ياسماء امطـري واعصفي الريـف

Part:20

صلو ع النبي عليه الصلاه والسلام

______
الريف ابتسمت ونطقت : وش مسوي فوازو ؟
هدى : معلينا من فوازوو فكونا من طاريه جد خلوني اخذ الزعل صدق لو قلت لكم اعرفكم بتوقفون معاه
البندري ضحكت : اجل لاتقولين لنا سدي حلقك
هدى التفت ع الريف وهي جاهله كل الي صار هينا ونطقت : اييي كيف عاصف
البندري ناظرت هدى وتحاول تفهمها بالنظرات بس هدى مافهمت ، الريف وهي تناظر باظافرها نطقت : تطلقنا
هدى شهقت ونطقت : اوه
والبندري الي ودها هدى توقف الريف نطقت لها : وازيدك من الشعر بيت الاخت تبي تتزوج واحد ثاني ومن ديره البرق
هدى التفت عليها ونطقت : وشهووووووووو
البندري : كله بس عشان تقهر عاصف تدخل بتجربه ثانيه
الريف ناظرت البندري ونطقت : انا حره بحياتي وبالي اسويه وبالي اختاره انا ماربي حادني ع عاصف والي ابي اتزوجه بتزوجه
البندري تنرفزت ونطقت : اللهم طولك ياروح
هدى اخذت نفس وهي تحاول تستوعب الاحداث ونطقت : الحين انتي ماتحبين عاصف ووش صار شفيكم تطلقتو
اخذت الريف نفس وبدت تتكلم : بناتتت تركني تركني تفهمون وش معنى تركني قدر يتخلى عني بسهوله
البندري : طيب هو تركك عشان عمه مصلح وانه ظلمك !!
الريف ناظرتها ونطقت : يقدر يكلمني يقدر يعلمني يقدر يقول ي الريف كذا وكذا وكذا في الليل يحظني ويخليني بحظنه ولما اصبحنا جابني عند ابوي بدون مايقول لي كلمه وحده ! في الاخير اتفاجئ مع ابوي انه يبي يطلقني ! وكاني بضاعه عنده متى مابغى قال تعالي ي الريف متى مايبي قال روحي ي الريف متى مايبي يذلني ذلني متى ماتهواش طلع نفسه الصح وانا الخطأ انا عزه نفسي ماتسمح لي يروح عاصف ويجي عاصف غيره
هدى ناظرتها ونطقت : رغم ذلك حبتيه ؟
الريف ناظرتها وبكل شجاعه وقوه نطقت : حبيته الله يلعن قلبي حبه ارتحتو ذا الي تبغون تسمعونه احبه وللحين احبه رغم ذا كله احبه بس كرامتي فوق حبي له
قامت من عند البنات وطلعت وقفلت الباب وراها ، وهي ماسكه قلبها الي يدق وكانها طلعت كل الي بصدرها لهم
التفت هدى ع البندري ونطقت لها : من ذا الي خطبها وتبي تتزوجه
البندري اخذت نفس ونطقت : واحد اسمه ساطي لما كانت بتسوي العمليه وقف معانا وقبل امس جاء يخطبها بالبدايه رفضتتتتت ي هدى وامس قلبت الا تبي تتزوجه هفففف
حطت هدى يدها ع ظهر البندري الي قلقانه ونطقت : لاتقلقين عليها يكتب ربي الي فيه الخير لها
ناظرتها البندري ونطقت : ونعم بالله بس انا خايفه عليها خايفه بعدين ينجرح قلبها الحب مو هين يجرحك مصير عاصف يتزوج بعدين وهي بتكون معهم ساكنه بنفس ديرته وهي تحبههه ي هدى طيب لو تزوج م بتنقهر ؟ م بتغار م بتبكي حتى لو انها متزوجه قلبها مو مع زوجها تخيلي لو فواز تزوج وحده غيرك وانتي مع غيره وفي نفس الديره وتشوفون بعض كل يوم بتتحملين ؟ ولا حتى فواز بيتحمل؟ تحبون بعضكم بس منتم مع بعض
هدى من مجرد التفكير انخرشت وخافت نطقت : اعوذ بالله والله لانتفها تنتيف
البندري اخذت نفس ونطقت : ذا مقصدي انا افكر بالبعيد والريف مافكرت الا انها بس تبي تقهره
هدى اخذت نفس ونطقت : اختك لاحطت شيء براسها تسويه
البندري : اخبرها عشان كذا خايفه عليها
.....
