عام الحُب 2 (مكتملة)

السر..')

-أنا هتجن يا وعد هتجن ازاي يختفي كده؟ 

=يمكن مشي لما قفلتي عينك!
-ملحقتش يا وعد دول هما ثواني ملحقش يمشي، كمان إبتسامته كل ما أفتكرها جسمي يقشعر..

قالتلي وهو بتطبطب عليا
-سديم متشغليش بالك بحد ممكن متقابليهوش تاني
=يمكن مين يعلم؟!

فاكرة إمبارح لما قابلته انهاردة أنا قررت أروح نفس المكان مش عارفه هو فضول!

ــــــــــــــــــــــــــــــــ
"أمس"

-يا نجوم الليل أنا
=أنتَ اي؟
-وحدي لكن هنا
=هنا فين؟!
-رافض ذنوب البُكا
=يا راجل!!
-تمحي اللي باقيلي

ضحكت وقولت في بالي هو الواحد لما بيبقا حزين بيبقا قمر كده!، يعني نادرًا ما بلاقي ولد مكتئب..

كنت بتمشي على البحر بليل كـَ عادتي ولقيته قاعد على الشط حد جميل برئ!!
من فضولي وحشريتي روحت قعدت جنبة بصلي بجنب عينه ورجع تاني بص للبحر

نسمة هوا طيرت شعري مع رعشه في جسمي وسمعته بيغني لمحمد سعيد، ومن حشريتي بردو رديت عليه في كلامه أصل إزاي واحد زي دا يكتأب مثلًا؟!

لقيت وشه أبتسم تلقائي وعينه لمعت بس... عينه كان لونها بني بقت أزرق إزاي؟!
هو قطة!
فجأة جه شوية هوا جامد وحاجة قفلت عيني تلقائي وآخر شئ شوفته كانت إبتسامته!!

ـــــــــــــــــــــــــــــــــــــــــــــــــــــــــــــــ
روحت على نفس المكان بس ملاقتهوش فضلت مستنية بس محدش جه الجو برد والليل مع بردوة الجو بيقشعر الجسم، قررت أقوم بس..
لقيته قدامي !
  جه أمتي ومنين؟
فضولي بيشدني ليه أكتر، وقفت وقعدت جنبه
-احم معلش ممكن اقتحم خصوصيتك؟!

سكت ومردش وأعتقد أنه بيلبس لينسز عينه بقت خضرا؟!
الشخص دا مُثير للفضول
وقف وبصلي وقالي
-هاتي إيدك
=نعم؟!
-هاتي إيدك

مش عارفه كان ممكن أرفض بس فضولي خلاني أمد ايدي وأحس ببرود في إيده اتنقل لجسمي كله!

خد أيدي ووقفنا عند الشط وقالي
-تفتكر لو فكرتي تنتحري في الوقت دا والجو دا والمكان دا هتلاقي حد يمنعك؟!
=امم أنا شخص تافهه وواحد من مليون نازلة في الوقت دا وفي المكان دا وفي الجو دا، بس لو فكرت انتحر ودا مستحيل هلاقي حد
-مين؟!
=أنتَ

عينه بقا لونها أحمر؟!
وضحك جامد وشد على أيدي وبصلي
-أنتَ.. أنتَ عينك عملت كده ليي!
قالي
-لأ مش هتلاقي، مش هتلاقي حد.
الناس هما اللي بيدفعوكِ للإنتحار عمر ما كان الحقد والكره بين البشر قوي قد الفترة دى، الناس هما اللي بيأذوا بيصورولك إنك غلط درجاتك وحشه تبقي غلط جوازتك منجحتش غلط، إبتسامتك غلط بردو هه أنتِ وجودك غلط.

لو شافوكِ بتقتلي نفسك هيمنعوكي بس مش خوفًا عليكي لا دا خوفًا علي نفسهم خوفًا أنهم يدبسوا في مشكل خوف منهم يشوفوا الدم
الحياة وحشة يا سديم وحشة قوي..