ياسماء امطـري واعصفي الريـف

Part:17

صلو ع النبي محمد ...

____
مسك راكان كتف عاصف يطبطب عليييه ، ونطق : طيب وش بتسوي لعمك
عاصف قام وهو يرمي السقاره ويدعس عليها نطق : باخذ املاك ابوي واقف في وجهه
راكان وقف وناظر عاصف ونطق : انا معك لو تقول طب في الموت ي راكان طبيت
ابتسم عاصف من وقفت راكان ونطق : م تقصر
راكان ابتسم ونطق : مشينا
عاصف فك باب السياره ونطق : مشينا
ركب راكان مع عاصف ومشو طلعو برا الديره كان فيه كذا شغله بيسوها عاصف ، وفعلاً وصل عاصف عند الرجال وكل الاملاك الي كانت لعمه صارت ب اسم عاصف رسمي وختم عليها
راكان ناظره ونطق : والاملاك وصارت باسمك
عاصف هز راسه ونطق : الا المزرعه مع الاسف انها باسمه ماقدر اخذها
راكان : مهي مشكله
عاصف اخذ نفس ونطق : ماتدري وين وصل ممدوح
راكان : الا وصل وعاد بيرتاحون من السفر
عاصف ناظره ونطق : علمته ؟
هز راكان راسه ب اي : علمته وبينتبه لاماني
شد عاصف ع يده ونطق : الحسنه الوحيده الي سواها عمي هي اماني ، مابي ازعلها اعتبرها مثل اختي ولا كان دخلته السجن
طبطب راكان ع كتف عاصف ونطق : كل شيء بيزين ، بس الحين لازم نعلم امي
هز عاصف راسه ونطق : بنعلم خالتي
ركب عاصف وراكان متوجهيين لام راكان وفعلاً نزلو ، وجتهم ام راكان وبدو يسولفون لين فتح عاصف السالفه كلها وعلم خالته بكل شيء
انصدمت ام راكان ونطقت : تقوله صادق
عاصف بلع ريقه بقهر ونطق : ذا الصدق ياخاله
ام راكان دمعت ونطقت : يعني الي قتل اختي من قهرها هو عمك
عاصف : مو عمي ذا مافي عم يسوي كذا ذا واحد نذل م يسوى حذوه
حضن راكان امه بحنيه ونطق : هدي ي الغاليه انا وعاصف بنرجع قهرهم
ناظرت ام راكان عاصف ونطقت : بنت نجمه ؟
عاصف رفع راسه من طاري الريف ونطق بانكسار : طلقتها
ام راكان ناظرته : ليه
عاصف وهو يحك لحيته نطق : م بيننا نصيب الله يستر عليها ويزوجها الي احسن مني
اخر جمله قالها حرقت قلبهه ، كيف بيرضى ان الريف تصير حرم رجال غيره كان قلبه نارر تنحنح ونطق : مو ذا موضوعنا الحين ، بس الي ابيه منك ياخاله انك ترتاحين باخذ حق امي
ناظرته ام راكان وابتسمت وهي تتحط يدينها ع وجه عاصف ونطقت : قالته امك انك بتكون شجاع وذيب والكل يهابك وكانها شافتك
ابتسم عاصف من طاري امه وهو صورتها ماتروح من بالله رغم انه كان صغير يوم ماتت ، قام من عند خالته وهو يلعب بسبحته وراكان ع يمينه توجهه لبيت عمه ، ماكان ناوي يطردهم اليوم ليينن ....
طلعت ام اماني من بيتها وشافت عاصف وراكان معه ونطقت : عشتوو يولد جميله مو كانك ماخذ راحتك وكل شوي مدخل علينا الي جنبك
ناظرها راكان بنظرات اكلت ام اماني ، ونطق عاصف بصبر فاض : وش دخلس انتي احمدي ربك مجلسك في بيتي للحين
ضحكت ام اماني : بيتك !!
ناظرها عاصف ونطق : الله الله بيتي
طلع مصلح من المجلس وهو لابس بشته ونطق بعصبيه : وش ذا الحكي كيف تتكلم مع زوجه عمك كذا
شد عاصف ع سنونه بعصبيه والتفت ع مصلح ونطق : انت لاسمع صوتك
عقد مصلح حواجبه ونطق بصوت مرتفع وعصبيه : ولدددد تراك تكلم عمك تتمرد علي
عاصف ناظره ونطق : مين عمي انت !
