ياسماء امطـري واعصفي الريـف

Part:19

صلو ع نبينا محمد عليه افضل الصلاه والسلام ..

________
ردت الريف : لا مابيه مستحيل اتزوج تمام
البندري شافت الريف تعبانه ونطقت : يبه مو كان الموضوع مو وقته خله بعدين نتفاهم الحين خل نرجع البيت
انتهى الفلاش باك |
مسحت الريف دموعها وطاحت الطرحه من ع راسها لكتوفها وخشمها حمر من البكاء ، وصوتها باح وهي تشهق دخلت البندري عليها الغرفه وانفجعت من بكاءها وناظرت بالسبحه المتناثره بالغرفه ركضت ل الريف وقربت منها وهي تمسح ع شعرها ونطقت : ريفي شفيك يعيوني
الريف اخذت نفس وحطت راسها ع صدر اختها ونطقت : احبه احبه يالبندري احبه
البندري خافت ع اختها وحضنتها ونطقت : اهدي يعيوني
هدت الريف بحضن البندري اخذت نفس وبعدت وهي تمسح دموعها ونطقت : انا بتزوج ساطي
البندري انفجعت ونطقت : وششش ؟؟؟؟ ريفي
الريف ناظر البندري ونطقت : بتزوج ساطي انا وافقت
بدون اي كلمه ثانيه من الريف وقفت الريف واخذت نفس وهي عند المرايه وبدت تحط مكياج تخفي انها بكت وقفت البندري تناظرها ونزلت دمعه من البندري وهي تشوف اختها تتعذب بقلبها مسحتها بسرعه ونطقت الريف : ابوي برا ؟
هزت البندري راسها ب اي وطلعت الريف ووراها البندري
..............
| عند عاصف |
ماسك خط وذهنه مشرد اخذ شماغه من ع راسه ورماه ع المرتبه الي جنبه وبقهر فيه بدا يصارخ وهو يضرب الدركسون والهواء في السياره قووووي ، بدا عاصف يسرع مع الخط وكل انواع المخالفات جته مسحه ع وجه بكفه ورجع ناظر الطريق لين وصل ديرته وقف عند بيتهم ونزل شاف عمه مصلح واقف عند الباب ، م عطاه عاصف وجه وجاء بيدخل ومسك عمه مصلح يده ونطق : عاصف لازم نتكلم
عاصف ناظره بطرف عينه ونطق : عن وش تتكلم
مصلح : عن كل شيء عن كل شيء
عاصف والي كانه جسم بدون روح نطق : عن كيف اخذت ابوي من يدي عن كيف موتت امي من قهرها عن كيف خليتني اعشق بنت واتركها ببساطه عن وش نتكلم
مصلح والي كان نادم اشددد الندم ونطق : يشهد علي الله مابغيت برق يموت ولا هي كانت نيتي
ضحك عاصف ونطق : وش هي نيتك
مصلح : ابوك انقص بدالي اعرف بس انا ماقلت له والله ، هو الي سواها من نفسه
عاصف : لانه رجال شجاع مايخاف من سيف ع رقبته عكسك
مصلح انحنى راسه ونطق : اعذرني ياعاصف
التفت عاصف ع السياره الي وقفت جنب بيت مصلح ونزلت اماني وممدوح منها ، اماني قربت منهم وهي تناظرهم وعرفت السالفه كلها من ممدوح ناظرت بعاصف ونطقت : طردت ابوي من بيتك؟
عاصف ناظرها ونطق : هو طلع منه بافعال يده
كان ممدوح واقف جنب اماني مسكها بيدها ونطقت : وش صار من بعدي
ناظرها عاصف ونطق : ان كاني للحين واقف مع عمي واهرجه ذا بفضلك انتي
قالها عاصف وداخ من عمليته الي تنزف ، مسكه عمه مصلح ونطق : عاصفف
كان عاصف مايشوفهم وطاح مغمى عليه ، ممدوح مسك عاصف مع مصلح ونطق : عااااصفف
كانو يجهلون سبب الدم الي ع ثوبه واغماءه ، مصلح بخوف حقيقي بقلبه نطق : فيه دم دخله دخله ممدوح
