ياسماء امطـري واعصفي الريـف

Part:14

صلو ع نبينا محمد عليه افضل الصلاه والسلام ....

______
وهو يناظرها : انتي تبتسمين ؟
الريف ناظرته ونطقت : لا ليش ابتسم
عاصف والي تكى بيده ويناظرها ونطق : عجبك الوضع ؟ تبين اشيلك دايم
الريف ناظرته ونطقت : هاهاها م يضحك ليش يعجبني الوضع بعدين؟
ابتسم عاصف ونطق : لالا عاجبك الوضع اعترفي
الريف : مالي خلقك بعد عني
مشت الريف من جنب عاصف ، ومسكها مع ظهرها وشالها صارخت الريف ونطقت : عاااااااصفففف
عاصف وهو يضحك : عاجبك الوضع
الريف والي ابتسمت ونطقت : نزلني
عاصف رمى الريف ع السرير وهي تضحك وارتمى فوقها ، ناظرها وهي تضحك ونطق بهيام بملامحها: تصدقين ضحكتك حلوه
الريف والي تحولت ضحكتها ل ابتسامه ونطقت : اعرف م يحتاج تقول
ابتسم وهو يشوف نرجسيتها ، بهدوء بعد وجهها عن يدها ونطق : يحق لك تشوفين نفسك
الريف عضت شفايفها باحرراج ونطقت : عنجد؟
عاصف هز راسه ب اي وهو مبتسم ونطق : الريف اسمعي
جاء عاصف بيتكلم بس جواله دق ، اخذ جواله ونطق : عمي يدق
الريف والي تبيه يتكلم ويقول الي يبي يقوله نطقت : رد
قام عاصف من عند الريف وهو يرد ع المكالمه، اما الريف والي تحس فراشات في بطنها بدت تنط ع السرير وتاخذ نفس انسدحت وهي تناظر السماء ونطقت : وش كان بيقول يربي ؟
دخل عاصف عندها واخذ ثوبه ، الريف ناظرته ونطقت : فين بتروح
عاصف التفت عليها ونطق : بروح مشوار قريب وبجي
الريف : بتتاخر ؟
عاصف التفت عليها ونطق : يمكن انتي نامي
هزت الريف راسها ونطقت : تمام
فتح عاصف باب الغرفه وطلع ، اخذ مفتاح سياره عمه ومشى متوجهه للعزبه وقف عند العزبه وقابله ممدوح
عاصف بخوف : وش العلم يولد
ممدوح : الحلال انسرق
عاصف : وشهوو من سرقه
ممدوح هز كتفه بمعنى مدري : الله اعلم
حك عاصف لحيته ونطق : كم
ممدوح : لحسن حضنا شافه السوداني واخذ ربع من الحلال
تافف عاصف ورمى شماغه ونطق : مارحت ابل ابوي صح؟
ممدوح : لاتطمن موجود
فتح عاصف شبك الابل ، وكانت في ناقه عزيزه ع ابووووه فتح الشبك وهي يحضن الناقه ونطق : الحمدلله
ممدوح ناظر عاصف وابتسم : محد يقدر ياخذها تطمن
عاصف هز راسه ونطق : باذن الله نصيد الي اخذ الحلال
ممدوح : نكلم الشرطه؟
عاصف هز راسه ب اي ونطق : دق اشوف
طلع عاصف من العزبه وممدوح وراه ، وكان الفجر بياذن انتظر عاصف عند الباب لين المؤذن اذن دخلو وصلو وبعدها ممدوح راح يشوف الشرطه وامور الحلال، عاصف رجع وهو بيدينه فطور من برا ، فتح الباب وترك الفطور ع الطاوله وفتح الغرفه ع الريف الي نايمه ع السرير ، قرب منها وهو يبتسم وتمدد جنبها وهو يناظر بملامحها مسك شعرها وهو بستنشقه ويدخله بصدره ، قرب وجهه منها وهو يبوس رقبتها تضايقت الريف بالنومه ولفت ع جنبها الثاني وهي تبعد شعرها من وجهها ، عاصف بهمس نطق : الريف
الريف بنعاس : همم
عاصف : جبت لك فطور
الريف والي فتحت عيونها وناظرته تثاوبت ونطقت : انت جبت لي انا فطور؟
عاصف ابتسم وهز راسه ب اي : جبت وموعد علاجك قرب لاتاكلينه ع معده فاضيه
ابتسمت الريف من اهتمامه وعدلت نفسها وحطت شعرها ورا اذنها ونطقت : كم الساعه
عاصف ناظر بساعته ونطق : 7 ونص
هزت الريف راسها ، وعاصف ناظر شعرها الي كان يوصل نص ظهرها ونطق : انتي قاصه شعرك؟
الريف ناظرت شعرها ونطقت : قصيت شوي منه امس اطرافه شلون لاحظت ؟
عاصف : لاعاد تقصينه حلو عليك الطويل
ابتسمت ونطقت : ع اساس الحين قصير!
