عام الحُب 2 (مكتملة)

العيب فيكم يا فـحابيبكم أما الحب يا روحي عليه")

- إزيك

عارف لما تبقي فاقد شيء وتشتاقله ومن عند ربنا كدة تلاقيه قدامك!
ساعتها تحس إن الدنيا كلها مش سايعاك وانك طاير من الفرحة.
دا كان شعوري لما قابلته في الكافيه، كان بيشرب الهوت شوكلت المفضل عنده، لبس نظارة!! شكلها جميل أوي عليه.
قلبي دق وهو بيقف وبيسلم عليا وبيقولي:
- مصر نورت بوجودك يا دكتورة.

حسيت برسمية منه بس شوفت لمعة عنيه أول ما لمست أيده مسكلي الكرسي بحركه كريتيف منه وقعدت، لسه چنتل مان، لطيف، وسيم فيه كل مواصفات الرجولة وأهم حاجه أنه حنين وهيسامحني.
تقدروا تقولوا حدس أنثوي وحدس الأنثى عمره ما يخسر أبداً.

- عامل أيه؟!
- الحمدلله ... بخير، الحياة برا حلوة يا سديم؟!
سؤال فاجئني فابتسمت وهدوء قولتله :
- يمكن حلوة كشغل بس مش حلوة كبعد، أنتَ وحشتني.
قولتها وأنا بدمع وقولتله:
- يمكن غلطت لما فضلت شغلي عليك ويمكن غلطت لما مشيت وورا أحلامي وسبتك بس دا كان مستقبلي أنا غلطي الوحيد إني بعدت عنك مش إني مشيت ورا هدفي يا زياد.

ضحك بهدوء وقالي:
- عارفة كل السنين دي بفكر فيها أنه فعلاً ليه امنعك من أحلامك ما انا كمان عندي احلاك ونفسي احققها لو حد جه وقالي امنع الأحلام دي هرفض، فأنتِ كنتِ صح، أنا لازلت مش ناسي أيامنا وحياتنا ولا ناسي شقاوتك وهزارك يا ترى لسة زي ما أنتِ ولا اتغيرتي يا سديم؟! ٠

اتنهدت وأنا بقوله:
- الزمن بيغير الشكل يا زياد بس عمره ما يغير النفوس، النفوس ما تتغيرش غير واحنا عايزين دا، أنا لسة زي ما أنا، كل اللي كنت بحلم بيه بس إني انجح مش بعد كل السنين دي وتعبي ودراستي كل حاجة تختفي!! بس عارف أنا عمري ما نسيتك أنا كنت متابعة كل حاجه عنك.

عيوني بدأت تلمع وأنا بتكلم بشغف هو لاحظه وابتسم بهدوء كملت وانا بقوله:
- أختك مكنتش بتسيب الفون من ايديها لأنها دايمًا بتكلمني، كانت بتحكيلي عنك وعن كل حاجة بتحصل معاك كنت بحس إني بشاركك حياتك كان نفسي أكون موجودة ولما خلصت كل حاجة كانوا عايزيني اشتغل هناك بس أنا رفضت وقولتلهم لا أنا نفسي أكون في بلدي مع اللي بحبهم أو بالأصح نفسي ارجع ليك فأنا هنا معترفة قدامك إني بحبك.

ابتسامته زادت وقالي:
- كنتِ متوقعة إنك هترجعي تلاقيني مرتبطتش؟!
قولتله:
- اه، عارف ليه؟!
  - ليه؟!
  - لأن قلبي حس ومتأكد إنك مهما مر عليك من سنين ومن بنات ومن بُعد هتفضل تحبني زي ما أنا بحبك بالظبط أصل أقولك الحب دا مش مجرد شعور عابر لا دا حياة كاملة وقلب بيدق بقرب الشخص اللي بتحبه.

اتنهد وقالي: -
أنتِ صح، وأنا كنت متأكد إنك راجعه، بعد سنه بعد 100 المهم إنك هترجعي لأنك بتحبيني وأنا كمان بحبك.

العيب فيكم يا فـحابيبكم أما الحب يا روحي عليه")

ومن هنا كانت بداية سديم وزياد وبداية كل حكاية جديدة بينهم..

#هايدي_إبراهيم
#سديم