ياسماء امطـري واعصفي الريـف

Part :2

صلو ع نبينا محمد عليه افضل الصلاه والسلام ...

...
ام راكان : بخير بخير بشوفتك ي نظر عيني وراك م تجيني وتسال عني
عاصف : والله ي خاله اني مشغول ولا اني ميت ع سوالفس وجيتي عندس
ام راكان : يبعد قلبي انت
راكان : اي عاصف بعد قلبس بس راكان ولد البطه السوداء
ام راكان شهقت : يويلي عليك ي السذوب
عاصف ابتسم : بعدين ي خاله الي م يتسحي يقول انس البطه السودا
ضحك راكان : ي الوصخ
ام راكان صكت راكان : اجل انا البطه السودا !!!
راكان وهو يمسك مكان ضربت امه : يمه ذا وصخ يبي يخرب م بيننا
ضحك عاصف ضحكه مستفزه ل راكان، وهو يلعب بسبحته
ام راكان : قم قم رح جيب القهوه ، بسولف انا وولد اختي سوالف كبار م تصلح لك
راكان ناظر نظره استفهام :عمري 28 سنه وم تصلح لي افا ي ام راكان افا
عاصف ضحك : قم ي النشبه بسولف مع اخت امي
راكان ناظر عاصف : عض ع شحم بروح اجيب القهوه واداهمكم
راح راكان يجيب القهوه ، ناظر عاصف ام راكان الي تكلمت : رحت ديار الريف ؟
عاصف : اي رحت
ام راكان ناظرت عاصف : تبي تنتقم ؟
عاصف : م رحت ي خاله الا عشان انتقم
ام راكان تنهدت وهي تشوف اهل الديره من لما عاصف صغير وهم يحرضونه : يولدي ان كان تبي تنتقم انتقم بطريقه معقوله
ابتسم عاصف : ان شاءالله
دخل راكان عليهم ب القهوه ، وجلس وهو يصب ل عاصف ومدها له
...
| في بيت الشيخ مصلح |
كانو بنات مصلح كلهم متجمعين ببيت مصلح ، وكان البيت فوضى وعجه بجمعتهم
جت اماني وبيدها القهوه والحلا : بعد ي ولد انت وياه
الجوهره : شبلاس ع الورعان
جت اماني وهي تحط الحلال والقهوه : مزعجين ليت الحياه كلها بنات
ام اماني : اقول اعقبي بس وصبي
اماني اخذت الدله وهي تصب ل خواتها
جت بنت الجوهره الي كانت تبلغ من العمر 17 سنه: جده ممدوح برا ومعاه غنم الجد مصلح
قامت اماني بفزه اثارت شكهم كلهم : انا بروح اشوفه
ام اماني : وراس فزيتي كان الملك برا
اماني ب استغراب : انا فزيت ؟
تهاني وهي تشرب القهوه : لا ي وخيتي بس كانت نطت حماس
اماني : اجل اخلي الرجال واقف برا ؟
مزنه : رحي رحي ي ام لسان م ينقدر عليس
اماني ضحكت : ادري " وراحت تاخذ طرحتها وطلعت برا ل ممدوح ، وهي صاده الباب شوي عنه ومغطيه جسمها ب الباب ومطلعه وجهها "
اماني : امر
ابتسم ممدوح الي كان صاد وفز قلبه من غرد صوتها : مايمر عليس عدو
ابتسمت اماني : دخل دخل الغنم
تنحنح ممدوح ، وفكت اماني الباب لممدوح الي دخل يربط الغنم ، شهقت اماني من شافت يده ملفوف عليها : شبلاها يدك
ممدوح وهو بناظر يده : لابس حديد العزبه جيت افكه وجرح يدي
اماني قالت وهي في غير وعيها ؛ بسم الله عليك
ابتسم ممدوح وحس انه دخل بغيبوه الحب : خفتي علي ؟
ابتسمت اماني و م ردت عليه : بجيب لك حلا وقهوه خلك لاتروح
ابتسم ممدوح وراحت اماني للبيت ، ماهي شويات وجته بيدها حلا وقهوه ، مدتها له : سم
اخذ ممدوح الحلا والقهوه من يدها : سم الله عدوس ، انتي مسويته ؟
ابتسمت اماني : اي ذوق وعطني رايك