تساعدو عليه ودخلوه ودخلت اماني معاهم وهم خايفين عليه
ممدوح وهو يشق ثوب عاصف يشوفون سبب الدم ،ممدوح لف ع اماني ونطق : اركضييييي خلي راكان يجي
هزت اماني راسها وفعلاً بدت تركض بالديره لين وصلت بيت راكان وبدت تدقه فتح راكان الباب ووراه امه وساره الي منصدمين من الدق ، اماني والي تحاول تاخذ نفس من الركض
راكان بخوف : امانييي ! شبلاك
اماني والي اخذت نفس ونطقت : عاصف عاصف
راكان بدون اي كلمه ثانيه منها ركض وهو بسروال وفنيله يركض بالديره باسرع شيء ، اما ام راكان مسكت اماني ونطقت : وش فيه عاصف وش فيه
اماني والي نزلت دمعتها : مدري مدري
اخذت ام راكان عبايتها وهي تروح معاهم ، وكانو يستجعلون بخطواتهم دخل راكان ع عاصف وممدوح ومصلح
ناظره مصلح ونطق : وش مسوي عمليه ؟
راكان ناظره ونطق : تبرع تبرع بكبده
دخلت ام راكان واماني ع التبرع وكلهم جتهم صدمه انه تبرع عرفو انه تبرع ل الريف
قرب راكان منه ونطق : وش صار له ي ممدوح
اخد ممدوح نفس ونطق : اغمى عليه ، بس العم مصلح نظف العمليه
مصلح ناظرهم وهو كله دم ونطق : راكان رغم ذلك قم شغل السياره ناخذه للمستشفى نتطمن
ام راكان دخلت عليهم ونطقت : مستشفى وش هو يتنفس فيه نفس
مسكتها اماني ونطقت : يتنفس ياخاله هو بخير
مصلح والي ناظر ممدوح ونطق : ساعدني يولدي
تساعدو مصلح وممدوح ع عاصف ، وركبوه بسياره راكان وركبو معاه وانطلق راكان بسيارته باقصى سرعه ، كان مصلح راكب وراء ومسدح عاصف ع رجله كان مصلح فعلاً يحب عاصف صح حاول يسرقه واشياء كثيررره لكن مصلح شاف ان عاصف ولده ، نزلت دمعه من مصلح دمعه خووووف دمعه ندمممم دمعه قهرررر تلخبطت مشاعر بداخله مشاعر حقيقه يكنها لعاصف ، هو فعلاً يحب عاصف بدا مصلح يمسح ع وجه عاصف وهو دموعه تنزل بدا عاصف يفتح عيونه بالسياره ، مصلح ابتسم ونطق : عاصف
التفت راكان عليهم وهو يناظرهم ويرجع يناظر الطريق : صحى ؟
ممدوح والي لف عليهم وناظر عاصف ونطق : عاصف تسمعنا
عاصف والي بدا يصحصح ناظر عمه ونطق : ويني رايح
راكان : للمستشفى
قام عاصف لين جلس ونطق : مايحتاج رجعنا
مصلح نطق : اتركك عنك العناد وخل نروح المستشفى
عاصف ناظره ونطق : انا قلت ابي البيت رجعنا
راكان والي مايرد عاصف نطق : ع خشمي الي تبيه انت يصير
لف راكان السياره راجع ل الديره ، ناظر ممدوح عاصف ونطق : كيفك الحين
عاصف هز راسه ونطق : بخير
رجعو للبيت ووقفو السياره ونزلو ، ممدوح نطق : ترا عمي نظف عمليتك انتبه عليها
ناظرهم عاصف لما عرف انهم عرفو بالعمليه ونطق : لحد يدري عنها
مصلح ناظره ونطق : ملهم مايدري انك تبرعت
عاصف شد ع سنونه ونطق : مايدري ولا ابيهم يدرون سمعتوني
جت ام راكان تركض وحضنته وهي تبكي ، حضنها عاصف ونطق : ياخاله انا بخير
ام راكان : خوفتني عليك طيرت قلبي يامك انت
باسها عاصف ع راسها ونطق : بسم الله ع قلبك
راكان : يمه بعدي عنه شوي لايتعور
بعدت عنه ام راكان : بخير انت اكيد ؟
عاصف ابتسم : بخير
........