عاصف : مو قصير بس للمستقبل لو تبين تقصينه
الريف ابتسمت ونطقت : ليش القصير بكون علي شين؟
عاصف هز راسه ب لا : مافي شيء عليك مو حلو ، بس انا احب شعرك
ابتسمت الريف وهي تحس بطنها فراشات قامت من عنده وهي خلاص معاد تتحمل تسمع كلام اكثر من كذا ! ، عاصف قام يطلع ثوبه ولحقها شافها تحطها الفطور
عاصف : بروح اجيب شاهي وبجي
هزت الريف راسها ، وطلع عاصف يجيب الشاهي مره من عند المجلس واستغرب من وجود حذيان في المجلس معقوله عندهم رجال وهو اخر من يعلم ، قرب من المجلس ع اساس يدخل وسمع صوت ضيدان الي نطق : عاصف مايشووف ملهم عدوه
مصلح ناظره ونطق : وانا وش بيدي حيله ي ضيدان؟
ضحك ضيدان : وش بيدك حيله ؟ طلعت منها ي مصلح يوم انك ضمنت كل شيء
مصلح : انا م ضمنت شيء ي ضيدان ، بس حاولت بعاصف بس هو م يسمع اي شيء
ضيدان: وابل ابوه اخذته؟
عاصف انصدم كيف عمه هو نفسه الي سارق حلالهم، رجع لوراء وهو يسمع كلامهم
مصلح : لا اخذت ربع الحلال ، قاعد احاول اخليه ينشغل عن دنياه بعدين انت وش تبي
ضيدان : ابي الفلوس نص بنص
مصلح : مالك عندي فلوس ولاشيء
ضيدان فز ونطق : لي ونص وبنسبه 50 بالميه تسمع ولا لا ي مصلح
مصلح : ترا عطيتك وجه ي ضيدان
ضحك ضيدان ونطق : م شفتك تقول عطيتني وجه وقت ساعدتك
مصلح : اضرب الباب ضيدان
ضيدان :اضرب الباب؟، صدقني لاضربت الباب لاقول لعاصف انك قاتل ابوه
عاصف والي يسمع الكلام ، صك ظهره ب الجدار وهو معاد يستوعب كيف كيف عمه قتل ابوه؟
مصلح بعصبيه : ماتسويها
ضيدان بنرفزه نطق : اسووويهااا اسوويها ، اقوله كيف انك حبيت امه وعشان اخوك اخذ ام عاصف انت خططتت تقتله بس بطريقه تضمن نفسك فيها تدري وش بقول له بعد ؟ انك ذبحت واحد من ديره الريف ، ومن الخوف والتمثيل الي سويته قدام برق قعدت تبكي وتترجى اخوك يشوف له حل بمصيبتك ، ووش سوى برق ؟ تبنى الجريمه واحكم عليه بالاعدام رحت لين ساحه القصاص وشفت رقبه اخوك تطير ولا رف لك جفن رغم انك تعرف انه م سوى شيء ، وعشان ملهم ضربك في ساحات القصاص انت حقدت عليه ووش سويت ؟ خليت جريمه اخوك ظلم ومن الظالم ملهممم وقمت تحرض عاصف طول السنين عشان ينتقم
مسك مصلح ياقته ضيدان وضربه ونطق : اوووصصصص تسمع لاعاد اسمع الكلام ذا ، انت ب وش تنقصني ؟ انت الي جبت الولد من ديرتك عشان اذبحه وانت الي ساعدتني احط التهمه على ملهم كل ذا لك يد فيه ي ضيدان
ضيدان ناظره وضحك ونطق : الفلوس نص بنص الباقي م يهمني دامك تسرق وتستفيد من عاصف طول السنين دوري استفيد من الي سويته ولا؟