دخل عاصف البيت فتح الباب ودخل رمى شماغه الي كله تراب من المضاربه ع طرف الكنب ، جلس وهو يمسح حاجبه الي نزل منه دم اخذ نفس وبيده تسجل صوت ابوه شغل صوت ابوه مره ثانيه يعرف كل الي بقوله ابوه بس يبي صوت ابوه يكون بالبيت شغله وترك صوت ابوه وانسدح ع الكنب بثوبه المدمر حط يده ع صدره وهو يناظر سقف البيت وصوت غمض عيونه ونزلت دمعه بخده من صوت ابوه خصوصاً اذا ابوه نطق وقال اسمه وقال يولدي ينطق عاصف لا ارادي هلا ، كان عاصف مايتمنى شعوره يحس فيه اي حد انك تكون بدون عائله صعببب صعببب جداً حتى لو الفلوس تطيح عليك من كل مكان حتى لو انك شيخ ل الديره كل ذا مايبيها كل الي يتمناه ويبيه جلسه بصوت امه وابوه جلسه مايشوف فيها الا هم ، فتح راكان الباب وهو يسمع صوت برق بالبيت قرب من عاصف الي مغمض عيونه على الكنبه بلع راكان ريقه صح راكان فقد ابوه بعد بس راكان عرف ابوه وجلس مع ابوه لعمر 20 ويعرف ابوه ويعرف ملامحه وامه تعوضه عنه وعنده ساره اخته لكن عاصف ؟ قرب راكان من عاصف وفتح عاصف عيونه وناظر راكان ونطق : راكان اطلع ابي اجلس لحالي شوي
راكان جلس ع طرف الكنب ونطق : ماراح اتركك قم واوقف ع حيلك وخلك عاصف القديم الي انا خابره !
عاصف جلس وناظر راكان ونطق : عاصف القديم؟ مات وانا اخوك
راكان : لا مامات شوفه قدامي قم يلا نطلع نسير
عاصف اخذ نفس ونطق : ابي اكلم مصلح واجيك
قام عاصف وطلع ، اخذ راكان شماغ عاصف ولحقه اول م طلع عاصف دخل مصلح عليهم ونطق عاصف : جيت بوقتك كنت بجيك
مصلح ناظره ونطق : انا جيت اتطمن عليك وماشي
عاصف : تعال
التفت له مصلح ونطق عاصف : برجع لك الشيخ
استغرب راكان وكذلك مصلح ونطق : انا ماستاهل وذا شيء حقيقي
عاصف ناظره ونطق : انا ماقلت لك انك تستحقه انا قلت ابيك ترجع شيخ الديره بس كل الحلال باسمي انت بس اسمك الشيخ ، وبيتكم ذا ومرتك لاشفتها وقالت حرف واحد وقتها انا بقلب عليها ذا طلبي لك انا مقدر اصير الشيخ
مصلح ابتسم ونطق : الي تبيه يصير ي شيخنا تبيني ارجع رجعت تبي اطلع طلعت
قال عاصف كلمته وطلع مع راكان ، ركب عاصف الشاص وجنبه ركب راكان شغل عاصف السياره وحرك دخل بطريق فاضي عشق القير ودعس البنزين لاخر شيء وبدا يطلع حرته بالتفحيط وكان طاره دخان السياره عبى الشارع وراكان ماسك في الباب ونطق : حيييي عيننننك ي شيخ
مشى عاصف بالسياره ع جنبب وبدا الدخان يتعالى بالشارع من السياره ، راكان كان يعزز له يبي يطلع حرته بالتفحيط وقف عاصف السياره وطفاءها اخذ نفس وهو يحط راسه ع الدركسون
ناظره راكان ونطق ؛ بتتزوجه ؟
عاصف رفع راسه ونطق : اذا مسكت ساطي صدقني بحطه تحت كفر السياره
راكان: هو عباله ينتقم في النهايه يحسبك اخذت حبيبته منه
عاصف التفت ع راكان ونطق : انا وشدخلني هي الي جتني حور هي الي جتني " حور كانت خطيبه عاصف القديمه " اذا هو يحبها من وهي صغيره انا شدخلني لو حبها كان صانها وماخلها تهرب من عند ابوها وتجيني تطلب الامان مني انا مو منه !
راكان بلع ريقه ونطق : الله يستر عليها البنت راحت الرياض تدرس وهو للحين في حال الانتقام
عاصف عدل جلسته ونطق : الريف تبيه ودامها تبيه الله يوفقها معه
راكان التفت ونطق : ماحاولت توقفها؟ وترجع لك
ضحك عاصف والتفت ل راكان ونطق : ترجع لي ؟ انت ماشفت الكره الي بعيونها لي ماسمعت الكلام الي يدور بقلبها وحقدها علي اذا هي تبي كذا تسوي الي هي تبيه
.....