راكان ناظر مصلح ونطق : كيف تقول انك عمه وذي سواتك
عاصف ضحك وهو يناظره وطلع اوراق الصك من جيبه وحطها بووجهه مصلح ونطق : كل املاك ابوي وجدي صارت باسمي ، وانت مالك ولاشيء انتتت منت عمي من يوم ذبحت ابوي
انصدم وجهه مصلح وتحول احمررررررر ونطق بتعتعه : وش وش ذا الحك..ي ، ملهم قالك يكذب يكذب يولدي
عاصف هز راسه ب لا ونطق : ملهم ! ملهم ماقال شيء ملهم سكتت عشان مانجرح بس انا سمعتك باذني بمجلسي تتكلم عن غدرك لابوي ، حتى لو اخووووك من امككك يضل اخووووك حاسده حاسددده ع جدي وعلى الاملاك ذي ، انت وش انت كنت تبي تستغلني تبيني اذبح ملهم عشان ترتاح مره وحده
هز مصلح راسه ب لا ونطق : خلني افهمك يولدي
جاء مصلح بيمسك يد عاصف ودفه عاصف ونطق باصبع تهديد : الان تاخذون اغراضكم وتطلعون برا بيتي ، ادع اني مابلغت الشرطه واعرف انه مو عشانك عشان اماني
التفت ام اماني عليه ونطقت : انت ناكررر المعروف عمك صار ابو لك بعد وفات ابوك
ضحك عاصف وناظرها وعيونه تلمع ونطق: يذبح ابوي ويجي بداله !!!!!
كان مصلح منزل راسه بالارض وهو فعلاً حس بخجل ونطق : ماذبحته
ناظره عاصف وبصراخخ نطق : اوووووووصصصص
مسك راكان كتف عاصف يهديه ، ونطق عاصف : ابوي تبنى جريمه قتل انت سويتها رغم ذالك شفته ينذبح بساحات القصاص وانت ساكتتت ، " ونطق بقهر " وامي ماتت من قهرها
مصلح نزلت دمعته ونطق : صدقني كان جهل مني
عاصف شد ع يده لايضربه ونطق : اخذ زوجتك واطلع من بيتي ولاعاد انت بشيخ الديره
رفع مصلح عينه لعاصف ونطق : تكفى ماتقول لاهل الديره
عاصف ناظره ونطق : من سوات وجهك صح ؟
مصلح بلع ريقه ونطق : عاصف تكفى عشان اماني ماقدر امشي بالديره
عاصف بلع ريقه ونطق بقسوووه منه : كل الديره بتعرف
بسواياك
قرب مصلح وبترجي نطق : تكفى ي عاصف
عاصف بعد يده عن مصلح ونطق : اخذو اغراضكم وبرا
....
|عند الريف | على صلاه الفجر |
اخذت شور وطلعت من الحمام " وانتم بكرامه " فتحت شعرها المبلول وبدت قطرات من شعرها تنزل ، ناظرت بالمرايه واخذت نفس ، قامت وهي تنشف شعرها بعدين ارتمت ع السرير وهي تمد يدينها تناظر ب السقف ، مسكت كبدها وحست بالم فيها عدلت جلستها وهي تناظر حبوبها الي كانت ع التسريحه ، كان الالم مسيطر عليها مو قادره توقف بعد محاولات منها وهي توقف ونطقت : اهه
بدت تمشي بشويش لحد التسريحه وهي تتنفس بسرعه وتنهد وماسكه كبدها ، مسكت حبوبها وكانت تحاول تفتح اللعبه ولكن شافت الدنيا قدامها سودا وطاحت مغمى عليها وبيدها علبه حبوبها
صحت البندري رايحه تتوضى لصلاه الفجر ، دخلت الحمام " وانتم بكرامه " توضت وطلعت جت بتروح لغرفه ليث الي كانت الريف موجوده فيها تبي تذكرها بالصلاه ، فتحت البندري الغرفه وشافت الريف الي طايح ع الارض زي المييت صارختتت الريف وهي تركض تجلس عند الريف مسكت وجه الريف وهي تبكي وفمها يرجف حاولت تصحي الريف : ريفي ريفي اصحي
كانت البندري تلف وجه الريف وتضربها ع خذها بهدوء تحاول تصحيها كانت الريف م تستجيب معاها ، كانت البندري خايفه تمسك نبضها وصارختتتت باعلى صوتهاا : ابووووووووووووووويييي اااابوووووووووويييييي