عاصف طلع من المجلس وهو يفك ازرار ثوبه بخنقه ، يدور النفس صعب يحصله طاح ع التراب وهو الدنيا صارت سوداء قدامه كيف صار غبي طول ذا السنين ، ناظر السماء وهو يدور النفس نزلت دمعه ع خده من غبنته وقف ع رجوله وهو كانه جسم بدون روح ، مسح دموعه وفتح باب الملحق ، ناظرته الريف وفزت ونطقت : عاصف ؟
عاصف ناظرها ونطق : البسي عبايتك
الريف ب استغراب : عاصف وش فيه ؟
عاصف بصراخ خوف الريف : قلتتتتتت البسييي عبايتكككك
الريف خافت من عصبيته ، بدون م تتكلم راحت تلبس عبايتها طلع عاصف والريف معاه ركب السياره وشغلها وبقصى سرعه ب السياره يمشيها اما الريف كانت خايف ومتمسكه بالحزام ونطقت بخوف : عاصف هد السرعه
عاصف زاد السرعه اكثر ، الريف بصراخ والدموع بعينها : عااااااصفففف هد السرعه
عاصف ولا كانه يسمعها ومستمر ، لين حصلت نفسها ب ديره الريف ، وقف عاصف قدام بيت اهلها ونطق : انا واحد م استحقك
الريف ناظرته ب استغراب ونطقت : عاصف وش فيك امس كنا كويسين وش صار شفيك
نزل من السياره بدون م يكلمها ، فتحت الريف الباب ونزلت ولحقته فتح ملهم الباب وبدا يرحب يوم شافهم : ياهلا ياهلا ومرحبا اقلطو
عاصف ناظره ودخل الحوش ووراه الريف ، جت ام الريف الي مبتسمه وسلمت ع الريف
وناظرت عاصف ونطقت : عاصف كيفك ؟
ناظرت الريف عاصف الي نطق : بخير ، انا ماني جاي عشان اقلط
ناظروه كلهم والريف حاطه يدها ع كتف امها ومبتسمه لين نطق عاصف: ي عم انا اسف ع كل شيء جاءك مني ، وهاذي بنتك عندك وورقه طلاقها بتوصلها
التفت الريف بصدمه ، والكل انصدم من صدمه الريف
الريف والي بعيونها تعاتب وتقول ليش ، ناظرها عاصف وعيونه بعيونها وكانه بتاسف
فتح عاصف الباب بدون كلمه من احد وطلع ، ناظر ملهم في بنته الي دمعتها بانت وفتح ملهم الباب ولحق عاصف ، نجمه وهي ماسكه بنتها : يمه
الريف ناظرتها ونطقت بخنقه : يمه عادي ادخل
نجمه بعدت عن الريف دخلت الريف ، البندري والي سمعت كل شيء من شباك المطبخ لحقت الريف للغرفه ونطقت : ريفي
الريف التفت وهي تبتسم : هلا
البندري تشوف ابتسامتها المزيفه ونطقت : سمعت كل شيء
الريف والي طلعت عبايتها وابتسمت : يعني وش كنتي متوقعه عادي ذي نهايتنا بتكون
البندري مسكت الريف وحضنتها ونطقت : تكفيننن لاتكابرين
الريف حضنت البندري ومن حضن البندري انفجرت بكى ، شدت البندري بحضنها ل الريف
الريف وهي تبكي نطقت : ليش علقني فيه وراح
البندري وهي تمسح ع شعر الريف ونطقت : هو الخسران
الريف : ليش تقرب مني وبعدين خلاني ؟
البندريي وهي الي ماتدري وش تجاوبها نطقت : الله اعلم
الريف بعدت وهي تمسح دموعها ونطقت : ابي انام
البندري هزت راسها ونطقت : تمام نامي
طلعت البندري والي خلت الريف لاحلها لانها تبي تجلس لحالها، جلست الريف ع الارض ونزلت دموعها
...