~ بعد اسبوع ~
~ زواج الريف & ساطي ~
تحقق تحقق شيء ماتبينه تحقق شيء بهدف الانتقام تحقق شيء اجهل مصيره تحقق شيء ممكن يكون عذابي تحقق جحيمي افكار تراودني ليش سويت كذا ، سويت شيء ماكنت قده بس خلاص تحقق صحت ع صوت الشيخ الي نطق : الريف بنت ملهم هل تقبلين الزواج من ساطي ولد حاكم
بلعت ريقها وترددت بالجواب ترددت كثير ، كرر الشيخ السوال عليها : اكرر لك ي بنتي الريف بنت ملهم هل تقبلين الزواج من ساطي ولد حاكم
نطقت وداخلها ناررررر وحريق تشب في صدرها : اقبل
الشيخ : الف مبروك
قام الشيخ ووقف له ملهم يسلم عليه ويطلعه ، وانكتب الكتاب والليله زواجهم دخلت الريف وكانو يغطلون لها ومن ضمنهم ساره واماني رغم معرفه اماني بتبرع عاصف لها الا ان عاصف حطها بذمتها انها ماتعلم ولاتقول انه هو المتبرع ووفت اماني بوعدها ل عاصف رغم انها ودها تمسك الريف وتعلمها وتخليها تتراجع وكانت ام ساره من ضمن الموجودين عزمتها نجمه وتصالحو لبست الريف فستان ابيض بسيططط ضيق وطويل وفي يدينها ورد لونه ابيض وشعرها فاتحته وكان ويفي كانو يرقصون لها ويضحكون ويصفقون وهي جالسه وعقلها مع عاصف ، كانت ام راكان تناظر في الريف وشافتها مسرحه ودها لو تقوم وتعلمها كانت ام راكان فيها غصه فيها بكيه قلب عاصف الحين تحت الجمر قامت ام راكان وجلست جنب الريف ومسحت ع شعرها وهي مبتسمه ونطقت ام راكان : ماشاءالله ماشاءالله يالمزيونه
ابتسمت الريف رغم حزنها ونطقت : الله يسعدك
ام راكان وهي تمسح ع شعرها نطقت : ماتعرفنا زين انا خاله عاصف ام راكان
ابتسمت الريف ونطقت : انتي ام راكان
حضنت الريف ام راكان وسلمت ع راسها ونطقت : اعذرني ياخالتي ماعرفتك بس ونعم في ولدك ساعدنا كثير وقت كنت بالعمليه وساعد اختي البندري
كانت ام راكان ودها تقول وعاصف بس سكتت ونطقت : ظلمتي نفسك ي بنتي ظلمتي نفسك كثيرر يعيوني انتي وظلمتي عاصف معك
كانت الريف مهي ناقصه الا كذي هي شوي وتبكي وكلهم ضدها ، ونطقت بصوت فيه بحه : القدر ماجمعنا ي خاله والنصيب مهو نصيبنا ولاهو بيدنا الله يوفقه ببنت الحلال
" قالت اخر جمله بالغصب وطلعت مو من قلبها ماتتحمل شوفه عاصف مع بنت غيرها "
ابتسم ام راكان ونطقت : اذا كانت من قلبس وقتها قليها ي بنتي والله يوفقك واني ماتمنى لك الا كل خير
راح الليل والبنت يرقصون ل الريف رغم انهم مو مرتاحين الا انهم لازم يقوون الريف ويخلونها تنبسط ، خلص العرس ودخل ساطي ياخذ عروسته ويمشي وقت طلوعهم بدو الرجال يسلمون ع ساطي ويباركون له دخل عاصف لعرسهم وعلى جنبه راكان والجنب الثاني ممدوح ، وكان عاصف واقف بكل هيبه وبكل شموخ ومن كثر زين عاصف وهيبته وجسمه ماكان ساطي يسواه اصلاً ، كانو بنات ديره الريف يناظرونه من هيبته ومستغرين الريف كيف تركته واخذت ساطي قرب عاصف وهو يسلم ع ملهم ونطق : الف مبروك ي عم والله يوفق بنتك
ابتسم ملهم وهو يحس ان عاصف نار داخله ونطق : يبارك فيك
قرب راكان وسلم ع ملهم وبعده ممدوح، التفت عاصف ع ساطي ومسك يده ونطق : مبروكك منك المال ومنها العيال
لامس عاصف خده بخد ساطي ونطق باذن ساطي : لو عرفت انك ماذيها بشيء تشوف موتك
بعد عاصف عنه وابتسم ساطي ونطق في اذن عاصف : طليقها يوصي عريسها عليها عجيب
عاصف ابتسم ونطق : ومن قالك انها وصيه ؟ ذي تهديد
كانت الريف واقفه وراء ساطي وقلبها ينبض من شوفه عاصف وريحه عطره الي عجت عليها ، تقابلت عينه بعينها وهو يشوفها مع رجال غيره ماينكر الغيره الي بداخله والنار الي بداخله وكيف انه تشجع ودخل عرسها ؟ سوا ذا كله عشان يبين انه نساها وعشان ساطي يشوفه عادي عنده ولا ياذي الريف رغم ان الريف تركته الا انه كان خايف عليها منه بعد نظره عنها وطلعت ام راكان وساره واماني
ركبت اماني مع ممدوح وحركو ، وركب راكان ومعه امه وساره اخته ، وركب عاصف الشاص حقه وحركو وهو يمشي مع الخط وقف وهو معاد يقدر يتنفس وقف قريب من جدار وبغضب بدا يضرب بيده ع الجدار وضرب متكررر وهو يصارخ بكل حده نبرته ويده تصب دم ورغم ذلك يضرب فيها وهو معصبببب ، طاح ع الجدار ويده الدم مغطيها والشماغ طاح ع كتفه نزلت دمعته ونطق : كيف هان عليك كيف هان عليك تاخذين غيري ، انا ماهان علي ماهااااااااااااننننن كيفففف انتيييي قسيتيييي كذاااا كيفففففف كيفففف قسيتيييييييي وليتك رحتي مع رجال نشمي عنادك لوين بوصلك
اخذ شماغه يلف به يده ، مسح دموعه وركب السياره ونظق : عاصف هي الي اختارت فراقك واختارت تكون معه شلها من راسك يرحمممممم امكككككككك
......
