عام الحُب 2 (مكتملة)

الحُب الحقيقي متحسش بيه غير لما يغلبك

- مُر.
- أنتِ شايفاني مُر؟!
- آه شايفاك مُر، ومش لذيذ كده
- هو أنتِ هتاكليني كل اللي سألته شايفاني إزاى
- واللهِ دا اللي عندي شايفاك مُر

بصلي بتنهيدة ومشي!!
هو فعلا مُر في أسلوبه ومعاملته جنتل مان مع ناس ناس أو مع الناس كلها إلا أنا، بيعاملني بـِ طريقة عسكرية أما حد تاني هه فـَ بيعامله بكل حنية، لما سألني شايفاه إزاي جاتلي الفرصة إني أعبر عن شئ واحد من مشاعري وهو أنه مُر معايا وأنا مبقتش حابة الطريقة دي.

- وأنتِ هتفضلي واقفة في البلكونة كده كتير!!
- يعني معنديش حاجه أعملها
- معندكيش حاجه تعمليها ولا مستنية حد؟!
- عليا أرجوكي أطلعي من دماغي بجد.
- بس أنتِ معلقة نفسك بأمل عبيط
- أحسن ميكونش عندي أمل خالص، كده أحسن أصل الحُب من غير أمل محنة وبير غويط وناس كتير بتقع فيه أنا مِش عايزة أقع يـَ عليا لأ.

ـــــــــــــــــــــــــــــــــــ

- طب أفرض مثلًا مثلًا يعني الحُب دق قلبك يـَ زياد، هتعمل أي؟!
- أنتِ يـَ بت داخلة كده ترعبي فيا، حُب أي دلوقتي تعالي شوفي النيلة اللي أنا فيها
- يعني كائن تاخد أوسكار في الفصلان لأ ريلي يعني

خدت منه الموبايل ولعبت الجيم اللي هو كل شوية يخسر فيها، إنسان بائس وفاشل مضيع وقته علىٰ اللعب آه والله
- بتقولي حاجه؟
- هاتلنا يبني حاجه ناكلها، معندكمش إكرام ضيف؟!!
- وأنتِ مسمية نفسك ضيفة دا أنتِ إحتـ'ليتي البيت وفاضل تطرديني
- احم منور.

بعد يومين جالي إنزار من الشركة بالتغيب من دون إذن، فكرة إن يبقى مدير الشركة إبن خالتك اللي مشغلك عبد عنده واستدعاء وإنذارات وبلا بلا بلا دى فكرة بايخة أوي
- مش هتروحي برضو؟
- عندي كرونا أروح أعديهم مثلًا! ميصحش يـَ بابتي
- عندك كرونا ولا زهقتي من الشغل؟
- زهقت من الشغل...

سمعنا صوت من ورانا وهو بيقول بتريقة
- وأي بقا اللي زهقك من الشغل؟!
- ها..
- أي اللي زهقك من الشغل يـَ سديم
- بكل بساطة يـَ أبن خالتي المدير المتسلط المتكبر اللي مش بيعجبه حاجه مع أن الكل بيعمل اللي بيقدر عليه واخد بالك ها!!
- امم المدير
- آه وبعدين شغل أي ونيلة أي أنا أول عريس هيجي لو مناسب هوافق علىٰ طول

شد كرسي وقعد عليه وبصلي من فوق لتحت وقالي:
- وأنتِ عاوزاه إزاي بقا يـَ أختي
بابا بصلنا إحنا الإثنين لأنه عارف ان إحنا هنبدأ نرغي كعادتنا وهترسي علىٰ عركة، وقام قال هيروح يشوف ماما ودخل المطبخ.
شديت كرسي وقعدت قدامه وبصينا لبعض شوية، حركتنا المعتادة اللي يرمش الأول هو اللي يتكلم
- رمشتي
- بتغش بس ماشي هعديها
- ها مقولتليش عاوزاه إزاي؟!
سكتت شوية وقررت اني أدايقه:
- بص عارف مهند وبوراك والجماعه الأتراك دول، يعني عنين زرقا أو خضرا ملونه يعني أصل العيون السادة أو العسلي بتغم النفس
- وأنتِ علىٰ كده عينك أي!!
بضحكه خبيثة - أنا بتكلم علىٰ الولاد، المهم طول بعرض بعضلات بشعر ناعم ويكون جنتل وشخصية وأبيضاانيي
- امم مش أنتِ بتقولي مبحبش الناس البيض؟!
- لا دى وجهة نظر بس
- وجهه نظر ويـَ ترىٰ عاوزاه من بتوع كيفك يا عُمرى ويا حياتي وهيك
- أيوة بالظبط