| عند عاصف وملهم|
مسك ملهم عاصف من يده ونطق بصراخ : وش قاعدددد تسوي
عاصف والي بعد يد ملهم عنه ونطق : وش قاعد اسوي ؟ مو اخذت بنتك غصباً عنك ذي هي بنتك رجعتها لك
رفع ملهم يده وضرب عاصف كف ، لف عاصف وجه من الكف وباصبع تهديد من ملهم : بنتي مهي لعبه بيدك تاخذها متى م تبي وترجعها ، جايبها بدون م تدري انك بتطلقها كيف م فكرت بمشاعرررر بنتي ؟
عاصف ناظره ولمعت دموعه في عينه : انا واحد خسيس ونذل وكلب وغبي طيب ؟ واحد م حس بمشاعر بنتك ولاعرف ان عمه قتل ابوه
ملهم والي عرف انه جاب بنته الا لانه عرف ، نطق بصرم : واذا كان فيك هم تترك حبيبك وتروح؟ ، اي عمك قتل ابوك كذا تسوي ؟ كذا تضرب بنفسك يمين وشمال
صارخ عاصف : هااا هاااا وش تبيني اسوييييي ، عمي يكررهه ابوي سمعته باذني حتى انه م ندم انه سوا الي سواه ذنبك م يفرق ع ذنب عمي ي ملهم
ملهم ناظره ونطق : وش ذنبي
عاصف والي قرب منه ونطق : خليتني اخذ بنتك رغم انك تعرف مافي ثار
هز ملهم راسه ونطق : اي ، لانك ولد برق
عاصف ضحك من برود ملهم ونطق : بس لاني ولد برق ؟ م فكرت ببنتك ؟
ناظره ملهم ونطق : مازوجتك الريف الا لاني افكر فيها ، بس م توقعتك بتجي وتقول بتطلقها
هز عاصف راسه ونطق : اي بطلقها هي م تستحق ذا كله
فتح عاصف باب سيارته
ملهم ناظره ونطق : فين رايح
عاصف ناظره ونطق : عند قاتل ابوي
مسك ملهم الباب وقفله ، ودف عاصف عن السياره
عاصف بصراخ : وش تبي
ملهم : وش حركات الاطفال ذي الي قاعد تسويها ! ، كذا انت تتصرف بعقل ؟
عاصف : اي انا طفل وعقل عقل بزر
ملهم : طيب ي البزر بتسمعني وانت ساكتتتت
عاصف ضحك ونطق : وش ابي اسمع منك ؟ ، شخص عطاني بنته وخلاني احبها واتمناها زوجتي وبالاخير اعرف ذا كله ! كيف خليتني احب بنتك وانت خابر نهايتي جرح !
ملهم ناظره وبلع ريقه ونطق : الريف مالها ذنب ي عاصف بكل الي صار هي البرئيه
عاصف والي يضرب قلبه بهستيرى وانهيار نطق : الريف برئيه بس انتم ! انا تمنيت عيالي من الريف تدري ولا م تدري ! بدقايق بدقايق وحده انهدمت الاماني
ملهم بصراخ : م انهدمت الريف ع ذمتك ؟ انت الي الحين ترميها وتروح بعيد عنها
ضحك عاصف وهو يمسح ع وجهه ونطق : كيف تبيني اناظرها وانا كل يوم الومها ! ، انت اصلاً كيف سكتت كيف سكتت ولا قلت لي ولاتكلمت
ملهم ناظره ونطق : ان تكلمت بتصدقني ؟
عاصف ناظره وهو مجروح وهز راسه ب لا ، نطق ملهم : حتى العدو م يصدقه
عاصف وهو يحاول يبعد ملهم عنه : بعد عني بروح اتحاسب معاهم
دفه ملهم للوراء ونطق : تحاسب وش تقول ! ، ليش وليش وليش ؟ بينكر دامك عرفت الحقيقه اسكت لين الوقت المناسب
عاصف ناظره ونطق : الوقت المناسببب !!!
