عام الحُب 2 (مكتملة)

طريقي وطريقك سيان لا يختلف فيهما شئ.. ")

- الدليل الوحيد اللي أثبته كلامك وأثبته العالم كله إنك بتحبني
- مبحبكيش يا سديم
- بتحبني.
- لا
- عيني في عينك

دور وشه للنحية التانية، دماغه حجر ومستحيل يعترف بحبه ليا.
عيونه وغيرته وتصرفاته بتثبت 100٪ أنه بيحبني، زي ما أنا بحبه بالظبط يمكن أكتر!!

أنظر سأجعلك لي يومًا ما وهذا اليوم ليس بالبعيد..")

- زياد يا أبن سعاد أنا مسافرة
- على فين؟
- ملكش فيه بقا، بما أن أنتَ مش بتحبني ولا بتهتم بيا فـَمتدخلش في أموري
- سدييم!
شدني من أيدي جامد نحيته وبصلي بصة تخوف، وإذا كان هو عنيد فـَأنا أعند منه 
- عايز تعرف أسأل ماما أما أنا مش هقولك حاجه. 

تيته تعبانة ووحشتني بقالي كتير مزورتهاش، جدتي عايشة في المزرعة بتاعتنا لما كل واحد من عمامي أتفرقوا وأتجوزوا عاشت هي وجدو لوحدهم وكانوا بيزروهم، هي وجدو بيحبو بعض قصصهم بتسمع في البلد هناك، عشان كده فضلوا مع بعض.
- خلالك الجو يا ست ماجدة
- بنت أختشي
- يا واد ها تعبان بقا والريس بيهتم بيك
لقيت اللي ماسكني من ودني وبيقولي:
- بس يا أم لسانين أنتِ، ألا يا بت مش ناوية تتجوزى أنتِ والواد زياد ونفرح بيكم
- أسكت مش طلع مش بيحبني!
- أي!! دا الحب هينط من عيونه
- قوله بقا قوله عشان زهقت من فردة الشبشب اللي حاططها في دماغه دى.

بس الحب غلاب بطبعه وإن جه في يوم غلبني هتقبل الهزيمة بأبتسامة..")

- أيوة يا سعاد أبنك فين؟
- أي يا ماما يعني مفيش إزيك عاملة أي، داخلة على التقيل على طول!!
- أنتِ كده كده قدامي إنما أبو لسانين دا هتيهولي

سمعت صوته من التلفون وهو بيقول:
- بقا أنا بلسانين يا ماجدة ماشي مش هجيلك شوفي مين هيلعب شطرنج مع سي حسين بتاعك
- مش محتجالك سديم بنت عمك قايمة بالواجب بتسأل عليا دايمًا مش زيك
- بقا كدة يعني هي عندِك وأمها مش راضية تقولي، مش بعيد تكون جنبك كمان.

طلعت أجري من جنبها على أساس شايفني يعني، المهم تيته قالتله:
- المهم قول لعمامك إنى عايزاهم يوم الجمعة يتجمعوا عندي عاملالكم عزومة، وكمان عندي خبر ليكم
- خبر أي ها!!
- ملكش دعوة وأقفل عشان صدعتني
جريت عليها بعد ما قفلت وحضنتها وقولتلها:
- هيولع فينا بس عارفة أنا بحبك يا تيتة قوي
- بكاشة.

الجمعة كان بعد يومين فجهزت كل أدوات الحرب بتاعتي علشان أستعد ليه
- الو أيوة يا ألاء
- يا مجنونة متسمعيش أفكار تيته هتوديكي ورا الشمس
- لا متخافيش عاملة حسابي، بعدين تيته دى قمر وبتفكر بدماغ جامدة
ضحكت - طب أنا هجيلك أنا ونيرة
- معادنا الجمعة
- ولو ولو لازم أجهز معاكي للمعركة بعدين تيته ماجدة وحشاني فـَ أحنا جايين

ـــــــــــــــــــــــــــــــــــــ

كنت قاعدة في الجنينة بعد ما جهزت الخطة مع ألاء ونيرة وتيته وجدو كان مشترك معانا، الجنينة بتاعتنا معظمها زرعاهم أنا وولاد عمامي كنا كل ما نيجي هنا لازم ولابد نجيب نوع بذور لأذهار معينه ونزرعها وكانت بتحلي قعدتنا.