مرت ثلاث ايام ~
اعطت الريف موافقتها ع زواجها من ساطي رغم استغراب ملهم الا انه فضل انها تتزوج عشان تنسى عاصف ، كان الطرف المستفيد ساطي وصل ساطي مزرعه عاصف الي كان واقف وبيده سلاحه ويوصوب ع خشب وطلاقات ناريه متتاليه ، طلع ساطي سلاحه ومن وراء اطلق النار ع الخشب التفت عاصف وراه يشوف من الي اطلق النار وكان ساطي موجه سلاحه ع عاصف ، وجه عاصف سلاحه ع ساطي
وضحك ساطي ونطق : كيفك يولد برق
عاصف : كنت بخير لين شفتك وانسدت نفسي
كانو يتكلمون والاسلحه موجهه لبعضهم ، ساطي والي رفع يده بالهواء وسلاحه رماه ونطق : هد يبو الشباب انا جيت بس اعطيك كرت زواجي
شد عاصف ع سنونه بغضب يتملكه وده يفرغ الرصاص في راس ساطي ، ساطي ابتسم : قبل لاروح واشوف الشوفه الشرعيه قلت امرك يمكن تحتاج شيء واعطيك كرت زواجي يوم الخميس
وجه عاصف السلاح باتجاه راس ساطي ، ومن القهر اطلق النار لكنها شفطت راس ساطي بعد ساطي بخوف وهو يمسك راسه ، رمى عاصف مسدسه ع الارض ومسك ساطي من ياقته وبطحه ع الارض وبدا ينزل فيه ضرب ساطي يضرب وعاصف يضرب وكلهم تراب عاصف وهو يضرب في ساطي نطق : تحررررم عليكك الررريف تحرممم عليك تسمعني
ساطي كان يدفه وينطق : مثل ماخذت حبيبتي مني انا اخذ حبيبتك منك
سدد له عاصف ضربه ع فك ساطي ، يضربه وكانه مجنون وكان عقله طار من راسه ونطق : انتقامكككك مو بالررريف انتقامككك لي انااا
عطاه ساطي ضربه ع جبين عاصف ونطق : لاتخاف بحط الريف بعيوني
عاصف بعصبيه نطق : طاريهااااااااااا لايجيييي ع لسانكككككككك تسمعععععععع
بدا عاصف يضرب ساطي لين يمكن غير ملامح وجهه وهو يصارخ عليه بكل غضب ونطق : تسمع يابن الكلببب تسمعععععععع الرررررريف ماتقرب منهااااااااا
جاء مصلح ع صراخ عاصف الي طالع من المزرعه شافه هو وساطي يتصافقون كل واحد يصفق الثاني تسارع بخطواته وهو يفرقهم ويدف ساطي برا المزرعه ونطق : ديرتي تتعذركك
ساطي والي ينفض شعره من التراب نطق : بس ذي ديرتي ي شيخ
رغم ان مصلح اعطاء الشيخوخه لعاصف الا انهم لازالو يعتبرونه شيخ ، مصلح : تفارقها
طلع ساطي والتفت مصلح ع عاصف الي كان جبينه يصب دم ، اخذ عاصف مفتاحه الي طاح من جيبه وقت الضرب ، وهو ياخذ نفس بطريقه متتسارعه ناظر مصلح في عاصف كان مصلح يتعذذذب ضميره كان يشوف نفسه انه المسؤول ع ذا كله
قرب مصلح من عاصف وحط يده ع كتفه ونطق : انا اسف يولدي
التفت عاصف على عمه وبعد يده من ع كتفه وتجاهله ، فك باب الشاص جاء بيركب بس وقفته كلمه من عمه
مصلح : عندي امانه لك من ابوك
التفت عاصف وقفل باب الشاص وقرب من عمه ونطق : وشهو
مصلح طلع ظرف فيه شريط قديم صوتي شريط راديو ، اخذ عاصف الظرف من يده وفتح يشوف الي داخله ورفع انظاره لمصلح ونطق : وش ذا الشريط ؟
مصلح اخذ نفس ونطق : ابوك امني امانه وصدقني يولدي ان امانته ذي حطيتها برقبتي لين الان
عاصف : خل كلامك بسرعه وش ذا الشريط وش فيه
مصلح ناظره ونطق : ابوك قال لي اذا في يوم من الايام ولدي انجرح من بنت انجرح جرح حب عطه ذا الشريط ي مصلح وشوفني بعد 27سنه اعطيك اياه