كان ملهم بتوضى لصلاه الفجر  ويعلم ليث كيف يتوضى ، وعنده نجمه جالسه فزو من صراخ البندري وترك ملهم الي بيده يركض عند بناتها جاء ملهم عند الباب ووراه نجمه وشافو الريف الي بحضن البندري والبندري تصيييحح ، نجمه والي مسكت راسها وبدت تبكي : الريف الريف
جاء ملهم بسرعه يمسك الريف وهو يحاول يصحيها : الريف الريف ي بابا اصحي اصحي يعيوني
كان ملهم يلف وجهها يمين ويسار م تستجاب معاه ، كانت البندري ماسكه فمها وتشهق وقف ملهم وهو يشيل بنته من بين يدينه ونطق : البندري بسرعه بسرعه شغلي السياره
اخذت البندري مفتاح السياره تركض لها فتحت السياره وجاء ملهم وبين يدينه الريف ركبها ونجمه ركبت معاه ، ناظر ملهم البندري ونطق : اقعدي عند اخوك
البندري وهي تبكي : بس الريف
جاء ملهم يبوس راسها ونطق : انا وامك معاها وهي بخير
ترك ملهم البندري ، وركب ملهم وبسرعه طار للمستشفى نجمه والي جالسه ورا والريف منسدحه ع رجولها نطقت : اصحي ي امك اصحي اصحي يعيوني اصحي ، لاتتركيني ي امك
ملهم وهو يناظر ب مرايه السياره يشوفهم وراء ونطق : بخير بخير بنتي ذيبه بخير
فعلاً وصل ملهم المستشفى ، ونزل يشيل الريف وهو يصارخ انهم يجيبون سرير لها جوها الممرضات يركضون ودخلوها ع الطوارى
جاء ملهم بيدخل ووقفته الممرض : خلك هينا ي عم كل شيء تحت سيطرتنا
دخلت الممرضه وقفلت الباب ، قعدو نجمه وملهم واقفين برا كانت نجمه تبكي ومنهاره قرب منها ملهم وهو يحضنها والدمعه بعينه نطق : بتقوم وترجع لنا ب السلامه
| عند الدكاتره |
جاء دكتور الكبد باسرع مايمكن ، بدو يركبون لها اكسجين ويفتحون لها وريد
نطقت الممرضه : النبض جداً ضعيف
بدا الدكتور يطلع سماعاته ويفحصها ، ونطق : عطوها حقن لانيبوز بالوريد بسرررعه
بدت الممرضه تطلع الحقن وتحطه بالمغذي وكان حقن زياده نبضات القلب
ونطق الدكتور : افحصو الكبد وشوفي حد التليف فيها
هز الممرض راسه وبدا ينفذ كلام الدكتور وبدو بالفحوصات ل الريف ، وكانت الممرضه تراقب دقات قلبها
جاء الممرض بالفحوصات ومدها ل الدكتور ونطق : الفحوصات
اخذ الدكتور من يد الممرض فحوصات الريف وبدا يناظرها ، اخذ نفس وقام طلع ل ملهم واقف برا
اول م شاف ملهم الدكتور ركض عنده ونطق : بشر ي دكتور كيفها بنتي
الدكتور اخذ نفس ونطق : مدري وش اقول لك ي ملهم
ملهم بلع ريقه ونطق : عسى م شر
الدكتور : بنتك ارتفع التليف عندها ومعاد تتحمل اكثر من كذا ، لازم نسوي لها عمليه جراحيه ب اسرع وقت ولا ب تموت
ملهم مسك فمه ونجمه تناظره من بعيد ماتعرف وش يقولون ، ناظر ملهم الدكتور ونطق : طيب انا ي دكتور م اقدر اتبرع لها
هز الدكتور راسه ب لا ونطق : سبق وقلت لك ي ملهم ولا واحد منكم يطابق كبدها وانت معك مرض السكر ماقدر ، متبرعين المستشفى مع الاسف ولا واحد منهم يطابقها نحتاج متبرع باسرع وقت ممكن عشان اقدر اسوي العمليه لو تشوف اقرابها اصحابك اي شخص ممكن يقدر يتبرع لها ويكون خالي من الامراض