اخذ ممدوح الملعقه واخذ من الحلا ، ومن اكله بدا يمدح فيه : لا خطيرر افضل حلا ذقته بحياتي " رفع انظاره عليها " ودامه من يدس شلون م يطلع افضل حلا ؟
اماني ابتسمت بحنيه واستحت : ب العافيه
" راحت البيت وتركت ممدوح وراها ، دخلت البيت ونزلت طرحتها وهي مبتسمه ، ورجعت ل خواتها "
دخل عاصف عليهم ، وقال : سلام عليكم
ردو كلهم السلام ، وجاء عاصف بيدخل الملحق الي جنب بيت عمه مصلح
اماني : عاصف
التفت عاصف ع اماني : هلا
اماني : تبي حلا وقهوه؟
ام اماني وهي تشرب قهوه : من قده كانه امير هينا وحنا الي ننفذ اوامره
ناظرت اماني امها بغيض : يمه !
عاصف تنهد وقال : يصبر
ام اماني وهي تناظر عاصف : وشو ليكون م عجبك الكلام ؟
عاصف ناظر اماني : مشكوره ي اماني م ابي قهوه بدخل انام
ابتسمت اماني بكسره خاطر : نوم العوافي
دخل عاصف الملحق وقفل الباب ، ناظرت اماني امها : ابي افهم هو في وش ضاركم ؟
الجوهره : اقول انطمي تبين تحاسبينا بعد
اماني ناظرتهم بعلامه استفهام : وش ذا الكره الي بقلوبكم له !
مزنه : لانه ولد جميله
اماني مسكت راسها منها : ماتتت ماتت الحرمه الله يرحمها ماتت ، ماتت وولدها عمره سنتين وانا باقي م انولدت !!!
الجوهره : عشانك م تعرفينها
اماني : حتى لو اعرفها ولا ضارتني بشيء ليش اكرهها واكره ولدها حتى وهي ميته !!!!
ام اماني بنرفزه قالت بعصبيه : اماني اذلفي جوه لاتشوفتس عيني
اماني ناظرت تهاني : ليكون انتي معاهم ؟
تهاني ناظر امها وخواتها الكبار الي يناظرونها : اكيد امي م كرهته عبث
اماني : وانتي تشاركينها المشاعر
ناظرت ام اماني ،اماني : طسي داخل
قامت اماني من عندهم بنرفزه ، وقفلت الباب بقهر
| عند عاصف |
كان مكبر عقله عن زوجه عمه ، كانت تسبه وتلعنه وتدعي عليه وهو يناظرها من باب الشفقه ويشوفها سفيه عقل
فك ازرار ثوبه وطلعه ، حطه ع طرف الكنبه ودخل ياخذ دش ، من خلص وطلع ، فك دولابه ياخذ ثوبه الاسود لبروده الجو ذا الايام ، لبسه ووقف قدام المرايه، كانت اكتافه عرريضه ، واسمرر ، كان طوويل ، وقف وهو يناظر نفسه قدام المرايه ويسوي شماغه ، اخذ سبحته الي م تفارق يده وبدا يلعب بها ، فك الباب وطلع ل الديره بدا يتمشى فيها لين وصل ل الديوانيه ، دخل عليهم وهو يسلم : السلام عليكم
الكل : عليكم السلام
شايب من شيبان الديوانيه : ي هلا بولد برق
عاصف : ي هلا فيكم
الشيخ مصلح : تعال اجلس
قرب عاصف من الشيخ مصلح وجلس جنبه ، بدا الشيخ مصلح يساله عن ديار الريف وعلمه بكل شيء وكيف استضافوه
شايب من شيبان الديره : عاجبك يولدي كرم ملهم ؟ ، تتكلم عنه ب اعجاب
عاصف : رجال ونعم فيه يكرم ضيفه
الشيخ مصلح : مظاهر يولدي مظاهر ، الرجال ذا الي تقوله قبل سنين وبنين حارق ارضنا وسارقها
عاصق تنهد : اعرف لاتكمل ، وانا قلت لكم بنتقم عشان ابوي
اختلط صوت الرجال ب الدوانيه ب كفو ، انشهد انك ولد برق
ابوطارق : اذا تبي طارق ولدي عون لك تراه خدامك
ناظر عاصف ابو طارق: م احتاج احد يعاوني ، ونعم فيكم يرجال
الشيخ مصلح : لك مني لاخذت الثار تاخذ مكان ابوك وتصير انت شيخ الديره
ابتسم عاصف : محشوم ي عم من بعدك