كان برق يحب جميله مررره كانت قصه حبهم بالديره كلها انجرح من ذا الحب كثير
راح عاصف يركض يدور راديو زي المجنون ، وفعلاً حصل راديو داخل المزرعه اخذ الراديو و ع طول طلع الشريط ويده ترجف وهو يدخل الشريط في الردايو ماكان يبي يسمعه عشانه عن جرح " الحب " كان عاصف يبي يسمع صوت ابوه بس
وفعلاً اشتغل صوت برق الي كان خشننن وهيبه في الردايو بداها ب "السلام عليكم" كيفك يولدي عاصف ان شاءالله انك بخير وفي صحه وفي عافيه ان كانك تسمع ذا الصوت هذا يعني انك الحين تحب بنت وشكلها ابلشت قلبك " ضحك برق ومن ضحكت برق ابتسم عاصف " اسلجك ذا الشريط وانا في عز جرحي من امك ماعندي اي شيء اخففه عنك لاني ماخففت عن نفسي يولدي بس بغيتك تسمع صوتي وانت مجروح منها " اخذ برق نفس ونطق " انا ميت الحين ودي لو اني اكون معك ذا الفتره واسلئلك وش اسمها ؟ كيف مواصفاتها؟ وش حبيت فيها يولدي ؟ " ضحك برق ونطق " تدري امك ليش زعلانه مني لاني تبنيت جريمه اخوي لاتلوم عمك يولدي ذا عمك مصير كل اخو يدافع عن اخوه ومصلح صغير غلط غلطه عمره اعرف انه متعمد لما ذبح بس انا متاكد انه في الوقت الي انت تسمع فيه ذا الصوت ان عمك مصلح ندمان لاتوقف ضد عمك وانا ابوك ، تدري يبوك عندي رفيق اعزه بالحيل اسمه ملهم يمكن تعرف انت في الوقت ذا سمعت انه رزقه ربي ببنت سماها الريف " كان برق حس من ذاك الوقت ان عاصف بيحب الريف " كمل برق : ماقدر ابارك له ولا قدرت افرح من فرحته لاني بسجن ابيك تسلم لي عليه سلام حارررر وتقول ابوي عزك وهو حي وبيعزك وهو ميت
نزلت دمعه عاصف ومسحها وهو يسمع صوت ابوه ، كمل برق : لاتخلي قلبك يذلك يولدي عالجه من جرحه والبنت الي بقلبك باذن الله تكون من نصيبك " ختمها برق ب " واستودعتك الله الذي لاتضيع وداعيه
اختفى صوت برق من الغرفه وجلس عاصف مهدود الحيل حس لو وده يسمع صوته بالحقيقه حس لو وده ابوه جالس الحين قدامه تمنى ذا الشيء تمناه واجد
.............................
| عند الريف |
كانت جالسه تمشط شعرها وتناظر بالمرايه ، وهي تمشط بانسراح ماحست الا دخلت عليها هدى ونطقت بصراخ : هااااااااااااااي
فزت الريف ع صوت هدى ونطقت : هدىىى
قامت الريف تضم هدى وحضنتها هدى بقوه ونطقت : اوفففف ريفييي كيفك انتي بعد العمليه
الريف وهي حاضنتها نطقت : بخير بخير متى رجعتي
هدى : ذا الصباح
دخلت البندري ونطقت : شذا المفاجئه ياحيوانه بدون ماتعملينها
هدى اخذت نفس ونطقت : اسكتو اسكتو اليوم كله بجلسسسس عندكممممم
فرحو الريف والبندري لانهم اشتاقو ل هدى مره شهرين بدونها
الريف جلست ونطقت: ايي قولي لنا وش صار معك في شهرين العسل
بدت هدى تلعب بشعرها بحياء وخجل ونطقت : اخخخ ي بنات يذوبني يذوبني
ضحكت البندري وصكت هدى ونطقت : شدعوه اثقلي
هدى عدلت جلستها وتنحنحت ونطقت : انا متهاوشه معاه الحين فكونا من طاريه
الريف ابتسمت ونطقت : وش مسوي فوازو ؟
هدى : معلينا من فوازوو فكونا من طاريه جد خلوني اخذ الزعل صدق لو قلت لكم اعرفكم بتوقفون معاه
البندري ضحكت : اجل لاتقولين لنا سدي حلقك
...
ننهي البارت هينا