ملهم والي يمسح ع لحيته بقهر بنته بتموت وهو مو قادر يعطي كبده ولو بيده بيطلع كبده كلها لها ويقول سمي ي بنتي نطق بانكسار : يعطيك العافيه ي دكتور
ابتسم الدكتور وطبطب ع كتف ملهم ونطق : تقوم ب السلامه ان شاءالله
راح الدكتور من عند ملهم وجته نجمه وهي تقول : وش قال
ملهم ناظرها وابتسم مايبي يعورها ونطق : تعبت عشان كذا طاحت
نجمه ناظرته ونزلت دمعتها ونطقت : اعرفك لاكذبت ي ملهم وش فيها الريف
بلع ملهم ريقه ومسك نجمه ونطق : تحتاج متبرع باسرع وقت ممكن
نجمه والي بكت في حضن ملهم وهو ماسكها ، طاحت نجمه منهاره وملهم يناظر حولينها يبي احد يجيب الماء
مد ساطي قاروره ماء لملهم ونطق : سم ي عم
اخذ ملهم من يده الماء وهو يجهل الرجال الي قدامه ، بدا يشرب نجمه ونطق : اهدي اهدي
نزل ساطي ع رجوله ونطق : تبي اخذها يعطونها مهدي
ملهم ناظره ونطق : تسوي خير يولدي
حاول ساطي يساعد ملهم ونطق : ي خاله مشينا ناخذ مغذي بعدين نرجع
نجمه هزت راسها ب لا ونطقت : ابي اقعد عند بنتي
ملهم ناظرها ونطق : انا عندها انا عندها يعيوني روحي معه يعطونك مهدي وانا بجيك وعد
اخذها ساطي وهو يساندها ، دخلها عند الممرضات ونطق : نبي مهدي مهدي لها
جلسها ع السرير وجو الممرضات يحطون لها المغذي قرب منها ساطي ونطق : ي خاله هدي كل شيء بقدرت الله
نجمه وهي تبكي نطق: شف بنت شف بنتي كيفها وعلمني
قام ساطي ونطق :  ابشري
فتح ساطي باب الغرفه وطلع ، وابتسم ونطق : صارو بيغبضت يدي ي عاصف وبيننا الايام
ابتسم وراح ل عند ملهم وكان بسانده فعلاً
....
| عند عاصف |
رغم قساوته الي كانت فيه لآن قلبه عشان اماني ، كانت اماني نقطه ضعف عاصف لانها سوت اشياء لعاصف خلاه يتغاضى وقال لاهل الديره ان هو صار الشيخ ، والشيخ مصلح تنازل له عنها وصارو اهل الديره يحسبون ان الشيخ مصلح معطي عاصف الشيخ ، طلع مصلح وزوجته من بيتهم وراحو لبيت المزرعه كان البيت هناك جداً ميوووس منه
قرب راكان من عاصف ونطق : والبيت وصار لك وش الحين
ناظر عاصف راكان ونطق : بنروح ل شيخ ملهم لازم يعلمني وش اسوي بعد ماصرت الشيخ ومسوؤليه اكبر مني
راكان فتح الباب ونطق : مشينا
طلعو عاصف وراكان متوجهييين لديره الريف ، وفعلاً وصلو توجهو لبيت الشيخ ملهم ومن بعيد شافو البندري الجالسه ع دكه البيت بعبايتها وجنبها اخوها ليث
عاصف عقد حواجبه ونطق : وشبلاهم
راكان والي وقف السياره قريب منهم نطق : نزلنا نشوفهم
نزل عاصف بسرعه وقرب منهم وعرف انها البندري مو الريف ونطق : البندري وشبلاكم
البندري رفعت انظارها ع عاصف ونطقت : عاصف
عاصف والي حس فيه شيء جلس لحد مستواهم ، وكان ليث يبكي وبدت البندري تعلمهم وكانت تبكي بدا الخوف يتسلل لقلب عاصف وقام فتح باب السياره وشغلها وترك راكان ومشى ، راكان والي شاف عاصف مشى وخلاه ناظر البندري ونطق : بيكونون بخير صدقيني الحين ادخلو داخل مايصير جالسين ع باب البيت بالديره
ناظرته البندري ونطقت : ماني قادره
راكان فتح باب البيت واخذ ليث ونطق : ي بطل ليش تبكي بخير الريف
ودخل راكان ولما شافته البندري دخل وقفت ع حيلها ودخلت
...
