقا؟
ولو ولو لازم يتجهالني.
خايفة أدخل في يوم الاقيه أرتبط!
خطب..، هعمل أي وقتها، يا ترى حبه هيروح من قلبي؟
ولا هفضل أحبه حتى لو مرتبط.
منا مش هتدخل في حياته لأ، أنا أصلًا متأكدة أنه ميعرفش بوجودى غير بكتابتي.

يا سيدي يا سيدي
لب وسوداني وترمس وأي دا شبسي همم أنتِ عاملة حفلة يا سديم؟
=بااس لقتها
-هي أي!
=حفلة هي حفلة أنتِ قمر يا آية أنا بحبك والله طلعتي بتفهمي
-قصدك أي؟

سكت شوية وأنا بضحك ضحكة خبيثة وقولتلها

-المعرض.. حفلة؟!
هممم في حفلة توقيع لكتابه الجديد معرض السنة دى..
كده هعرف أقابله وجهًا لوجه
=وهتعترفيله؟!

أي إعتراف؟، مستحييل دا أنا بتكسف لما بعمل كومنت عايزاني أروح وأقوله بحبك؟
-لا طبعًا هخليه يمضيلي وممكن.. ممكن
=همم ممكن أي؟
-ممكن أطلب منه أتصور معاه هيييح دا بصي يبقا إنجاز حياتي، أسمع صوته بس حاجة تجمع بيني وبينه