ملهم ناظره ونطق : في اشياء كثيره انت م تعرفها ي عاصف اشياء انت تجهلها
عاصف بصراخ : طيب طيب قووووول لي ذا الاشياء وريحني
ملهم مسك عاصف مع وجهه ونطق : لاهديت اعصابك تكلمت
عاصف اخذ نفس ونطق : هديت علمني
فتح ملهم باب سياره عاصف ، وركب عاصف يسوق وركب هو جنب عاصف
ملهم : يلا امش
عاصف التفت ع ملهم : وين اروح
ملهم التفت عليه ونطق : لاتسال واجد وشغل السياره وامش
عاصف تنهد وهو يشغل السياره ويمشي ، عاصف نطق : امشي ع عماي وين رايح ؟
ملهم : رح شمال الريف
مشى عاصف لين وصل شمال ديره الريف ونطق : هينا؟
ملهم فك الباب ونطق : اي هينا
نزل عاصف مع ملهم ، وكان المكان تقريباً يطل ع الديره كلها جلس ملهم ونطق : تعرف شيء
عاصف الي كان واقف ويناظره ، نطق ملهم : ذا مكاني انا وابوك لاتجمعنا نجي هينا ونجيب العزبه ونكشت
عاصف ناظره وجلس جنبه ونطق : كان يحب يكشت؟
ناظره ملهم وابتسم ونطق : كان مثلك بالضبط ي عاصف ، شكلك حركاتك رجولتك انا عشان كذا عطيتك الريف وانا مغمض
عاصف ناظره وابتسم ، تكلم ملهم : تقول تبي تعرف وش الاشياء الي تجهلها
هز عاصف راسه ونطق ملهم : الي م تعرفه ان جدك ابو برق ، مهو نفسه ابو مصلح
التفت عاصف بصدمه واستغراب ونطق : كيف؟
ملهم هز راسه ونطق : الله الله مو نفسه
عاصف : شلون مو نفسه وهو ماخذ قبيله جدي واسمها !
ملهم ناظر بمنظر الديره ونطق : عمك كان دايم يغار من ابوك ، كان ابوك ولد شيخ وهو ابوه ع قد حاله امهم وحده بس غيرته غالبته ، تدري ان ابوك يحب امك من وعمرها 3 سنين
عاصف ناظر والدموع بعينه وابتسم ونطق : من م يحب امي
ابتسم ملهم ونطق : كانت حب طفولته وامك تحبه بعد كانت قصه حبهم عظيمه ، اصلاً تعرفت ع نجمه من امك
عاصف ناظر وابتسم : كيف؟
اخذ ملهم نفس ونطق : يوم كان عمري 20 سنه انا وابوك رحنا السوق نشتري اغراض زواجه، قابلنا امك هناك كانت نجمه صديقه امك من بعد م شفتها عرفت ان قلبي لها
عاصف ناظر المنظر الديره وابتسم ونطق ملهم : مثل م قلبك ل الريف
عاصف ناظره ونطق : قلبي لها بس انا لا ، دام الانتقام طلع كذا ماقدر اخلي الريف تمشي ذا الطريق معي
ملهم ابتسم ونطق : سالتها؟
عاصف هز راسه ب لا ونطق : مابي اسالها عن شيء يضرها ، ابيك انت تحمي الريف مب انا وانا بطلقها واخليها تعيش حياتها
ملهم اخذ نفس وطبطب ع كتف عاصف : انا م راح اغصبك ع شيء بس اعرف قدرك انت والريف واحد حتى لو طلقتها
وقف ملهم بعد ذا الكلمه ، ومد يده ع عاصف مسك عاصف يده وقام ، طبطب ملهم ع يد عاصف ونطق : توكل ع الله
عاصف : اركب معي
هز ملهم راسه ب لا : انا عندي كم شغله هينا انت توكل
هز عاصف راسه وركب سيارته ومشى ، ناظر ملهم عاصف لين بعد عن المكان اخذ ملهم نفس وجلس
......
~ في الليل من ذاك اليوم ~