| عند الريف |
بدت الاجهزه ترن عندها ، والممرضه الي كانت عند المريض الي جنبها جتها بسرعه ونطقت : استدعووو الدكتور قلب المريضه توقف
رن الجهاز وجاء الدكتور يركض من غرفته ، شافهم ملهم وهو يناظر وينطق : وش فيه وش فيه
فتح الدكتور الباب ووراه ممرضين يركضون ، ركض ملهم معهم وهو يشوف من ورا القزازه الدكاتره متجمعين ع الريف وكانت الريف وسطهم ولا يشوفها ،
الدكتور : هاتو جهاز الانعاش
بدو الممرضات يجيبونه ويتجمعون عليها ، شال الدكتور الاجهزه الي كانت ع صدر الريف وبدا ينعشها ولكن الريف ماتتجاوب معاه ، بدا يعيدها اكثر من مره بس بدون فايده ناظرو الممرضين ببعضهم ونطق الممرض وهو يشوف الدكتور يحاول ينعش مر ع محاوله انعاشها 10 دقايق الريف : ساعه الموت ي دكتور
الدكتور والي مسك راسه ، اخذت الممرضه طرف البطانيه بتغطي راس الريف صاح ملهم وهو يضرب ب القزازه ويضرب بيده ، ناظر الدكتور وبعد الغطاء عن الريف بدا يسوي تنفس لها
نطق الممرض : ي دكتور توفت
الدكتور وهو يعد من واحد ل الثلاثه وينطق : يلا ي بنتي يلا ي بنتي لاتكسرين اهلك يلا ي بنتي قدامك حياه قدامك مستقبل توك بزهره شبابك يلا يلا
صارخ الدكتور وهو يقول ارفعو الصقع الكهربائي ل 300
نطق الممرض :  ي دكتور صعب تقبل الموت بس البنت ماتتت
بعد الدكتور يد الممرض وباصقع الكهربائي صقع الريف بدا صوت نبضات القلب يرجع ناظر الممرض الجهاز وهو مصدوم ونطق : يالله يالله الي خلاها تموت للحظات وارجعها
ابتسم الدكتور يوم شاف نبضها رجع ، اخذ تنفس ونطق : بسرعه بسرعه حطو لها اكسجين
الممرضه بدت ترجع الاكسجين ع الريف ونطقت : النبض ضعيف ي دكتور
الدكتور نطق : زودو لها جرعه الابره لين نحصل متبرع
طلع الدكتور يبشر ملهم الي رفع يدينه ل السماء يحمد ربه
نظق الدكتور : ملهم لازم متبرع باسرع م يمكن
ناظر ساطي ب الدكتور وجت فكره بباله ونطق : اقدر اتبرع ي دكتور ؟
ناظر ملهم ساطي ونطق : بيض الله وجهك يولدي
ابتسم ساطي وهو يطبطب ع كتف ملهم نطق الدكتور : اكيد تعال نسوي لك الفحوصات
...
| عند عاصف |
وقف عند المستشفى وهو يركض بسرعه ويصارخ ببمرات المستشفى ، مسك ممرضه ونطق : وين المريضه الريف
الممرضه : ماعرف ماعندي معلومات عنها اسال الاستقبال
ترك عاصف الممرضه وهو يركض للاستقبال يسال عن الاسم
الموظفه : دقايق اشوفها لك
فتحت الموظفه جهازها وبدت تبحث وناظرته ونطق : مع الاسف المريضه توفت قبل شوي عظم الله اجرك
عاصف ناظر بصدمه وهز راسه ب لا : اكيد المعلومات عندك خطأ او لخبطه ب الاسم ممكن ترجعين تشوفين
الموظفه وهي تناظر الكمبيوتر نطقت : الريف بنت ملهم توفت
عاصف ناظرها وهز راسه ب لا وبدا يصارخ ب المستشفى ويضرب ممتلكات المستشفى
الموظفه : ي اخوي اهدى
كان عاصف مره منهار مو متقبل الفكره كفايه الخسارات الي بحياته اخذ الكرسي الي كان ع الارض ورماه ع الباب الزجاجي انكسر الزجاج ومسكت الموظفه راسها بخوف وهي تستدعي الامن
عاصف بصرااااخ : ماماتتتتتت هي م ماتتتتتت تسمعينيييي هي م ماتت
جاء ملهم ع صوت كسر الزجاج ناظر عاصف ونطق : عاصف
