ياسماء امطـري واعصفي الريـف

Part:23

صلو ع نبينا محمد عليه افضل الصلاه والسلام ...

___

اماني ضحكت ونطقت : طيب بعدي بشوف
الريف بنزفزه : وش تشوفين
اماني بضحكه : الولد
الريف : لاعيب وش بيقولون الرجال عنا يناظرونا
اماني ماتت ضحك وهي تشوف الريف تصرفها عرفت انه عاصف من ربكه الريف : اي اي صح عيب
مسكتها الريف ونطقت : اقول بس خل ندخل لايكثر

~ نقدم الوقت تعشو وخلصو صار وقت النوم ~
بدو البنات يجهزون فرشهم بينامون ، حطت اماني فراشها جنب الريف وساره جنب الريف والريف بنصهم ، كانو لابسين نفس البجامه مطقمين مع بعضهم طلعت لهم ساره فصفص ونطقت : منجدكم بتنامون ؟
اماني نطقت : اجل وش نسوي
ساره وهي تعدل جلستها نطقت : نحش
ضحكت الريف ونطقت : اذا بنحش بناخذ ذنب كل الديره
ضحكت اماني ونطقت : استغفرلله
بدو يسولفون ويضحكون ، ساره ناظرت اماني ونطقت : ماعلمتينا وش صار بشهر العسل
اماني ناظرتهم وعدلت جلستها ونطقت : اخخخ ي بنات يمكن انا اسعددد وحده هناك قسم حتى الارض احسه يرشها ورد
ابتسمت الريف ونطقت : يابعدي انتي تستاهلين اكثر من الورد
ناظرت ساره اماني ونطقت : ايوه ايوه كملي بعد يقول كلام رومنسي يمسك مع خصرك كذا يعني
ضربت اماني كتف ساره ونطقت : وجعاه ي البزر شذا الكلام
مسكت ساره يدها ونطقت : اهه وش بزر اسال عادي
الريف ضحكت ونطقت : عمرك 18 مو بزر؟
ساره : لاا " ناظرت ب اماني ونطقت " كملي
ضحكت الريف واماني ناظرتها ونطقت : بعد تبيني اكمل بنت فكري بالمدرسه واصص
ساره ناظرتهم وهي تفصفص ونطقت: لا انا قررت اترك المدرسه وادور فارس الاحلام
الريف وهي تاخذ من الفصفص حقها نطقت: ان شاءالله لقيتيه
ساره ناظرهم ونطقت : اي
شهقو اماني والريف بنفس الوقت ونطقت اماني : وشهوووو منهو ذا
الريف ناظرتها ونطقت : تستهبلين
ساره ناظرهم ونطقت : انتم تعرفون بالحب اكثر مني يعني اماني كلنا نعرف انك حبيتي ممدوح من وانتي صغيره والريف مايحتاج تقول تحب من نظارتها ل عاصف هي الي تقول
ضربتها الريف ع كتفها: مافي عاصف انسيه انا متزوجه الحين
ساره ماهتمت وهي عارفه ان الريف للحين تحب عاصف ونطقت : والله فارس الاحلام شفته مره ولاعاد شفته
اماني : شقاعده تقولين
ناظرتهم ساره ونطقت : بنات تخيلو مررره وحده شفت ولد بالثنوي مزيون ياخي واختفى ولاعاد شفته
الريف ضحكت ونطقت : وانتي حبيته كذا بس
ساره ناظرتها وضحكت : ماحبيته بس خقيت
ضحكو اماني والريف ونطقت اماني : مب صاحيه حسبتها عندها قصه حب
مدت الريف يدها تاخذ فصفص وهي تضحك وبانت الضربه الي بيديها مسكت اماني يدها ونطقت : الريف وش ذا
ناظرت الريف الضربه وسحبت يدها من يد اماني ونطقت : ولاشي كنت انظف وصكيت يدي بالغلط
اماني ناظرتها وهي تحس فيه شيء ثاني لكن صدقت الريف وعدا اليوم ونامو البنات
....
| عند العيال|
كانو سامرين وجالسين والشيبان نامو ، كان واحد من الشباب يعزف والعيال حوالين بعض والنار في وسطهم ويغنون مع بعضهم ويقولون اغنيه لخالد عبدالرحمن :
‎صارحيني .. منهو انا بدنيتك .. منهو انا بدنيتك ..
‎جاوبيني .. ان كنت فعلاً منيتك .. ان كنت فعلاً منيتك ..