صلو ع نبينا محمد عليه افضل الصلاه والسلام ....
__________
وجاء يطلع ثوبه شاف فستانها الازرق الي معلق مع ثيابه ابتسم وهو يشوف اخذ طرف الفستان يشتنشقه وكثر اشتاق لريحتها وصوتها بالبيت رغم م مر ع فراقها اربعه وعشرين ساعه ، طلع ثوبه وعلقه جاء وجلس ع السرير وهو يحط وجهه من بين يدينه ويتنهد بضيق
عاصف وهو ياخذ نفس نطق : اهدى ي عاصف اهدى كل شيء بوقته حلو
حط راسه ع المخده وبدت الافكار تجيه من كل جهه ، وقف ونطق : الواضح مالك نوم يولد برق
قام يطلع ثوبه ويلبسه ، اخذ مفتاح سيارته ورمى شماغه ع كتفه وطلع فتح باب سيارته وركب شغلها ومشى شاف الي طلع قدام السياره ، وبسرعه داس ع الفرامل ولف السياره مسك الدركسون بفجعه واخذ نفس نزل من السياره وبصراخ نطق : م تشوووف قدامك
ساطي ناظره ونطق : انت الي م تعرف تسوق
ناظره عاصف يوم عرف انه ساطي ونطق : لو عرفت انه انت الي قدام السياره م دست ع الفرامل
ضحك ساطي ونطق : يعني تبي تذبحني
عاصف ناظره ونطق : بعد من قدام السياره
ساطي دق رقبته وقرب من عاصف ونطق : شفيك متضايق ودك تشكي
ناظره عاصف وهو ماله خلق ساطي ونطق : بتبعد من طريقي ولا ادوس في بطنك هينا
ساطي ضحك ونطق : نو نو خلنا حبايب انا من حبي لك اسالك عن ضيقك ،" قرب ساطي من عاصف وهمس في اذنه " ليكون المزه الي بالمزرعه زعلتك
مسكه عاصف من ياقته وضرب فيه ع الكبوت ، وضحك ساطي وهو يقول : هوب هوب م قلنا شيء
عاصف رفع يده وضرب ساطي ، ونطق : طاااااااريهاااا ع لساااانك م تجيبه
رفع عاصف يده مره ثانيه وضرب ساطي ، وساطي يضحك ب استفزاز ل عاصف وعاصف عصبيته تزيد ويضرب اكثر ويطلع كل الي فيه ب ساطي ، وجه ساطي كان كله دم ومازال ساطي يضحك باستفزاز ل عاصف ، تجمعو رجال الديره عليهم وحاولو بفرقون عاصف عن ساطي وجاء راكان يركض ومسك عاصف وهو ينطق : هد هد اعصابك
قام ساطي من ع الكبوت وهو يضحك ويمسح خشمه الي صب دم ونطق : بس ذا الي عندك
عاصف والي كان بيهجم ع ساطي مسكه راكان ونطق وهو يكلم ساطي : مريض نفسي انت يولد ؟ فارق
واحد من شباب الديره مسك ساطي ونطق : تعوذ من ابليس وامش معي
راح ساطي وناظر راكان الديره الي متجمعه ونطق : خلاص انتهت الفعاليه امش امشو امش يعمي انت وياه يلا
التفت راكان ع عاصف الي اخذ شماغه من الارض ، وجاء بيبعد راكان ومسكه راكان ونطق : اركب انا الي بسوق
فتح عاصف باب سيارته الي جنب السايق ، وركب راكان عند السايق ، شغل راكان السياره وحرك ناظر عاصف ونطق : بتقول لي وش فيك
اخذ عاصف نفس ونطق : اذا قصدك ساطي استفزني كالعاده
راكان هز راسه ب لا ونطق : م اقصد ساطي اقصدك انت
عاصف : وشبلاي
راكان ناظره ونطق : انا اسالك وش بلاك مو انت الي تسالني
تنهد عاصف ، ووقف راكان عند بيتهم ونطق : انزل
عاصف ناظر راكان ونزل من السياره ، وراكان طفى السياره ونزل مع عاصف فتح باب البيت ودخل راكان ووراه عاصف
راكان : بجيب القهوه واجيك
عاصف والي جلس ونطق : لالا لاتجيب شيء مابي حاجه
راكان ناظر عاصف ونطق : طيب بجيب لك فراش
هز عاصف راسه وطلع راكان ، فتح باب الغرفه ع ساره الي كانت تذاكر وقدامها كتب نطق : ساره فزي جيبي فراش ل عاصف
ناظرته ساره ونطقت : عاصف ؟ وش جابه عندنا
راكان تنهد ونطق : وانتي وش تبين ي بنت الحلال سوي الي قلته لك وبس
تاففت ساره ونطقت : طيب اعصابك
راكان باستعجال نطق : اعجلي
قامت ساره تطلع ل عاصف فراش وراحت تعطيه ل راكان ، اخذه راكاه منها ونطق : وينها امي
ساره والي متكيه بيدها ع الباب نطقت : نايمه
راكان : اخذت علاج الضغط
ساره هزت راسها ب اي : اخذته
راح راكان من عند ساره متوجه ل عاصف
أنت تقرأ
ياسماء امطـري واعصفي الريـف
Romantizm" ياسماء امطري واعصفي الريف " "لاعبيني ياهوى والليل سامر لاعبيني ب اللحون السامريه🎶" حسابي انستا | llzix_2 كتبت بواسطه | مجد