| عند الريف |
كانت راكبه جنب ساطي وتناظر الطريق ، وساطي يسوق بالسياره والريف ابداً مالفت عليه ويدها ترجف قلبها كله خوف وصلو الفندق ونزل ساطي وفتح باب الريف ونطق : انزلي
بلعت الريف ريقها وهي خايفه وفمها يرجف ويدها ترجف ، مد ساطي يده لها ونطق : حطي يدك بيدي مشينا
ناظرته الريف وفعلاً حطت يدها بيده ونزلت معاه ، دخلو الفندق وكان ساطي يكلم الاستقبال وعطوه المفتاح ودخل الغرفه وهو يشغل الانوار نطق : تفضلي
بلعت الريف ريقها وسمت بالله ودخلت ، قربت من السرير وجلست وطلعت طرحتها ووردتها بين يدها الي ترجف قرب ساطي ببشته لها وابتسم ونطق : والله وطلعتي حلوه
كانت الريف ماتناظره ابداً، قرب منها وجلس جنبها اخذ شعرها يحط ورا اذنها وكانت تلف عنه وهي خايفه مسك دقنها ولفها عليه ونطق : ناظريني شفيك ليكون شفتي حبيب القلب قبل شوي ونسيتي انك ع ذمتي
بلعت الريف ريقها وهزت ب لا ماتوقعت من ساطي انه بيقول كذا ونطقت : انت زوجي الحين
ابتسم ساطي ونطق : صح زوجك يالحلوه
طلع ساطي بشته ورماه ع السرير وانسدح ع السرير وطلع الدخان يدخن استغربت الريف ، ووقفت الريف تطلع عبايتها بخوف منه كانت نظراته تخوف وهو يناظرها وطريقه كلامه كحت من الدخان الي عج بالغرفه وهي مسويه عمليه ونطقت : عادي ماتدخن ؟ انكتم
ضحك ساطي : شفيك ي الحلوه مسويه دلوعه فكي الشباك تنفسي
الريف بدت تخاف منه صدق ، فتحت الشباك وهي تتنفس من كتمته
كان ساطي يناظرها بخبث وكانه ناوي عليها نيه بس يلعب ع الخفيف
ونطق : يالحلوه
التفت الريف عليه ونطق : تعالي اجلسي جنبي
انخرشت الريف وبلعت ريقها ولاتبي قربه ابداً ، ونطقت : بروح الحمام
دخلت الحمام بفستانها وقفلت عليها ، وهي تتكي ع باب الحمام تحاول تاخذ نفس مهي محصلته غسلت وجهها بالماء وهي تناظر نفسها بالمرايه وبكت هي تعرف انه خيرها بس ماكان رغبتها
دق ساطي باب الحمام عليها ونطق : منتي ناويه تطلعين ؟
ماردت عليه الريف استغربت افعاله ، مادرت الا باب الحمام انكسرت انفجعت وصاحت ، ناظرها ساطي وهو في فمه الدخان ويبتسم ابتسامه تخوف نطق : طولتي علي يالحلوه قلت يمكن صارلك شيء
الريف والي تحسبه مجنون وفي مخه شيء نطقت : انت في مخك شيء ؟ وش يصير لي بالحمام
ساطي : نونو وش مجنون مجنون فيك يمكن ذي صح
الريف والي يدها ترجف نطقت : ممكن تطلع بلبس واجي
ساطي : البسي قدامي
الريف ناظرته بعلامات استفهام كثيره وانرعبت منه كثيررررررر : تمام اجلس انت بالحمام وانا بروح الغرفه البس
ضحك وطلعت الريف من عنده ، وهي ودها تذبحه

___
ننهي البارت هينا