اللهم صلى وسلم ع نبينا محمد ...
_____
مامات عمي بسنه هي ماتت كانت مكتئبه ومقهوره وتدهورت حالتها الصحيه تنومت بالمستشفى 3 شهور وكانت خاله عاصف ام ساره معاها اربع وعشرين ساعه بس ربي م كتب لها تعيش وماتت
الريف بحزن شديد ع عاصف نطقت بقهر : الله يرحمهم ويدخلهم فسيح جناته
اماني اخذت نفس ونطقت : امين
الريف ابتسمت ونطقت : ووش صار معك انتي وممدوح
ابتسمت اماني بكل حب : اتشوق للحظه الي اصير فيها زوجته
ابتسمت الريف : الله يوفقكم يرب
اماني : امينن يروحي
قامت اماني ونطقت : اليوووووووم مافيه اي اعتراض بنطلع ونتمشى ونفلهاااا وتغيرين جو
ابتسمت الريف : وين اروح
اماني : نروح مع عاصف وراكان المزرعه ترا هناك ونااااسههه
الريف ابتسمت ونطقت : انتم روحو احس مالي داعي بينكم
اماني نطقت : انتي اول وحده بيننا تقولين مالك داعي ؟ اسكتي بس لاهبدك
اخذت اماني طرحتها وحطتها ع راسها وغطت وجهها ، وطلعت وشافت راكان وعاصف ع الدكه يسولفون ونطقت : عاصف
التفت عاصف ع اماني : سمي
اماني بدت تقول ل عاصف انهم يروحون ويغيرون جو والريف معاهم
عاصف وهو يهز راسه نطق : اي ابشرو ، تجهزو
راكان التفت ع اماني ونطقت : اماااانييي بالله سوي كيكه اليمون ونروح
ضحكت اماني ونطقت : ابو بطييين ، خلاص ابشر
عطى راكان تحيه ل اماني وضحكت اماني ودخلت ، وفعلاً بدت تجهز الكيكه بالمطبخ وتسوي اكل وقهوه وشاهي وكل م يطري ببالها شيء تسويه
دخلت الريف عليها ونطقت : وش تسوين
تكت اماني بيدها ع الدرج ونطقت : اجهز اكل ، ذي كيكه اليمون ل راكان وذي كيكه الشوكلاته لممدوحي
ضحكت الريف من كلمه ممدوحي ونطقت : وعاصف ؟
اماني ناظرتها وغمزت لها : خفتي م يكون له شيء
الريف وهي تنكر : لا وشدخل بس اسال
ضحكت اماني ونطقت : هو ياكل مع راكان
الريف قربت ونطقت : طيب اساعدس بشيء ؟
اماني : لاا روحي ارتاحي انتي خلصت اصلاً
الريف : بساعدس ي بنت وش تبين
اماني تلفت يمين ويسار ونطقت : اجل يحلوه اخذي مفتاح المستودع واخذي من المستودع فراش لونه احمر اتوقع وحطيه ب سياره عاصف
هزت الريف راسه واخذت المفتاح وطلعت للمستودع ، فتحت الباب الي كان قوي عليها بس بعد محاولات منها انفتح دخلت المستودع وهي تدور الفراش الاحمر بدت تدوره ع رفوف الدولاب شافته ب اعلى رف من الدولاب ، وطولها مو مناسب انها تلحقه بدت تنط اذا ممكن تاخذه بس بدون فايده ، ناظرت يمينها ويسارها شافت زي المركى يرفعها شوي اخذته وحطته وركبت عليه وهي تحاول ترفع نفسها تجيبه مسكته واخيراً جت بتسحبه وانزلق المركى من تحتها رجع ظهرها لورا وصارخت غمضت عيونها بخووف ، ومسكتها يدين تجهلها اخذت نفس وهي تفتح عيونها وتشوف عاصف الي مسكها من خصرها ناظرت بعيونه وعاصف بلع ريقه وهي قريبه منه كذا ، ع طول عدلها وبعد عنها ونطق وهو يحك لحيته : وش تسوين هينا
الريف استغربت منه ونطقت : كنت باخذ الفرشه
اخذ عاصف الفرشه من يدها وطلع بدون م يكلمها ، الريف ماعرفت ليش سوا كذا بس حسته يصدها حاولت انها م تهتم وطلعت وقفلت باب المستودع وراحت ترجع المفتاح ل اماني
شويات وكلهم طلعو جاهزين رايحين للمزرعه ، جاء ممدوح بسيارته بعد م دق عليه راكان وقفو وبدو يركبون الاشياء وممدوح انظاره ع اماني
قرب عاصف ومد له مفتاح السياره : هاك شغل السياره
ممدوح كان مسرح ويراقب اماني ، ناظره عاصف ورجع نظره لاماني وناظر ممدوح ولف وجهه للجهه الثانيه ونطق : صد وجههك لاصدك بكف
ممدوح تنحنح ونطق : م قصدت ، ابشر ابشر
عاصف : امش قدامي
حط ممدوح الاغراض وراح يشغل سياره عاصف ، جت الريف بتفك باب سياره عاصف م قدرت ونطقت : عاااصف
التفت عاصف الي كان يكلم راكان عليها ، ونطقت الريف : الباب مو راضي يفتح
عاصف التفت ع راكان ونطق : ها اركب مشانا
رجع عند الريف وفتح الباب لها ، ناظرته الريف وهي تحس منقهره منه ومن حركاته لها ركبت واخذت الباب من عاصف وقفلته بقوه ناظرها عاصف م اهتم وراح ساره والي كانت تمشي بالديره شافتهم وشافتها اماني
اماني : سارررهه
ساره التفت عليها ونطقت : هلا
اماني قربت منها ونطقت : تبين تروحين معانا للمزرعه؟
ناظرت ساره لهم وهي ودها تروح فعلاً ملت من البيت ، والريف كانت تناظر راكان قرب ونطق : اي اركبي نروح
ناظرته ساره ونطقت : تمام اجل كلم امي اني بروح معاك
راكان فك باب سيارته ونطق : عندي اركبي
ركبت ساره مع راكان ، ممدوح ابتسم وفك باب سيارته : اركبي طال عمرس
نزل عاصف قزازه سيارته ونطق : وين وين طال عمرك
ممدوح ناظر عاصف : كلكم ركبتو طيب بركب بنت الشيخ
ناظره عاصف ونطق : انت لاتشيل هم بنت الشيخ ، اماني اركبي معي
ضحكت اماني ونطقت بهمس : لما اكون حلالك وقتها اركب ، " التفت ع عاصف ونطقت " جايه جايه
ركبت اماني مع عاصف والريف ، ونطق عاصف : اركب اركب سيارتك طال عمرك والحقني
ممدوح وهو يفك باب سيارته نطق : سمم
ركب ممدوح وحرك عاصف ، ووراء عاصف مشى راكان ووراهم ممدوح
![](https://img.wattpad.com/cover/365354622-288-k916067.jpg)
أنت تقرأ
ياسماء امطـري واعصفي الريـف
Poetry" ياسماء امطري واعصفي الريف " "لاعبيني ياهوى والليل سامر لاعبيني ب اللحون السامريه🎶" حسابي انستا | llzix_2 كتبت بواسطه | مجد