ناظر عاصف ملهم ويد عاصف كلها دم مجروحه ونطق وهو يشر ع الموظفه : هي م ماتت صح ي عم
ابتسم ملهم وهو يمسح دموعه نطق : ربي صحاها من الموت يولدي
ضحك عاصف في وسط انهياره فرح بخبر انها عايشه قرب من ملهم وحضنه ، حضنه ملهم وهو يشوف عاصف منهار تذكر وفاه برق شد ملهم ع حضن عاصف ونطق : بتقوم بالسلامه يولدي بتقوم
بعد عاصف عن ملهم وهو يمسح دموعه ومبتسم ناظر الموظفه ونطق : بصلح الباب لاتشيلون همه حتى لو تبون اسوي لكم مستشفى جديد
ابتسم ملهم وهو يشوف حب عاصف ل الريف ، مسك ملهم يد عاصف ونطق : خلهم يشوفون جرحك
عاصف وهو يبد يده : بخير بخير يدي ، رح انت خلك عند الريف ي عم انا بكون هينا اي شيء تبيه اتصل
ابتسم ملهم وطبطب ع يد عاصف ورجع ل الريف ، اما عاصف مسح دموعه واخذ نفس يحمد ربه انها عايشه قرب من الموظفه ونطق : وين دكتورها
الموظفه : دكتور احمد تحصل غرفته في الطابق الثاني
طلع عاصف ل الدكتور وفعلاً فتح باب غرفته ...
...
| عند ملهم |
كان واقف عند الريف وجاءه ساطي حاط له شاش ع يده سحبو دمه ابتسم ملهم ونطق : تسلم يولدي رغم انك م تعرفنا تبرعت
ابتسم ساطي ونطق : ان شاءالله تكون مطابقه لبنتك
ملهم : مادري وش اقولك حجز لساني اي شيء تامر فيه تراني حاظر وش تبي انت بس
ساطي : مابي غير الاجر ي عمي الاجر
ملهم ابتسم ونطق : بروح اشوف زوجتي وانت ارتاح لاتدوخ
طلع ملهم من عنده متوجه عند نجمه فتح عليها الباب وكانت تبكي وبيدها مغذي ونطق : اشششششش
قرب ملهم منها وحضنها ونطق : دموعس تحرق قلبي
نجمه : كيفها الريف
ملهم ابتسم وهو يمسح دموع نجمه ونطق : بخير وحصلنا متبرع والامور طيبه وبنتنا بترجع لنا
ابتسم نجمه : قول والله
ملهم وهو يبوس راس نجمه نطق : والله
نجمه : من المتبرع
ملهم : الولد الي جابك هينا
ابتسم نجمه وهي ترفع يدها ل السماء تدعي ل ساطي
اما ساطي كان خاايف من قصه التبرع ومتردد مره سواها بلحظه تكبر وتورط بها بس لزم انه يتبرع عشان يقهر عاصف
ملهم : ها ارتاحي انتي وانا بطلع اشوف الوضع
هزت نجمه راسها وطلع ملهم ، شاف الدكتور جاي جهت ساطي وقرب منهم ملهم ونطق : ها ي دكتور
الدكتور: معاد لازم نسوي تحاليل ساطي
ساطي ب استغراب : ليش ؟
الدكتور ناظر ساطي ونطق : حصلنا متبرع جاهز وتحاليله مخلصه من فتره ومطابقه ل الريف وناوي يتبرع والحين بندخله ع العمليات
ملهم ناظر الدكتور ونطق : منهو ذا الاجودي
ابتسم الدكتور ونطق : مايبي يصرح عن نفسه متبرع مجهول ادع له وبس
راح الدكتور من عند ملهم يجهز لنفسه للعمليه شويات ودخلها ، بدا الدكتور يغسل يده ونطق للممرض : جهزو الريف بعده ع طول
الممرض : حاظر
دخل الدكتور غرفه العمليات البارده وشاف المتبرع منسدح وجاهز قرب منه ونطق : جاهز ؟
عاصف ابتسم ونطق : لو تبي خذ كبدي كلها
ابتسم الدكتور ونطق : لو اعرف ان فيه متبرع مسوي تحاليله من اسبوع عشان يتبرع ل الريف خصوصاً كان من البدايه اختصرتها عليهم
اخذ الدكتور البنج ونطق : جاهز
عاصف : انا دايم جاهز
بنج الدكتور عاصف وبدت العمليه
.....
ننهي البارت هينا